7:45 صباحًا الإثنين 18 فبراير، 2019








اكلات منوعة من قناة فتافيت

بالصور اكلات منوعة من قناة فتافيت 20160909 3524

لحمه ضاني مشوية

بالصور اكلات منوعة من قناة فتافيت 20160909 3525

لحمه ضانى مشوية

المقادير:

• لحمه ضانى مقطعه مكعبات متوسطه الحجم او “ريش”.

• كوب كبير عصير طماطم.

• ملعقه صغيره فلفل اسود.

• ملعقه صغيره شطه حمراء ناعمة.

• 10 فصوص ثوم.

• ملعقه كبيره خل ابيض.

• ملعقه كبيره كمون مطحون.

• 1 حبه جوزه الطيب مبشوره ناعم.

• 1 بصله كبيرة.

• فلفل رومى اخضر.

• نص فنجان زيت.

الطريقة:

1.

هنجيب اللحمه و نغسلها كويس.

2.

هنجهز تتبيله اللحمه و هى عباره عن “الزيت الخل الكمون

جوزه الطيب البصله عصير الطماطم الفلفل الاسود

الفلفل الاخضر الثوم الشطة” و نضربهم مع بعض في الخلاط.

3.

بعد كده هنجيب صينيه و ندهنها بالخليط ده و بعد كده نبدا في

رص اللحمه في صوره طبقات و بين كل طبقه و طبقه نحط خلطة

التتبيل…

4.

بعد ما نخلص من رص اللحمه نحطها و خليط التتبيل في التلاجة

لمده 3 ساعات،

بعد كده نخرجها و نشويها على الشوايه الكهرباء او

الفحم…

وبالهنا و الشفا

فخد ضانى في الفرن مع ارز بالخلطة

المقادير:

• فخده ضاني.

• كيلو فلفل رومى احمر.

• 4علب زبادي.

• 5معالق صغيره خل تفاح.

• كيلو رز.

• كوبايه كبيره زيت.

• 2 ملعقه كبيره ملح.

• 2ملعقه كبيره عسل ابيض.

• 2ملعقه كبيره بهارات.

• ملعقه صغيره كاري.

• نصف كيلو بندق.

• كوبايه كبيره ماء.

• فلفل اصفر و اخضر مقطع قطعا صغيرة.

• ملعقه صغيره فلفل اسود.

• قطعتان فحم.

الطريقة:

1.

هنجيب الفخده و نعمل فيها فتحه كبيره بالسكين،

بعد كده نتبل

الفخده بمزيج الخليط الاتي” الزبادى و الملح و العسل و الخل

والبهارات و الفلفل الاسمر”…

2.

بعد ما نتبل الفخده بالخليط ده نحطها في الثلاجه لمده يوم بعد كده

نطلعها من التلاجه و نجيب الفلفل الرومى الاحمر و نقطعه الى قطع

صغيره و نحشيها بيه،

بالاضافه الى باقى الخليط المنقوع فيه

الفخدة…

3.

نحطها في الفرن و ندهنها بالزيت و نسيبها في الفرن لمده ساعة

او ساعه و نصف او لغايه ما لونها يبقي احمر و تستوي…

5.

بعد كده نسخن قطعتين الفحم على النار لغايه لونهم ما يبقي احمر

ونحطهم على الفخده و هى سخنه و نغطى عليها علشان تحتفظ

برائحه الفحم علشان تدى مذاق و رائحه رائعة.

6.

نصفى الصوص النازل من الفخده و نضيفه الى الرز على النار

ونقلب كويس و بعد كده نضيف اليهم كارى و ملح و ميه و بندق و نقلبهم

علي نار هاديه لمده ربع ساعه او لغايه ما نلاقى الرز استوى.

7.

هنجيب الفخده و نقطعها شرائح و نقدمها في طبق مع الرز و نرش

من فوق شويه ملح و فلفل اخضر و اصفر للتجميل.

وبالهنا و الشفا

صينيه الرقاق بالبشاميل

ودى كمان اكله بسيطه ممكن اننا نعملها في العيد

المقادير:

• نصف كيلو رقاق.

بصله مقطعه قطع صغيرة.

• نص كيلو لحمه مفرومة.

• نص كوب كبير زبدة.

• نص كوب كبير دقيق.

• 4 كوبيات لبن.

• ملح و فلفل.

• 2بيضة.

• كوب كبير شوربه لحمة.

الطريقة:

1 هنعصج اللحمه المفرومه عن طريق اننا نقطع بصله كبيره الى

قطع صغيره بعد كده نضيف ليها الملح و الفلفل الاسود و اللحمة

ونحطهم على النار و نضيف ليهم معلقه زبده و نسيبهم على النار مع

التقليب المتسمر و بعد نص ساعه نضيف ليها كوبايه ميه و نسيبها

علي النار لغايه ما اللحمه تشرب الميه و تستوي.

2 بعد كده هنجهز البشاميل عن طريق اننا نسخن الزبده و نضيف

ليها الدقيق مع التقليب لغايه ما لون الدقيق يبقي ذهبى بعد كده

نضيف ليه اللبن تدريجيا مع التقيب المستمر لغايه ما يبقي قوامه

سميك بعد كده نضيف ليه الملح و الفلفل الاسود بعد كده نشيله من

علي النار و بعد ما يبرد نجيب بيضه و نحطها في طبق و نضربها

بالمضرب مع الملح و الفلفل و بعد كده نضيفها الى البشاميل و نقلبهم

مع بعض.

3 هنجيب الرقاق و نبله بالشوربه السخنه “ممكن اننا نستبدل

الشوربه بالمية” علشان يكون خفيف.

4 هنجيب صينيه فرن و ندهنها بالزبده و نرص فيها نص كمية

الرقاق الموجود عندنا و نضيف ليها اللحمه و بعد كده نص كمية

البشاميل و بعد كده نرص باقى كميه الرقاق الموجوده بعد كده

نغطى و ش الصينيه بباقى كميه البشاميل الموجود عندنا.

5 هندخل الصينيه في فرن متوسط الحراره لمده نص ساعه او

لغايه ما و شها يحمر بعد كده نخرجها من الفرن و نقطعها.

صينيه اللحم في الفرن

المقادير:

• كيلو لحمة.

• 3 بصلات مقطعه شرائح.

• 3 حبات طماطم مقطعه شرائح.

• 3 فصوص ثوم مطحونين.

• ملح كمون-ك***ة-فلفل اسود

• عود قرفة.

الطريقة:

اخلطى اللحمه مع الثوم و البهارات

والملح بعد كده حطى في الصينيه طبقه من شرائح البصل

ثم طبقه من شرائح الطماطم

وبعد كده حطى اللحمه عليها

ثم باقى شرائح البصل و الطماطم،

وبعد كده غطى الصينيه بالورق الحراري

وحطيها في الفرن على نار هاديه لمده ساعة

او لغايه ما تحسى انها استوت..

وبالف هنا و شفا.

موزه بالفريك

بالصور اكلات منوعة من قناة فتافيت 20160909 3527

المقادير

• نصف كيلو لحم موزه خال من العظم.

• نصف كيلو فريك.

• نصف ملعقه صغيره مبشور جوزه الطيب.

• ربع ملعقه صغيره فلفل.

• 2 ملعقه كبيره سمن.

• بصلة.

• عود كرفس.

• فص حبهان.

• مكسرات محمرة.

• طماطم مشوية.

الطريقة

اسلقى الموزة

وضيفى اليها اثناء السلق بصله مقطعه اربع تربع

وعود كرفس و فص حبهان

قبل ما اللحمه تستوى بشويه ضيفى اليها الملح

لما تلاقى اللحمه استوت شيليها من “الشوربة”

وحطيها في مصفة..

فى الفتره اللى فيها اللحمه بتستوي

هات الفريك و نقيه و بعد كده انقعيه في شويه ميه

بعد كده هات صينيه و حطيها على النار

وضيفى اليها شويه سمنه و الفريك

وقلبى الفريك في السمنه لمده خمس دقائق

بعد كده ضيفى اليه الشوربة

وشويه بهارات و ملح

وسبيه على نار هادئه لغايه ما يستوي.

بعد كده رشى على لحم الموزه المسلوقه شويه بهارات
و ملح و حمريها في السمنة.

بعد كده حطى الفريك في طبق التقديم
و حطى فوقه اللحمه المحمرة
و للتجميل شويه مكسرات
و الطماطم المشويه على جانب الطبق

195 views

اكلات منوعة من قناة فتافيت