3:31 صباحًا الأحد 21 أبريل، 2019

انصح كل شاب لسه ماخطبش

هما الرجاله اتعموا و لا اية

 

 

 

انا مش عاوزة ابشر على حد من اخوانا في الجهاد اقصد الرجال .

 

.  و خصوصا ان امرهم يهمنا الكام سنة دول شويه دلع لحد ما رجلهم تطب –  بس الجملة دى بسمعها اكتر ما بسمع كلمه ازيك من الاهل و الاحباب و الاصحاب و ميضرش عبدة البواب او مريض جى يحنن قلبي عشان اكتبلة على اجازة .

 

وعليه قعدت افصص السؤال الرجالة اتعموا بعد الشر لحد ما ربنا يتمم على خير   و توصلتلعده احتمالات

1 – يمكن بيغضوا البصر و ساعتها يبقي كل الرجال محترمين و ملهمش اخر و الفيلم كداب .

 

2 يمكن مش عاجبهم الخلق الى بيشوفوها و بلاش احراج اكتر من كدة .

 

3 يمكن نظرهم فعلا على قدهم و الافضل اني اتخصص رمد يمكن اعالج حد فيهم و يكسب فيا ثواب قصدى العكس طبعا .

 

4 يمكن عنيهم اندب فيها رصاص من كتر فرجتهم على قناة مولتى و التانية الى مقدروش يغمضوا فيها عنيهم لحد ما تقرحت القرنية .

 

5 يمكن دى تلكيكة كل راجل بيقولها عشان يهرب بجلدة قبل ما يتكلبش على اساس انه بيتكلم عن جنس تالت او على اساس ان البنات حلقه مفقوده بين الانسان و القرد .

 

بالصور انصح كل شاب لسه ماخطبش 20160907 1658

239 views

انصح كل شاب لسه ماخطبش