11:12 صباحًا الأربعاء 21 نوفمبر، 2018

حلويات بالكانتلوب-طريقه العمل


 

  • الكميه تكفي:5 اشخاص
  • المقادير:2 كوب دقيق
    1 كوب زبدة جامده
    نصف كوب سكر بودره
    بيضه واحده ساقعه فانيليا
    مقادير الكاستر
    •3 كوب لبن
    •2 بيضه كامله
    •2 صفار بيض البياض عملت بيه هامبرجر)
    •فانيليا
    •بشر برتقال او ليمون حسب الرغبه
    •نصف كوب سكر او كوبايه الا ربع حسب الرغبه
    •نصف كوب نشا ذره
    •وانا ضفت معلقه كاستر بودره كانت عندي باقيه في التلاجه على مقدار نشا الذره بتاعى
    ودى صورة بالمكونات
    طريقة اعداد الكاستر
    – نشطف الحله بميه ساقعه والخطوه دى بتساعد على عدم التصاق اي حاجة في قعر الحله
    – نحط اللبن في الحله يغلى عالنار
    – نضرب البيض والسكر والفانيليا وبشر البرتقال لحد اما يمتزجوا مع بعض
  • الطبخ:-نحط الدقيق على السكر على الزبدة الجامدة باقطعها بالسكينه مكعبات
    واشغل الكبه بنحصل على فتافيت
    – باضيف البيض والفانيليا واشغل الكبه تانى بلاقى العجينه حتلم لوحدها بالشكل ده
    واغطيها واسيبها ترتاح في التلاجه شويه
    – وافردها في القالب واحطها في التلاجه شويه وانغزها بالشوكه
    – واحط عليها ورقه زبدة عليها شويه فول تدميس او لوبيا ناشفه
    واحطها في الفرن 170-180 حوالى نصف ساعه
    – وممكن احطها دقيقتين تلاته تحت الشوايه تاخد لون ده طبعا بعداما باشيل الفول من عليها
    وده شكلها بعد الفرن
    في الوقت ده باجهز الكاستر او الباسترى كريم
    على فكرة ممكن تشتروه بودره من محل مستلزمات الحلويات
    طريقة اعداد الكاستر
    المقادير:
    •3 كوب لبن
    •2 بيضه كامله
    •2 صفار بيض البياض عملت بيه هامبرجر)
    •فانيليا
    •بشر برتقال او ليمون حسب الرغبه
    •نصف كوب سكر او كوبايه الا ربع حسب الرغبه
    •نصف كوب نشا ذره
    •وانا ضفت معلقه كاستر بودره كانت عندي باقيه في التلاجه على مقدار نشا الذره بتاعى
    ودى صورة بالمكونات
    طريقة اعداد الكاستر
    – نشطف الحله بميه ساقعه والخطوه دى بتساعد على عدم التصاق اي حاجة في قعر الحله
    – نحط اللبن في الحله يغلى عالنار
    – نضرب البيض والسكر والفانيليا وبشر البرتقال لحد اما يمتزجوا مع بعض
    نضيف النشا
    – لما اللبن ييتدى يغلى باحط كبشه من اللبن على مزيج البيض والسكر والنشا واقلب كويس علشان درجه حراره البيض واللبن تكون قريبه من بعض فالبيض ما يكلكعش وبعدين اضيفه على اللبن وبنستمر في التقليب علشان ما يكلكعش وكمان ما يتحرقش من قعر الحله
    – لحد اما الكاستر قوامه يتخن باطفى النار باستمر في التقليب والنار مطفيه لحد اما الكاستر يبرد شويه وباغطيه
    ونرجع تانى للتارت
    باحط طبقه صوص شكولاته او شكولاته سايحه في معلقتين لبن وحبه زيت صغيرين
    وباستنى اما الشيكولاته تجمد
    بافرد الكاستر
    وباحط الفاكهه انا استخدمت كنتالوب وخوخ كمبوت المره دى وكل مره بتكون حسب المتوافر قدامى
    الفاكهه لازم تكون ناشفه لحسن الميه بتاعتها تنزل على التارت وتبوظه واحنا ما صدقنا عملناه)
    بادهن الفاكهه بفرشه عليها جيلى تلميع(خطوه في منتهى الشياكه وخصوصا لو فيه ضيوف)
    باسيبه شويه في التلاجه وعاده انا بحب اغطى اي حاجة احطها في التلاجه
    – وادى النتيجة النهائيه
  • ملاحظات:نخش الاول على الملاحظات

    الملاحظه الاولى


    1) يجب ان تكون كميه الدقيق متناسبه مع كميه الزبده
    العلاقه بين الزبدة والدقيق مهمه جدا في التارت لو الدقيق زاد بيكون التارت ناشف جدا وللحصول على افضل نتيجة بتكون كميه الدقيق ضعف كميه الزبدة وكميه الزبدة ضعف كميه السكر وممكن نعمل الحكايه دى بالميزان لو متوفر يعنى الكيلو الا ربع دقيق عليها نصف كيلو زبدة وربع كيلو سكر و تلات بيضات)
    الملاحظه الثانية


    2) يجب ان تكون الزبدة جامدة جدا جدا ومش سايحه
    مهم جدا النقطه دى لو الزبدة سايحه ماينفعش خاالص
    ولو اشتغلتى بيها وهيا سايحه حتضطرى تحطى دقيق والعجينه حتكون سايبه من بعضها فترجعى تانى تزودى دقيق ويطلع التارت ناشف جدا جدا)
    الملاحظه الثالثة


    مافيش عجن للتارت خالص
    المكونات كلها بتدعكيها مع بعضها باطراف الصوابع وتلميها بالبيضه الساقعه او ممكن باستخدام الكبه لو متوفره زى ما انا عامله)
    الملاحظه الرابعة


    القوالب الصغيرة حتديكى نتيجة احلى والقالب اللى بالقاعده المتحركة بيكون اسهل في التعامل من الصينية العاديه)
    الملاحظه الخامسة


    عند وضع الصينية في الفرن لازم احط عليها حاجة تقيله علشان التارت ما يطلعش لفوق وتكون النتيجة مش مضبوطه فالحل انى باحط علي التارت ورق زبدة واحط فوقيه شويه فول او لوبيا ناشفه)
    الملاحظه السادسة


    لازم الكاستر ما يكونش مكلكع

  • صور حلويات بالكانتلوب طريقه العمل

 

97 views

حلويات بالكانتلوب-طريقه العمل