3:46 مساءً الخميس 23 مايو، 2019

تعيش هي واختاها

صور تعيش هي واختاها

انا كنت متاخره في الحمل و بعدها ربنا ساعدني اني اعمل حقن مجهري و الحمد لله حملت في 4 اجنه اللي الدكتور رجعهم قعد ينزل عليا دم قلت حملي راح بس ربنا ستر و نزل جنين واحد مني و جالي طلق و كنت حموت كنت في الشهر التاني دكتوري قالي كده كتير عليكي نعمل تخفيض لواحد من ال 3 توكلت على الله و عملته و نزلت جنين الفتره دي تعبت قوي و المنشطات عملتلي ما يه على البطن و عملت مرتين بزل ل6 و نص لتر ما يه و اخدت نقل بلازما علشان تمنع المايه 25 كيس و عدت على خير و عملت ربط في الشهر ااتالت انا دلوقتي في نص الخامس و بعد المعاناة دي كلها اكتشفت ان البلازما جابتلي فيرس سي قدر الله و ما شاء فعل انهرت و الحل احتمال ما ارضعش بناتي و ابدء علاج الفيرس بعد الولاده لو الحالة اتطورت دلوقتي رحت بعد كل ده اعمل فور دي من كام يوم الدكتور قالي مفيش تشوهات بس في واحده فيهم المايه حواليها قليلة 3سم و انا مش بينزل عليا ما يه طب قلت ليه و قالي ان لو فضلت تقل قدامي حلين يااولد على السابع و احتمال الاتنين يعيشوا مش كبير او اضحي بواحده و اسيبها تموت في بطني و اكمل باختها الكويسه للتاسع ان شاء الله مين ليها تجربه في موضوع المايه ده تطمن قللي و معلش طولت عليكم

201 views

تعيش هي واختاها