5:27 صباحًا الأربعاء 27 مارس، 2019

ترتيب ميز التواليت

بالصور ترتيب ميز التواليت 20160907 1372

حياكم …,,,

ميز التواليت احنا البنات ما شاء الله علينا يوم رازين العطور على الشمال

ويوم رازين المكياج على اليسار و كل و حده ما شاء الله لها ذوقها

ولكن دائما ننتظر الجديد بالتنظيم …

وبصراحه فيها حوسه …
خصتا ان وقت تنظيفك لطاوله التواليت او البعض يسميه التسريحه جدا
بتكون صعبه انك توخرين كل هالعطور و بياخذ منك وقت ..

طيب بالنسبه لى شوفوا ايش سويت

اخترت مجموعه من العطور الى حاليا استخدمها و الباقى حطيتهم بالدرج
و مجموعه ثانيه لزوجي

يعنى يكفى كل واحد ثلاث عطور و ممكن تزيدينهم مثلا عطورات عربيه تبع التولات
الى تجى اشكالها صغيره و حلوه و مرصوص بالكرستال ..
على حسب العطورات الى عندك ..

كان عندى صحن حاطته على طاوله القاعه راصه فيه شموع باشكال خشبيه
زهقت من هالتنظيم و الديكور فشلت الصحون

وبصراحه الصحن مهو جاى مع الشموع يعنى انا اخترته بس للديكور

خذيت الصحن و حطيته على ميز التواليت
و رصيت عليه عطوراتنا و شكلها مره مره روعه

او صينيات من الفضه ان بقت فيها مساحه بعد ما نظمتى عطورك حطى بينهم

البخور الى تستخدمينه بغرفتك و هكذا نظمتى و رتبتى و ريحتى نفسك وقت التنظيم

توخرين الصحن و تنظفين الطاوله و ترجعين كل شى مكانه …

بالنسبه للميك اب ..

ما احبذ فكره انك تحطين اغراضك كلها على التسريحه
كل ما تكون المساحه متروكه باينه و ما فيها اغراض متراكمه

كل ما تحسين ان الغرفه مريحه و مرتبه …

خصصى درج او شنطه خاصه للمكياج ..

ونفس الوقت خصصى شنطه صغيره فيها مثل كحل و بلاشر و قلوس
هذى الشنطه خليها تحت تصرفك هذى الى تحتاجينه بشكل يومى للبيت
بشكل سريع …

ونصيحه منى يا متزوجات …

كل و حده تجى توعد نفسها تقول من اليوم و رايح بتكشخ لزوجى و براويه فنون المكياج
و هات يا لطخ هههه

شدو كحل سائل كريم اساس فوقه بودره و لمعه و محدد و حمره و قلوس عشان الشفايف تلمع لمع و غيره و اخر شى البلاشر حشىىي صدقينى كلها ايام و بتملين من هالحاله

واخرتها بتملين من هالروتين المتعب 10 او 15 دقيقه و انتى تتزينين و كل و حده عندها الى شاغلها

يعنى بالاخير بتملين و تتركين التزين و ابو الشباب تمر عليه ايام و اسابيع ما شاف من زينك

علي الاقل هالشنطه الصغيره بتسوى اللازم بخلال دقيقه او دقيقتين كفايه

علي الاقل يدخل عليك و انتى مورده و عيونك مكحلته بالقلم بدل السائل

والشفايف ما شاء الله …

خليك بسيطه تدخلين قلب زوجك ببساطتك و اناقتك و اسلوبك البسيط

وخلى الشدو و غيره من المكياج الثقيل ليوم واحد على الاقل بالاسبوع

عشان تطلعين بعيونه لوك جديد و يحس بالتغير ..

كانى دخلت عرض بالموضوع …

عموما نرجع لميز التواليت ايوه

بالنسبه للكريمات ما يحتاج تظهرينها برضوا خصصى درج

ما احبذ فكره سله بها كل كريماتك و شغلاتك و البكل و الجيل و الزيت و مدرى و شو ..

خصصى درج لهم و فكى نفسك من تنظيفهم من الغبره

دائما بسطى الامور لنفسك افضل من قضاء وقت اطول بالترتيب ..

خليه بس فازه للاشياء المهمه
مثلا للمفاتيح
او للاغراض الى يطلعهم زوجك من جيبه وقت رجوعه للعمل

لتغير الديكور …

 

  • ترتيب ميز تواليت
  • ترتيب التواليت
  • ترتيب المكياج علة ميز تواليت
  • ترتيب ميز التواليت
  • ترتيب وافكار لميز التواليت
  • كيف ارتب ميز تواليت
1٬192 views

ترتيب ميز التواليت