12:50 مساءً الجمعة 26 أبريل، 2019

استحمام متكامل

بالصور استحمام متكامل 20160907 1351

 

اولا كدة في ثلاث خطوات اساسية سواء للعنايه ببشره الجسم او الوجه, هما:
1.ازاله الشعر اكيد كلنا عارفينها)
2.التقشير لازاله الخلايا الميته و الجلد الميت و البدء على نظافة)
3.التنظيف العميق لازاله الاوساخ اللي بتتراكم على الجسم او الوجة و فتح المسامات لتهيئتها لعملية الترطيب)
4.الترطيب ودي خطوه اساسية و مهمه جدا للحفاظ على عملية التنظيف عشان تغلق المسامات و تمنع دخول الملوثات, و ايضا لازمه اذا كنا عملنا تقشير)

دلوقتي ابتدي بقا معاكو,

اولا: ازاله الشعر الزائد حاجة كلن بنعملها لكن الاختلاف بس هو الطريقة اللي بنعمل بيها, يعني لو بنحب نشيل الشعرة من الجذور يبقي يا اما بينعمل بالشمع يا اما بالسويت يا اما بالسيلك ابيل او ما كينات ازاله الشعر المختلف الماركات.

 

لكن لو مش بنستحمل نشيلة من الجذور يبقي بنعمل بالكريم او ما كينات الحلاقه النسائية.

بالصور استحمام متكامل 20160907 282بالصور استحمام متكامل 20160907 282

ثانيا: التقشير دة عملية مهمه جدا, خصوصا اذا كانت طبيعه جسمنا من النوع اللي بيقشر او بتراكم عليه الجلد الميت, لكن اذا كنا من اصحاب البشره الحساسه يستحب بلاش تقشير او التقشير يكون براحه جدا, لان اصحاب البشره الحساسه بشرتهم بتلتهب من اي حاجة.

واذا كنا من اصحاب البشره الدهنيه التقشير مهم لانة بيعمل على تقليل الافرازات الدهنيه و اللي كلنا عارفين يا فتوكات اد اية بتبئي مزعجة, و كمان لو احنا من اصحاب البشره الجافة بتبئي مهمه لانة بيزيل الخلايا الميته اللي بتقشر من جسمنا و اللي كل اصحاب البشره الجافة بيعانو منها, اما اذا كانت بشرتنا عادية ودة احسن نوع من انواع البشره لانة بيوازن الافرازات الدهنيه في جسمنا فدة بيعتبر نوع من انواع العنايه الاساسية مش اكتر.

دلوقتي اتعرفنا على اهمية التقشير طيب اية النتيجة اللي ممكن نحصل عليها لو عملية التقشير دي تمت بشكل صحيح؟1.الافرازات الدهنية في جسمنا بتتوازن.2.ساعات يا فتوكات بيبقي بعد الحساسيه ما بتروح بيفضل مكانها كدة زي قشور, التقشير بيزيلها.3.لو احنا بطبيعتنا جسمنا غامق شوية, التقشير بيساعد على انه يفتحنا, لانة بيعمل براحه على انه يزيل الطبقات الاوليه من الجلد و دة بيساعد على انه بشرتنا تفتح و حدة و حده لانة طبقه الجلد السمره بتبقي اتشالت خلاص.4.ودي نقطه مهمه اوى, لازم لازم لازم بعد التقشير ترطيب عشان جلدنا ميلتهبش لانة الترطيب بيعطي طراوه للجسم ودة لسة هنتكلم عنه في خطوه الترطيب), و لازم التقشير يتعمل و الجلد مندي يعني يكون مبلول ميه, و ممنوع منعا بتا تقشري جسمك او و شك و هوا ناشف مش مبلول)

طب بعد الرغي الكتير دة يا عطر الجمال اذا نقشر جسمنا براحه من دون ما يسبب التهاب

 

انا اقولك يا فتوكة……….

 

كل فتوكه ليها طريقة بتحب تعمل بيها يعني في ناس بتستخدم منتجات معبئه و في ناس بتستخدم حاجات طبيعية, يعنى:لو انتي بتحبي تستخدمي الطرق الطبيعية احسن و سيله تقشير بتبقا هيا الملح, و انتي داخله تاخدي دش خدي في ايدك شويه ملح كده و بعد ما تبلي جسمك تدعكي جسمك بية لمدة 3 دقائق مش اكتر عشان جلدك ميلتهبش و بعدين تشطفي جسمك بمية عادى.

 

يا اما بنعمل بالمنتجات اللي في الاسواق اللي ما ليه الدنيا زي “نيفياNivea ” و ”اولاىOlay ” و “كلين اند كليرClean&Clear ” انا عن نفسي بحب اوي “كامينا شاور سكربCamina Shower Scrub ” بحسة فعال اوى, و كل منتج لية طريقة استخدام مكتوبة عليه.

بالصور استحمام متكامل 20160907 284بالصور استحمام متكامل 20160907 284بالصور استحمام متكامل 20160907 284

ثالثا: التنظيف واكيد مش محتاجة اشرح اية التنظيف ده!!!!! انما هشرح طرق التنظيف السليمة.

 

انا عن نفسي شايفه التنظيف لازم يبقي بعد مش قبل التقشير لان خلاص الجلد الميت بيكون كلو نزل و مش محتاجه غير انك تنظفي جلدك بعمق, لانك هتشيلي كل الاوساخ المتراكمه و المتبقية دي و هتحسي بانتعاش في جلدك, انما طرق التنظيف هيا اللي بتختلف من فتوكه للتانية.

في فتوكات بيستعملو صابون عادي و دول اللي دائما بيلجئو للوسائل الطبيعية زي التقشير بالملح, لكن في فتوكات بيحبو المنتجات الاكثر فاعليه و بيستعملو الشاور جيل مثلا, في انواع كتير بردو من الشاور جيل احسن نوع “دوف “Dove بجد هتحسي معاة بالفرق.

 

و في التنظيف الناعم بالليفه الناعمه و التنظيف الخشن بالليفه الخشنة, يعني انا بستحمي كل اسبوع بالليفه الخشنه عشان التنظيف العميق الفعال.

وكل يوم الصبح باخد شاور بالليفه الناعمه اللي بس بتساعد الصابون او الشاور جيل على انه يترغي يعني كل اسبوع نحط صابون او شاور جيل على الليفه الخشنه و ندعك جامد, و الشاور بقيت الاسبوع بالليفه الناعمه و ننزل الصابون او الشاور جيل على بقيت جسمنا, و عموما دي حاجة بترجع لكل فتوكة. و خطوه التنظيف دي بتاخد مننا من5 ل7 دقائق سواء بالليفه الناعمه او الخشنة.

بالصور استحمام متكامل 20160907 287بالصور استحمام متكامل 20160907 287بالصور استحمام متكامل 20160907 287

رابعا بقي يا ستي و اخر حاجة: الترطيب و دة عشان جسمنا يتلطف و ينعم و يبقي كدة زي جسم النونو الصغنون و لو احنا عملنا تقشير لازم الترطيب عشان جسمنا ميلتهبش و تلاقية كدة اتلطف مكان ما عملنا التقشير لكن لو احنا نظفنا جسمنا على طول من غير تقشير فاممكن نرطب جسمنا و ممكن منرطبوش براحتنا.

 

عموما دة بقي يا ستي بنستعملة “بودي لوشنBody Lotion ” اي نوع في بقي انواع كتيييييييييييييييييير في السوق اي ما ركه تجميل ليها نوع لوشن.

لو انتي متعوده ان انتي دائما بتاخدي الشاور بتاعك الصبح يبقي تحطي بودي لوشن بيحتوي على “عامل حماية من الشمسSPF ” عشان يحميكي من الشمس لو انتي خارجه و بردو في انواع كتير زي “نيفياNivea ” و ”لوناLuna ” و ”ايفاEva ” و انا شخصيا بستعمل “دوف “Dove.

اما لو انتي متعودة انك تاخدي الشاور بتاعك باليل فاتستخدمي لوشن عادى.

 

لكن بالنسبة للطريقة الطبيعية فا في ناس بيقولو دعك الجسم بزيت زيتون, لكن عشان اكون امينه معاكو عمري ما جربتة خالص.

 

بناخد حبه من اللوشن او الزيت على ايدينا و ندعك جسمنا كويس و عملية الترطيب دي بتبقا اكيد و الجسم ناشف مش مبلول يعني بعد التنظيف ننشف جسمنا كويس بفوطه نظيفه و بعدين نحط اللوشن.

 

و الوقت المستغرق حوالي دقيقتين بس عشان دعك اللوشن على كامل الجسم.
بالصور استحمام متكامل 20160907 290بالصور استحمام متكامل 20160907 290بالصور استحمام متكامل 20160907 290
اختصار الموضوع الخطوات سريعا:

الطرق الطبيعية(بعد ازاله الشعر):
1.التقشير عن طريق الملح لمدة 3 دقائق.
2.التنظيف عن طريق الصابون العادي لمدة 7 دقائق.
3.الترطيب عن طريق و صفه طبيعية لمدة دقيقتين.

 

(ممكن تسالو هنا في المنتدى عن و صفه طبيعية لو مش و اصقين في حكايه زيت الزيتون دى)

او

استخدام منتجات في الاسواق(بعد ازاله الشعر):
1.التقشير عن طريق المقشر المفضل لينا لمدة 3 دقائق.
2.التنظيف عن طريق شاور جيل احنا بنحبه لمدة 7 دقائق.
3.الترطيب عن طريق لوشن مفضل لدينا لمدة دقيقتين.

وبكدة الموضوع كلو خد مننا 12 دقيقة او 15 دقيقة كحد اقصى, و مش 15 دقيقة زياده, لا دول 15 دقيقة استحمام و في نفش الوقت عنايه بالجسم.

بالصور استحمام متكامل 20160907 293بالصور استحمام متكامل 20160907 293بالصور استحمام متكامل 20160907 293

وكدة خلاص يا فتوكات الموضوع خلص خلاص و انتظروني في موضوعي القادم و هو العنايه بالوجه, و لازم التقييم عشان محسش ان مجهودي راح هدر بعد ما اعدت اكتب لحد ما ايدي و جعتنى.بالصور استحمام متكامل 20160907 296

 

  • استحمام بمية ملح
217 views

استحمام متكامل