6:05 مساءً الخميس 23 مايو، 2019

حشوة دجاج للسمبوسه

صور حشوة دجاج للسمبوسه

حشو الدجاج للسمبوسة

نوع السمبوسه و رده و لا غوار العجين الاسمر الى مسويتة المخابز مو الصناعي سويتز لان طعمة رهيب

يفرق عن سويتز بس كله زيت فسويها بالفرن بدون ما عون يعني على السلك و افتحى النار من فوق و تحت تاخذ اقل من عشر دقايق

الحشوة:

2 دجاج ام كيلو انا استخدمت ساديا المثلج يطبخ بقدر الضغط لمدة 15 الى 20 دقيقة فقط ثم تترك

لتبرد ثم تفصل العظام و تفتت الدجاج مو تفرمونها لا قطعوها مثل الدجاج المسحب

5 روس بصل احمر كبار تقطع بحجم متوسط عليها فلفل اخضر بارد كبير مقطع ايضا لحجم متوسط و

هذا سر النكهة يا بنات بالفلفل

راس ثوم و 2 فلفل اخضر حار ينشال البذر منه حق الى ما يحب الطعم الحار و يندقون بالهاون

يندقون لازم عشان الطعم مو يفرمون هذي النقطه حيل مهمة

بهورات فلفل اسود تقريبا ملعقة متوسطة،

 

2 ملعقة متوسطة بهارات مشكلة الى حق اللحم،

 

ملعقة متوسطة زنجبيل مطحون عشان تشيل الزفر و تعطى نكهة حارة ،

 

 

ملعقة متوسطة لومى اسود و بس)

و هذا ال شي حيل مهم عشان يعطى طعم سبايسى يعني لاذع 2 الى 3 ملعقة متوسطة من المعبوج

احنا نسمية معبوج و مكتوب عليه:

فيلفه حمراء مطحونه انا استخدمت ما ركه درة تجى بقسم الشطه و الكجب و مو بكل المحلات ترا،

 

شكلها: بقرشة زجاج و عليها صورة فلفل احمر حار و يكون مطحون مثل المعجون شكلها و شكل البذر باين طعمها حار

اذا ما عندك هذي تقدرين تحطين الى بشرايح المانجا ما ركه الجمل بس الى بالفلفل الاحمر اروع

2 خل بحجم الغطاء،

 

زبدة ملعقة كبيرة،

 

ملح خشن

الطريقة:

يقلي البصل ه الفلفل البارد سوا بزبدة و زيت عادي و اذا ذبل يوضع عليه الثوم و ينحمس ثم الدجاج و البهورات و

كل الاشياء الاخرى من المعبوج و الخل و يقلب الدجاج و يحمس و يقلب و اذا احتاج للماء حطو بس لا تكثرون يعني احنا نبية حشو

و اذا انحمس طمنو النار و غطوة عشان تتفاعل النكهات مع البخار ما ياخذ وقت لا تخلونة يحكك و بس

اذا برد الحشو حشو فيه السمبوسة تكون مفردوة و مدهونة بالبيض و ثم اشووها بالفرن و بس

و عليكم بالعافية

البعض يفضل الدجاج المفروم بس الله لا يعاقبنى كبدى لاعت منه انا افضل الى يتفتت

ملاحظه نفس المكونات هذي نفسها للدجاج المسحب الى ينوكل بالخبز بس بحشو السمبوسه نكثر بصل بس هذا الفرق.

و عليكم بالعافية

  • بسطيلة بطاطس في الفرن
606 views

حشوة دجاج للسمبوسه