2:48 صباحًا الثلاثاء 11 ديسمبر، 2018

روايات امليا امل


 

صور روايات امليا امل

صدفه جمعت مدلع وغجريه بابعاد الحقيقه

للكاتبه



ايمليا امل…..
كاتبتنا ايميليا امل هي كاتبه روايه صاحب الظل الطويل و روايه اوراق الماضي )
اذا كنتم من هواه هذا النمط من الروايات فبلا شك ستعجبكم هذه الروايه…..

نبدا……
ïï ال ج زء الاولïïï
ان الرحيل مبكرا
في
عزف وتراتيل على اوتار الماضي
سيفونه عزفت هنا بناي امل لتجد الياس يحاصرها يقتلها
جرثومه الغضب تلوث خيالي
اجدني اعزف صمت امواج حزينه
على واد طفلتي التي ازعجها النور
لؤلؤتي تزداد بريقا في غياهبي
قطع علي خلوتي صوت ازعجني
يالي تفاهه ما تكتبين حقا
اقول من سمحلك تدخلين حجرتي يالله اقلبي وجهك

ما اريد..

اريد ان ارى ما تكتبين سيدتي
الغباء مسيطر على ه البنت وقفت ومسكتها من ياقت بلوزتها وخذفتها بره الحجره
طاخ طراخ طخ طخ طخطخ طق طق طخخخخ
اختفى الصوت بس ان شاءالله ما يكون تكسرت مزهريه ولا صار شي كايد اعرفها ه الغبيه لو البيت عفن عندها ما تحط يدها تقعد على العفن ولا تشيله
اعرف انكم بتقولوا الحين ما فكرتي في الضعيفه الى حذفتيها من الحجره تكسرت صار لها شي .

.

بقولكم هي مثل القط بسبع ارواح..

بتقولون لي مايجوز تقولين هالمقوله هي من تراتيل المسحيين..اعرف انه ما يجوز بس تعودنا..

المشكلة تعودنا نقول اشياء غلط ونفعل اشياء غلط يمكن نقول اشياء تمس عقيدتنا بس عقولنا صارت متبلده نخاف من الجن والظلام ونسينا القبر وعذابه..

يارب ارزقنا نعيم القبر..اللهم امين..

رديت للمنتدى اتنقل مثل الفراشه في المنتدى اقراء واضحك في مجلس التسالي والمسابقات وصلتني رساله من الاخت الم فتحتها ووووووووووووو فله والله مارثون ودي اشارك بس بشو اشارك اممممممممم فكري يا ايمي مم فكري ثواني سريعة وجاتني فكرة مدلع وغجريه الى راحت مع الاب توب الى انحرق وووووووووو بعد كل الرسائل الى على الخاص يطالبون بمدلع وغجريه وللحقيقة بعد اخر
فكرة والله ندمج القصتين ونسميها
سمعت صوت شيء جن جنوني عليه تركت الم وركضت جري للحوش رحت للمرجيحه جلست عليها وفتحت شعري .

.خخخخخخخ بس لو جيبت الشامبو كان خذيت شاور بماي المطر خخخ تغير فيها شي..

صوت الرعد ارجفني من اعماقي خفت جريت لزاويه احتمي فيها ؛



تذكرت اني ما صليت العشاء والحين الساعة 11 يعني لو مت بموت وانا ما صليت العشاء وضيعت وقتي على النت .

.جلست استغفر ربي ؛



الخوف تملكني هزني من اعماقي تذكرت القبر وصلاتي الى كلها طقطقه اكتب للمنتدى بحب واهملت صلاتي ؛



ليش انا كذا ليش ادور على سعادتي الخاطئة ليش ادفن حياتي في المنتديات..

نسيت اهلي .

.

ما اجلس وياهم الا وين و وين..

الواحد يونس عن نفسه في المنتديات بس ما يدفن عمره فيها لازم يرتب عمره ما بين دينه واهله والمنتديات..

يالله شوفوا شلون صار النت صار شي مهم لازم كل يوم نزوره..

اوكي نزوره بس نزوره بعقل..اربع ساعات تكفي تردين وتقارئن..

لا لا اربع ساعات ما تكفي خليها ست.

مممم ايه ست ساعات تكفيني .

.

يادوب اضارب مع اختي الحبيبه
ana alamal وننصح بعض ونرسل لبعض اهم المقالات الى مررنا بها ؛



بس احلى شيء يوم ننصح بعض وعقب نقلب محشاااااااات ؛



واحلى شيء يوم اقولها روحي قشري بصل احسها لو بيدها تجي السعودية وتخنقنقني..

لحظه اسمع شيء وهمس خلف سور الشير..

خفت لا يكون جني ….

رجولي غصب عني قادتني لهناك قلبي نزل في رجولي من الخوف..

ااااااااااااااااااه شو الى اشوفه

نعبو شكلك انت وهي يالي ما تستحون على وجيهكم يالي ما تربيتوا شو تسون هنا يالخنازير ياقليلين الادب

عمه ترى حرام الواحد يقول خنزير للثاني
لا والله والي تسويه انت وهي حلال ما شاءالله عليكم
مسكت ريماس بقهر وهزيتها يمكن تفوق من الى هي فيه وصرخت وانا اقول لها
انت شلون ترضين على نفسك المهان لاتقولين هذا ولد عمي وبيخاف علي هذا مهما كان ذئب بشري لو صدق يحبك ما كان غلط معاك
عمه الله يصلحك والله ماغلط عليها هذه عرضي
ايه باين عرضك لو اختك ليان سوت الى الهانم سوته مع البراء يرضيك ه الشي
ظل ساكت ومنزل راسه
صرخت عليه



جاوبني يرضيك ه الشيء
ما رد على سوالي وابعد وجهه عن نظرات ريماس الى كانت تناظره ومنتظره ايجابته
شفتي ياهانم الى مسلمته عرضك ما يسمح لاخته بينما سمح لنفسه
ركضت ريماس جري للفله وظليت انا و غسان تحت زخات المطر
وما لقيت غير اني بحضن غسان ارجف خوف من صوت الرعد وتذكرت صلاتي الى نسيتها .

.

ابتعدت عن غسان يعني اني ما خفت من صوت الرعد..

بس وين ضرب الصوت ثاني وما لقيت غير اني ادعس 280 في الخط وما ينشاف غير غبار رجولي..

بس كيف تركب مطر وغبار سوري اقصد طرطشت الماي تحت اقدامي بس تعرفون مع الخوف الواحد تضيع علومه

…♦♦♦…

 

في مكان اخر اللون الرمادي سيده يحكي قصته
الرطوبه اكلت من جداره وابوابه..

الثلاجه يزينها الصدا باللون البني المحمر .

.

البوتقاز تهالك يكاد ان يسقط..

الاواني الميلامينيه تاكلت اخفى الزمن صور الزهور المنقوشه على اطرافه ,

,

بصيص منها فقط يجد النور

/

ا
ا
ا
اه
اتوجع بها على حالي
في كل لحظه من يومي
اجدني اذوب اكثر
اشواقي ارسمها بريشه الامل
في كراسه اخفيها بين حنايا روحي

/

ضفائري تنتظرك
لتعيديني للشاطئ
تسحب الشريطه منها
لتهرب
واغضب
واجدني اركض خلفك
ركبتي تحن لذالك الالم
تبحث عنك
لم اضع السكون هنا عبثا
فهي تصف سكون مشاعرك
وتاجج اشواقي

/

اتلوك
في اكياس السكر والارز
ولا يكسرني
الا ملامح ايامي
ل يلتمس الوجع انين الصمت
داخلي

/

جعدت الورقه وضميتها لصدري بكيت انا مو مثل البنات انا مو مكتوب لي اني اتزوج مثلهن منو يفكر في وحده اخوها ارهابي و ابوها عزروه بالقصاص انا شو ذنبي ليش حرام عليكم يا ناس والله حرام ليش تعاملونا بذنب ابونا .

.اخوي ما راح للفئه الضاله الا لما فتحوا له صدورهم وقبلوه بينهم ولا هو وين والكلام الى يقولنه وين
خرجت من المطبخ الرمادي المتهالك..

سقفه يكاد ان يقع على راسي..

رحت للمغسله فتحت البزبوز غسلت وجهي بس الياس اجبرني على الجلوس..

جلست وانا ماسكه بالمغسله واحتك جسدي بالجدار المتصدع لينزع تلك الطبقه الرقيقه المتهالكه..
عذاري وينك يمه تعالي شوفي البرنامج الى تحبينه جاء
وقفت وغسلت وجهي وانا احس بالموت يعصرني اه يالقهر ليش ما اعيش مثل العالم ليش كل الناس تكرهنا ليش حكمنا بذنب غيرنا
يعزف الرمادي بالوانه ليسطر شهور ثلاث مضت
الله يلعنك يالنحيسه شوفي الشرطة تلاحقنا
خفت احس بصدري راح ينفجر من كثر الضيق الى فيني
شفته فتح الباب ويحاول يدفني
انت شو تسوي يا مجنون
كان يسبني ويبصق علي بانواع السب والتجريح وما حسيت غير اني اتحذف من السيارة تكركبت كركبه تالمت و ون ونت ودن دنت على انواع الالم
حسيت بيد على كتفي وصوت من الم الى فيني كان يكلمني من بعيد مافهمت شيء..

الخوف والالم مسيطرين علي ما في بالي غير اني اقول انفضحتي يا عذاري الشرطة مسكتك وراح تحطك في الاحداث… اه وامي المسكينه هي الى راح تروح فيها ياولي انا الى جبته لعمري)
قومي بسرعه قبل الشرطة تقبض عليك
فهمت ه الكلمه وراح عني كل الالم وقفت بسرعه..

وركبني السيارة وحول وركب جمبي وحرك بسرعه..
وين بيتكم لاجل اوصلك
انا شارده من المدرسة ردني للمدرسه
المدرسة راح تفضحك يالخبله
اعرف بس راح انتظر بالشارع لين الصرفه
بل ست ساعات تقعدين فيها في ه الحر والرطوبه انت خبله
اجل تباني اروح البيت لاجل امي تذبحني
دام انك تعرفين ورا فعايلك ذبح ليش تخريجن وتشوهين سمعتك..

ولاا بعدين يلومون الشباب .

.اذا انتن ما خفتن على اعماركن شلون تبون الشباب يصنون انفسهم
اقول تسكت ولا قسم بعطيك بكس يعدل لسانك
نعبو شكلك هذا وانا ساتر عليك كذا تعامليني تعرفين شلون بسلمك للشرطة بيدي
مالقيت عمري غير اني ابوس يده وهو يسحبها
تكفى والي يرحم والدينك استرني والي يرحم امك وابوك استرني
يا بنت الناس اتركي يديني
لا ما بفكها لين توعدني انك تستر علي
خلاص يابنت الحلال ما راح اوديك بس اتركيني
تركته وجلست على المقعد وانا اناظره..

ما اعرف انا شو بالنسبة له..

بس الى اعرفه اني انسانه..

انسانه تبى تعيش مثل العالم تبى تاكل مثل العالم..

اكتفيت من الجوع والحرمان..

انا انسانه اظل لين صاحبت السندوتشه تقوم لاجل اخذها و اوديها لاهلي..

انا انسانه يا ناس ادور شي يسد جوع اهلي..

قطع علي افكاري صوت ه النشمي
وين تبين تروحين الحين
المدرسه
انزين شرايك اوديك المستشفى
صرخت باعتراض:

لا لا لا لا
يا بنت الحلال ضروري تروحين المستشفى يمكن صابك نزيف ولا كسر
لا مافيني شي انا بخير
اعترضت لاني اخاف الفضائح
فجئه رن جواله ورد..

ناظرني وقال
لا تتكلمين فاهمه
حركت راسي بايه
هلا بوحميد .

.

ها لا مني حاضر عندي ظرف طارئ يالله باخذ المحاضرات منك… فمان الله
سالته يوم شفته نزل الجوال
راح تغيب عن محاضراتك
مضطر
ليش
شنو ليش وين تبين احطك في هالشمس
حطني عند المدرسة وانا بتصرف
اقول سكتي والي يرحمك تراني واصل حدي فسكتي رجاء

…~~~

انا اليوم مذبوحه مذبوحه يا على يد عمتي ولا على يد ه الدب ولا على يد بابا..

الله يستر .

.

المكان مظلم وحاسه اني راح اختنق حسيت بشي عند رجولي رفعت وحده منهن ماني عارفه شو المجلة الى مخبيها ه الدب هنا شو اشوف في ه الظلام..

فتحت باب الدولاب شوي اشوف ه الدرامه موجود ولا ظهر..

لمحت المجله..

شف الحقير يشتري مجلة الحلول ويجي يتفلسف علي انه هو الى حل اللعبه..

وانا الخبله مصدقته انه هو الى يحل الالغاز..

لكن هين يا بربر ان ما فضحتك ما اكون انا رغد

اثير:

البراء شفت رغد الحيوانه
البراء:

لا ماشفتها شلي يدخلها حجرتي
اثير:

والله لا اذبحها انا اراويها
‘رغد‘ .

.

بل راح تذبحني عمتي الله يستر ياويلي بس تستاهل احد قالها تطردني من حجرتها بهذيك الطريقة حتى ما سالت عني تشوفني تعورت ولا اصبت ولا انجرحت ما كانها نفس المعنى المهم انها ما شافت اصاباتي .

.

وبعدين دام ه الدب في حجرته شكلي بطول في الدولاب..خلوني اعرفكم على ه الشخصيتين..
اثير عمتي عمرها 28 سنه تصير اخت بابا من جدي الله يرحمه..وهي جميلة ورقيقه بس قدام الناس اما في البيت ابو الرقه تطلع الكل يخاف منها ومحط لها قدر اكبر من حجمها بسبب جدتي..

بس تبون الصدق الكل يكرها في قلبه ويدعي عليها ما تحب غير نفسها واذا حد من اعمامي غلط عليها فجدتي هي الى تدافع عنها لاجل كذا هم مضطرين يسمعون كلامها لاجل جدتي وطبعا امها مب راضيه على افعال بنتها .

.

وانا عن نفسي ما احبها واكرها ودوم اعابطها ودوم انضرب منها ومن بابا بسبب فعايلها الى تقهر..

على بالها خدم عندها اصلا عنااااااد فيها اوسخ البيت وما اشيل شي الخدم شو فايدتهم مو عاجبها الحال تخدم هي ولا تحسب نفسها حظرت الجلاله وحنا ما ندري..
كح كح
ردتني هالكحه للدولاب بعرفكم عن صاحب الكحه اسمه البراء هو ولد عمي عبد الله مدلع لابعد الحدود وحيد امه وابوه عمره 18 سنه طالع ثانوية عامة على كثر غبائه الا انه الاول على المنطقة اهيب عليه ما ادري شلون يفهم انا اعرف الاولاد يجون كساله بس هذا دافور ياكل الكتب اكل مو مثلي انجح بالدور الثاني بس الحمدلله السنه هذه نجحت بدون دور ثاني عااد تخرج يالله ودعنا الابتدائي الله
يستر من المتوسطة حييييييييييل ما يمدحونها يقولن عليها اصعب مرحلة … اف انا دروس الاطفال ما مشيت فيها يبوني اخذ الكفائه بس انتم سوو دعاء
نسيت اخبركم انا عمري 12 سنه بس قريب ادخل الثلاتعش
يالله تعبت وانا في الدولاب بس عمتي موجوده تلعب سوني مع بربر الله يقلعهم ثنيناتهم انا شلي دخلني هنا..

تبون تعرفون شلي سويته فيها..

الله يسلمكم من طردتني وانا افكر فيها بمقلب محترم يرد لي اعتباري الى اهدر
يقولون عندي عمه اسمها اثير
انقلعي عن وجهي ترى مو ناقصتك
امم شفيك من دخلتي وانت حالك ما يسر لا يكون شفتي جني
رغد انطمي
الكلام حريه شخصيه ولا بعلم عليك امريكا تمنعيني عن الكلام
انزين عندك الجدار يمدحونه
لا خليت الجدار لك
رغد ابعدي عني ترى بتشوفين شي مايسرك
وريني ه الشي الى ما يسر هو احد اصلا يشوف منك شي يسر انت عايشه للنت ولعملك ولصحباتك
وانت راسك متروس تبن
طالعه لعمتي
….
غريبة ما ردت علي شكلها حييييييل معصبه العاده كلمتين واشوفها طاردتني من حجرتها بس غريبة الحين .

.

لا هي جالسه قدام النت ولا جالسه على التلفون..

جالسه تناظر السقف يمكن حولت حديثها للسقف..

ناظرت محل ما تناظر مافي شي جديد فيبر ولمبات يمكن تعد اللمبات ناظرت عيونها ثابته شكلها تفكر في شي تقدمه لي اخواتها من حليب النت..

والله البنت مسرحه شكلها تحب..

ويييي هذه تعرف تحب هذه تعرف تضارب تعرف تشتكي علينا تعرف تغث..

اما الحب هذا اخر شي تعرفه..
عمه انت تحبين
قلت كلمتي وشردت بس مالحقتني..

رديت لها ولقيتها مثل ما هي سرحانه الاخت..

يمكن صدق تحب..

الله يكون بعونه الى تحبه..

بس ابد الفكرة مو راكبه على راسي لانها ممكن تكون ما سمعتني
عمتي الغبيه
قلتها وانا مستعده للهرب..

بس لا والله مثل ما هي..

شلي يدور براسها ه الخبيثه..

اكيد في شي كايد شاغلها..

جريت لها ونطيت على السرير وانا اصارخ وشردت لانها انفجعت وعلى بال ما تسوعب تلاقيني وصلت للدرجه الاخيره..

وجري على الصاله واندسيت ورى خالي..

وهي ورايا وما لاحظت اني خلف خالي..

وتقربت مني تضربني وخالي بالنص مو عارف شو الموضوع وماما اكتمت انفاسها من غرابه الموقف وبابا معصب لانه اختها تضاربني وخبطه لي وخبطه لخالي
عادل:

اثير اطلعي حجرتك
اثير:

انت ليش تصرخ شوف بنتك الحيوانه هي الى تحرشت فيني
مسك بابا عمتي اثير وابعدها وهي مصره الا تضربني
انت تدافع عليها لانها بنتك بس والله لا تنضرب
اثير اطلعي لحجرتك
ناظرتني بقهر وانا ااشر على خالي لاجل تنتبه له..

بس الغباء مسيطر عليها..

وسمعت صرخه مكتومه لها وشفتها تحط يدها على فمها وجري على فوق..

وانا حطيت رجولي قبل يصيدوني الى هنا وجري على بيت عمي عبد الله واندسيت هنا

 

في مكان هادئ جدا يقتله الهدوء..

الابيض يصف حال ساكنه..

الماضي ينبش في عقله..

صوت الابواق يصدى في مخيلته..

لا يرى سوى السواد والحمره واشارت المرور وشاحنه في ثواني تواجد تحتها..

ابتسامات يقرائها في ملف داخل مخيلته..

ودعوه تطارده مدى الازمان(الله لا يردك سالم)..

اغمض عينيه بالم..لا احد يزوره سوها..

هي من كانت السبب..

وهي من تزوره..

رمي هنا على سريره الابيض وكانه نكره لا مكان له..

لا حياة له..

عشر سنوات وهو على حالة لا يستطيع تحريك جسده عينيه فقط هي من تتحرك..

لم يسجد لله يوما والان اصبح الاستغفار ملازمه..

ابتسم يشعر براحه رغم الحزن والوحده..

حفظ كتاب الله بعد ان كان كافرا..

نعم ما الفرق بين المسلم والكافر..الصلاه..

الصلاه..

الصلاه..

وكم يتمنى ان يعود لذالك الشاب السليم لثواني معدوده..

ليسجد لله ثم يعود كم هو عليه..

يتمنى السجود بعد ان كان سليم..

يتمنى السجود لله..

نعم السجود هي امنيته الوحيده في هذه الحياه..

لا يعلم هل يشكرها لانها السبب..

ام يقبلها..

لم يرها اليوم..

مالذي يمنعها..

هل اصابها مكروه..

بترت افكاره بدخول الممرض..

اغمض عينه فقد حان وقت غياره..

لم يكن يشكر الله على هذه النعمه..

يدخل ويخرج من الخلاء هكذا..

لم يحضر في باله يوما..

ان يعريه غيره وان ينظفه غيره..

حمدلله يرددها في سره فهو افضل من غيره..

يحظى على عنايه خاصه..

بل ويحبونه واصبح الداعيه هنا بعد ان كان زعيم شلت الفساد هناك بين الاصحاء..
هذا هو امجد عمره 30 سنه..

شو قصته ومن الى تزوره..

اتمنى انكم ما تقسون عليه بردود افعالكم..
…~~~

“رغد”

صحيت من النوم ولقيت عمري في مكان مظلم..

تذكرت اني في الدولاب..

فتحت الباب وشفت البراء نايم..

اخذت بعضي وظهرت..

ومن فتحت باب الحجره شفت عمتي غاليه ام البراء قدامي
ام البراء:

رغد شو تسوين بحجره البراء
وما لحقت افتح فمي الا وهي تسحبني وتدخلني الحجره ثاني
ام البراء:

انتوا شو سويتوا حسبي الله على ابليسكم
مافهمت شيء اذا فهمتوا خبروني..

ورمتني على الارض و راحت للبراء وصارت تضرب فيه وهو نايم وتصارخ عليه:

حسبي الله عليك من ولد شو الى سويته في عرضك الله لا يبارك فيك
البراء فتح عيونه وهو مو فاهم شي:

يمه شو تقولين
ام البراء:

يا فضيحتك ياغاليه وردت تضرب في البراء وهو مثل الاطرش في الزفه مب فهم شي
كنت اناظر عمتي وهي تضرب البراء لين شكيت انه سوى فيني شي مثل ما تقول عمتي بس في الحقيقة والواقع انا مني فاهمه شي..

كل الى اعرفه الحين اني خايفه وراح اموت من الخوف..

بس حسيت انه عقاب من ربي لاني دخلت عمتي على خالي وصلحت فيها المقلب..

وشفت عمي عبد الله(ابو البراء داخل على صراخ عمتي وما لقيت غير اني احط رجولي وما ينشاف غير غباري لانه عمي بعد صار يضرب في البراء..
…~~~…

خرجت من الدوام..

العالم كله ماجزه وانا بعدني ادوم..

يالله الحمدالله على كل حال..
اسير يا بنتي مش عيزه تروحي ل امقد
الا ليش تسال
مش عارف الت لنفسي ممكن مليتي من امقد
الله يسامحك يا عم محمد
ودي انصحك بس اعرف انك مش حتسمعي كلامي
تعرف يا عم محمد انا شايله هم انك ترد مصر وتتركني بحالي انا ما اثق في احد يكتم السر غيرك
ومن ال اني بروح مصر واتركيك لا يا بنتي انا من يوم ما اتولدتي وانا بشيلك على اكتافي وبحرص عليكي لا لا شيلي الفكرة ديه من بالك..

تعرفي يا اسير ساعات اللحم يكون قساي..

وانا وانتي بنمر بنفس الظروف.

انا قيت اشتغل هنا سواق لاجل ولادي يكملوا تعليمهم في احسن المدارس واعيشهم احسن عيشه..

بالاخير نولت منهم ايش..

رفضوني واستعاروا مني لم كبروا واصبحوا استزه اد ادنيا..
وصلنا المستشفى وقفل العم محمد حواره الى كل يوم اسمعه..

هو يقولها من حرقه في نفسه..

اكيد عرفتوا شو المه..

العم محمد سائق لنا وامين وكاتم اسرار وعم وعزيزي وغالي على قلبي..

ما اتوقع يجي اليوم واشوفه غير موجود بحياتي..

وهو عمره 60 سنه الله يعطيه طولت العمر..

نزلت من السياره..

وانا افكر في امجد ما زرته لي يومين لانه حالتي النفسيه ما تسمح وخفت عليه من حزني والمي يكفي الى هو فيه..
امجد بعد الحادث الى صار له كان يرفض شوفتي حتى في اوقات كان يتفل علي فيها .

.بس ظليت وراه وراه لين كسبته في صفي..

اعرف اني سبب الحادث الى صار له..

ابوه دعاء عليه بسببي..

رمى امه بالصندل لانها كانت تضربني..

وصلت للحجره فتحت الباب ودخلت..

شفته نايم..

دخلت بهدوء..

وقفت جمبه ظليت اناظره تقربت منه وبوست راسه
انت جيتي
قالها وهو بفتح عيونه
هلا حبيبي شلونك اليوم ان شاءالله افضل
انت وينك ليش هجرتيني اليومين الى طافت
امجد حبيبي والي يسلم عمرك انا ما اغيب عنك الا اذا كنت تعبانه وانت تعرف ه الشيء
اشتقتلك اثير تعرفين انتي شي كبير في حياتي
يا ربي احرجتني حتى شوف خدودي ولعن من الخجل
هههههههه انت تعرفين الخجل يا ماما روحي اضحكي على غيري
انا مخصماك متكلمنيش
صح اشلون عم محمد
الحمدلله بخير وبس اظهر من عندك بيدخل يسلم عليك
اثير اليوم انهيت استماع الكاسيت الخاص بالمجلد الحادي عشره للفتاوي العلامه الشيخ عبد العزيز بن باز وين الكسيتات الخاصة بالمجلد الثاني عشره
هو مافي للحين المجلد الثاني عشره او احتمال طلبته ما بعد جمعوا فتاويه لاجل يضمونها بس اعتقد الثاني عشره هو اخر مجلد راح يكون
يالله روعه الشيخ بن باز الله يرحمه .

.

والله يجمعنا فيه تحت عرشه يوم لا ظل الا ظله
اللهم امين
تعرفين ما كنت اعرف عن الشيخ بن باز غير انه مفتي عام المملكه والحين احفظ كل كلمه قاله في مجلده..

يالله يا مقلب القلوب ثبت قلبي على دينك..

تعرفين اثير انت اروع انسانه في حياتي..

حتى الذنب الى اذنبته في حق امي بسببك حسيته نعمه من رب العالمين
خفت وصرخت:

لا حبيبي لا هذه ماماتك مهما كان..

استغفر ربك..
انت تعرفين انها ما تبى تشوف رقعت وجهي تعرفين كل شي دار بعد الحادث وعلى شوفتك في ام تترك ولدها عشر سنوات وما تسال عنه
نزلت دمعه خانته وهو يعود بافكاره لعشر سنوات سابقه
ام امجد:

انت شوف وجهك لونه صاير اسود الله لا يقومك بالسلامة انا امك تحذفني بالصندل لاجل الحشره اثير
اثير:

امجد حبيبي ليش هالدموع الحين
فتح عيونه وتقربت منه ومسحت دموعه باصابعي
امسحيلي خشمي الله لا يهينك
مسكت طرف اكمام العبايه ومديت يدي وعقب ومررتها على خشمه وانا ابتسم..

هو كان يقصد اني امسحها بالمنديل فحبيت اعمل تغير واذكره بالماضي
تذكر لما كانوا ينادوك العيال مربى لانه خشمك على طول يسيل وانت على طول هذه حركتك وع وع ارف تعرف انا للحين ما اكل المربى وانت السبب
ههههههههه الله يرجك بعدك تذكرين
ههههههه
…~~~…


:غسان::

مسكت جوالي وتجرات واتصلت على ريماس من بعد ما كفشتنا عمتي انقطعت العلاقه..

بس هي فرصه اننا نتزوج الحين دام بيزوجون الخبلان البراء ورغد
اتصلت واتصلت والبنت ما ترد كتبت لها مسج وارسلته ودقايق والرد وصل بالموافقه..

ابتسمت وبوست الجوال..

ورحت سيده للوالده
يا مرحبا بالغاليه يا مرحبا بالنور كله
ابتسمت احلام ام غسان):

هلا حبيبي
تقرب من امه وباس راسها ويدها
احلام:

اقول شكله في موال براسك
غسان:

ههههههه دوم اقول عنك انك فهيمه تلقطينها وهي طايره
احلام:

يالله نورني
غسان:

ابد الغاليه..

وابتسم بخجل..

احم احم .

.يعني ودي اعرس
احلام:

هههه شكله البراء لعب براسك
غسان:

يمه ترى سالفه البراء ورغد مو مهضومه السالفه شكلها كايده
احلام:

تعرفهم اهل ابوك ما يقولون الصدق هذه عوايدهم ما اقول غير مالت على حظي يوم اني طحت على ه العائله
غسان:

يمه الله يهديك ترى هذيل اهلنا واحبابنا
احلام:

دخيلك كثر منها قال شو قال احبابنا..

اصلا هذيل ما وراهم الا المشاكل
منو الى ما وراهم الا المشاكل
ارتبكت احلام يوم سمعت حس زوجها
وانقذها غسان من الموقف:

منو بعد اصحاب السوء
محمد(ابو غسان):

يا وليدي اتركك منهم تراهم راس البلاء حسبي الله عليهم
غسان:

ولاجل كذا قررت اني اعرس
محمد:

والله زين العقل
احلام:

وانا بزوجك بنت خالتك ادب وجمال ودين
غسان:

تكفين الا بنات خالتي ترى اعرف شيفهن كل وحده انحس من الثانيه
ضحك محمد وعصبت احلام
محمد:

خلاص شرايك ببنت عمك عادل
غسان:

هذا الى ابيه
وقفت احلام وهي معصبه:

ايه اتفقتوا وجيتوا تحطوني بالمدفع
محمد:

اي اتفقنا الله يهديك انا رميتها كذا وبعدين ريماس تعرفينها ادب واخلاق والاهم من كذا انها تحبك وتحبينها دون عن خواتها
غسان وهو يبوس راس امه:

يالله يمه الله يهديك ترى والله لا متفقين ولا شي ابوي رمى واصاب المرمى
سمعت نقاشهم وردت حجرتي..

جلست على السرير وانا ابتسم اخيرا بتحرر من رقابه غسان..

راح يتزوج ويفكني من شره..
سمعت غسان يناديني فنزلت السماعه من اذني لاني اعرف انه ما يناديني الا ويبى مني طلب
مالحقت ادس السماعه الى وهو يدخل علي الحجره فطاحت مني السماعه تحت السرير وهو ما انتبه
غسان:

تعالي سوي شاي بسرعه
اشرت له وانا اقول:

ما اسمع شو تقول
غسان وهو يناظر لاذني:

الله ياخذك وافتك منك وين سماعتك
اشرلي لاجل افهم شو تقول
اشرلي غسان على اذنه وهو يقول:

السماعه وينه
مم ما ادري دخلت اخذ شاور ونسيت وين حطيتها
اقول مالت على وجهك سديتي نفسي
ظهر غسان وابتسمت .

.

انا افهم لغه الشفايف سبحان الله .

.

الله ما رزقني السمع بس رزقني لغه تدرس في ارقى الجامعات وهي ترجمت لغه الشفايف وتخطي الاثر..

محد يعرف عني ه الشيء خليته سر في حياتي ودوم امارسه لاجل اقوي مهاراتي فيه


:لحظات تعريف::
عائلة محمد(ابو غسان)::عمره 50 .

.

ترتيبه الثاني من بين اخوانه مدرس .

.

نقد نقول عليه انه مستور الحال
احلام::

زوجته عمرها 45
غسان::

عمره 25 مهندس حاسبات شغال في شركة الكهرباء
ليان::

عمرها 20 فاقده لحاسه السمع تدرس في الجامعة قسم احياء
…~~~…
~نهاية الجزء الاول~

 

ال جïïï ïïïزء الثاني

جلست ريماس وهي مصدومه..

دموعها هي الى تعبر عن دواخلها..

لا قالها ابوها واقتنعت فيها وهي مجبوره..

هي وغسان حاملين لنفس المرض..
لا لا ما اريد عيالي تكون فيهم اعاقه خواتي بيضحكون علي..

غسان كان دوم ينادي اخته بالطرشه هو السبب الله بلانا وحرمنا من بعض
لبنه:

ريماس حبيبي انت شو تقولين الله ما كتب لكم تكونون لبعض
تكلمت ريماس من بين المها وحزنها وعشقها:

ماما انا احب غسان واريده..

بس ما اريد اجيب عيال منه
الجده وهي معصبه:

ريماس شو ه الكلام الى تقولينه احمدي ربك انه العلم تطور ولا كان تزوجتي وجبتي عيال معاقين..

هذا وانت المتعلمه الفاهمه تقولين كذا اجل الى مهي بمتعلمه شو تقول..

حمدي ربك والله بيعوضك خير

“اثير”..[ كنت جالسه استمع لهذيان ه الخبله وللاسف ريماس فضحه عمرها بنفسها..

بس الظاهر محد انتبه لها لانهم واثقين فيها..

البنت الكبيرة العاقله الى تسمع كلامهم..

شلون يتوقعون منها انه لها علاقه مع غسان..كرهت عمري يوم قررت ادخل عمري فيهم كنت مرتاحه بعالمي الخاص..

اول ما دخلت بينهم شفت بلاويهم..

رغد المفعوصه وغلطت مع البراء..

الله يالبراء شلون صدمتني ابد ما توقعتك من ه النوع..

كنت اشوف معنى اسمك في ملامح وجهك..

يالله شلون الدنيا غداره..

وجهت نظري ل ريناد .

.

وانت يا ريناد شو ورى سكوتك وعزلتك .

.

انا شعلي فيهم..

ليش اسال عنهم وهم ما يسالون عني بحريقه..

تركتهم وطلعت حجرتي] مها [ام اثير..

عمرها40]:

يمه ريماس بسك قطعتي عمرك من الصياح
ريماس وهي تشهق:

ليش ليش حنا الى طعلنا حاملين للمرض..

وشلون رغد والبراء ما طلع فيهم شي .

.ماما يمكن غلطانيين خلونا نعيد التحليل
الجده وهي معصبه:

اذكري ربك بتنظرين اختك هذا بدل ما تفرحين لها ولا كان الحين انفضحنا بين العرب .

.

وبعدين اذا تبينه انا بكلم ابوك بس لا تقولين اهلي ما نصحوني اهلي ما يحبوني .

.سمعيني وانا جدتك ترى الرجال مايحب الحرمه الا بعيالها شوفي جدك ما تزوج علي الا لما شالوا لي الرحم هذا وانا منجبه له خمس اولاد .

.خذيها يا بنيتي مني ولا تقولين اهلي ما نصحوني..

لو انه الاعاقه بتكون مثل ليان كان انا اول وحده وافقت وباركت لك بس عيالك اذا جوا بيكونون مثل عيال اقبال بن هلال شفتي ولده الى عمره 30 الى يشوفه يقول عنه عمره تسع سنوات.
ريناد:

بس احتمال يجون سليمين.
ام ريماس:

ريناد سكتي ما نبي نسمع احتمالاتك.
ريناد:

كيفكم بس قلت اشرح لكم.
ام ريماس بنرفزه:

خلي شرحك لعمرك.
ريناد وهي معصبه:

اصلا انا الغلطانه الى متعبه عمري فيكم بروح حجرتي افضلي.
ام ريماس وهي معصبه:

هذا الى فالحه فيه كل كلمه نقولها تزعلين وتندسين في حجرتك.
الجده وهي تكلم ام ريماس:

الحين البنت في شو غلطت تهوجين عليها خلها براحتها تشرح..

جلسي يمه معليك في امك

…~~~…

[جلست بحجرتي وانا قمه في حزني واندهاشي..

شلي سويته لاجل يعاقبوني كل ه العقاب .

.

الحين انا ما يزوجوني غير هالانسان الى وجهه كله خدود وع وع ارف..

حتى شفايفه ما تبان من متنه .

.

لا ما ابيه انا اريد صالح..

حلو ونحيف وطويل واسمراني ويلبس جنز وتي شيرت وكت ويطول شعره..

اااه ليتني نمت عنده كان الحين زوجونا لبعض..

ما اقول غير مالت على حظي..

كل من ه العمه عساها البلاء..وقفت وفتحت درج الاحذيه [وانتوا بكرامه] واخذت لي كم فرده وفتحت باب حجرتي ووقفت عند بابي لاجل اسكره بسرعه..

قبالي على طول حجره عمتي..

رميت الفرده الاولى وما ظهرت ورميت الفرده الثانية وماظهرت ورميت الثالثة بقوه ماعندي وماظهرت..

خفت اروح ادق الباب وتصيدني .

.

فرميت الرابعة باقوى ما املك..

وما حسيت غير بشي يسحبني..

رفعت عيوني وشفتها وطاح قلبي في رجولي..طلعت مهي بحجرتها ليش انا حظي ردي وياها
اثير:

انت شو في راسك اريد اعرف احد مصلطك علي انت
اسفه والله اسفه والله ما كنت اقصد
لا والله شايفتني غبيه ولا هبله
والله اسفه والله اسفه وهذه راسك ابوسها توبه والله ما اعيدها .

.

ومسكت اذني وقلت..

والله ما اتعرض لك وعد
بسامحك ه المره يكفي الضرب الى اخذيته من امك بس لو شفتك واقفه قدام بابي بقص اذانيك فاهمه

؟
حركت راسي بايه..

ودفتني داخل حجرتي وسكرت الباب علي..

اعوذ بالله..

البنت هذا يا عليها حظ بل كل ما جيت اسويبها شي ينقلب علي..

جنيه اعوذ بالله منها..وانا مثل الخبله ما اتوب الاا اتعرض لها..

دخلت الخيط بالابره وبديه اخيط ترنق عابد .

.ورجعت بذاكرتي لذاك اليوم الى اعتبره حلم
شو تبين فطور
ناظرت السيارة مبين عليها جديدة واي واحد يملك سيارة معناته عنده فلوس بس هو مب موظف..

يمكن اهله اغنياء..

كل ه الاسئله كانت تدور براسي احس اني بعالم غريب احس اني في حلم..

حلمت اني زوجته واني اتمشي وياها الحين

هييي شفيك
هاا
اشفيك تعبانه
لا
اجل شفيك صار لي سنه وانا اكلمك
خير انت شو تريد..

[قلتها بنرفزه احس اني زعلانه لانه قطع علي حلمي] لا ابد سلامتك عمتي ….

هييي لا تنافخين علي ترى ما اشتغل عندك
اعوذ بالله وانا شو قلت الحين اوف
لا دخيلك يالشيخه تعالي اضربيني لا لا تعالي اضربيني احسن
لا حول ولا قوه الا بالله الحين انا قلت شي ولا جبت سيرت الضرب
لا والله لك عين بعد تبين تجيبين سيره
اقول ردني للمدرسه
مني برادك مو انتي كنتي بتلعبين مع شاب قبلي خلاص اعتبريني انا هذاك الشاب
صدمني ابد ما توقعت انه كذا..

بس دام انه من نفس النوعيه وشكله له معارف كثر قبلي فلازم اوافق بس بشروطي..
عذاري يمه تعالي اقتلي الوزغه الى هني لا يروح للمطبخ
حاضر يمه
تركت ترنق عابد ووقفت

 

احلام:

لاني مني براضيه على الموضوع فربي ما تمم لك
غسان:

يمه والي يسلم عمرك ترى مني بناقص.
احلام:

اشفيها بنت خالتك والله.
قاطعها غسان بعصبيه:

الله ياخذها هي وامها لاعد تجيبلي سيرتها ترى بذبحها…..
احلام:

غسان ترى ما اسمحلك تغلط على اختي
غسان:

وانت شلون تسمحين لعمرك وتغلطين على اهل ابوي

؟!!
احلام:

انت تقولي هالكلام

؟!!
غسان وهو يوقف:

اف انا الغلطان الى جالس عندك
احلام:

روح الله لا يردك
لف غسان وهو معصب:

كملي ليش سكتي بس اتمنى لو بتدعين علي تقولين الله ياخذ روحك لاجل ما اتعذب في الدنيا
احلام وهي معصبه:

غسان ابعد عني لا تطلعني عن طوري
غسان:

قوليها ليش خايفه حذفته امه بعلبه المنديل وهي تقول:

انقلع عن وجهي
خذ غسان جواله وطلع من البيت
[ ما اعرف هل احزن ولا اضحك ولا اتشمت..

بس لااا مب انا الى اتشمت على غيري..

بس هذا جزاء لكل من يتشمت بغيره..

الله يهديك يا غسان وينسيك ريماس..

بديتوا بغلط وانتهت بماساه..

بس انا المتضرره الوحيده..

بيقعد غسان على قلبي المشكلة انه] ليان .

.

ليان وصمغ ان شاءالله
ركضت لامي:

نعم يمه
احلام:

وينك صار لي ساعة اناديك
ليان:

كنت جالسه اغسل براد الشاي
احلام:

انزين روحي كوي لي الجيب كلوت الازرق والبلوزه البيضاء
ليان:

ان شاءالله يمه
[تركت امي وانا ابتسم ترى الوالده ما كانت تعرف لمصطلحات اللبس..بس هي تبى تسوي مثل اهل ابوي..

وانا علمتها لاجل تكون في الصورة اذا تكلموا عن شي .

.

الله يهديها تكره اهل ابوي..

محد فيهم ورث شي جدي مات وهو مطنفر ما في جيبه ريال..

ماذن في مسجد راتبه 2000 ريال ومتزوج ثنتين والبيت ايجار والله المستعان..

بس اعمامي كلهم مستواهم راقي وعايشين في احياء راقيه..

وهذا نصيبنا]

…~~~…

دخلت وشفته يناظر للسقف
وبركاته
وعليكم السلام ورحمه الله وبركاته
بوست راسها وانا اقول:

شلونك حبيبي اليوم
انا بخير دام انت بخير
ياربي ترى انا استحي لا تتغزل فيني
هههههه وين ما اشوف اني تغزلت يا ماما انت تتوهمين وماخذه مقلب في عمرك
امجد لا تحاول اعرف انك تمووووووت فيني ولا تحاول تكذب
ههههه خلاص احبك واموت فيك تعالي ليش تاخرتي اليوم
زحمه الطريق يالله ياني جايبه لك اشرطة تهبل
سمعتيها
لا
الله يصلحك قولي امين
امين

…~~~…

في قصر راقي ناعم هادئ..

نزل شاب وسيم قمحي اللون .

.ولونه يهبل..

وشعره طويل لكتوفه مدرج..

والشنب والدقن مسويه مثل اللوك الاماراتي .

.

شكله الرجال معجب فيهم..
هلا بالدكتور هلا والله بهالطله هلا والله بالي رافع الراس
تقرب منها وباس راسها
صالح:

هلا والله بالغاليه
هلا بنظر عيني هلا بالحلى كله
شهد:

لا والله وتتغزلون ببعض قدامنا .

.

ماما تر مايصير تفرقين بين ابناءك
جمانه:

صادقه اختي
صالح:

كيفنا ولدها الوحيد وتتغزل فيني اوف من الغيييره
شهد:

مالت اصلا انت الى تغار لانه بابا يحبنا اكثر
ام صالح(عبير):

يالله بدت الهواشه
صالح:

شلونك جمانه اليوم نمتي
جمانه:

لا والله ما ادري شو فيني
شهد:

يمكن فيها جني
ام صالح:

اعوذ بالله من فالك
شهد:

والله انا شفت البرنامج الى في قناة الرياضه اسمه 99 يقول انه الواحد الى يشوف ويتخيل انه في طاغيه راح يهاجمه فيمكن يكون محسود
ام صالح



اش دخل الحسد في الكلام الى قلتيه
شهد:

مو هو الواحد لما يتحدس يسلط عليه جني يعيش بداخله
جمانه بخوف:

وجع لا تحوفيني صار لي شهر ما انام من الخوف والقلق
صالح وهو يقرب من اخته جمانه:

تعالي برقيك
جمانه:

هذه خبله انت تصدقها
ام صالح:

خليه يرقيك انت شفيك

::لحظه تعريف::
احمد ابو صالح)::عمره 44 تاجر ثري وترتيبه الثالث بين اخوانه
عبير ام صالح)::

عمرها 40
صالح:

عمره 24 سنه طالب في كليه الطب
جمانه:

عمرها 17 ثاني علمي
شهد:

عمرها 15

مسكها صالح وهو يضحك:

اعوذ بالله من الشيطان الرجيم
شهد:

مو كذا ترقيها يشترط التجويد والتلاوه في الرقيه
ام صالح:

صالح الله يهديك ارقيه ما فادت المستشفيات يمكن صدق البنت حد ناظرها
صالح:

ماعندهم سالفه والله ولا هذا شكل حد يناظره
جمانه:

روح والله اني ماخذه حلاكم كلكم
شهد:

بهذه صدقتي يمه ليش ماجبتيني مثلها
ام صالح:

والله انكن حلوات
صالح:

القرد بعين امه غزال
ضربته امه وهي تقول:

شقصدك
صالح:

ههههه والله ما قصدت غير انهن قردات بس انت القمر
ام صالح:

يالله ارقي اختك
صالح:

اجل بنوديها للشيخ اذا بجد انتوا شاكين فيها انها محسوده
جمانه:

لا مني برايحه وعياده نفسيه ودخلتوني والحين عند الشيخ لا انا استحي بيكون قريب مني وبعدين انت ما تغار علي
صالح:

بس هالشي لمصلحتك
جمانه:

والله اول ما نزلت الرقيه الصحابه رضوان الله عليهم راحوا يرقون اهاليهم
شهد:

ايه والله الرجال يرقي اهل بيته وكل والرقيه ما تختص بشخص معين اي حد يقدر يرقي
صالح:

افاااا السالفه دخلت فيها رجوله تعالي يمه برقيقك وارقي قبيلتك كلها
وحط يده على راسها وهي تضحك..

وبدا يقراء وما حس غير بضربه قوية على وجهه..
لحظات غريبة عجيبة مريبه..

بدت بمزحه وانتهت بحقيقة مره..جمانه وقفت على طولها وهي ماسكه بطنها وتحاول تاخذ نفس..
ام صالح .

.ما بين مصدقة ومكذبه ما بين دهشه وتعجب..

ما بين صرخه ودمعه..

ما بين رعشه وانتفاضه.

مابين خوف وحزن..
شهد..

الخوف ارعش كل اوصالها
صالح حط يده على وجهه..

الصفعه كانت قوية .

.وقف وهو xxxxx..

بدا الموضوع بضحك وانتهى بصفعه الم..

اخته تعاني لها شهر .

.

شهر ما ذاقت النوم فيها..

الخوف والرعب ملازمها..
تقرب منها ومسك اكتافها بس هي ابعدت يده بقوه..

هو مو متعود عليها ه الاسلوب..

اخواته يحبونه..وهو يحبهن..
صالح:

جمانه حبيبي تعالي اجلسي
ابعد عني
.

.الجمه الصوت..الصوت ما كان لجمانه..

الصوت كان صوت رجولي غليظ ظاهر من كهف..
دقائق مرعبه مرت عليهم..

جمانه تحاول تاخذ نفس وكانه المكان تفرغ كليا من الهواء..

وصالح واقف مذهول..

خايف اول مره يمر بموقف كذا ولااا ه الموقف الصعب يمس اخته..
ام صالح..

حكمتها سيطرت على خوفها وقالت:

صالح يمه اكمل الى بديته يمه انت الرجال لا تكون خايف
صالح ناظر امه عرف انها تشجعه انه يمسك جمانه..

تقرب منها ومسكها بس هي كانت تبعده عنها وحاولت تترك المكان..وهو متفاجئ من قوت اخته..

صار كانه يتعارك مع رجل قوي لا انثى رقيقه..
صالح اترك اختك
كان ماسك فيها بقوه وهي تتقدم للدرج وهو مو قادر عليها
حسبي الله عليك من ولد انت ما تسمع الكلام
وقفت ام صالح واتجهت لزوجها الى دخل البيت وهو مو فاهم شي:

احمد روح امسك بنتك صالح مو قادر عليها
ابو صالح وهو يتجه لصالح بغضب:

اقولك اترك اختك
شهد وهي تصارخ:

بابا جمانه فيها جني
تقدم ابو صالح بسرعه لبنته وهو يقراء المعوذات..

مو فاهم شي..بس هذه بنته وهذا الموضوع الى فهمه..صرخات رجوليه غليظها كانت تطلع من جمانه..
ابو صالح



اتركها
تركها صالح وابوه مسك يده وخلوها بالنص وهي تصارخ تجلس وتوقف وتحرك يديها كانها تطير..

وابوها يقراء عليها المعوذات وبدا يقراء عليها سورة البقره..
جلست جمانه وهي ماسكه بطنه وبدت ترجع شي اقرب من انه يكون براز
هدا الصوت الى بداخلها وهي بدت تترنح..

مسكها ابوها
تقربت منهم ام صالح وجلست تغسل وجه بنتها بالماي
ابوصالح:

هذا زمزم
ام صالح:

ايه وقريت عليه خذ شربها
خذ الكاسه منها وحط الكاسه عند فمها وهو يقول:

اسال الله رب العرش العظيم ان يشفيك
كان يرددها وهي تشرب..وغابت عن الوعي
ام صالح:

احمد شفيها البنت
ابو صالح:

صالح روح كلم امام المسجد وعلمه بالسالفه
صالح وهو يوقف:

ان شاء الله

 

خلخلت عظامه شنو يعني خال البنات ملاك يعني الواحد يتزوجه غضب
عادل[ابو ريماس]:

اثير فكري بالموضوع
رجاء عادل لا تناقشني بالموضوع
[قلتها وظهرت من المكتب..

هذا اللي ناقص خال البنات بعد .

.

الله ياخذه..مريت من الصاله وشفت ريماس سرحانه..

احلامها تبخرت بين يوم وليله] لا تسرحين كثير عيشي يومك ترى الحياة مو مثل ما تتخيلين حب واحلام ورديه..

الحياة صدمات
[ رميت جملتي عليها وكملت طريقي يمكن تفكر زين بكلامي..] [انفتح الباب وشفتها قدامي .

.

خفت منها..حرام والله عليهم انا ما سويت شي كبير لاجل اعاقب عليه كذا] رغد يمه ابوك كلم عمك والملكه بتكون يوم الخميس
[ما اعرف ليش تخبرني ولا اعرف سبب وجودها عندي كانت متوتره الله يستر شكله بابا مب راضي عني]

ظهرت من حجره رغد وهي ما بين مصدقة ومكذبه مابين حيره ودهشه
[الحين رغد الخبله هذا تصرفها..

والله بنات الزمن هذيل مفتحات..

الله يرحم زمنا لين تزوجنا وحنا نجهل امور كثيره..

عادل ماغير يلومني اجل هو وينه ليش ما يحط اللوم بعد عليه..

فتحت بابا حجره ريناد خليني اراقبهم لا يكون بعد هي شارده] هلا يمه
قالتها ريناد وهي تقفل صفحات النت من الشاشه
انت شو تسوين.
جالسه العب.
ايه العبي بس انتبي على عمرك.
ان شاءالله يمه.
قالتها ام ريماس[لبنه] وظهرت
تنهدت ريناد بارتياح يوم ظهرت امها ووقفت تقفل الباب اول مره امها تدخل تقولها خافي على نفسك..

[يمكن موضوع رغد الخبله ماثر عليه] .

.

ردت للنت وفتحت الصفحات ويالي هول ما فتحته صور خليع رسلوها ليها اصدقاء السوء عبر الايميل ومقاطع مثير..

ودردشه قمه في الدناءه

::لحظات تعريف اخرى::


:عائلة عادل::
عادل:

عمره 42 مهندس في شركة ارامكوا حالته الماديه ممتازه..

ترتيبه الرابع
لبنه:

عمرها 39
ريماس:

عمرها 22 اخر سنه لها قسم نسيج
ريناد:

عمرها 20 ثانوية عامه
رغد:

13

يالله ما تبون تعشونا
قالها احمد وهو يناظر زوجته عبير
عبير:

انزين نتعشى وين
احمد:

هنا بحجرتي لاجل جمانه اخاف تصحى وما تلاقينا
عبير:

حلوة الفكره
احمد:

انزين يالله عشونا
عبير:

يمه شهد روحي جيبي العشى
شهد:

والله انا عن نفسي مو مشتهيه
عبير:

انزين حنا ماسالناك رايك
شهد:

المثل يقول كل من يخدم نفسه اليوم
صالح وهو يدخل:

هههه ابوك يالنصب انا عارف علتكن
عبير:

هههه انزين تكرم انت وجيب العشى
صالح وهو يرفع يده:

احلى فلافل لاحلى اسره
احمد:

شو الموضوع
صالح:

واضح يالحبيب ما يباله شرخ الاناث جبانات
احمد:

هههه وانا اقول شفيهن يماطلن
عبير:

خلص لا توضح اكثر اخاف يسمعنا ونروح فيها
احمد:

الله يهديكن ويحميكن

دخل حجرته وهو مصدوم كان يحلم بس الحلم سطر احرفه على الواقع ليصدمه بقسوه الظروف..

ما يعرف شو الموضوع البنت ونامت عنده فيها شي..

ليش يجبرونه على الزواج
هو عمره مافكر بالزواج ولا بالرومنسيه كل الى في راسه انه يصير دكتور مثل صالح..

ويحب اللعب والحريه..

بس ابوها اجبره ياخذ رغد
الله يلعنك يالنحيسه مالقيت غير حجرتي تنامين فيها
اف انا اخذ رغد الخبله ليش بايع عمري
بس ابوك بيطردك من البيت
عادي انا رجال بدبر عمري
وين تدبر عمرك انت تاخذ مصروفك من ابوك والسنه الجايه توجيهي
يالله شلون اوفق بين دراستي وزواجي ياليت الى باخذها تفتح النفس والله انها ارجل مني
لا شنو ارجل مني انا رجال..

بس هي مسترجله وخبله
والله حرام ليش يعاملوني كذا وكاني بنيه انجبر على الزواج
قطع عليه خلوته فتح الباب وظهور امه قدامه
غاليه:

البراء ابوك يقولك الملكه يوم الخميس
انصدم البراء من الموضوع..

شنو ملكه وشنو خرابيط هو شو ذنبه يورطونه..

اصلا هو يفهم شي في عالم المتزوجين..

المشكلة ابوه مب راضي يسمعله كلمه..
قالتها امه وظهرت..هو كان جالس يرتب الكلمات في راسه لاجل تفهمه..

بس هي ظهرت قبل لا تسمعه..
البنت وكل الدلايل تقول اني لمستها
بس انا ما لمستها
الحيوانه شكلها مسويه مصيبتها وجايه تستر عمرها فيني
لكن هين يا رغد راح انسيك اسمك اما خليتك تعترفين قدامهم كلهم واولهم امي وابوي بانه مو انا الى لمستك

::لحظات تعريف اخرى::


:عائلة عبد الله::
محمد:

عمره 40 مهندس في شركة سابتكوا..

ترتيبه الخامس بين اخوانه وهو اصغر اولاد الجده مزنه
غاليه:

عمرها 37 وهي اخت لبنه زوجه عادل
البراء:

عمره 17 عقله طفولي..

وحيد امه ابوه..

بس زين انه ما يقول ماما وبابا مثل البنات
وه العائلتين عايشين في فلتين بحوش واحد

عابد:

عذاري صالح جاء امي تقول لا تظهرين
انتفض قلبي من الفرح وقفت ورحت للشباك اناظره
ام عذاري وهي تقلطه:

هلا بوليدي تفضل
صالح وهو يحط اكياس المقاضي على الارض:

لا الوالده انا مستعجل اسمحولي
ام عذاري:

اذا مسعجل ما نقدر نلزم عليك واذا وقتك يسمح لك تشرب فنجال شاي فانت غير
معذور
صالح:

لا والله الولده مره ثاني
محمد وهو يمسح وجه:

افاا صالح يجي وما تصحوني
وراح للمغسله الى في زاويه في حوش البيت الشعبي وغسل وجهه ومسح وجهه بملابسه وتقدم بسرعه لصالح يواجهه
صالح:

هلا بوحميد اشلونك شكلك سهران البارح
محمد:

كنا نلعب اونو وغلبتهم كلهم
عابد وهو يقط راسه بالعرض:

ولعبنا كيرم الى جبته لنا وامي وعذاري كل شي يطلعون لنا قرارات من روسهم
صالح:

هههه لا يضحكون عليك اللعبه مثل ما علمتك اياها خلك بطل واغلبهم
محمد:

اصلا هذا ما يعرف يلعب ما غير يرمي المضرب يا تصيب ويا تخيب
صالح:

يالله راح يتعلم وبيغلبكم
عابد:

سمعت راح اغلبكم
صالح:

انزين انا اترخص الحين توصين بشي يالوالده
ام عذاري:

مشكوره يا وليد والله يوجهلك ويبعد عنك اولاد الحرام

*******

جلست ام اثير على اعصابها بنتها راكبه راسها موب راضيه تقتنع.
لبنه:

مها اشفيك انا بحاول وياها بس خلينا نخلص من موضوع رغد.
ام اثير:

والله يا لبنه ما ادري شو اقولك اثير بنتي كاتمه على عمرها ما تشكيني همها ما تدخلني حياتها..

تعبتني وياها كل ما قربت منها اشوفها تبعد عني
لبنه:

والله ما ادري شو اقلك بس انت حاولي وياها وتقربي منها اكثر
مها:

والله تعبت

********
صحت من نومها وهي مستغربه وجودها في حجره ابوها وامها
انت صحيتي حبيبي

؟
ايه بس انا شلي جابني هنا

؟!!
ام صالح:

ماما جمانه شلونك الحين

؟
جمانه:

الحمدلله بس انا شو الى جابني هنا

؟!!
ابو صالح وهو يفتح عيونه:

هلا حبيبي وانا اقول صوت الكناري من وين

؟!!
جمانه:

هلا بابا
ابو صالح:

اول مره احس اني نمت زين ولا كل يوم اتشوت واحيان احصل عمري طايح بالارض
ام صالح وهي تعض على شفايفها:

لا والله انت الى تلاعبني كراتيه انا الى ارتحت.
شهد:

والله حرام عليكم من البارح وانا ساكته وكاتمه على عمري انا شو اقرب لكم

؟!!
ابو صالح:

يقولون بنتنا صح عبير.
عبير:

لا انا اشك..
شهد وهي تسوي عمرها تبكي:

ما احبكم بدور لي اهل غيركم يحبوني.
جمانه:

شو الى جالس يصير ليش كلنا نايمين هنا

؟!!
شهد وهي ترفع وتعدل شعرها:

جمانه ما تذكرين شي

؟
جمانه:

مثل شو

؟
ام صالح:

حبيبي انت لك شهر ما نمتي عيونك ما تعرف طعم النوم..
جمانه وهي تقاطعها:

ايه والله انا نمت وااااو اخيرا نمت والله احس اني ارتحت بس شلون نمت…
ابوصالح:

قرب الظهر بروح اصلي وانت حبيبي ما صليتي الفجر قومي خذيلك شاور وصلي الفجر والظهر

…~~~…

اثير[صليت الظهر وجالسه انتظر مباراه المنتخب بشوق..

خساره المواجه غير مرضيه كنت اتمنى لو انه البحرين تعادلت مع اندونيسيا كان خرجنا من المواجها الصعبة وصعد المنتخبين
الخليجيين..

رن تلفون الصاله..

غريبة منو الى يتصل علينا في ذا الوقت..

وقفت واتجهت للتلفون ما ادري وينهم اهل البيت اليوم] الو
الو
[ه الصوت ارجفني من الداخل سكرت الخط بسرعه انا شلي لقفني وخلاني ارد اليوم دوم اخليه يناحل وما ارد يوم رديت طلع لي ه العله] مزنه:

منو اللي كلم

؟
جاوبتها بسرعه:

ما ادري سمع صوتي وسكر.

مزنه:

زين انه سكر اقيس انه غلطان ولا حد يسمع ه صوت المزايين ويقفل.
اثير:

يمه الله يخليك الا صدق وينهن البقيات

؟!!
مزنه:

بالمطبخ محمد يريد الغدا اول ما يرد من المسجد لاجل يتابع المباراه.
اثير:

مممم وانا اقول السالفه فيها شي .


مزنه:

الحين منو بيصعد

؟
اثير:

ان شاء الله السعودية والبحرين يصعدون بس الامل ضعيف.
مزنه:

ليش

؟!!
اثير:

لانه النقاط متقاربه.
مزنه:

اثير يمه ما شفتي رغد محتاجه شي



..هي ما تكلم امها..

واخواتها شايلات يدهن عنها..

كلمهيا انت وشوفي طلباتها خلها تفرح وتحس انها عروس والله حرام الى تسونه فيها..

اثير يمه انت عمتها لازم تكونين احن عليها من خواتها
ان شاءالله يمه بروح لها الحين واذا بدت المباراه خبروني.
الله يوفقك ويزقك بالزوج الصالح.
[صليت الظهر .

.

وظليت جالسه على السجاده..

الحين بالله انا عروس .

.

انزين ليش ما يجبون لي مثل العرايس .

.

شفت شي غريب بالسجاده..الله يلعنهم حاطين صليب بالسجاده] رغد خلصتي
ايه .

.

عمه تعالي شوفي حاطين صليب في السجاده.
تقربت عمتي مني وناظرت محل اصباعي.
اثير:

ايه والله حسبي الله ونعم الوكيل فيهم

!
رغد:

شسوي ارمي السجاده

؟
اثير:

لا اعطيها ماما تخفيلك الصليب.
رغد:

شلون

؟!!
اثير:

تخيط عليه بالحرير.
لحظه سكتنا فيها .

.

انتهت السوالف عندنا..

انا راح اموت من كثر السكوت..

حرام عليهم يعرفون اني احب اسولف والعب ليش يحرموني من ه الشي

؟!!
رغد اليوم العصر بنروح السوق نتقضى لبكره .


رغد بفرح:

والله

؟!!
اثير:

ايه مو انت عروس هههههه.
احرجتني عمتي بس تصدقون حلوة ضحكتها
اثير:

رغد شو شعورك وبكره ملكتك

؟
رغد:

شلون يعني

؟!!
اثير:

يعني اوصفي لي ،



شو احساسك الحين

؟
رغد:

زعلانه وطفشانه وودي اظهر من حجرتي بس بابا مانعني.
اثير:

سكتي والي يرحم والدينك سكتي انا توني تاكدت انه راسك متروس تبن.

 

ïïï ال ج زء الثالثïïï

طفوله بريئه .

.جنون .

.

مشاعر متناقضه..

سطور مؤلمه..

قسوه وجبروت..ارتباكات..افراح مقتوله..صفحات رماديه واخرى صماء

رغد[تركت القران..

تذكرت المدرسة بشترط عليهم اكمل دراستي..هو صحيح انا ما احب المدرسة ما اروح غير لاجل اخذ مصروفي والعب مع البنات..يعني من زينهن الابلات..

بس ابله الرسم تهبل تعطيني الميه كاملة اصلا انا عيوني ما تجي غير على درجه الرسم والبقيه كلها ما اشوفها واهلي عكسي تماما..عجب المفروض يشجعوني يمكن اصير اشهر رسامه..بس بكمل دراستي اجل البراء يدرس وانا لا والله بصير اشطر منه غصب طيب .

.

غريبة عمتي اليوم بطوله ماشفتها .

.وانا محتاجه اغراضي الشخصيه ضروري الى سرقتها من عمتي خلصن ما بقى غير واحد..مسكت ورقه وقلم..مني عارفه شو اكتب..

استحي والله..كل اصبع فيني يدز الثاني لاجل يكتب الكلمات حييييييييييل مستحين مثلي..

تضاربت اصابعي مع بعض الابهام يقدم السبابه..

والسبابه تقدم الوسطه .

.والوسطه تقدم البنصر..

والبنصر يقدم الخنصر..ناظرت يدي ياحراام اصباعي الصغير كل الاصابع فوقه وكل واحد فوق الثاني..

حزنت عليه ذكرني بحالي ليش انه صغير فالكل يعطيه على راسه..صرخت عليهم بس يالله اكتبوا الغرض احتاجه ضروري..

اتفقوا على انه اقصر اثنين هن الى يكتبون يعني الابهام والخنصر بس شلون..يالله خليني اكتب طال ماهن اتفقوا اخاف عقب يضاربون ثاني وما اكتب شي..مسكت القلم وكتبت..عمه ممكن تجيبن لي مثل الى سرقته من درج صيدليتك..

سكرت الورقه..

الغريب هنا انه كل اصبع يحاشر الثاني على الورقه يبون يسكرونه هو دوم التعاون يكون في الامور السهلة اما المواقف الرجوليه الكل يشرد منها..]


~~~…
ريناد وهي تساسر ام اثير:

خالتي اشفيهن بيت عمي احمد لبسهن كذا
ام اثير:

الله هداهم
ريناد وهي ترفع حواجبها:

مممم ضاربتهن طواعه بس من متى الله يرحم ايام اول الشفاف والقصير والعاري
ام اثير:

الحمدلله وان شاء الله يجيكم الدور
ريناد:

اصلا اتحدى يستمرون كلها يومين ويردون
ام اثير وهي توقف لاجل تسلم على احلام وليان:

قومي استعجلي اختك ريماس وقولي لها الكل حضر وهي بعدها ما نزلت

…~~~…
غسان:

ياخي شوف بالله المهزله زواج بزارين
صالح:

وانت شعليك براحتهم
غسان:

دخيلك شوف ولد عمك كانه بنيه مغصوبه
صالح:

انت شفيك على الرجال الله يهديك
غسان:

اي رجال الله يهديك هذا بزر
صالح:

انزين بزر ترى انا وانت سبب انه بزر كل واحد التم على اصحابه ونسى اقرب الناس له
غسان:

يعني شسوي بعمري اخذه وياي اخاف يفضحني ويصيح علي قدام خوياني ردني لماما يسويها ولد عمك
صالح:

ترى مايصير الى تقوله توه صغير عمره 18 ووحيد امه وابوه
غسان:

انت الظاهر اليوم مستوي مصلح اجتماعي
…~~~…

ريناد خلينا بروحنا
تركتنا ريناد وسكرت الباب ودخلت
اثير ريماس لبسي بسرعه وانزلي
صرخت ريماس:

ما اريد انتوا ليش ماتحسون فيني انزين رغد وغلطت مع البراء ليش بس حنا الى الله عاقبنا ليش هم يتزوجون وحنا لا
صرخت عليها:

ريماس استغفري ربك حرام عليك الى تقولينه انت شنو انهبلتي
ريماس:

عمتي رجاء اطلعي ما اريد اشوف احد
اخذت نفس هذه بتفضح عمرها الكل بيقول عنها انها حاسده اختها اذا مانزلت
تكلمت بهدوء لاجل تسمعني وتطيعني:ريماس الناس بتاكل وجهك بتقو….
قاطعتني وهي تصارخ:

خليها تقول الى تقوله انا شعلي من الناس انا علي بنفسي لو سمحت اطلعي لبره
اثير:

انزين دام انك تحبين غسان ضحي وخذيه وانتوا حاملين للمرض وان شاءالله خلفتكم كلها تجي سليمه
شفتها سكتت وهي تفكر.وعقب ناظرتني وقالت
ريماس:

وبابا
اثير:

انت معليك في ابوك انت الحين تبينه
حركة ريماس راسها بايه
اثير:

انزين يالله بسرعه بدلي لانه الكل يسال عنك
ريماس:

انزين شلون بتقنعي بابا
اثير:

هو انت اصلا قلتي ايه في الاول ظليتي ساكته يوم رفض ابوك
[شفتها توقف وتروح لدولابها..الله يهديها امي مزنه هي الى ترسلني لفلان وعلان واضطر اتحمل غلاستهن بس زين انهن كلمه توديهن وكلمه تجيبهن..هذه ميزت بنات عادل ]

…~~~…

عذاري..[ جلست وقربت الطشت مني وبديت اشطف الملابس..ورجعت بي الوحده للذاكره الرماديه ] شو شرطك
تعطيني الف ريال .

.قلتها باستحياء
كم؟؟!!
من طريقته حسيت انه المبلغ كبير فانا اصلا بين يدينه قررت اخفظ المبلغ لاجل يرضى ويعطيني
انزين سبعميه
…….
ما قال شيء شكله المبلغ ناسبه بس ان شاءالله ما ينزل اكثر
انزين ليش تبين الفلوس
لاجل اشتري مقاضي لاهلي
بريك قوي وحسيت عمري ارتطم بالقزاز الامامي
هيي انت شفيك انهبلت تبى تموتني
مارد علي ظل يناظرني احرجني بنظراته صح انا متغطيه ومو مبين فيني شيء بس هذه اول مره اطلع مع شاب و اول مره رجل يناظرني كذا احس حفظ ملامح وجهي
وجع شو قله الادب هذه ابعد نظراتك عني
قلتها وانا ابعد وجه للجهه الثانيه..

رديت يدي بين احضاني وهو ظل مثل ما انا وجهت وجهه يناظر الجه الثانيه..

حرك السيارة وظلينا فتره احسها دهر وهو يسوق وهو ساكت..

نزل ورد سريع وهو حامل فطور..

وصلنا للكورنيش ياااااااه شفت البحر اخيرا .

.

خواني ودهم يجون للبحر ونشوف الطراطيع الالعاب النارية والعالم ونعيش جو عائلي جمب الشاطى..وقف السياره
انزلي خلينا نفطر
نزل ونزلت بعده .

.جلس على كرسي خشبي وجلست على طرف الكرسي
ناولني العصير وهو ساكت اخذته واخذت السندوتشه
بدا يشرب وياكل وهو ساكته الى يشوفه يقول حد ضاربه على وجهه .

.

ابد مو هو نفسه الى من شوي شفيه تغير لا يكون المبلغ كثير عليه بس انا احتاج المبلغ عابد راح يموت علينا من سوء التغذيه بعده صغير عمره 7 سنوات مايتحمل الجوع مثلنا..
اشفيك ما تبين فطورك
الا اباه
انزين كلي
مسكت السندوتشه شميت ريحتها تهبل..اكلت منها لقمه حييييييل عجبتني
سالته
شو هذا
شو شو
هالسندوتشه شو الى داخلها
انت تستهبلين
لا والله بجد اتكلم
رد يناظرني وشكله مصدوم..
انت اول مره تاكلين فلافل
ايه ليش
دخيلك كلي وانت ساكته
اكلت لقمه ثانية ورديت لفيتها لاجل اخذها لاهلي..

بديت اشرب بالعصير كان يهبل خفت اساله ويسكتني..

شربت شوي بس ضماي اجبرني على اني اكمله للنهايه..وبعدين ما اقدر اخذ العصير لاهلي اخاف امي تسالني..

شفته رد سندوتشته وحطها داخل الكيس ما اكل منها غير كمن لقمه..ومد يده ياخذ حقتي وهو يقول
تبينها
ايه..انت ما تبي حقتك
لا
انزين اعطيني اياها
قلتها وانا خجلانه بالعاده انتظر صاحبه لنهاية الفسحه واجمع في السندوتشات والشبسات الى تركوها البنات لاني استحي اخذها قدامهن بس هذا انا بضيع حياتي وياه فعادي لو اخذت حقته
ليش
كان هذا سواله..جاوبته
لاجل اخذها لاهلي
ليش
شرحت له تفاصيل حياتي باختصار..ومر علينا الوقت وسالته
كم الساعه
يووه احدعش ونص تاخرنا
نزل للمخبز ورد بسرعه ووهو حامل كيس مليان بفات
خذي هذه لاهلك
فتحت الكيس وبديت اقطع البف بشكل عشوائي
انت شو تسوين
انت ماتشوف
اشوف ليش تقطعينها
لاجل يبين اني ملقطتها من الارض..الله يهديك انت جايب شي كثير……


!!!!!!!!!!!
ريناد:

اووف ياربي الحين هذيل ما ضربت فيهن الطواعه غير اليوم..نبي نسمع طرب شو الدي جي الارف الى جابته خالتي عبير……
اثير:

هذا دي جي اسلامي اولا .

.وثانيا اختكم اليوم ملكتها ولا وحده فيكم كلفت على عمرها تساعدها في غرض..اذا عجبكن اهلا وسهلا ما عجبكن دقن راسكن في الجدار
ريناد:

وانت تعتبرين هذا فرح مثل العالم
اثير:

ريناد سكتي ترى بتسمعين كلام ما يسرك
ليان[هذه النقاش كان داير بين عمتي وريناد..

غريبة ما اشوف اثر للسعادة على وجييهن..الي يشوفهن يظن السوء..الفرحه مقتوله هنا] ليان:

عمتي ممكن اشوف رغد
اثير:

روحي لها بحجرتها ونسيها اكيد ملانه
جمانه وشهد:

وحنا بعد بنروح لها

 

رغد:

ما اريد انزل والله استحي ماما والي عافيك مااريد
ام ريماس:

رغد الناس شو بتقول عنا

؟!!
صرخت وانا محروقه شلي يصيرلي:

تقول الى تقوله ما اريد
مسكتني ماما ووقفتني وهي تصارخ صرخات اوقفتني:

رغد ترى والله لا تنضربين تحملي غلطاتك
سكت ونزلت راسي دموعي بدت تنزل
ام ريماس:

بكيفك ،



ابكي وعدمي الميك اب وغصب راح تنزلين
اثير:

لبنه لو سمحتي اظهري انا
ام ريماس:

لو سمحتي لا تدخلين بيني وبين وبنتي
اثير:

لا والله الحين عرفتي بنتك وينك عنها يوم نامت برا البيت وينك عنها يوم اجهز لها لملكتها وانت حت ماكلتفي على عمرك تحطين يدك..غلطت بس غلطتك انت اكبر يامدام
الجده:

بسكن فضحتونا
لبنه:

هين يا اثير انا اعرف اشلون ارد عليك
اثير:

اعلى مافخيلك اركبيه
ظهرت لبنه وهي معصبه
الجده:

اثير يمه عيب ترها اكبر من امك
اثير:

انت ماتسمعينها زوجه ولدك شو تقول اصلا هي متى اهتمت فيهن لاجل تعاقبهن خلها تفرفر في الاسواق ازينلها
الجده:

الله يهديكن قتلتوا الفرحه الباقيه
قالتها وظهرت
تقربت اثير من رغد وعدلت لها الميك اب الى يشوف يقول حد جابرها تعدل رغد
اثير:

جدتك تقول قتلنا الفرحه الباقيه اريدك الحين تبتسمين وتصدميهن كلهن خصوصا خواتك وامك .

.خلينا نضحك عليهن قبل لايضحكون علينا
اثير:

ها شقلتي
رغد:

بس انا ما اريد انزل
اثير:

افرحي رغد الفرحه ما تنعاد وبعدين بتشوفين الحبيب
قالتها اثير وهي تغمز لرغد الى انحرجت

…~~~…
انتهت الملكه..

كانت مشهور بالنسبة للرياجيل مجس ومعازيم وعائلة بالنسبة للحريم…خرجت احلام وبنتها الى كانوا اخر المعازيم وظلت غاليه لانها بتدخل البراء غصب عنه يتصور مع رغد..

بس كانت رغد تحت يدين امها تناشد الرحمه..لبنه تضرب في رغد الى من شوي كانت تضحك وتبتسم لبنات عمها..
غاليه وهي تحاول تسحب رغد من بين يدين امها:

لبنه انت شفيك انهبلتي
ولبنه مافي ذاركتها غير الكلمات الى سمعتها وانتظرت خروج الكل لاجل تبرد قلبها وتطفي النار الى تشتعل بجوفها
احلام:

اقول ام صالح شكله ورى الزواجه هذه مصيبه
عبير:

اذكري ربك يا ام غسان
احلام:

والله اقص يدي لو ما وراهم مصيبه اصلا غسان الاسبوع الى طاف مر يسلم على عمه وشافته متى لحقت تكبر ومتى لحقت تغطي
عبير:

اشفيك البنت خلاص هذا وقتها
احلام:

قلتهيا بعظمه لسانك هذا وقتها يعني بعدها نونو اكيد صار شي وداسينه هذيل الاخوات
عبير:

الله يهديك مالنا ومال الناس
احلام:

والله الناس بدت تاكل وجهي الكل من عرف بالملكه يسالني ليش زوجوا الصغيرة والكبار بعدهن
الكل تجمع يفارع بينهن..

رغد الطفلة البريئه العروس الصغيرة السماوي لاعب فيها معطيها رونق خاص يصف فطره بريئه وسجايا نقيه..ذاب الميك اب واختلط ببكائها الطفولي الى كله صراخ ودموعها الى تشتكي ظلم ما تعرف سببه
الجده:

اتركيها لا بارك الله فيك ولا في الشيطان
غاليه واثير ومها قدروا ياخذون رغد بالقوه
اثير وهي تضم رغد وتصارخ:

انت شو انت ام

؟!

انتوا ليش دوم تلومون عيالكم وينكم عنهم تتركوهم وبالاخير تعاقبوهم بذنب انتوا السبب فيه

لبنه وهي تصارخ:

الله ياخذ روحها دام انها فضحتنا
اثير ما تحملت الدعوه..

امجد مر على ذاكرتها بشكل سريع والدعوه الى اخذها بذاك اليوم
الجده:

الله لايبارك فيك كان دعيتي على بنتي انتوا ما تتبون يكفي خالد الى متعذب ويا ولده حسبي الله عليكم كان هذه تربيتكم
اثير وهي تصارخ:

اصلا انت يا لبنه احمدي ربك انه الله معطيك هذيل البنات وحافظهن لك .

.ولا انت وين والتربيه
مها [ام اثير] وهي تصارخ:

اثير لا تدخلين عمرك فيهن
اثير:

يا ماما هذيل بنات اخوي تعرفين شو معني بنات اخوي
لبنه:

شفناها العمومه ظهرت الحين اعرفك مثل امك تحبين تصيدين في الماي العكر
اثير:

انا ما ارد عليك لاني اعقل منك
لبنه:

اظهري من بيتي ما اريد اشوفك فيه دقيقة وحده
لبنه
هزت المكان هز الكل التفت لصاحب الصوت..تغطت غاليه ودخل عادل وهو معصب..نظراته كانت قاتله لها:

هذا بيتي وبيت اهلي انت ضيفه عليه اذا عاجبك الحال اهلا وسهلا مو عاجبك الباب يفوت جمل
تركه لبنه الصاله وطلعت حجرتها
ام اثير وهي تعاتب بنتها:

ه الى استفدتي منه الحين يالله اطلعي راضيها
عادل:

خليك محلك بترد لعقلها

…~~~…

دخلت جمانه بيتهم وهي ترتعش من الخوف المسبح الماي قلب دم..عليه طاغيه..ما لحقت تشوفه لانها ذكرت الله ودخلت بسرعه..قلبها يرتعش من الخوف تحس انها راح تموت تنقتل اذا ظلت بروحها..لا اراديا ضمت امها الى صارت ظلها بعد ما اكتشفت المس الى فيها.
عبير:

جمانه حبيبي اشفيك
تكلمت جمانه بحروف مرتبكه خايفه:

ماما شفته على المسبح
احمد وهو يقاطعها:

تعالي بابا تعالي
ضم بنته وقال:

شهد حبيبي روحي جيبي العسل والزمزم
شهد:

ماما
عبير ابتسمت ل شهد صاروا ظل بعض ثلاثهم وين ما يرحون ويا بعض..تركوا الصاله متجهين للمطبخ..وحطت جمانه يدها على وجهها وهي تصارخ..

عبير ماالتفت لبنتها صارت دخلت بسرعه للمطبخ تجيب العسل والزمزم..
احمد ابعد يد جمانه عن وجهها وبداء يقرا عليها بصوت مرتفع .

.

وجه جمانه لف فمها وصل لاذنها اليمنى .

.

تزامن وصول صالح وامه وشهد عند جمانه..
ومع الرقيه الشرعيه والحوار الى دار بين احمد والجان وقبلها مشيئه الله قدروا يمنعون ظهور الجان من وجهها .

.

بس مازال موجود داخلها .

.

…~~~…

.

.

ورحمه
اثير[صليت الظهر وشافت رغد واقفه عند الباب..صدق البنت هذه تحزن ابتسامتها اختفت شقواتها اندفنت بين يوم وليله] تكلمت رغد بخوف:

عمه ممكن ادخل
تعالي
قلتها وانا مستغربه حال رغد سبحان الله من حال لحال..بعد الرجه الى كانت تسويها وصلت لهدوء مجبوره عليه
رغد[كنت في صراع رجليني الثنتين يضاربن كل وحده تعزم الثانية لاجل تتقدم .

.وانا ما عندي شخصيه اقودهن..هن الى يقودوني..] اثير[حسيت فيها متردده وقفت ورحت لها دخلتها حجرتي وسكرت الباب جلست على السرير واشرت لها تجلس بس الظاهر انها ماتفهم لغه الاشاره] اثير:

اجلسي رغد
رغد[ظليت واقف لاني ما اقدر اجلس .

.يااااااااه الصراع الى بين اعضاء جسمي متى ينتهي يديني يتعازمن من الى تعطيها الورقه] اثير[شفت الورقه وشفت نظرات رغد للورقه ويدينها المرتبكه..مديت يدي واخذت الورقه..فتحتها وشفت الخط حالته حاله..رغد خطها حلو بس شو الخط الى هنا خرابيش .

.ما ان انتهيت من قرات الخرابيش وعلت ابتسامه خفيفه على وجهي..وشفت رغد حاطه يدها على وجهها وتصيح بصمت..

تمرين به المرحلة وامك ماتعرف عنك شي..

بس انا شفتها تصلي الفجر..] وقفت وكلمت رغد:

خليك هني بروح ادور عند البنات وبرد
ظهرت من حجرتي وشفت امي مزنه قبالي
الجده[مزنه]:

يمه اثير لبسي بسرعه وكلمي العم محمد[الكل يقوله العم محمد وهي بعد وياهم رغم انها بعمره تقريبا] يودينا لاحمد جمانه تعبانه
اثير:

خير شو فيها البارح ماكان فيها شي

…~~~…

احمد:

الله يهديك يمه انا قلت اني بمرك العصر
الجده وهي تمسك ذراعه:

وينها جمانه ودني عندها
احمد:

نايمه الحين عند امها
الجده:

وانتوا للحين نايمين
احمد:

يمه والله مانمنا الى من شوي جمانه ليلة كله تصيح
اثير[ابتعدت عن احمد ما احب احمد..

يذكرني بخالد..اكرهم ثنيناتهم..

جلست وانا ساكته..العلاقه بيني وبين احمد رسمية لابعد الحدود ما كان خوان عشر سنوات مانكلم فيها بعض ونضطر نسلم على بعض بس لاجل مانلفت انتبها انه في شي كايد بيننا..

ماجيت هنا غير لما عرفت حالة جمانه قلبي ماطاوعني اتركها بهالحاله..وامجد باقي على زيارته ثلاث ساعات..يعني اقدر ازوره اليوم وافاجئه بزيارتي..لاني ما ازوره الجمعة والخميس بسبب الويك اند ]

…~~~…

عذاري:

يمه منو ه الحرمه الى من تو ظاهره
ام عذاري وهي تكلم عيالها وهي معصبه:

لو جات ه الحرمه مره ثاني لاتدخلونها البيت فاهمين
محمد وعابد:

ايه فاهمين


:لحظات تعريف::
عائلة عذاري
امها [مرزوقه عمرها 37] ابوها عزروه بالقتل لانه هرب مخدرات
خلف عمره 15 سنه مطلوب في قائمة الارهابيين
محمد:

عمره 10 سنوات
عابد:

عمره 7 سنوات
عذاري [ كنت عارفه منو الى جاتنا هذه وحده سمساره جسد..حسبي الله عليها تدور على الناس الى ظروفهم صعبة مثل حالاتنا وتصيد في الضحايا..الحمدلله انه ربي حط في طريقي صالح..ولاكانت حياتي تدمرت..]

…~~~…

صالح[..

دخلت البيت وانا شايل الغدا .

.الوالده مانامت الاه عقب صلاه الظهر .

.وجدتي عندنا والاغرب انه عمتنا الى ماتطب بيتنا موجوده..سبحان الله مغير الاحوال يمكن عرفت واجبها كشخص في العائله] شهد وهي نازله:

ياي جيت في وقتك انا ميته جوع
الجده:

صلوا المغرب اول
صالح:

والله ميتين جوع باكل وعقب اصلي
الجده:

دام انك ميت جوع فالاولى تاكل لاجل تخشع في صلاتك
وقفت عمتي اثير وخذت الاغراض مني وهي ساكته غريبة ه الانسانه من دخلت بيتنا وهي ما تكلم غير الى يسالها

…~~~…
غاليه:

عبد الله وين رايح
عبد الله:

بروح لبيت احمد اتطمن على جمانه
غاليه:

انتظر ابدل ملابسي واروح وياك
عبد الله:

لا البنت ما تبى تشوف احد ولا تبى احد يزوهم بالبيت
غاليه:

ليش
عبد الله:

والله مدري بس احمد يقول انه وجها التوه
غاليه:

لايكون هذا مرض الوجه
عبد الله:

ياليت بس احمد يقول كلم الى فيها والحمدلله انه قدر يمنعه من انه يظهر من وجهها
غاليه:

انزين كان كلموه يظهر من يدها ولا رجلينها
عبد الله:

ازرو [تعبوا] فيه وبعدين الشيخ قال بالتدريج لاجل البنت ما تتعب عليهم الله يكون بعونها ويساعدها

…~~~…

…~~~…

اثير[ صليت العشاء..وجلست على السجاده..تذكرت امجد يوم كان رافض يشوفني وحالات الغضب والسب الى كنت اتعرض لها..وردت افكاري لجمانه الى رافضه وتصارخ ماتبي تشوف احد..امها وابوها وبس الى يجلسون وياها..يقول احمد شكلها يخوف من لف وجهها منعها تشوف نفسها وشال كل المرايات الى بالبيت بس ماقدر يمنع يدينها الى كل شوي تتحسس وجها..بس بحاول فيها مثل ما كسبت حب امجد اكيد راح اكسب ثقه جمانه..طويت السجاده ودخلتها في الدرج..وظهرت من حجره شهد..شفت شهد جالسه على زاويه الباب المسكر وهي تبكي..] اثير:شفيك شهد
شهد:

جمانه ماتبي تشوفني
اثير:منو داخل
شهد:

ماما وجمانه
[ تقدمت بخوف..ما اعرف الشجاعه الى بقلبي تلاشت..حالة امجد مختلفة تماما عن حالة جمانه..جمانه عالمها مربوط بعالم الجان..وانا اخاف من الجان..يالله اعطيني القوه والعزيمه ] شهد:

عمه شو تسوين
اثير:

اريد اكلمها شوي
شهد:

لا لا راح تصارخ خليها براحتها يكفي الى فيها
طنشتها وفتحت الباب..عبير ناظرتني متفاجئه وكانت تمنع دخولي
بنظراتها..جمانه كانت مسدوحه ومغطيه وجهها باللحاف

[دخلت وانا ادعي ربي بصالح اعمالي انه يوفقني ويساعدني] اثير:

صاحيه
عبير:

ايه
اثير:

انزين ممكن اكلمها على انفراد
[عبير ترددت كثير قبل لا توقف..انا مالي علاقه قوية فيها ولافي عيالها بسبب احمد بس الاحترام متواجد] جمانه:

ما اريد اشوف احد
اثير:

انت اسمعيني وعقب قولي الى تبينه
[اشرت لعبير تظهر لاني ما احب اتكلم بوجود احد اخاف الفشل العلني .

.ظهرت عبير..جلست على السرير وانا اشجع نفسي عرفت خجل جمانه الحين هو انها ملموسه وشكلها متشوه .

.ارسم صورة امجد في ذاكرتي لاجل ابعد الخوف عني] اثير:

جمانه ممكن تسمعيني
صرخت جمانه:

ما اريد اشوف احد انت ماتفهمي
[ خفت بنات احمد عاقلات وراسي بدا يوسوس لايكون هذي مب جمانه ] اطلعي بره اريد ماما
بلعت ريقي وتشجعت:

انت اسمعيني بالاول
ما ردت علي عرفت انه عندها رغبه تسمعني
[احترت شو اقولها مدخله عمري غلط في حياتها..

بس ما احب اشوف احد مريض وياس بالذات انه حالتها لازم الكل يكون حولها ] عمه انت هني
قالتها بصوت مرتجف عرفت انها خايفه لاتكون بروحه..لحظات سريعة ارتفع اللحاف وارتمت علي ترتعش من الخوف..

لمحت وجهها المسحوب للجه اليمنى..كان شكله يرعب انفطر قلبي عليها اكيد متخيله شكلها شي خارج عن الطبيعه
جمانه:

اريد ماما انا خايفه
اثير:

حبيبي انا وياك
جمانه:

ما ارديك اريد ماما
اثير:

خطا حبيبي الى تسوينه
جمانه:

انت ماشفتي وجهي زين بتخافين بتتريقون علي
اثير:

انزين بظهر بس بقولك كلمه حطيها حلقه في اذنك اذا مت لا تبكين علي ولا تقربين مني
جمانه:

انت شو تقولين
اثير:

وانت شو تقولين
جمانه:

انا وضعي مختلف انا
اثير:

انت مثلك مثل اي مريض وتحت العلاج
جمانه:

بس شكلي تشوه
اثير:

والله نزل العلاج لمثل حالتك
جمانه:

بس انا شكلي تشوه
اثير:

حبيبي اسمعيني كلها فتره بسيطة وبيخف عنك بس انت خليك قويه
جمانه:

لا ما اريد احد يشوفني
اثير:

انزين عندي حل البسي نقابك وبكذا تكوني قريبه من الى يحبونك والي كم المهم رفضك لشوفتهم
جمانه:

بس شهد وصالح يراعون ظروفي
اثير:

انت اليوم وبكره تقاومين رغبتك في انك تجلسين وياهم بس بعد كذا راح تملين وممكن يتعودون بعدك عنهم
جمانه:

لا لا خواني يحبوني
اثير:

انزين ليش تبنين الحواجز بيدينك
ابتعدت عني جمانه وخلتني اناظر وجهها .

.ما غمضت عيوني لاجل ما تاخذ على خاطره..وعيونها اليسرى كانت مسحوبه لزويه جدا ضيقه لجهت اليمين وفمها اشعر انه وصل لاذنها كل معالم وجهها مالت لليمين..تقربت منها وبوست خدها وراسها
اثير:

جمانه انت بنتنا لا يمكن احد يتشمت فيك او يشفق عليك هذا واجب انساني اخوي الدم يحكمنا .

.والله راح يجازينا انت على صبرك وحنا على وقوفنا جمبك..حبيبي ترى البعيد عن العين بعيد عن القلب..وانت شوف الى حولك انا بعيده عنكم بس ما اعتقد انكم تحبوني تحترموني صح بس الحب هذا مو موجود بيننا
ردت لحضني وهي تقول:

انت ليش تقولين كذا انت الى ماتزورينا حنا نزوركم كل اسبوع بس ما نشوفك على طول ملازمه حجرتك انت وريناد .

.هي رغد وريماس الى نقابلهن
اثير:

وعد حبيبي اظل وياك لين الله يقومك بالسلامه
جمانه:

وعقب تريدن عند عمي عادل وتردين مثل قبل
[صدمني سوالها .

.

صح ليش انا اقحمت نفسي في جمانه وعالم جمانه..

وماادري شلون نطقت بالوعد الى من تو .

.في اني اظل وياها..

بلعت ريقي توني استوعبت اني راح اشوف احمد كل يوم..

بصلح لها فكرتها في اني ماراح ابات عندهم بس دخلت عبير علينا] جمانه:

ماما عمتي بتبات عندنا لين اطيب..صح عمه
اثير:

ان شاء الله
عبير بطيب خاطر:

البيت بيتها وحنا ضيوف عليها
[ حطيت نفسي في معادله صعبه..انا واحمد وبيت احمد..وكرهي لاحمد..واللحظات الى راح تجمعني باحمد..]

…~~~…

رغد[من سمعت الخبر وانا ابكي جمانه حبوبه..ودي اروح لها بس اخاف اتكلم وافتح فمي واحصل نفسي بين يدين ماما .

.تذكرت الضرب الى اخذته البارح وكرهت البراء كله بسببه الحقير..انا شو ذنبي هو الى ظل بحجرته لين نمت بالدولاب..هالنحيس الله ياخذه..ورديت اصيح وامسح دموعي عمتي الثانية تركتني وظلت عند جمانه..بروح لهم..وقفت ومسحت دموعي بطرف كم البجامه وفتحت باب حجرتي بشويش وماشفت احد وبسرعه ظهرت وقفلت بابي ودخلت حجرت عمتي..سكرت الباب ورحت للتلفون..رفعت السماعه ودقيت على رقم جوال عمتي] هلا عمه وينك..وبدت عيوني تدمع وبديت اصيح..كنت اسمعها بس خفت وبسرعه تكلمت..

لا ماما ماضربتني..

لانك مو موجوده..الله يخليك ردي اخاف ماما تجي تضربني..وبعدين انا اريد اشوف جمانه انا احبها
انت تحبين كل البشر…….

بسك دلع رغد …يالله انت لا تنرفزين امك لاجل ما تضربك وبعدين خليك مع جدتك …..

خلاص انت صرت الحين بعصمه رجال خلك قويه..اوه تذكرت جدتك هني اجل خليك مع ماما..انزين رغد جهزلي كم غرض واهم شي بدلت الشغل .

.ايه وارسلي مع عم محمد..اوه خلاص انا بكلم ماما انت لا تسوين اخاف امك تعشيك مثل البارح..يالله فمان الله

شهد:

رغد ياحرام والله انهن نونو بس البارح طعلت تهبل
جمانه وهي لابسه برقعها:

ايه والله توها نونو

…~~~…

احمد:

ياربي ما اقدر انام وبنتي بعيده عني
عبير:

تبى تنام عند عمتها
احمد:

من متى عمتها اعتنت فيها لاجل تعتني فيها الحين
عبير:

احمد شهالكلام الى تقوله هذه وهي اختك حرص ولاتقول الى قلته قدام عيالك بتكون قدوتهم
احمد:

لا حول ولا قوه الا بالله اجل روحي ناديها اريدها شوي
عبير:

روح لهن انت شفيك من جوا اهلك وانت معصب
احمد:

انت روحي نادي جمانه الحين
قالها بنرفزه واضحه .

.زرعه الشك في قلب عبير
عبير:

انت ماتبي اهلك يبتون عندنا
ناظرها احمد وهو فاتح فمه..وعقب علامات الاستفهام والتعجب من الطرفين..جاوبها
انت صار لعقلك شي…بس انا خوفي على جمانه مخليني متوتر
عبير:

عادي حبيبي البنت وبتنام عند عمتها
احمد:

انا وصالح لما تجيها الحالة ما نقدر عليها تبين اثير وامي يقدرون عليها
عبير:

لو جاتها الحالة وهي عندهم اكيد بخبرونا لاتخاف حبيبي

…~~~…

لا يبه خلاص الله مو رايد لنا نكون لبعض
ابو غسان:

انزين شقول لعمك الحين هو الى كلمني
غسان:

تصرف يبه انا خلاص صرفت نظر عن الموضوع
احلام:

خلاص يمه بيكلمه ابوك لا تشيل هم..

انا من البداية قلت مني بموافقه
غسان وهو يوقف:

يمه خلاص كل ما انفتح الموضوع رديتي لنفس الموال
قالها غسان بعصبيه وترك لهم المكان بكبره
ابو غسان:

ارتحتي الحين زعلتيه
احلام وهي مطنشته:

ليان ليان وتبن
ابو غسان:

الحين ليش تسبينها
احلام:

ترى انا كنت شايلتها ببطني ما اعتقد انك احن عليها مني
ليان[سمعت نقاشهم .

.ابوي احن واحد علي وانا اموت عليه..

ترددت اروح ولا لا..اخاف اروح وامي تعاند ابوي وتهاوشني وابوي يدافع عني وتصير مشكلة مثل دوم..سمعتها تناديني هالمره وشكلها حييل معصبه..سميت بالله ورحت] نعم يمه
احلام:

وينك انت صار لي ساعة اناديك
محمد:

وين ساعة توك ناديتيها
احلام:

يوووه وبعدين معاك انت حد مسلطك علي اف..ودت تكلم ليان..خالتك حصه بتجينا صلحي القهوه والبسبوسه
ليان:

ان شاءالله يمه
احلام:

في شوكولاته اعتقد ولا قضيتي عليهم
فتحت فمي وانا اناظر ابوي احتاج مساعدته الحين
محمد:

الحين بروح اشتري لكم حلاوه جواهر تبين شي بعد
احلام:

ايه لو انا الى قايله جيب ما تقوم لكن بنتك من نظره منها تكلمت وهزيت وسطك
هز محمد وسطه وهو يضحك:

كذا يعني ما اذكر اني هزيت وسطي
احلام وهي توقف:

يووووووه انت شفيك تخفف دمك
تركت لهم المكان وضحكوا عليها
محمد:

لاتاخذيني على خاطرك يبه بس هي زعلانه لاجل غسان
ابتسمت لابوي هو دوم الى ياخذ بخاطري

…~~~…

صالح [ جلست وانا xxxxx..عذاري واهلها لازم يكون لهم وضع ثاني..مافي غير الوالد..وهو جالس قبالي وشكله بعد سرحان..غريبة الوالد من جات جدتي هي وعمتي واحس انه مضايق..

] صالح صالح
صالح:

خير يبه
شفيك اكلمك انا
صالح:

سلامتك يبه بس كنت اسال العماره فيها شقه فاضيه
ابو صالح:

ايه ليش لا يكون اخيرا عزمت تعرس
صالح:

هههه لا ابد بس في واحد يبيها وبيحط فيها حريم ماعندهن رجال
ابو صالح:

لا يبه اخاف يكون ارهابي مثل شقه الخالديه الى بمكه
صالح:

لا اعرفهن انا
ابوصالح:

شلون
[ ترددت بس دام اني بسكنهن في عماره ابوي لازم اخبره بالسالفه كلها..] صالح:

كنت رايح للجامعة وشفت سيارة مسرعه ووراها دوريه وفجئه الباب انفتح وطاحت منه بنيه..وقفت ونزلت وشفت البنت حزنت عليها قلت شكلها تكسرت ولا ماتت..تقربت منها ووقفت وساعدتها خفت لا تجي الهيئه وتقبض عليها ما ادري بس احساسي كان يقول انه البنت محتاجه حد يساعدها..ركبت وياي بالسياره..وطلعت هذه اول مره تطلع مع شاب..

ولعب فيني الشيطان بعد ما اعترفت انها طالعه بارادتها بس صدمني شرطها..كانت تبى تبيع جسدها مقابل الف ريال وعقب خفضت المبلغ..سالتها ليش تبين الفلوس جاوبتني وليتها ما جاوبتني..يبه كانت تبى الفلوس لاجل تاكل اهلها الى مو محصلين اللقمه..يبه البنت هذه تجمع الى البنات يرمونه على الارض من فتافيت وتعطيه اهلها
احمد:

بسك يا صالح انا ناقص هم وانت تزيدني
صالح[سكت لاني بعد ما ودي اتكلم اكثر قلبي يتقطع من الداخل حنا عندنا بالسعودية ناس هذا حالهم..يالله الفقر والغنى من عند الله..الحمدلله على نعمه علي ] …~~~…
~نهاية الجزء الثالث~

550 views

روايات امليا امل