9:09 صباحًا الثلاثاء 20 نوفمبر، 2018

الامير خالد الفيصل شعر


صور الامير خالد الفيصل شعر

ارفعي سهم المنايا

 

مابقى فيني مكان للطعون
و الذي شقوا خفوقي يشتكون
كبرت اللي باول ايامي تهون
ردت الايام دمعي بالجفون
و استبدت بي مواجيع الظنون
كيف يستهوي هل العشق المنون
في زمان ماعرف يوم حنون
و اصدق التعبير نظرات العيون

يبكي الصوت

 

يبكي الصوت و النظرات تشكي
و المعاني ولو صاحت حبيسه

 

يصمت الليل و التنهيد يحكي
و المعاليق في قلبي يبيسه

 

يا حبيبه سالت الليل انا عنك
و كل نجم فقد مثلي انيسه

 

هل دمعي و قام الليل يبكي
و القمر نش من فرقى جليسه

 

ويل من شالته موجه بحرك
ليتني ما نزلت الشط اقيسه

 

لو لمستي البحير باطراف يدك
من حلالك غدا طعمه مريسه

 

للهوى حس اذا لامس زهرك
ينعش القلب اذا جاني حسيسه

 

حول سحابي

 

حول سحابي واحسب اني وصلته
وهبت هبايبها وشالت سحابي
حلم على غفوه زماني حلمته
ليت الزمان اللي غفا ما صحى بي
في غمضه من ليل….

عمري سرقته
لاشك حظي من عذابي وشى بي
الليل يوم انه صحى بي… جرحته
والعمر في مجروح ليلي سرى بي
من وقتي المجروح لجروح وقته
يمشي وحظي بالعثاير مشي بي
لو ان قيدي في يديني كسرته
مير البلى قيد الغرام التوى بي
الله من صوت على الشوق جبته
والله من كلمه غلى في كتابي
اطوح المسحوب مع كل نهته
واسمع على همس الليالي جوابي
يا معشر العشاق قلبي عصرته
قطرات خفاق من الوجد ذاب
على عشير بالوفا قد وعدته
لو شبت احبه … مثل فتنه شبابي

 

الكويت
من رياض المجد لامجاد الكويت
من ثبات العلم للعلم الثبات
جيت اصافح بالتهاني كل بيت
للشهيد الخلد والحي الحياه
فوق غيمه شوق من ابها مشيت
من نداها فزت الصحرا نبات
سيرتني نشوه الحب وسريت
للكويت اللي هويت اكتب غناه
في غناتي للشرف صوت وصيت
ومن غناتي يرفع الفارس حداه
وللكرامه عرضه في كل بيت
والسجايا بالشهامه نايفات
ياالكويت اللي على الباغي عصيت
يوم بعض الربع ينسى المكرمات
يوم بان الغدر قلنا له خسيت
كل شيطان رجمناه بحصاه
دارت الدنيا عليهم واعتليت
وانهزم جيش النفوس الخاينات
يالفهد عند الوعد قلت ووفيت
طاغيات الروس عادت صاغرات
مااختلفت ولاذخرت ولاشكيت
شامخ مثل الجبال الراسيات
دلك الله يالسنافي واهتديت
والنصر من عند رب الكاينات
مايغط الحق رجال بخيت
مانسينا يالكويت السابقات
يوم عز بدارنا حلو المبيت
استضفتونا زمان النايبات
لين ابو تركي ظهر من فوق هيت
واصطفق من نجد لجبال السراه
يرفع القران والسيف الصليت
واسترد الحكم من عقب الفوات
ياالصباح وياالسعودي لى انتخيت
عزوتك عناز راعي الطايلات
ويالامير اللي على العليا نشيت
جابر العثرات محمود الصفات
في بلادك كل تكريم لقيت
والنشامى ماكتفوا بالواجبات
بالكويت اعطاني الشعر وعطيت
وبالكويت الشعر له طعم وحلاه

 

نادميني
مابقى غير الموادع يا حبيب
و اجلي من العين نزات السريب
الذلول تسير و الراكب غريب
و الثرى من حدرها جاله لهيب
لاهل ركب ما بعد طب الشعيب
و المراجل دربها دايم صعيب
ضعيوا بعيدهم واخطوا القريب
و يا بعد فرق الغرير من اللبيب
وان تحدث طاح من عين الرقيب
و اللسان يجمله و الا يعيب
و المسي بعيونك جروحي تطيب
يا شعاع بالعمر قبل المغيب
تبعث الامال في وقت عجيب
نادميني..كلها ساعة و اغيب

 

هلي
هلي على خدانها ياسحابه
هلي عليها لين ينبت بها الورد
على محله لين يخضر جنابه
وافرح بشوفه فرحه مالها حد
خل سقاني في الهوى من شرابه
ماصد لي جاني والى جيت ماصد
عزاه ياقلب تزايد عذابه
على الذي حبه بقلبي تجدد
اللي رماني باربع من حرابه
ثنتين من عينه وثنتين بالخد
ياعمري اللي راح لا واسفابه
وين الرفيق اللي عليه ابدي السد

 

ناقد الاشعار

 

ناقد الاشعار لك مني سلام
و التحيه للفكر و الاحترام
فرحتي لا شفت لك راي جديد
او نظرت لبعض شعري باهتمام
يا رفيق الحرف في دنيا القصيد
عشقتي وياك في عذب الكلام
انظم النظره بخفقات القلوب
و انت تنثرها دموع و ابتسام
القمر و الليل و امواج البحر
و الزهر و الغيم و اصوات الحمام
و الصقر و الريم و الغوج الاصيل
و الصحاري لا زمت فيها الخيام
هي هواي اللي اغني له طرب
هي من ايام الصبا عندي غرام
اكتب الانسان بالوان الحروف
في حقيقة علم و غيبه هيام
اتصيد خاطر عند السحر
او وميض الفكر في جنح الظلام
و امزج شعوري مع حسن القبيل
في قصيد مثل نداي الغمام
ناقدي خذ حرفي و حل الرموز
و حلل المعنى بوجد المستهام
و ان لقى الهاوي خياله بالقصيد
خبره تراني حققت المرام

 

 

  • اشعار
337 views

الامير خالد الفيصل شعر