4:22 صباحًا الأحد 18 نوفمبر، 2018

اضرار وفوائد الحقن الوش بالفلير


صور اضرار وفوائد الحقن الوش بالفلير

 
هتكلم عن البوتوكس والحقن بالفيلر،

وامتى نبدا نستخدم العلاجات دي..

وازاي نحافظ على بشرتنا في سن مبكره.

ايه هو البوتوكس

البوتوكس هو مادة بتستخدم في حقن العضلات المسببه للتجاعيد والكرمشه،

وبعد ما يتم حقن هذه العضلات بالبوتوكس بيساعدها على الارتخاء،

وبتخلي الوجه مستريح اكتر ومافيش اثر للتجاعيد،

وده بنستخدمه لحقن المنطقة العليا فقط في الوجه يعني عند منطقة الجبهه والمنطقة بين الحاجبين وجانب العين وتحت العين،

لكن مابيستخدمش في منطقة الخدود او الفم،

وكمان الرقبه ممكن يستخدم لحالات معينة لكن مش كل الحالات.

وهو علاج غير دائم،

وبيستمر مفعوله في الفتره بين 4



6 شهور،

وبيتحقن كل فتره.

امتى نبدا نستخدم البوتوكس كعلاج

وبالنسبة للبنات اللي بتسال امتى ممكن نبدا نحقن بوتوكس؛

فانا شايفه انه كل ما كان بدري كل ما يبقى افضل؛

لان لو تعبيرات الوش جامدة شويه ممكن مع الوقت بتحفر في الجلد نفسه وبتسيب اثر،

حتى بعد ما يتم حقنها بالبوتوكس بتحتاج علاج تاني علشان الحفر او الخطوط دي تتشد،

فوقت ما نبدا نحس ان تعبيرات وشنا هتسيب علامه يبقى لازم نحقنها بالبوتوكس.

الاثار الجانبيه للبوتوكس

طبعا زي اي علاج تاني البوتوكس بيكون له اثار جانبيه،

ولكن ده بيتوقف على الدكتور المعالج ومدى خبرته وكفاءته في الحقن؛

لان حقن البوتوكس بيكون له مقاسات معينة ومقدار معين،

يعني مثلا لو اتحقن في عين زياده عن العين التانيه ممكن يخلي حاجب مرفوع عن التاني وهكذا،

لكن الشيء المطمئن ان مفعوله بيستمر 4 شهور فقط،

وبعدين هيرجع تاني عادي بعد ما تخلص المدة دي.

كمان كتير من البنات بتخاف من حقن البوتوكس؛

لانها بتحس ان ده هيخلي تعبيرات الوش ثابته كانها لابسه ماسك،

وده طبعا زي ما قلنا اننا ماينفعش نحقن به كل منطقة في الوش واللي ممكن لما تتحقن يبقى شكلها ونتيجتها غير مقبوله زي مثلا المنطقة تحت الحاجب او عند الفم؛

لان دي مابتخليش فيه حريه في التعبير بالحاجب او في الابتسامه،

كمان بعد فتره العضلات دي بتضعف ومش بينفع معاها بوتوكس او غيره.

***************************** ****

ايه هو الفيلر

بالنسبة للفيلر فده بنستخدمه للتجاعيد اللي في الخدود،

وده عبارة عن تعبئه للجلد،

وكانت في الاول التعبئه دي بمادة الكولاجين لكن بعد كده بقت بمادة الهايلرونيك اسيد؛

ودي اكتر مادة امنه حاليا،

بتستخدم علشان نملا الكسرات اللي جنب الشفايف والخدود واللي ممكن تخلي شكلنا اكبر في السن،

لكن بعد ما نعمل الفيلر بيخلي الوش صافي ومشدود،

وبيستمر مفعوله فتره طويله،

وكل مدة بيزيد مفعوله اكتر.

نفس المادة دي بنستخدمها لحقن الشفايف،

وطبعا لازم ناخد بالنا اننا مانزودش اوي في حقن الشفايف؛

لان بيبقى شكلها غريب ومش مقبوله نهائي،

يعني مثلا الممثلات الغربيات دايما بيستخدموا الحقن ده ولكن بشكل صحيح؛

لان حقن الشفايف بيستخدم علشان يوصل الشفايف لنسب معقوله وطبيعيه،

واحيانا فيه بنات بتكون عندها شفه اكبر من التانيه او بتكون رفيعه جدا،

لدرجه انها بتكون مش باينه،

وفي الحالات دي بنحقنها فيلر علشان يخلي شكلها احلى وفي نفس الوقت طبيعيه.

نتيجة الفيلر بتظهر تقريبا في نفس اليوم،

وهي امنه جدا،

والشيء الجيد في الموضوع ده هو انه مافيهوش جراحه او تخدير،

ولو حصل اي حاجة غير متوقعه بتكون تحت السيطره،

الا في حالة انه حدثت حساسيه مفاجاه ودي حاجة مانقدرش نتوقعها قبلها،

ودي من الاثار الجانبيه لحقن الفيلر بالاضافه لمدى حساسيه الطبيب ومدى قدرته على ملاحظه العيب اللي في الوش والنسب اللي الوش هيحتاجها علشان يبقى متجانس تماما،

ودي بتحتاج موهبه للدكتور بالاضافه للدراسه والخبره.

فيه خطا شائع ان الخدود السفليه او اللي عند منطقة الذقن وحولها ممكن نحقنها علشان تبقى منفوخه،

وده طبعا شيء غير صحيح؛

لان الخدود بتتحقن عند منطقة عظمه الخد او المثلث اللي بيكون تحت العين فقط،

لكن لو الخدود اتحقنت من تحت هتخلي الشكل غير طبيعي زي الشخص اللي بيعالج بالكورتيزون اللي بيسبب انتفاخ الوجه كله.

امتى نقدر نستخدم البوتوكس والفيلر

طبعا مش مجرد ما نبدا ندخل في الثلاثينات نلجا للعلاجات دي على طول،

ولكن فيه مراحل تانيه ممكن نمر بها؛

وهي مرحلة العنايه بالبشره؛

بمعنى اننا نستخدم لبشرتنا الحاجات اللي بتكون محتاجاها زي مثلا:

1 / الصن بلوك:

وده من غيره هيكون البوتوكس والفيلر عديم النفع؛

لان الجلد هيكون محروق ونسبة التجاعيد كبيرة جدا مانقدرش نتحكم فيها،

وعلشان كده مهم اننا نستخدم الصن بلوك؛

بحيث اننا لما نلجا للعلاج بالبوتوكس او الفيلر تكون البشره مستعده وجاهزة ومستجيبه للعلاج.

والصن بلوك اللي بانصح بيه هو “ماط فورميلا” وهو مخصوص للبشره الدهنيه؛

لانه مابيحتويش على اي دهون او زيوت ويبيقى لونه شفاف،

وده بيتحط بعد ما نغسل وشنا قبل ما نحط اي ماكياج،

ولو هتحطي كريم مرطب يبقى تحطي الكريم الاول وبعدين الصن بلوك،

يعني تحاولي تخليه اخر طبقه كريم على الوش؛

لانه بيعمل حماية ووقايه للبشره.

والهدف من الصن بلوك مش انه يحمي من اشعه الشمس الجامدة في الصيف؛

لكن الهدف هو الوقايه من الاشعه فوق البنفسجيه الناتجه من الشمس سواء في الصيف او الشتاء؛

لان الاشعه دي بتدمر خلايا البشره شكلا ووظيفيا،

والاشعه دي بتحول خلايا الجلد وتسرطنها،

وعلشان كده سرطان الجلد منتشر جدا في اوروبا رغم ان الشمس فيها مش قويه،

ولكنها بتحتوي على الاشعه فوق البنفسجيه بنسبة كبيره،

يمكن الاشعه دي مش موجوده عندنا بنسبة عاليه ومش بتسبب سرطان الجلد،

ولكنها بتاثر على الملامح وتغير شكل الجلد.

2/ كريم بديل البوتوكس:

الكريم التاني اللي ممكن نستخدمه قبل ما نبدا علاج البوتوكس والفيلر هو كريم بديل للبوتوكس؛

لانه بيعمل نفس التاثير وهو انه بيرخي العضلات المسببه للتجاعيد،

ولكن طبعا حقن البوتوكس بيكون تاثيره اكبر واسرع وبيعمل شلل للعضلات،

ولكن الكريم بنستعمله في مرحلة مبكره شويه علشان يريح العضلات،

يعني مثلا لو بنت في العشرينات وتعبيرات وشها جامدة تقدر تستخدم الكريم عادي،

وده هياخر السن اللي ممكن تحتاج فيه لحقن البوتوكس.

3 / كريم تقشير:

كمان بنات كتير بتشتكي دايما ان وشها لونه مش موحد او انه فيه نمش او فيه مناطق غامقه،

والحالات دي بنستخدم لها كريمات مقشره،

وهنبقى نتناول موضوع التقشير ودرجاته وانواعه في حلقات قادمه،

ولكن الكريمات المقشره دي ابسط حاجة نقدر نستخدمها،

وهو يعتبر مقشر لطيف للبشره بيستخدم يوميا علشان يخلص البشره من البقع،

وبيعمل تجديد دايما لخلايا البشره،

ويعمل على ازاله للخلايا الميته او المحروقه ويطلع خلايا جديده،

وهو امن جدا في الاستخدام.

4 / مقوي اظافر:

من المشكلات الشائعه ايضا للبنات هو موضوع الاظافر وانها مابتطولش او انها بتتكسر،

ودي من المشكلات اللي بتضايق كتير من البنات،

وبتضطر انها تقص اظافرها علشان تتفادى المشكلات دي،

وعلشان نعالجها لازم نستخدم مقوي اظافر،

وده غير المنتجات اللي بتستخدم لتجميل الاظافر او المادة الملمعه اللي بندهنها على الاظافر،

ولكن ده كريم بنحطه على راس الاظافر او منطقة التقاء الاظافر مع الجلد؛

والمنطقة دي هي المسئوله عن انتاج الاظافر،

والكريم ده بيستخدم علشان يقويهم ويطلع اظافر صحية واقوى مع الاستمرار في الاستخدام.

من الحاجات المهمه اللي بانصح البنات بيها هو اننا مانملش ان العلاج ممكن يطول؛

لان خلايا البشره بتتغير بالسنين والعلاج بيحتاج شهور،

فلازم نستمر في العلاج لحد ما يجيب النتيجة اللي احنا عايزينها،

يعني مش ننتظر ان النتيجة تبان بشكل فوري وسريع.

***************************** ************

ملحووظه

الكريم بديل البوتكس

اسمه Max من ماركه Genove الاسبانيه ,



و بيتجاب من الصيدليه

ومقوى الاظافر



nail repair

232 views

اضرار وفوائد الحقن الوش بالفلير