يوم الثلاثاء 7:10 صباحًا 22 أكتوبر 2019



حمام عروسة حمام مغربى

حمام عروسه حمام مغربى

 

صورة حمام عروسة حمام مغربى

 

عروسه جديدة و على و ش جواز،
يبقى اكيد نفسك ان بشرتك تكون ناعمه و نضره مش كدة و بس،
دى انت اكيد نفسك كمان تتخلصى من الاماكن الغامقه الموجوده في بعض اجزاء الجسم و اكيد طبعا عماله تسالى اصحابك عن مراكز تجميل بس انت خايفه تروحى لعدم تاكدك من مستوى النظافه اللى ممكن يكون موجود هناك،
بالاضافه الى ان المراكز دى بتاخد فلوس كتيره جدا و انت مش عامله حسابك عليها..

, فنانيس سليم خبيره التجميل و لفات الطرح تقدم لك هذه الماسكات لتحصلى على نفس النتيجة التي تحققها هذه المراكز بس في البيت.

اولا: حمام البخار لبشره الوجة

حمام البخار من الحمامات المعروفة جدا لبشره الوجه،
لانة بينشط الدوره الدمويه في البشرة،
وبيفتح المسام لتتخلصى من الافرازات الدهنيه و الرءوس السوداء اللى ممكن انها تكون موجوده على و جهك..

وكل اللى هتحتاجى له:

1 شيح “من عند العطار”.

2 مياه.

3 فوطه كبيرة.

الخطوات:

1 سيبى الشيح يغلى في حله متوسطة الحجم.

2 بعد ما تتاكدى ان المياة و صلت لمرحلة الغليان حطى الفوطه على راسك و افرديها كويس و شيلى “الحلة” من على النار و قربى و جهك من “الحلة” علشان و جهك يلاقى البخار اللى طالع من “الحلة”.

3 سيبى البخار يتسرب لبشرتك لمدة 10 دقائق،
ولو حسيت ان بشرتك تعبت من البخار ممكن انك تريحى شويه و بعد كدة ترجعى تانى تكملي.

4 بعد مرور ال10 دقائق امسحى بشرتك باسفنجه ناعمه مبلوله بمية ساقعة.

ثانيا: حمام الثلج لبشره الوجه

لو كنت بتعانى من وجود سواد جامد جدا في المنطقة اللى تحت العين يبقى عليك و على حمام التلج،
وعلى فكرة حمام التلج منعش جدا للبشرة.

كل اللى هتعمليه:

قطعة تلج متوسطة الحجم.

الطريقة:

امسكى قطعة الثلج و مرريها على و جهك في حركات دائريه سريعة،
طبعا في البداية هتحسى انك مش قادره تستحمليها لكن بعد كدة هتلاقى نفسك مستمتعه جدا استمرى لغايه ما الثلجه تدوب و اول ما تخلصى هتلاقى و شك بقى لونة و ردى و هتحسى انه منتعش جدا..

اما بالنسبة للحمام المغربي للجسم

المفروض تعملية قبل فرحك بيوم على الاقل حمام المغربي طبعا فوائده كثيرة لانة بيزيل الخلايا الميته من الجسم و بيفتح مسام البشره ليخلصها من الحبوب و الدهون بس اهم حاجة خلى بالك منها هي انك قبل الحمام تشربى كميه كبيرة من السوائل ؛ و دة لان الجسم بيفقد سوائل كتيرة؛ بسبب البخار و الحراره العاليه و بكدة ممكن تصابي بالهبوط.

وكل اللى هتحتاجى اليه:

1 ماء ساخن جدا.

2 ليفه مغربي خشنه “هتلاقيها في الصيدليات الكبيرة”.

3 صابونه مغربي “هتلاقيها في الصيدليات الكبيرة”.

الطريقة:

1-اقفلى اي منفذ للهواء في الحمام “الشباك و الباب”.

2 جيبى طبق و املية مياة سخنه جدا و حطى فيه اللوفه المغربي.

3 افتحى المياة السخنه في البانيو على الاخر لغايه ما يبقى فيه بخار جامد في الحمام،
وبعدين سدى البانيو و املى نصة من المياة السخنة.

4 اقعدى في البانيو لمدة نص ساعة علشان جسمك يتعرض لاكبر قدر من البخار.

5 هاتى الصابون المغربي و ابدئى في فركة بالراحه على جسمك،
ودة علشان بشرتك ما يحصلش لها التهاب

6 سيبى الصابون على جسمك لمدة 10 دقائق.

7-اشطفى جسمك بالمياة السخنه و بعدين حطى كميه ثانية من الصابون بنفس الطريقة السابقة و سيبية برضة لمدة 10 دقائق.

8 ممكن تستفيدى بالفتره دى في تنظيف الكعبين بالحجر الخاص بالقدمين “هتلاقية عند العطار”.

9 بعد مرور 10 دقائق اشطفى جسمك من الصابون بالمياة السخنة.

10 امسكى الليفه المغربي و ابدئى في دعك جسمك ما عدا منطقة الوجة بشكل دائري،
اثناء دعك جسمك هتلاقى ان الخلايا الميته في الجسم بتتشال و بتقع على الارض بمنتهى السهولة.

11 اشطفى جسمك كويس بالمياة السخنة،
واوعى تسمعى كلام اي حد يقول لك انك تستخدمى عطور او اي مستحضرات تجميل او كريمات في الحمام المغربي؛ لان كل الحاجات دى فيها مواد كيميائيه ممكن انها تضر بشرتك.

ملحوظه ممكن تجيبى كمان الدلكه السوداني “موجوده عند العطار” و ابدئى في فرك جسمك كله بيها،
فهي عبارة عن عجينه من مكونات عطريه و اعشاب و اخشاب ثمينه غطى بها كل الجسم،
وعلى فكرة الدلكه دى مهمه جدا لأنها بتكسب الجسم لمعان و لون و ردي..

سيبى الدلكه على جسمك لمدة ربع ساعة و بعد كدة اشطفى جسمك بالماء الفاتر المضاف الية ماء الورد.

 

  • حمام عروسه
  • صور بنات في حمام مغربي
  • صور حلة مياه سخنه
  • صور حمام
  • طريقة جديدة لعمل حمام مغربي

504 views

حمام عروسة حمام مغربى