5:05 مساءً الثلاثاء 26 مارس، 2019

بسبوسة بشربات الفراولة

بالصور بسبوسة بشربات الفراولة 20160927 71
سيداتى انساتى سيداتي   على راى ابو حفيظه
ازيكن و السلام عليكن و وحشتوني  نونه برضه عشان الوزن بس
اوطبعا طبعا الساده الرجال الى يشرفوا طبعا منورين القاعده و الله شكلكم جايين تاكلوا بس
انتم عارفين ان انا احب و اعز موت اعمل الحاجه فىموسمها
وحاليا في موسم الفراوله
فكل واحده فيكم تروح تشترى قفص فراوله حلو كده و تيجى
عشان هانعملها مربى
اولا و باديء ذى بديء الصوره الى فوق دى انا لطشها من على النت مش من عندي
بس اوعدكم بارتفاع مستوى الصور بعد كده حيث اننى اشتريت موبايل جديد
بكاميرا 3.2 بكسل و هاشهيصكم صور
خلينا في الفراوله يا رغايين
اول حاجه هانشترى الفراوله ما تكونش مستويه اوى و ما تكونش خضرا برضه
حمرا كده و مصحصحه و فله
انا باحب في المربى اعمل فراوله صغيره  عشان ما اقطعاش عشان تبقى قطع داخل المربى
لكن طبعا في ناس بتحب الفراوله مقطعه و مهروسه شويه كمان فى  المربى حسب كل واحد و ذوقه طبعا
شوفوا كده الفراوله بتاعتى دي
بالصور بسبوسة بشربات الفراولة 20160927 72
طبعا انا جبتها و نضفتها و غسلتها و زى ما انتم شايفين حجمها صغير اوى شوف كام واحده في ايدي
سمعاكى يا كلبه اه انا ايدى كبيره بس مش للدرجه دي
المهم
تعالوا اقولكم الحاجات الى هانحتاجها عشان تجبوها
هانعمل المقدار كيلوا فراوله
ولو ان طبعا لو هاتعملى كترى شويه يعنى 3 كيلو على الاقل عشان تستاهل الدوشه يعنى
المهم
كيلوا فراوله كيلو سكر علبه جيلى فراوله  او معلقتين جيلى باودر خام
طبعا غسلنا الفراوله و وضبناها نجيب بوله بلاستك مثلا
ونحط فيها شويه سكر و بعدين شويه فراوله و بعدين سكر طبقات يعنى لحد ما الكميه تخلص و نغطى و شها من فوق بالسكر و نسيبها اد اربع خمس ساعات اوقات انا اعملها من بليل و اسييبها في التلاجه للصبح
بالصور بسبوسة بشربات الفراولة 20160927 73
هانصحى الصبح نلاقى شكلها بقى كده
بالصور بسبوسة بشربات الفراولة 20160927 74
سردت ما يه كتير هانقلبها بعد كده في مصفاه بقى و ناخد المايه بتاعتها مش هانرميها طبعاااااااا
هاتبقى عباره عن ما يه نازله من الفراوله و معاها السكر
ونسيبها تصفى ساعه كده مثلا
فى هنا بقى حاجه لطيفه انا عملتها المره الى فاتت
انا ما باحبش الحاجه الى تبقى سكرها جامد جدا
وبعدين بعد التجارب بقى
واسال نفسى يا ترى يا هلترى المربى الجاهزه بتبقى متامسكه و لونها فاتح و مش مسكره اوى زى البيتى ؟
وبعد تجارب بقى وصلت لنتيجه معقوله جدا
اولا السكر مش باحط الكميه كلها سكر
باستعمل عسل البطاطس و هو لزج جدا و سكره قليل
وده موجود عن بتوع لوازم الحلوانيه بالكيلو
بالتالى انا بانقع الفراوله بنص كيلو سكر بس و بعدين باضيف  نص كيلوعسل البطاطس بعدين
وكده هاتبقى المربى مش مسكره جااامد اوى و كمان عسل البطاطس لزج جدا لما يبرد هايديها تماسك
بس ما فيش مشكله برضه لو ما لقتيش عسل بطاطس
حطى كيلو  الا ربع سكر كفايه و نزود الجيلاتين شويه عشان التماسك
نيجى للخطوه الى بعد كده
انا هاخد المايه الى نزلت من الفراوله
واحطها على النار زى الصوره دى و نسيبها تغلى لحد لما تنعقد زى الشربات بتاع الحلويات كده
واول ما تبدا تعمل رغاوى اكتر من الصوره دى شويه تبقى كده خلاص استوت
بالصور بسبوسة بشربات الفراولة 20160927 75
لو كنا بقى عندنا عسل البطاطس و هانستخده هانزوده دلوقتى عشان يبدا يتغلط و يسيح مع شربات الفراوله الى عملناه
وهانروح نجيب الفراوله بقى بتاعتنا و سقطها في شربات الفراوله المعقود ده
هاتبدا تغلى الفراوله كده
بالصور بسبوسة بشربات الفراولة 20160927 76
وتبدا تسرد ما يه كمان زياده و تلاقى المايه في الحله بدات  تزيد
تاخدى نص كوبايه تقريبا ما يه من على الفراوله و تدوبى فيها كيس الجيلى بالفراوله  او معلقتين الجيلاتين
ندوبها كويس اوي
وبعدين نزودها على الفراوله تانى و نسيب الفراوله تغلي
حوالى ساعه الا ربع لحد لما تبدا ما يتها تنشف و نخلى بالنا اوي
عشان احنا عايزنا تطلع لونها احمر مش بنى غامق
كل ما كانت لونها قريب للطبيعى تكون احسن
 وطبعا نهدى عليها النار و نكشف الحله عشان البخار يطلع و ما تفورش على البوتجاز
وكده هى خلاص استوت
بالصور بسبوسة بشربات الفراولة 20160927 77
طبها هايكون شكلها سايب لسه و شكلها مش المربى ما تتخضوش احنا حاطين فيها جيلاتين لسه هايجمد من التلاجه
غير ان السكر نفسه و عسل البطاطس لما بيبردوا بيدوا قوام اتقل بكتير
بالتالى احنا هانسيبها تبرد و بعدين لو كنا عاملين كميه هانعمبيها في برطمنات ازاز بغطاء محكم و نحطها في التلاجه افضل طبعا
لاننا مش مستخدمين مواد حاظه و لا حاجه
وكمان ناخد بالنا لو كانت كميه كبيره شويه اننا طول ما احنا بنعبيها نهز البرطمان عشان ما يبقاش في فقاقيع هوا جوا و ده يخليها تبوط خصوصا لو هاتسبيها بره التلاجه شويه
كمان لو حصل و لقتيها بعد ما بردت و حطناها في التلاجه لسه قوامها خفيف اوى في حال انتى قدرتى غلط يعنى
مافيش مشكله رديها على النار تاني
ولو لقيتى الشربات بتاعها كتير اوي  اوقات الفراوله بتسرد ما يه بزياده حسب نوعها
انا بقى اعز كده موت موت
لان باخد المايه دى من عليها و احوشها عندى و استخدمها صوص فراوله في الحلويات و الايس كريم يا لهوى بتبقى جميله جدا
والف هنا يا حلوين و يا حلوات
والى يجرب يقولي
والى عنده اضافات يتفضل
نرحب بالافكار الجديدة  يا ساده

  • بسبوسة بالفرولة
271 views

بسبوسة بشربات الفراولة