6:42 مساءً الثلاثاء 18 ديسمبر، 2018

اضرار وفوائد حقن الوجه بالفيلر


 

صور اضرار وفوائد حقن الوجه بالفيلر

صور اضرار وفوائد حقن الوجه بالفيلر

ايه هو البوتوكس

البوتوكس هو ما ده بتستخدم في حقن العضلات المسببه للتجاعيد و الكرمشة،

و بعد ما يتم حقن هذه العضلات بالبوتوكس بيساعدها على الارتخاء،

و بتخلى الوجه مستريح اكتر و ما فيش اثر للتجاعيد،

و ده بنستخدمه لحقن المنطقه العليا فقط في الوجه يعنى عند منطقه الجبهه و المنطقه بين الحاجبين و جانب العين و تحت العين،

لكن ما بيستخدمش في منطقه الخدود او الفم،

و كمان الرقبه ممكن يستخدم لحالات معينه لكن مش كل الحالات.

وهو علاج غير دائم،

و بيستمر مفعوله في الفتره بين 4 6 شهور،

و بيتحقن كل فترة.

امتي نبدا نستخدم البوتوكس كعلاج

وبالنسبه للبنات اللى بتسال امتي ممكن نبدا نحقن بوتوكس؛

فانا شايفه انه كل ما كان بدرى كل ما يبقي افضل؛

لان لو تعبيرات الوش جامده شويه ممكن مع الوقت بتحفر في الجلد نفسه و بتسيب اثر،

حتي بعد ما يتم حقنها بالبوتوكس بتحتاج علاج تانى علشان الحفر او الخطوط دى تتشد،

فوقت ما نبدا نحس ان تعبيرات و شنا هتسيب علامه يبقي لازم نحقنها بالبوتوكس.

الاثار الجانبيه للبوتوكس

طبعا زى اي علاج تانى البوتوكس بيكون له اثار جانبية،

و لكن ده بيتوقف على الدكتور المعالج و مدي خبرته و كفاءته في الحقن؛

لان حقن البوتوكس بيكون له مقاسات معينه و مقدار معين،

يعنى مثلا لو اتحقن في عين زياده عن العين التانيه ممكن يخلى حاجب مرفوع عن التانى و هكذا،

لكن الشيء المطمئن ان مفعوله بيستمر 4 شهور فقط،

و بعدين هيرجع تانى عادى بعد ما تخلص المده دي.

كمان كتير من البنات بتخاف من حقن البوتوكس؛

لانها بتحس ان ده هيخلى تعبيرات الوش ثابته كانها لابسه ما سك،

و ده طبعا زى ما قلنا اننا ما ينفعش نحقن به كل منطقه في الوش و اللى ممكن لما تتحقن يبقي شكلها و نتيجتها غير مقبوله زى مثلا المنطقه تحت الحاجب او عند الفم؛

لان دى ما بتخليش فيه حريه في التعبير بالحاجب او في الابتسامة،

كمان بعد فتره العضلات دى بتضعف و مش بينفع معاها بوتوكس او غيره.

***************************** ****

ايه هو الفيلر

بالنسبه للفيلر فده بنستخدمه للتجاعيد اللى في الخدود،

و ده عباره عن تعبئه للجلد،

و كانت في الاول التعبئه دى بماده الكولاجين لكن بعد كده بقت بماده الهايلرونيك اسيد؛

و دى اكتر ما ده امنه حاليا،

بتستخدم علشان نملا الكسرات اللى جنب الشفايف و الخدود و اللى ممكن تخلى شكلنا اكبر في السن،

لكن بعد ما نعمل الفيلر بيخلى الوش صافى و مشدود،

و بيستمر مفعوله فتره طويلة،

و كل مده بيزيد مفعوله اكتر.

نفس الماده دى بنستخدمها لحقن الشفايف،

و طبعا لازم ناخد بالنا اننا ما نزودش اوى في حقن الشفايف؛

لان بيبقي شكلها غريب و مش مقبوله نهائي،

يعنى مثلا الممثلات الغربيات دايما بيستخدموا الحقن ده و لكن بشكل صحيح؛

لان حقن الشفايف بيستخدم علشان يوصل الشفايف لنسب معقوله و طبيعية،

و احيانا فيه بنات بتكون عندها شفه اكبر من التانيه او بتكون رفيعه جدا،

لدرجه انها بتكون مش باينة،

و في الحالات دى بنحقنها فيلر علشان يخلى شكلها احلي و في نفس الوقت طبيعية.

نتيجه الفيلر بتظهر تقريبا في نفس اليوم،

و هى امنه جدا،

و الشيء الجيد في الموضوع ده هو انه ما فيهوش جراحه او تخدير،

و لو حصل اي حاجه غير متوقعه بتكون تحت السيطرة،

الا في حاله انه حدثت حساسيه مفاجاه و دى حاجه ما نقدرش نتوقعها قبلها،

و دى من الاثار الجانبيه لحقن الفيلر بالاضافه لمدي حساسيه الطبيب و مدي قدرته على ملاحظه العيب اللى في الوش و النسب اللى الوش هيحتاجها علشان يبقي متجانس تماما،

و دى بتحتاج موهبه للدكتور بالاضافه للدراسه و الخبرة.

فيه خطا شائع ان الخدود السفليه او اللى عند منطقه الذقن و حولها ممكن نحقنها علشان تبقي منفوخة،

و ده طبعا شيء غير صحيح؛

لان الخدود بتتحقن عند منطقه عظمه الخد او المثلث اللى بيكون تحت العين فقط،

لكن لو الخدود اتحقنت من تحت هتخلى الشكل غير طبيعى زى الشخص اللى بيعالج بالكورتيزون اللى بيسبب انتفاخ الوجه كله.

امتي نقدر نستخدم البوتوكس و الفيلر

طبعا مش مجرد ما نبدا ندخل في الثلاثينات نلجا للعلاجات دى على طول،

و لكن فيه مراحل تانيه ممكن نمر بها؛

و هى مرحله العنايه بالبشرة؛

بمعني اننا نستخدم لبشرتنا الحاجات اللى بتكون محتاجاها زى مثلا:

1 / الصن بلوك:

وده من غيره هيكون البوتوكس و الفيلر عديم النفع؛

لان الجلد هيكون محروق و نسبه التجاعيد كبيره جدا ما نقدرش نتحكم فيها،

و علشان كده مهم اننا نستخدم الصن بلوك؛

بحيث اننا لما نلجا للعلاج بالبوتوكس او الفيلر تكون البشره مستعده و جاهزه و مستجيبه للعلاج.

والصن بلوك اللى بانصح بيه هو “ماط فورميلا” و هو مخصوص للبشره الدهنية؛

لانه ما بيحتويش على اي دهون او زيوت و يبيقي لونه شفاف،

و ده بيتحط بعد ما نغسل و شنا قبل ما نحط اي ما كياج،

و لو هتحطى كريم مرطب يبقي تحطى الكريم الاول و بعدين الصن بلوك،

يعنى تحاولى تخليه اخر طبقه كريم على الوش؛

لانه بيعمل حمايه و وقايه للبشرة.

والهدف من الصن بلوك مش انه يحمى من اشعه الشمس الجامده في الصيف؛

لكن الهدف هو الوقايه من الاشعه فوق البنفسجيه الناتجه من الشمس سواء في الصيف او الشتاء؛

لان الاشعه دى بتدمر خلايا البشره شكلا و وظيفيا،

و الاشعه دى بتحول خلايا الجلد و تسرطنها،

و علشان كده سرطان الجلد منتشر جدا في اوروبا رغم ان الشمس فيها مش قوية،

و لكنها بتحتوى على الاشعه فوق البنفسجيه بنسبه كبيرة،

يمكن الاشعه دى مش موجوده عندنا بنسبه عاليه و مش بتسبب سرطان الجلد،

و لكنها بتاثر على الملامح و تغير شكل الجلد.

2/ كريم بديل البوتوكس:

الكريم التانى اللى ممكن نستخدمه قبل ما نبدا علاج البوتوكس و الفيلر هو كريم بديل للبوتوكس؛

لانه بيعمل نفس التاثير و هو انه بيرخى العضلات المسببه للتجاعيد،

و لكن طبعا حقن البوتوكس بيكون تاثيره اكبر و اسرع و بيعمل شلل للعضلات،

و لكن الكريم بنستعمله في مرحله مبكره شويه علشان يريح العضلات،

يعنى مثلا لو بنت في العشرينات و تعبيرات و شها جامده تقدر تستخدم الكريم عادي،

و ده هياخر السن اللى ممكن تحتاج فيه لحقن البوتوكس.

3 / كريم تقشير:

كمان بنات كتير بتشتكى دايما ان و شها لونه مش موحد او انه فيه نمش او فيه مناطق غامقة،

و الحالات دى بنستخدم لها كريمات مقشرة،

و هنبقي نتناول موضوع التقشير و درجاته و انواعه في حلقات قادمة،

و لكن الكريمات المقشره دى ابسط حاجه نقدر نستخدمها،

و هو يعتبر مقشر لطيف للبشره بيستخدم يوميا علشان يخلص البشره من البقع،

و بيعمل تجديد دايما لخلايا البشرة،

و يعمل على ازاله للخلايا الميته او المحروقه و يطلع خلايا جديدة،

و هو امن جدا في الاستخدام.

4 / مقوى اظافر:

من المشكلات الشائعه ايضا للبنات هو موضوع الاظافر و انها ما بتطولش او انها بتتكسر،

و دى من المشكلات اللى بتضايق كتير من البنات،

و بتضطر انها تقص اظافرها علشان تتفادي المشكلات دي،

و علشان نعالجها لازم نستخدم مقوى اظافر،

و ده غير المنتجات اللى بتستخدم لتجميل الاظافر او الماده الملمعه اللى بندهنها على الاظافر،

و لكن ده كريم بنحطه على راس الاظافر او منطقه التقاء الاظافر مع الجلد؛

و المنطقه دى هى المسئوله عن انتاج الاظافر،

و الكريم ده بيستخدم علشان يقويهم و يطلع اظافر صحيه و اقوي مع الاستمرار في الاستخدام.

من الحاجات المهمه اللى بانصح البنات بيها هو اننا ما نملش ان العلاج ممكن يطول؛

لان خلايا البشره بتتغير بالسنين و العلاج بيحتاج شهور،

فلازم نستمر في العلاج لحد ما يجيب النتيجه اللى احنا عايزينها،

يعنى مش ننتظر ان النتيجه تبان بشكل فورى و سريع.

955 views

اضرار وفوائد حقن الوجه بالفيلر