اختبار الحمل المنزلي ظهور خط خفيف

انا بقالي سنة متجوزة و البريود متاخرة يومين و نص كده
وعملت من ساعة كدة اختبار الحمل المنزلي بعد ما صحيت على طول و كنت نايمة حوالي 5 ساعات
وطلع خط تقيل عادي و التاني اللي هوة بتاع الحمل ظاهر بس خفيف جداااا بس بيتشاف يعنى
كدة يعني ايه؟
انا مستنية المعمل يفتح و هنزل اعمل تحليل الدم باذن الله بس دماغي هتنفجر بجد ياريت تطمنونى
يعني هوة لو مفيش حمل مش بيبان اي اثر للخط التانى؟
ولا يمكن يبان عادي بس خفيف حد يفيدني الله يكرمكم
وتحليل الدم نتيجتة اكيدة مية في المية يعني و لا فيه شك برضه؟
يارب اني طمعانة في فضلك و كرمك يارب

انا روحت المعمل و جيت يابنات بس التحليل مش هيبان نتيجتة الا تسعة و نص بالليل
روحت معمل البرج اللي في حلوان و همة قالولي كدة و ب 68 جنية باين
حتى و البنت بتاخد مني العينة بسالها هوة مش بيبان في نص ساعه؟
قالتلي لا دة اللي بيبان في نص ساعة دة اللي هوة بيبين ايجابي و لا سلبي و قالتلي دة مش موجود عندنا
واللي هيتعمل دة بيبين نسبة الهرمون بتاع الحمل و لو فيه حمل بيبين في الاسبوع الكام بالظبط يعني دة دقيق عن التانى
فتوكلت على الله و ادينا صابرين ربنا يعدي اليوم على خير
ها حد يعرف التحليل دة كويس و لا ايه؟

صورة اختبار الحمل المنزلي ظهور خط خفيف

صورة اختبار الحمل المنزلي ظهور خط خفيف

صور

  • تحليل الحمل إيجابي خط خفيف
  • ظهور خط خفيف جدا في اختبار الحمل قبل موعد الدورة
  • بارشام منع الحمل كويس
  • ظهور خط خفيف في اختبار الحمل بعد موعد الدورة
  • ضهور خط خفيف في اختبار الحمل المنزلي
  • ضهور خط خفيف في اختبار الحمل
  • صورة اختبار حمل بخط خفيف
  • خط خفيف في تست حمل
  • تحليل الحمل خط واحد غامق
  • ظهور خط واحد غامق في اختبار الحمل المنزلي ايجابي