10:56 مساءً الثلاثاء 11 ديسمبر، 2018

افضل قصائد سعد علوس


صور افضل قصائد سعد علوس

قصيده جواب مقنع

الله خلق عبده عشان العباده ** ماهو عشان مفاخر العرق بالعرق

صح ان فالدنيا عبيد وساده * لكن عند الله مابينهم فرق

خلك بسيط الكبر ماهو بعاده * لا تسرقك دنياك عن خلقتك سرق

خلك صبور وخل عندك اراده * ولا صرت راعي ضو فاصبر على الحرق

لولا الصبر والمعرفه و الركاده * ما تجرح العشاق ترنيمت الورق

واذ بتسيد فالمراجل سياده * خل المراجل باب وسيادتك طرق

خلك ذكي واخذ الامور بهواده * ولا صدت وثب لاتجي صيدتك زرق

واليا عشقت اعشق من الحور غاده * حوريه(ن)في بحرها يحي الغرق

ان زعلت زانت بعينك زياده * وان ضحكت كنها تنافس مع البرق

واذا ادور فالحياة السعادة * اسجد لربك سيد الغرب والشرق

——————————————–

قصيده ماعاد انا مشتاق

ما عاد انا مشتاق ولا انت مشتاق
انا رقدت البارحه وانت ما امسيت

هذا انت دايم تقلب الصحبه اخناق
ودايم اتغلى ولا انا ما تغليت

صح انك الى لذه اوصاله فراق
وصح انك اللي كل ما رحت ما جيت

لكني احبك ومن كثر ما انساك
اشوفك بصوتك اللي اقبلت واقفيت

بدق ولا انا ترى ما انيب داق
انا لو اني الى مزعلك دقيت

تعوذ من ابليس وتزين الاخلاق
وتلفن وحاذر لا تلفن من البيت

شغل جهازك واشحنه بعد الاغلاق
ودق الجهاز ويعمل كلوز لليت

خل اتصالك يقول مشتاق مشتاق
والذبذبات اتقول مليت مليت

——————————————

قصيده انكسرت

انكسرت من الفراق وشوف عيني
…شوف عيني وانت تدري بانكساري
كلما مديت لوصالك يميني
….رحت تتجاهل يميني مع يساري
حتى صرت اشوف جرحك في يديني
…..في يدين الجور صداتك مواري
حس فيها لابلاها حس فيني
…..لا تعبرها لكن رد اعتباري
وانا مقفى جعل منت منتويني
……بالجفا والخوف وانواع العزاري
ياهلي يانصف ربعي ياخديني
……يامواني غربتي ياروح داري
يا شموخي يا انكشافي يا دفيني
…..

يا علوي يا بقائي يا انحداري
يا بداياتي يا مائي يا كسجيني
….يا اندثاري يا اعتدالي يا ازدهاري
يا بلاده حسي وقمه حنيني
…..يا اختياري لا يا عشواء اختياري
اعشقك من عادني فول سنيني
…لين صرت اخذ مع نفسي قراري
من عرفتك وانت ثالث والديني
….واللجوء اليك يعني لي فراري
ضمني خل الضرر بينك وبيني
…..الضرر من ضمتك شيء اضطراري
خل يدينك من الجور اتحميني
…..من جمود يعيش و الين انصهاري
كل ما ضاقت بعيني يا موعيني
……ابتسمت وصار لي ليلي نهاري
فلا سكت تروح بطيش اتحكيني
….

رجعي ابطبعك وباسلوبك حضاري
ماذبحني فيك الا انك تبيني
….وما سحرني الا حكاك الاستعاري
لا حكيت احس باشياء تعتريني
….وان خشع قلبي وتطري لي طوراي
اعشق حكيك وحفظه يا ضنيني
….حفظ بن تيميه لحكي البخاري
ولا سكت احط يدي في جبيني
….وارجي الله ما يطول بانتظاري
ادري اني عندك واسالك ويني
….

داريا لكن ما كني بدراي
لين شيطاني تلفظ كلمتيني
….ورحت مني ما تبي سمع اعتذاري
لا تبكيني وتفرح عاذليني
…..ولا تخسرني بعد كبر انتصاري
لا تخليني بعد فيضه كنيني
…..وانت خابرني على الوصل انتحاري
لا تروح بروحتك كلن يجيني
….

ما ني مكابر ولا حتى مداري
انكسرت من الفراق وشوف عيني
…..

شوف عيني وانت تدري بانكساري

————————————–

قصيده مها

اخر حركات التغنج و الهنا
اللي اسمها مها و بالدلع مهاو

فرفوره تسلف الشمس السنا
مغويه و يطرد سراها كل غاو

ان وقفت كل شي متباعد دنا
و اذا مشت كل شي متلخبط تساو

و اليا مشت قال النمل الله لنا
تقاو يا صبري على جوعي تقاو

ذروه ترف ذروه غنج ذروه هنا
جمال ما يستوعب و ما ينتقاو

مخلوق لا من انثنى يعني انثنى
كل الزوايا تستقيم اليا تزاو

في جنبها ساره و عبير و منى
شباب و عند البل و كشختهم فراو

يا بوي شي لا يوصف ولا ينجنا
يسبب الك جروح لا يمكن تداو

مثال:

اذا جاعت و طال بها العنا
كل الحلاو اللي على هالارض جاو

هي جايعه



يا رب تاكلني انا
هذه سواليف الحلاو مع الحلاو

و اذا خذت اطرف حلاوه من هنا
كل الحلاو يشوفها و يقول واو

——————————————

قصيده وريدي

ياللي غرامك جاري في وريدي
لا وش غرامك جاري في وريدي

استغفر الله لو بقول ان غرامك
ماباقي الا يطبع اسمك على ايدي

لانك بصدري وانت منته بصدري
نطلع مع انفاسي وترجع ياسيدي

اليا طلعت احس كني اشوفك
وانقص انفاسي ذكا يا ضديدي

اخاف لا تطلع ولا عاد ترجع
واشفق على شوفتك واقول زيدي

فهل علمت عن جنوني يانف
اني لمجنون النشاز المجيدي

لبيك يا سلكا حملت الفضائل
او عز لصاحبك بتحرير قيدي

يعني بحكينا لبا والله عروقك
متى تعيد في عيوني يا عيدي

ثقفني بوصلك مثل ما اتثقف
شعار جيلي من ثقافه قصيدي

لو ضلع عيني حس موطى وصالك
ما طاح لا حيده ولا طاح حيدي

تخيل اني من كثر ما اتخيل
اتخيلك تدعي واحسب انك ميدي

يا خي ترى جننتني بالمفارق
جننتني وانا بعقلي يا جيدي

لكن مع الله كل بلوى بخيره
انا ذكاي من التجارب رصيدي

اذكرني اليا من سمعت بغرابه
اليا سرى فعروق مخك جديدي

وانا بعد لامن ذكرتك يا غالي
بسجد لوجه الله وبقبل ايدي

———————————-

قصيده حبيبتي تحفه

حبيبتي تحفه من النوع الفريد..
لجيت بمدحها اخاف اذمها..
لان المديح بها ينقص ما يزيد..
ولانها خيال وطايش وما همها..
متمرده وبعقل هارون الرشيد..
وفي الزين ما عذرى توقف يمها..
لو قستها مثلا على الجيل الجديد..
تحط حليمه بولند في كمها..
من غيها السادات سواد العبيد..
تحر وتبرك عند ركبه عمها..
ومن غيها لامن تفنت كل حيد..
وده يصير انسان لاجل يلمها..
ومن غيها حتى الدهن عود العتيد..
يسيل في يدها عشان يشمها..
ومن غيها لا من خذت نفس جديد .

.
تهاوشت الانفاس على فمها..
لبيها ام الفكر ام القصيد..
لبيها من ضحكها لا غمها..
اللي بقوله الله جعله الحظ السعيد..
والله يخليها لابوها وامها..

194 views

افضل قصائد سعد علوس