1:59 صباحًا الأربعاء 14 نوفمبر، 2018

اللحم في الفرن


طبق لذيذ وسهل

لحم مغسول ومنظف

نسوي فيها شقوق

نجهز التتبيله المكونه من

ملح – فلفل اسود – لومي اسود بودره – كمون – ثوم بودره – زنجبيل بورده – كركم بزار

نضيف عليه زيت الزيتون وعصير الليمون وملعقة طعام معجون طماط

ونتبل فيه اللحم والخضار

الخضار اللي حطيتها بطاطا وجزر وبصل وفلفل اخضر وثوم وحبتين طماط بس صورة الصينية قبل لا احط الطماط

المهم اني حطيت الطماط على عدالهم بدون ما اقطعهم

هنيه رشيت اوريغانو ورشه حبق

ونسكر الصينية بالقصدير

ونحطها بالفرن درجه الحراره 200 لمدة ساعتين

اخر شي نشل القصدير ونولع من فوق بس حتى يتحمر

ويقدم مع الخبز او الرز والسلطة طبعا

انا قدمته مع الخبز

طريقة الخبز

كوبين طحين
ملعقة صغيرة خميره فوريه
ملعقة صغيرة ملح
ملعقة طعام سكر
اربع ملاعق طعام زيت
ماي دافي حسب العجن
نعجنها ونخليها ترتاح لمدة ساعة ويتضاعف حجمها وبعدين نفردها على سطح مرشوش بالطحين ونخبزها في فرن حار

مكونات السلطه

خس
جزر مبشور
خبز محمص
ملح وفلفل اسود
زيت زيتون وليمون
عين الجمل
وصوص السلطه

والحمدلله الذي رزقنا هذا من غير حول منا ولا قوه

109 views

اللحم في الفرن