12:55 مساءً الجمعة 16 نوفمبر، 2018

رغايف معمرين بالتفاح


صور رغايف معمرين بالتفاح

مقادير العجينه

كيلو دقيق
80 غ سكر
80 غ زبدة رطبه
فاني
خميره خبز
ملح
600 مل ماء دافئ
مقادير حشوه

3 تفاحات
40 غ سكر بني او عادي
شويه زبده
شويه زبيب
شويه قرفه
فاني
حامضه

للتزيين

رقائق اللوز
سكر كلاصي
مربى فريز
صفار بيضه مع شويه حليب

للتوراق

زبدة مدابه زيت

نقشرو التفاح و نقطعوه على شكل دوائر و نعصرو عليه الحامض
نذوبو الزبدة في مقلاه و نديرو التفاح من بعد ما قطرناه من عصير الحامض
نزدو عليه سكر والقرفه و سكر الفاني و الزبيب مرطب من قبل في ماء طايب خاصنا نطيبو التفاح غير نص طيبه باش يبقى شاد في راسو و نخليوه يبرد و نطيبو حتى طريفات لي شاطو لينا من التفاح
بالنسبة للعجينه نعجنوها كيبحال عجينه رغايف يعني بطريقة عاديه ونخليوها  تخمار ثم نكوروها ونخليوها شويه ترتاح عاد نطلقوها و نعملوها على شكل رغيفه ثم نعملو التفاح في الوسط  و باقي موضح بالصور
 بالنسبة لطريفات تفاح لبقاو لينا نطويو العجين بحال بتي بان ونعمروه بيهم ونخليوهم يخمارو
ثم ندهنوهم بالبيض و نرشوهم برقائق اللوز و من بعد ما يطيبو و يبردو نزينوهم بالسكر كلاصي والمربى
وهاهوما الرغايف معمرين بالتفاح واجدين وبالصحة والراحه

 

166 views

رغايف معمرين بالتفاح