يوم الثلاثاء 10:47 صباحًا 21 يناير 2020

الكركم للكلف

صورة الكركم للكلف

اني شفت موااضيع كثيرة للبنات و هم يسالوون عن حل للكلف
و جاوبت على كم و حدة بهذه الخلطه .. بس ما اعتقد احد فكر يجربهاا
فتيات هالخلطة عجيبة و سهلة و تمت تجربتها على اكثر من و حدة اعرفهم ..
و كلهم تعجبووا من النتيجة .. تخيلووا الكلف يبدا يتقشر .او بشكل اوضح يستوى فراغات في البقعة و تبدا الفراغات تزيد و البقعة حجمها يصغر الى ان يختفى ..
و تقدروون تسوونها حتى و لو ما فيكم كلف هي مفيدة جدا جدا و تفتح البشرة >>>يعني تبييض
اني مرة قلت لصديقتي عنهاا و راحت و سوتها و استعملوها هي و اخواتهاا ..
و اختها تدرس في الجامعة ..ومرة في و حدة فتاة تشكى لها مشكلة الكلف قالت ما تركت خلطه الا و جربتها و كريمات تفتيح و تقشير و اشتريت من كريمات اللى يقولون علاج بس بالاعشااب و كيماوى بس كلهم بدوون فوائد ..
فقالت لها”اخت صديقتي” اني بقول لج عن خلطة جربيها شهر و شوفى العجب .
قالت البنت اجرب و شو بقي ما جربتة ..ممكن الحل يكوون عندج ..
تقول اسبوع و هي راجعة تقول لها >>صحيح كلامك و الله هالخلطة عجيبة ..
تخيلواا الكلف بدا يطلع !
و الله اني نفسي ما صدقت !
تدروون بصراحة اني سويت هالخلطه و عطيت اختي اللى فيها كلف و قالت لى انها نتيجتها حلووة >>انا نفسي شفت و جة اختي افتح و الكلف خف كثيرر .. بس اختي ما استمرت عليهاا .
كنت حاطة فيها زيت زيتوون مقرى فيه فقلت ممكن اختي فيها عين و ذلك الاسباب= .. بس جربتها على و حدة غير اختي و نفس الكلام .. و الله العظيم يا اخواتى >>انتبهوا ترانى حلفت باسم ذا الجلال و الاكرام انها قبل ما يمر شهر الا هي متصلة و تقوول و الله هالخلطه هي الحل ..
و سالتنى عن مكوناتها ..
المهم يا بناات اني ما اريد منكم و لا شيء . بس ابيكم تجربوونة اسبووعين على الاقل و اذا ما شفتوا فرق بكيفكم تستمروون او توقفوون >>اصلا مكوناتة عاادية و ما تضر
المهم الخلطة عبارة عن ..
مقدار كاس ماء او ما يعادل 150 مل زيت زيتوون … و ملعقه كبار كركم ..وبس
تحطوون زيت الزيتوون على النار الى ان يسخن و بدوون ما يغلى .. و تحطوون عليه ملعقه كركم .. و بسمعوون صووت “تشششششششششششش” و خلاص سكروا الغااز و بعد ما يبرد حطية في علبه بدون ما تصفينة لان الكركم اصلا ينزل تحت و يصير الزيت اكثر و لونة اصفر . يعني ما تسوون عجينة و بعدين تقولون ما طاعت تطلع من و جهى !! صورة الكركم للكلف
صور
و استعملووة يومياا قبل النووم او اي وقت ساعتين .
و اتمني تقرون فيه المعوذاات و ايه الكرسى و لو تقدرون الرقيه الشرعيه . تري القرءان كله بركة و في نفس الوقت تحصين
….
بناااات امنيتى الوحيدة انكم ترجعوون بعد اسبوعين و تخبرونى النتيجة ..والله انا اتمني اساعدكم و اشوفكم مبسووطين
لان الكلف مشكلة صعبببة و كثير يعانوون منها ..
……………. ادعوا لى بالتوفيق و الله يرزقنى بوظيفة تجمعنا اني و صديقتي ..
753 views