9:31 مساءً الجمعة 16 نوفمبر، 2018

العناية بالابطين


طريقة تنظيف وترطيب منطقة الابط ,



ملف كامل عن العنايه بالابطين

صور العناية بالابطين

اليوم بتكمل عن روتيني وعنايتي بمنطقة الاندر ارمز منطقة الابط وكيف اعتني فيها واحافظ عليها من السواد والروايح الغير مستحبه
مشكلة الابط وايد يعانون منها من حبوب تحت الجلد ودمامل وسواد وروايح غير مستحبه
راح اقسم العنايه لعده فقرات
اسباب المشاكل اللي نعاني منها
الاطعمه اللي مفروض نتجنتها ومشروبات منزليه ساخنه وباردة تحسن من ريحه الافرزات ومن مشاكل الجسم
طريقة ازاله الشعر والعنايه بعدها اليومية والاسبوعيه
مزيل العرق وكيفية اختياره وطريقة الصحيحة لااستخدامه
مشاكل الابط
معروف ان الابط من مناطق الاحتكاك زيه زي اي عضو بجسمنا ومعرض للسواد والروايح
السواد والريحه تتلخص بطريقة استخدامنا الغلط للمنتجات ومنها استخدام الموس بحلق المنطقة يابنات انتبهوا من الموس خاصة لمنطقة الابط مايزيل الشعر بالعكس يزيد ويصير اسود استخدموا الحلاوه او الشمع والغلط الكبير اللي نرتكبه بعد مانكون حافين المنطقة تكون المسامه مفتوحه على طول نستخدم مزيل العرق وهذا اكبر غلط والاحظ وايد بنات يسوون
والريحه بعض الاحيان من اهمال العنايه الشخصيه ومن مشاكل بالجسم
ثاني شي الثياب الضيقه وغير القطنيه
ثالث شي التعرق وسببها طبيعي اما لو كان بزياده فيكون سبب مرض عضوي ومنها مشكلة بالغدد العرقيه او بالهرمونات وعلاجها يكون داخلي وخارجي ومن الافضل بهذي الحالة نروح للدكتور
الاطعمه اللي مفروض نتجنتها ومشروبات منزليه ساخنه وباردة تحسن من ريحه الافرزات ومن مشاكل الجسم
نوع الطعام ياثر على ريحه العرق وريحه الافرزات ومن الاطعمه المفروض احنا مانكثر منها البصل الثوم البهارات الحارة اكل المطاعم زي الوجبات السريعة والاكل الهندي الحلبه الفجل حبوب السمك
الاكثار من شرب الماي لتر ونص عالاقل يوميا ونوزعه على كامل اليوم وممكن نضيف له ماي الورد والبردقوش او ماي اللقاح

تناوول الفواكه والخضروات خاصة البرتقال والاناناس والكيوي والتفاح
مغلي البابونج او شاي البابونج من الاشياء المفيدة مو بس لريحه الجسم والافرزات تروق الاعصاب ومفيدة للدوره وللي يعانون من الربو ومن اضطرابات بالمعده طريقتها نغلي ماي وبعدها نضع كميه من البابونج او الكاموميل ونخليها تنقع بالماي بعد مانكون مغطينها حوالي 10 دقائق نصفيها ونحليه بالعسل

شاي الزنجبيل اسميه اكسير الحياة الزنجبيلل وايد وايد روعه لنزلات البرد لتقوية المناعه لحرق الدهون ولتطويل الشعر

طريقتي اخذ زنجبيل لازم يكون فرش واقشره واقطعة او ابشره واحطه يغلي مع ماي وكم ورقه نعناع وكم شريحه ليمون واخليهم يغلون وبعدين اصفيه

الميرامييه وايد حلوة للي يعانون من ريحه بالابط
ومن مشاكل بالدوره وبالحمل وهو مفيد للشعر ومايستخدم للي ترضع لانه ينشف الحليب وطيقته مثل اي شاي اعشاب

عصير الليمون بالنعناع والزنجبيل
كاس ليمون طبيعي مع حزمه كاملة نعناع منظفه ومغسوله مع بشر زنجبيل نخلطهم بالخلاط باضافه الماي وكميه السكر اللي تحبون جربوه بتدمونه

عصير البرتقال والجزر من الاشياء القميله للبشره والشعر

طريقة ازاله الشعر والعنايه بعدها اليومية والاسبوعيه
طبعا زي ماذكرت انه انا ماستخدم الموس خاصة لهذي المنطقة لانها تسبب سواد وخشونه بالشعر
طريقتي اول شي اغسل المنطقة زين ما بزين بصابونه غير معطره وبعدها اقشر الابط بمقشر المشمش من استيفز او سنفره كريم كاب من نزيه فايده المقشر يزيل الخلايا الميته اللي تسبب السواد ويساعد ان الشعر اللي تحت الجلد مع المدوامه يطلع الشعر

بعدها اجفف المنطقة وامسحها بطبقه خفيفه من النشا واخذ شوي من الحلاوه وبطريقة النتف يعني زي القط الشعر ماامدها لانها مو زينه وتالم واشيل بعكس اتجاه نمو الشعر وحاولوا تشيلينه وانت واقفه قدام المرايا لما اخلص من حف المنطقة ارجع اغسل المنطقة وانشفها واكون مجهزه لي طاسه فيها ماي و4 حبات اسبرين وملعقة جلسرين واغمس القطنه وامسح الابط واخليه لين يجف وبعدها ارطبة بزيت الورد وزيت الليمون وماستخدم المزيل في هذا اليووم

بعد الحف 3 ايام متواصله افرك المنطقة عن الريحه اما بقشر الرمان مطحون او بميرميه مطحونه واخليها فتره طويله بعدين اغسله
كل يوم ارطبة بزيت لمسه من وداي النحل روعه هالزيت للجسم

مرتين بالاسبوع اقشر المنطقة بماي وبيكربونات الصوديوم او اسمها بيكنج صودا البكنج صودا تختلف عن البيكنج بودر البيكنج صودا من افضل المقشرات اللي تفتح المناطق الغامقه اببلل منطقة الابط واخذ شوي من البيكربونات وافركه بلطف بعدين بفوطه مببله بماي دافيه واجفف المنطقة وارطبها زي ماقلت بزيت لمسه او زيت الورد مخلوط بجلسرين وزيت الليمون لبيكنج صودا تخفف من الريحه وتبيض الابط مع تكرار الاستخدام

اسبوعيا ايضا اسوي هالماسك الروعه
بطاطسه مبشوره وخياره مبشوره نخلطهم بالخلاط مع ماي ورد ونصفيها بمصفاه وتضغطين عليه بملعقة حتى تاخذين الماي اللي يطلع وتخلطين هالمزيج مع ملعقة كركم اكل وملعقة زيت الليمون تدهني المنطقة بهذا الماسك بعد ماتكوني غاسلته ومجففته وتحط الماسك ربع ساعة لين ينشف وبعدها تغسلي المنطقة وترطبينها

مزيل العرق وكيفية اختياره وطريقة الصحيحة لااستخدامه
فيه نوعين مزيل عرق مكتوب عليه ديدرونت يعني مزيل عرق يعني بس للريحه مايحبس العرق اما النوع الثاني Anti perspiration

واغلب مزيلات العرق تحتوي على كلوريد الالمنيوم حتى الشبه تحتوي على هالمادة بس بنسبة مخففه احسن مزيلات هي اللي ماتكون وايد معطره زي زهور الريف ونكتار بالنسب لي اتحسس منها وجربت وجربت لييدي سبيد جدا سيء الابط ماكان مسمر ولا فيه حبوب سبب لي اسمرار ودمامل نيفيا كان حلو بس مضاد للتعرق ووقفته وجربت لانكوم وكلينك ومن افضل المزيلات اللي جربته منتج يشبه الشبه اسمه كريستال خذيت من مجمع السيف بالبحرين يبيع منتجات طبيعية من اكل ومن مستحضرات تجميل والثاني من لوكستيان طريقتي احطه على منطقة نظيفه مغسلتها بصابون ومجففه وبلل الديدونت و ا بعدين استخدمه

وبالبيت ماستخدم مزيلات عرق افضل الشبه المطحونه مع مسك مطحون من عبدالصمد القرشي ولافندر مطحون اخذه من العطار واطحنه وكريم مرطب من نيفيا والريحه ولا اروع

  • العناية بالابطين
174 views

العناية بالابطين