5:07 مساءً الثلاثاء 18 يونيو، 2019

اشهی اكلات رمضان منال العالم

طريقة عمل الديك الرومي محشي بطريقة منال العالم
نقدم لكم اشهى و اجمل و صفات و اكلات منال العالم من خلال منتدى انوثتك ,, ان شاء تعجبكم
اول حاجة سيبتة يفك براحتة خالص في مية و شويه ملح صغيرين علشان ميتهريش و بعدين خلطت ملح و دقيق و خل مع بعض و غسلتة بيهم كويس من جوة و من برة و سيبتة منقوع فيهم ربع ساعة علشان اي زفاره و بعدين غسلتة كويس

ركزوا بقي علشان احنا حنعمل مقادير لتلات حاجات مختلفة الصينية اللي هنسوي فيها – الحشو – تتبيلالديك
الصينية الاول هنقطع بصل حلقات و جزر شرايح سميكه لو عايزه و انا محطيتهاش لان جوزي مش بيحبه و معاهم بقدونس و كسبره و شبت مفرومين و 10 فصوص توم مقطعين شرايح لو مفيش يبقي مفروم زي ما نا عملت و ميه تقريبا تلت الصينية و نسيبها على جنب

صور اشهی اكلات رمضان منال العالم

الحشو بقي
انا الديك بتاعي كان صغير تقريبا 4 كيلو لو اكبر من كدة هتضاعفي الكمية
1/22 اتنين و نص كوب رز مصرى
1/2 كيلو كبد فراخ و ممكن معاها قوانص و هنقطع معاها الكبدة و القلب بتوع الديك
1/2 معلقه كبيرة بهارات – 1/2 معلقه كبيرة زعتر ناشف
1 معلقه صغيرة قرفه – 1/2 معلقه صغيرة حبهان – و رقتين لورا مقطعين صغير
1 معلقه كبيرة ملح – 1/4 معلقه صغيرة فلفل اسود
1 معلقه صغيرة كمون – 1 معلقه صغيرة كزبره ناشفة
1/4 كوب زيت ذره – 1/4 كوب زيت زيتون
2 بصله كبيرة مفرومه – 3 فصوص توم مفرومين
1 قرن فلفل اخضر مقطع مكعبات صغيرة
1/2 طمطمايه مقطعة مكعبات او فلفل اصفر و احمر حلو بدالها)
بقدونس و شبت و كزبره مفرومين ربع كوباية
1/4 كوباية زبيب – و لو عندك مكسرات و حبيتي تحطي ما شي لوز و صنوبر)

هننقع الكبدة في خل و فلفل اسود علشان الزفاره ربع ساعة و نغسلهم و نقطعهم
و ننقع الرز نص ساعة و نصفيه
هنسخن الزيت الذره و الزيتون و نشوح فيه البصل و التوم و اول ريحتهم متبدي تطلع نقلب معاهم الكبده تقليبه و بعدين نقلب عليهم الفلفل الرومي و الطماطم و البقدونس و الشبت و الكزبره و نقلب كويس و بعدين نضيف الرز و نقلب كويس و بعدين نص كميه البهارات بس و نقلب كويس و نحط مية يدوب تغطية و نوطي عليه يدوب يشرب ميتة و نطفي عليه
بعد كدة هنقلب عليه الزبيب و المكسرات لو استخدمناها

صور اشهی اكلات رمضان منال العالم

على الرز ميستوي نص سوا هنتبل الديك بتاعنا

2/1 كوبايه زبدة – 1/2 معلقه كبيرة ريحان مفروم
2/1 معلقه كبيرة زعتر ناشف – 1/2 كوبايه عصير ليمون
2/1 معلقه كبيرة بشر ليمون – 5 فص توم مفروم
باقي البهارات بتاعتنا – 1 معلقه صغيرة شطة


هنقلب كله على بعضة و ندهن بيهم الديك كويس قوي من جوة و من برة و من تحت الجلد بس نفتح من تحت الجلد من ناحيه الرقبه مش و لو فضل شويه من اللتتبيلة دي منرميهاش هنسيبها و نرشها على الديك بعد منحشية .

 

هنحشي الديك بخلطه الرز بتاعتنا و منكبسهوش قوي علشان الرز لسة هيزيد حجمة شوية و نضم رجلية مع بعض بفويل و نشيلة هيلا بيلا و نحطة في الصيبنيه اللي مجهزينها من البداية بحلقات البصل و نرش باقي التتبيله و المية اللي في القالب المفروض تبقي و اصله لنص الديك على الوش و نغطية بفويل و نحطة في فرن عالي جدا لمدة ساعتين و نص لتلات ساعات انا خد معايا 3 ساعات علشان يبقي مستوي كويس و نبص عليه كل شويه لو الميه نشفت شويه نسخن مية و نزودة و بعدين دقيقتين تحت الشوايه و ريحتة كانت رووووووووووووعة و الصوص بتاعة كان جامد جداااا.

وادي صورة المرحووم ….

انا معملتش معاة رز لاننا اكتفينا بالرز بتاع الحشو و عملت معاة سلطة خضرا و بسلة بالجزر و سلطة زبادي و بردة انا اللي عاملة الزبادي في البيت ……..

 

و بس خلاص

وصورة جماعيه …….

وكمان واحدة علشان خاطركوااااا……..

=============================

اكلات منال العالم, طريقة عمل كفته الجمبري من مطبخ منالالعالم

نقدم لكم اشهى و اجمل و صفات و اكلات منال العالم من خلال منتدى انوثتك ,, ان شاء تعجبكم

المقادير و المتطلبات:

١ كيلو جمبرى
٢ بصلة متوسطه
١ كوب رز مغسول و منقوع لمدة ساعتين
٦ فصوص ثوم مهروس
١ م-ص بقدونس
١ حزمه شبت
١ م-ص كزبره خضره المحشي المعتاده
١ م-ص ملح
١ م-ص فلفل اسود
١ ثمرة فلفل حار
١ م-ص زعتر
٢ فص حبهان مطحون
نصف م-ص قرفه
١ ثمرة ليمون

الوصفة:

طريقة عمل كفتة الجمبري
يقسم كيلو الجمبري الى نصفين
ثم نقوم بفرم الخضره مع جزء من الجمبري الحبات الصغيرة
و ايضا الارز و البصل و الثوم و التوابل تفرم كلها في ما كينه فرم الكبة الكهربائيه حتى يتشكل خليط مثل الكفته
و من ثم يتم مزج خليط كفنة الجمبرى مع الجزء الاخر من الجمبرى الاكبر حجما
ثم تشكل عجينة كفتة الجمبرى حسب الرغبه
ثم توضع في صحن به قليل من الدقيق و من ثم تقلى في الزين الساخن حتى النضج


348 views

اشهی اكلات رمضان منال العالم