اجمل شوربة كريمة

آخر تحديث ب27 سبتمبر 2020 الثلاثاء 10:05 مساء بواسطة صلاح جابر

احلى شوربة كريمة

بصلة متوسطة متقطعة و مش مبشورة

فص توم مهروس واحد بس

علبة مشروم صغار او نصف علبة كبيرة

2 مكعب مرقة دجاج او شوربة الي عندها

ملح و فلفل اسود

ملعقة و نص دقيق ابيض

كريمة لباني او كريمة طبيخ =انا عن نفسي بستخدم الكريمة اللباني و لاني مش بلاقيها بالقاهرة فبجيبها من اسكندرية لكن الي مش عنده يمكن يستعمل كريمة طبيخ =او يجيبها من فتح الله

ملعقتين سمنة التحضير:هتحطي ملعقتين سمنة بحلة تيفال على النار و يا ريت حلة مش طاسة

و هتحطي البصل المقطع و التوم و تشوحيه بسيط اوي لغاية ما يدبل بس

ثم هتضيفي المشروم المقطع و تقلبي مدة دقيقتين

ضيفي الدقيق و بالتاكيد هتلاقيه ابتدي يعمل كتلة

فتضيفي بقي الشوربة او مرقة الدجاج و المية السخنة على طوول

و تقلبي كويس جدا جدا جدا

و ثم توطي النار و تسيبي المزيج يغلي لغاية ما المكونات تستوى

اطفي بقي النار و سيبي المزيج يبرد خالص

ثم فضي الخليط دة بقي بالخلاط و اضربيه

رجعي الخليط تاني للحلة و و لعي النار عليه و قلبي و يمكن يحتاج شوية شوربة كمان لانة يمكن يطلع تقيل منك

ضيفي الملح و الفلفل و لما يبتدي يغلي ضيفي الكريمة تاخد غلوتين و اطفي و بالهنا و الشفا

880 views