1:21 مساءً السبت 15 ديسمبر، 2018

الملف الكامل للعناية بالقدمين


اولا: النصائح البسيطه او العادية

– الكعب العالى حاولى تتجنبيه بقدر الامكان
لانه مضر بالقدم و الظهر ايضا
و لو اضطريتى تلبسيه اعملى حمام ماء دافى لما ترجعى مع التدليك.

– كمان الاحذيه الضيقه غلط على القدمين حاولى تتجنبيها
و برضه لو اضطريتى يبقي تعملى الحمام الدافى ليها بالملح.

– غير كده و انتى خارجه لو بتلبسى جوارب او احذيه مقفولة
يفضل و ضع البودره الخاصه بالقدمين
عشان منع الرائحه و كمان منع انتشار فطريات القدم
و اللى ممكن لو تطورت تكون لها اثار سلبيه سيئه جدا على القدمين
و يفضل انك تلبسى جوارب الياف طبيعيه زى القطن مش الياف صناعية
لان القطن بيساعد على التهويه و بيمتص العرق
و بالتالى ما تنتشرش البكتريا في القدمين من العرق.

– لما تيجى تقصى الاظافر
يفضل عدم قصها او تقليمها من الطرفين بعمق
لان ده بيخليها لما تطول تانى ممكن تدخل في الجلد و تسبب الم
عشان كده يفضل انك تقصيها بشكل مستقيم متساوي
و غير كده لا يفضل قص الاظافر و هى مبلله لان ده بيادى لتكسيرها او تقصيفها

– اذا شعرتى بالحكه في القدمين اوعى تستسلمى للشعور ده
لان ممكن يسبب انتشار اسرع للفطريات
لذلك قومى بغسل القدمين و تجفيفهما جيدا
ثم ضعى كمادات ثلج او ماء بارد حتى تشعرى باختفاء هذا الشعور.

– يفضل من فتره لاخري تعملى تدليك للقدمين عن طريق بكره او كرة

كما هو موضح بالصوره بحيث ان القدم كلها تتدلك مش منطقه معينة

الطريقه دى بتنشط الاوعيه و الدوره الدمويه في القدم و كمان بتساعد على راحتها جداا

ثانيا نيجى بقي للخطوات المتقدمة

حمام القدمين و انواعه

حمام القدمين بيكون عباره عن ماء دافئ يضاف اليه مكونات معينةالمكونات دى بتختلف حسب نوع الحاجه لاستخدامها

ولكن بتحتاجى لعمل الحمام ادوات معينه الاول و هي
– الاناء اللى هتعملى فيه الحمام ده
– منشفه عشان تجففى القدمين كويس بعد الشطف
– مبرد خاص بالقدمين او و رق رملى للصنفرة
و التخلص من الجلد الميت بعد الحمام
– مكونات الحمام حسب اختيارك من انواع الحمامات القادمة
– حجر او ليفه خاصه بالقدم
– فرشاه خاصه بالقدم
– كريم مرطب لوضعه بعد الحمام كاموميل او جلسرين او اي كريم خاص للقدمين)

اولا قبل اي حمام اغسلى القدمين كويس و دلكيهم بالحجر مش كتير مده الغسل بالصابون بس

وممكن التدليك يكون بفرشاه خاصه برضه

ويفضل التدليك بالحجر اثناء الحمام بس خدى بالك مش جامد

لان الماء الدافئ مش بيحسسك لو انتى جرحتى نفسك مش هتعرفى غير لما تخلصيه
و تكتشفى انك دلكتى اكتر من اللازم
فخدى بالك كويس الحمام ممكن يكون ربع ساعه او نص
بالكتير اوى لو حاله القدمين سيئه ساعه ما تزوديش عنها
و ما تدلكيش كتير او جامد حركات دائريه في القدم و مش لازم تدلكى بايدك ممكن تخللى الحجر في الماء
و تدلكى القدمين فيه
و ممكن كمان تدلكى بالليفه الخاصه مش شرط حجر

وهنشوف الحمام بيكون ازاى دلوقتي

اولا حمام الملح

الحمام ده بيكون ماء دافئ مضاف اليه ملح خشن
بيكون عشان صنفره القدمين و التخلص من الجلد الميت

وفى نفس الوقت عشان لو فيه زى اكياس مياه في جلد القدم

الملح بيقوم بتجفيف هذه الاكياس و يعمل على علاجها بصوره اسرع

ثانيا حمام الليمون

برضه ماء دافئ و يضاف اليه عصير ليمون بمعني انك تجيبى الليمون تعصريه فوق الماء

الحمام ده بيفيد الاظافر جدا و يعمل على تنعيم بشره القدمين و العمل على تبييضها

واعطائها لون و احد

وده بجد راائع بعد اسبوع و احد هتلاقى شكل الاظافر و القدمين في منتهي الروعة……

ثالثا حمام النعناع او عشب النعناع الجاف

وده بجد راائع في نعومه القدمين

وهتلاقى النتيجه من اول مره جميله جداااا

بتغلى النعناع في ماء و تضيفيه على الحمام بتاعك بحيث يكون الحمام دافى يعني

وطبعا بتصفيه قبل ما تضيفيه

وبعدين تدلكى القدمين في الحمام ده لمده ربع ساعه او اكتر زى ما تحبي

وبعد كده تشطفى القدمين و تجففيهم كويس و ده برضه بيكون بعد كل حمام مش معتمد على نوعه…..

رابعا حمام الخل

اولا عايزه اقول ان احماض الفاكهه بشكل عام بتدى نتيجه حلوه اوى في حمام القدمين

زى الليمون او البرتقال

اما حمام الخل فهو بخل التفاح

وبجد فوائد خل التفاح رائعه من اول انه بيعمل على ازاله الجلد الميت بسهولة
الى انه كمان بيكون مضاد قوى جدا للبكتريا و الفطريات

وبالتالى الحمام ده بيكون مفيد جدا جدا للاقدام المشققه و فيها جلد ميت كتير
او بتعانى من الفطريات

وده طريقته انك بتحطى معلقه كبيره من الخل في ماء مغلى مع عشب الانجرة
و تغطى عليه بس عشان يتجانسوا مع الماء و مع بعض
و تضيفيه للحمام بتاعك

بس نتيجته راائعة.

خامسا حمام الزيوت العطرية

وده له حكايه تانيه خالص

برضه له انواع و بتعتمد على سبب الاستخدام

لتخفيف تورم القدمين
يضاف الى ماء الحمام:

– 7 نقاط من زيت البابونج
– 3 نقاط من زيت الريحان
– 6 نقاط من زيت اللافندر
– 6 نقاط من زيت الجرانيوم

لتسكين الام القدمين
يضاف الاتي:

– 4 نقاط من زيت الحصالبان
– 3 نقاط من زيت البابونج
– نقطتان من زيت الزعتر

للتخلص من خشونه جلد القدمين و تقويه الاظافر
يضاف الاتي:

– فنجان من منقوع البابونج يحضر المنقوع باضافه ملعقتين كبيرتين من زهره البابونج الى فنجان ماء مغلي،

و يترك العشب لينقع لمده 15 دقيقة).

– 6 نقاط من زيت اللافندر.
– 6 نقاط من زيت الجرانيوم.

لمقاومه زياده عرق القدمين
يضاف الاتى

– 6 نقاط من زيت الصنوبر.
– ملعقه كبيره من عشب بندق الساحرة.
اوكى بعد ما تخلصى لو لقيتى جلد ميت على القدمين
استخدمى المبرد الخاص بالقدم للتخلص منها او الورق الرملي
و ده بيكون سهل بعد الحمام لان الجلد بيكون ناعم

وبرضه خدى بالك مش جامد عشان ما تجرحيش نفسك

نيجى بعد كده لتدليك القدم

يمكنك ان تدلكى اقدامك بنفسك دون مساعده الغير .

.

1 اجلسى براحه و دلكى كل قدم و حدها
اديرى قدمك حول الكاحل باتجاه عقارب الساعة
ثم بالعكس حركى القدم الى اعلي ثم الى اسفل
و لفى اصابع قدمك بشده ثم ارخيها .

.

2 ضعى لوسيون على كف كل يد
ثم امسكى قدمك بيديك الاثنتين دلكى اللوسيون حولها بما فيها بين الاصابع
دلكى الجلد المحيط بالاظافر و اديرى كل اصبع و حده و دلكيه .

.

3-امسكى كاحلك و دلكى بقوه باتجاه اسفل القدم .

.

4-اضغطى قوس القدم و جانبه و هو ما يساعد على اراحه القدم المتعبه المؤلمه .

.

لتسكين الالام و تجميل القدمين

دلكى بهذه المكونات
6 نقط زيت قرنفل.
5 ملاعق كبيره زيت سمسم.
التحضير و الاستعمال
تخلط المكونات جيدا ،



و يستخدم الخليط الناتج في دهان جلد القدمين.

واخيرا بعض النصائح الاضافيه الخاصه بالقدمين

هل تعانين من الصداع؟
اتبعى نصيحه اختصاصى الانعكاسات اللاارادية
و اضغطى برفق على الجزء الكثير اللحم في الاصبع الكبير
في القدم و صولا الى طرفه للتخلص من الصداع.

للحفاظ على صحه الاظافر
تناولى الاطعمه المحتويه على الزنك و الحديد و الاحماض الدهنيه الاساسية.

عاملى بشره قدميك بعنايه تماما مثل بشره و جهك و شعرك لكى تبدو بصحه افضل.

هل تعانين من مسامير الاقدام و الجلد المتصلب؟
عليك زياره اختصاصى القدمين.

اذا لاحظت و جود ضلوع في اظافر اصابع قدميك،
اختارى لونا باهتا و فاتحا من طلاء الاظافر لكى تبدو ناعمه جدا.

اذا كانت اظافر اصابع قدميك سميكه و بشعة،

راجعى الطبيب لانها قد تكشف عن مشكله صحيه كامنة
و بتكون غالبا ناتجه عن انتشار الفطريات و تطورها.

لمعالجه القدمين بصوره فوريه دلكيهما بالفازلين الممزوج مع زيت شجره الشاى العطري.

انتبهى الى قدمى امك،
فالاظافر الجيده او السيئه موروثه عاده من الاهل.

يمكن القول ان القدمين المفتقدتين الى العنايه تلفتان النظر اكثر من اي شيء اخر.

لا يجدر بك ابدا قص البشره الميته المحيطه بالاظافر.

يكشف الحذاء المثالى للقدم عن فراغ قدره 6 ملم على الاقل
في الجهتين الاماميه و الخلفية،

فضلا عن مساحه لتحريك اصابع القدمين.

للوقايه من رائحه القدمين،
رشى بكربونات الصوديوم داخل الحذاء.

لا تستعملى المبرد المعدنى لانه قاس جدا على الاظافر.

لونى اصابع قدميك بالالوان التى لا تجرؤين ابدا على استعمالها في اصابع يديك.

اذا اردت استعمال مستحضر يجعل البشره سمراء اللون برونزاج مثلا لا تتوقفى عند كاحليك بل ضعى المستحضر فوق اعلي القدم و صولا الى الاصابع.

اذا كنت لا تملكين الوقت لتلوين اظافر اصابعك استعملى مبرد الاظافر لجعلها ناعمه و لامعه و من ثم زيت الاظافر.

حتي لاتعرض الاظافر الجافه لمزيد من الجفاف اختارى طلاء اساسى له قوام دبق حتى يلتصق به الطلاء الملون.

استعملى زيت الاظافر لابقاء البشره الميته المحيطه بالاظافر ناعمه و طرية.
زيت الخروع يا جمااعه راائع للاظافر

يجب ان تحتوى علبه العنايه بالاظافر على مبرد طبيعى للاظافر
على ان يتراوح رقمه بين 1 و 8 علما انه كلما ارتفع الرقم اصبح المبرد اكثر نعومة).

استعملى ضمادات الاظافر لترميم التشققات و الاظافرالممزقة.

لازاله طلاء الاظافر بافضل طريقه ممكنة
بللى كره قطنيه بمزيل الطلاء الخالى من الاسيتون و اتركيها على الظفر برهه حتى يتغلغل مزيل الطلاء ثم امسحى من القاعده و صولا الى طرف الظفر.

اذا كنتى تزورين احدي مراكز التجميل
تاكدى من ان اختصاصيه العنايه بالقدمين تنقع ادواتها في مستحضر قاتل للجراثيم
او ترش عليها الرذاذ المضاد للجراثيم.

137 views

الملف الكامل للعناية بالقدمين