11:28 صباحًا الجمعة 16 نوفمبر، 2018

اشعار قصيرة روعة


لاتشتكي للناس لاضاق صدرك ….

الناس ماتملك مسره ولا ياس
الناس مثلك حالهم مثل حالك….

والكل من مر الليالي شرب كاس
ولا تحسب انك بالتعاسه لحالك….

اعرف ترى عايش معك بالشقا ناس

ارجي السنين المقبله تنصف الحال … عقب السنين اللي مضت لي حزينه
مشيت كل دروب الايام رحال… طال الشقا والحزم طالت سنينه
وكل من نشد ويقول وش هي الاحوال… اجامله بالرد واقول زينه!!

بحجز على لندن تذاكر وترحيل ….

واخذ بدل هالقلب قلب صناعي
قلب صناعي مابه احساس ويميل ….

وطيفته للدم يعطي اندفاعي
والقلب الاول ارسله لك بمنديل ….

واقول خذ هذا السبب في ضياعي

بعض العرب من جور الايام مجروح….

وبعض العرب دله وسالي ومرتاح
مرتاح ماشاف الطباشير واللوح ….

ولا راح وقته بين تحضير وصياح
حصه نشاط وبالتعاميم مذبوح ….

وبين الاحتياط وبين الاشراف سواح

خزنت لك بالقلب عشره ملايين….

ماهو رصيد فلوس لكن موده
زكاه حبك هي غناه المساكين….

من الساحل الشرقي الى حد جده
بمشي معك والله على العسر واللين ….

الموت والمقسوم ماحد يرده

ابيك تدري صوتك العذب لاغاب ….احس نفسي تنكسر من غيابه
كذا غيابك للحزن يفتح ابواب….

غصب علي البس شقاه وثيابه
ادمنت صوتك وان تثيقلت كذاب ….

من يعشقك لاغبت يفقد صوابه

محد يشق القلب من غير تفكير ….

حتى الكاتر ترتجف ثم تحتار
الحب يشق القلب من غير تخدير ….

ويبني قصور بداخل القلب وانهار
هذي نصيحه قلتها بصدق وتعبير ….

وارسلتها للي حافظن كل الاسرار

!

لا لاتلوم القلب يوم انه اغلاك….

وش حيلتي مدام قلبي عصاني
غصب علي قلبي يوديني هناك….

جيت اشتكي لك من عذاب الزماني
ياروح روحي وش حياتي بلياك….

لاشفت زولك ارتبك في مكاني

ان غبت عني تظلم الدار والحي … وان غاب غيرك ماعسرني غيابه
انا بدونك زهره مالها ري….

بين الهشيم وتستغيث بسحابه
مصفره الاوراق مقطوعه الفي …يبكي لها سيح الشام وهضابه
النار تكوي ضامري كي… والفكر متشتت وفاقد صوابه

كان الوفا ينجب رجاجيل وعيال عز الله انك واحد من رجاله

وقفت لعيونك على طول طولي محد عطيته من الغلا نص ماجاك

اقول في نفسي وانا اعايد الناس متى بشوفك تكمل افراح عيدي

لو نظرت بعين قلبك شفتني مامعي مخلوق يستاهل غلاك

اموت حسرهوقهرلوانت تنساني وارضى اعيش بسجن بس انت سجاني

فقع قلبي ثقل طينك ومع شينك طويل لسان تغلىليش من زينك تحسبك قايدالغزلان

رسالتك لي فجرت في قلبي الشوق وزاد الحنين لشوفتك ياحياتي

اطلب تدلل بس لا تطلب الشوف وشلون اشوفك وانت ماخذ عيوني

عمر المسافه ماتعيق المحبين ويبقى الغلا والشوق ولوهم بعيدين

اشهد انك رفيعه ذوق حساسه..واشهد انك ارق الناس واطيبها!!

انت القمر والا القمر صورة منك والا ان ربي خلق منكم اثنين

خذ عيوني معك لا نويت تغيب بعدك مافيه من يستاهل اشوفه

يازين صوتك لامر بين الاسلاك وشلون لاجا مع الصوت صوره

ياليتني جوالك وتضمني بيدينك واقرب من الشفه وابوس خدينك

يا وليف الروح لو طال الغياب لا تظن انك عن الخاطر تغيب

حاولت احبك زود عن الناس واثري نسيت الناس من زود حبك

ليت الفرح في دنيتك دايم الدوم وليت الحزن لاغاب طول غيابه

يمك حداني الشوق ماني مخير واللي حداه الشوق معذور لو صاح

امر تدلل بس لا تطلب الشوف وشلون اشوفك وانت ماخذ عيوني

ارسل لغيرك والرسايل تجي فيك كن الرسايل حالفه ماتخونك

قدرك كبير وصحبتك ترفع الراس فوق الغلا تملك وسام الصداقه

ناس لها بالقلب حشمه وتقدير وناس تجي وتروح محد فقدها

مقدر اقاوم لحظه البعد ونساك شف دمعتي من طاري البعد سالت

عاده العيد يفرح به الناس وانت عكس الناس يفرح بك العيد

كان الوفا ينجب رجاجيل وعيال عز الله انك واحد من رجاله

وقفت لعيونك على طول طولي محد عطيته من الغلا نص ماجاك

اقول في نفسي وانا اعايد الناس متى بشوفك تكمل افراح عيدي

  • اجمل اشعار قصيره
  • اشعار روعه
  • شعر صحبتك ترفع الراس
283 views

اشعار قصيرة روعة