2:06 مساءً الإثنين 19 نوفمبر، 2018

اغاتي افراح و زغاريد


الفرح الشعبي والفرح الريفي وجهان لعمله واحده..

هذه العمله هي الفرحه الحقيقيه سواء للعروسين او الاهل،

والفرحه هنا لا تقتصر علي يوم او ليلة واحده او فتره زمنيه محدده كما هو الحال في افراح المدينه في القاعات والنوادي والفنادق.
فمراسم الاحتفال في الافراح الشعبية والريفيه تمتد لاربعه ايام او اكثر من ذلك،

ولكل يوم من هذه الايام طقوسه واغنياته الخاصة النابعه من تراثنا الشعبي المصري.
التنجيد و الاثاث
يبدا الفرح ب ليلة التنجيد حيث يجتمع اهل العروسين للاعلان عن بداية الافراح واقتراب موعد الزفاف وهنا نسمع اغاني خاصة بهذه المناسبه فنسمع مثلا ما تعلي باب الاوضه يا واد يا بنا… وعلي باب المندره يا واد يا بنا… وعلي باب القاعه يا واد يا بنا…
ثم تاتي ليلة نقل الاثاث من منزل العروسه الى عش الزوجيه،

فتنطلق الزغاريد والاغاني من فوق السيارات التي تحمل الاثاث ويبدا الكل في الغناء من حول السيارات فنسمع

افرحي يادي الاوضه..

جياكي عروسه موضه…
افرحي يادي المندره..

جياكي عروسه سكره…
افرحي يادي القاعه..

جياكي عروسه الساعه…
وما ان يقتربوا من المنزل الذي سيجمع العروسين حتى نسمع

رشوا الشارع ميه..

عروسه الغالي جايه .

رشوا الشارع كاكولا..

عروسه الغالي منقوله.
ايوه يا حارة ضالمه .

.

اجنا اللى نورنا
ايوه يا حارة هس هس .

.

احنا اللى عمالنلكم حس
ليلة الحنه
ثم ياتي بعد ذلك مظاهر الاحتفال بالحنه او(ليلة الحنه والتي تكون غالبا في بيت العروسه فنجد العروسه تجلس وسط صديقاتها وتتولى احدى السيدات رسم الحناء علي يديها،

ويبدا اهلها واقاربها في الغناء علي دق الطبله فنسمع
مدي ايدك يا عروسه..

مدي ايدك للحنه…
مدي ايدك يا عروسه..

مدي ايدك وتحني…
وكذلك تتغنى السيدات طلبا للعريس
بس الوله يجي..

بس الوله يجي…
يجي عالمحطه..

وادبحلوا بطه…
يجى عند دارنا .

.

وادبحله حمامنا ،



واشاورله يجى
يجي عالتسريحه..

واحطلوا ريحه…
واسكاتا للاب تغني السيدات
يحيا ابوها يحيا..

يحيا ابوها يا جدعان…
يحيا ابوها وشنبه..

اللي ما حدش غلبه…
وطبعا مالناش الحق نسال اللي ابوها حالق شنبه يعمل ايه.
اما في منزل العريس فالامر لا يختلف كثيرا فنجد فيه حفله وداع العزوبيه وهنا نجد اصدقاء العريس يغنون له فيقول احدهم
حلال عليك ست الحلوين..

عرفت يا عريسنا تنقي…
رشوا الملح يا ناس م العين..

ورقصوني ده انا من حقي…
الليلة ليلة هنا وسرور..

وكوبيات في صواني بدور…
ومالناش دعوه باه الكوبيات دي فيها ايه
ادحرج واجري يا رمان
ونصل الى ليلة الفرح الكبرى .

.

ليلة الزفاف او ليلة الدخله .

.

فالانوار معلقه في بيت العروسين .

.

اصدقاء العروسه يحيطون بها في احدى غرف المنزل حيث تجلس بين يدي ” الكوافيره ” فتنطلق اغنيه
ما تزوقيني يا ماما..

قوام يا ماما…
ده عريسي هايخدني..

بالسلامة يا ماما…
ومتعرفش بصراحه هي مستعجله علي ايه،

اكنها مخطوبة للسيد نجل….

ولا بلاش
اما بيت العريس فترى نفس المشهد ,



فاصدقاؤه يحيطون به وهو يرتدي ملابس الفرح وهنا نسمع
يا اولاد بلدنا يوم الخميس..
ها كتب كتابي وابقي عريس..
الدعوه عامة وها تبقي لمه..
وها يبقي ليه في البيت ونيس… يا اولاد بلدنا.
اما في الليل تنطلق الزفه وتبدا بزغاريد متتاليه ثم يبدا الغناء من الجميع،

فقد وصلت الفرحه ذروتها،

فعلي نغمات الفرق الموسيقيه نسمع

وهنبدا الليله..

اه..

اه .

.
ده عريسنا الزين كحيل العين وعروسته حلوة وجميلة حنقول يا ليل،

ونقول ياعين..

حصوه في عينك ياللى ياللى ما تصلى ،



ماتصلى على النبى ثم يبدءون في
صلي..

صلي..

ع النبي صلي
واللي ما يصلي ابوه ارملي..

صلي
وكذلك
ادحرج واجري يا رمان..

وتعالي علي حجري يا رمان..
دانا حجري حنين يارمان..

يخدك ويميل يا رمان..
ونسمع ايضا اشهر الاغاني الشعبيه
دقوا المزاهر يلا..

ياهل البيت تعالوا
جمع ووفق والله..

وصدقوا اللي قالوا
عين الحسود فيها عود يا حلاوه..
عريس قمر وعروسته نقاوه..
واحنا الليلة دى كدنا الاعادي.
وعند توصيل العروسين تزف العروسه ب
طالعه السلالم يا مشا الله عليها..
ست العرايس والعريس في ايديها.
المنافسه مشتعله
اما الطريف اننا نسمع اغاني كثيرة تعبر عن المنافسه بين اهل العريس اهل العروسه فلكل جانب اغنياته.
فاهل العريس ينشدون
خدناها .

.خدناها .

.
طلبناها م الصيف الماضي..

وابوها ما كنش راضي..
وعلشنها بعنا الاراضي..

الحلوة اللي كسبناها..
خدناها بالملايين..

وهما ما كنوش راضيين..
علشنها بعنا الفدادين..

الحلوة اللي كسبناها.
اما اهل العروسه يغنون
اوعيلوا يابت اوعيلوا..

الضابط يبقي زميله…
اوعالها يا واد اوعالها..

ده العمدة يبقي خالها…
وتستمر هذه الاغاني وسط فرحه الاهل والاحباب حتى تنتهي الزفه ومعها تنتهي الاغنيات في هذه الليلة لتبدا في مكان اخر اعلانا عن ميلاد فرحه جديدة في منزل جديد .

ودلوقتى علشان تبقو مستعدين للفرح اتفضلو شويه الاغاني دول
امسك يالا حرامى حلق يالا حرامى مالك يا بت انتى وهيه على الشباب رايحه وجايه مافيش جواز النوبه ديه وامسك يالا حرامى حرامى مالكم كده يا بنات هايمين على الشباب رايحين جايين مافيش جواز واغسلو مواعين وامسك يالا حرامى حرامى شوف الشباب التعبانه بتحب البت المليانه وراحت عليكى يا نشفانه وامسك يالا حرامى حرامى شوف الشباب الفقريه بتحب البت الغجريه وراحت عليكى يا بلطيه وامسك يالا حرامى حرامى شوف البنات التعبانه بتحب الواد ابو لبانه وراحت علينا يا رجاله وامسك يالا حرامى حرامى يا سلام يا سلام على المحبه والغرام في بنات تسعد تريح وبنات تودى اللومان هجبهالكو على بلاطه البنات خلوها بطاطه اللى امها رايحه الخياطه وهى مواعده عشر جدعان هجبهالكو على طبليه البنات خلوها ملوخيه اللى امها رايحه الكليه وهى مواعده ابن الجيران اول يوم انا رايحه النادى تانى يوم انا رايحه النادى البنات ذى الزبادي تاكلها وتصبح جعان يا ليالى ياليالى يا ليالى ياليالى الفرح تعالى وقفنا النمل طابور يا ليالى ركبنا الفيل حانطور يا ليالى اكلنا الفرخه جاتوه يا ليالى لابسنا المعزه مايوه ماما نجوى صباح الخير يا ليالى ماما نجوى مساء الخير يا ليالى ماما نجوى فكر ثوانى ماما نجوى تكسب صوانى انا شايف طبله وزار يا ليالى وشباب بتولع نار يا ليالى ده الحزن في سطرين والباقى كله هزاركتاب حياتى يا عين يا ليالى ما شفت زيه كتاب يا ليالى الحزن في سطرين والباقى كله حنان انا شايف زينه ونور يا ليالى وعريس وشباب حلو وامور يا ليالى ده الحزن في سطرين والباقى كله زهور ادلع يا عريس يا ابو لاسه نايلون ادلع يا عريس وعروستك نايلون الواد احمد ده حماته حباه لاى لاى من صغره راحه جايه وراه وبتديلى على قفاه ابو لاسه لاسه نايلون الواد احمد ده حلو وزين لاى لاى احترت اجبله انا اكل منين تده داهيه في طقه ياكل حمارين ابو لاسه لاسه نايلون الواد احمد ركب الحنطور لاى لاى وزمايله واقفين له طابور بيقولوله يا ابو بربور ابو لاسه لاسه نايلون الواد احمد ده كله شباب لاى لاى ومراته واقفاله على الباب واقفه ومسكاله القبقاب ابو لاسه لاسه نايلون ليلا ليل لايل لا يلا – لا لايل لايلا ليلى ليلا ودخلت زراعه برجليا ودخلت ولا سمو عليا وخرجت منها بعد سنين لابس سديرى وجلابيه ودخلت بطرى برجليا ودخلت ولا سمو عليا وخرجت منها بعد سنين باربع رجول وليا ودخلت طب برجليا دخلت ولا سمو عليا وخرجت منها بعد سنين فشلت في اول عملية ودخلت حقوق برجليا ودخلت هلا سمو عليا وخرجت منها بعد سنين خسران اول قضية ودخلت جيولوجيا برجليا ودخلت ولا سمو عليا وخرجت منها بعد سنين ماسك حجاره بايديا
395 views

اغاتي افراح و زغاريد