9:48 مساءً الأحد 17 فبراير، 2019








رواية انت قدري

روايه انت قدري

عندما تعصف بنا رياح الواقع لنسقط على صخور الاحقاد و تبني من حولنا اسوار شائكه من شر لا يمكن الخروج منا الا بزلزال لحب يجعل الارض التى بنيت عليها تبتلعها و تنبت بدلا منها زهور الود الورديه تكون (انت قدري))

روايه اختلطت بها مشاعر لانسانه و جدت نفسها تدفع ثمنا لماضى ليس لها منه شيء سوى اسمها و عائله لا تعرفها….
روايتى لا تشبه الواقع الا بحب يشبه بعضه في كل مكان و زمان منذ ولاده الانسان …ووجود المشاعر
.


.


.


.


.


.


.


صبيه في غايه الجمال ذات شعر اسود طويل ناعم به لمعه توحى بحياته و رونقه …عيون و اسعه ورموش طويله دقيقه الانف مكتظه الشفتين عمرها 21 سنه في السنه الثالثه في جامعه و اشنطن قسم اداره الاعمال تسكن مع و الدها المهاجر قبل ولادتها الى الولايات المتحده الامريكيه …
و في بيت العائله يكن معها جدتها مريم و الده ابوها اختها الكبري سلمى27 سنه و اخوها عادل 19سنه
اما و الدتها فقد توفت اثناء و لدتها لاخر العنقوود عادل
و لوجود الجده في البيت الاسره تحافظ على اللغه العربيه و اللهجه السعوديه و ممنوع منعا باتا اي كلمه باللغه الانجليزية………….
علشان الجده تفهم……..

فى صاله الاكل لفيلا عبدالله التاجر و رجل الاعمال الذى بنى نفسه بنفسه من الصفر
الجده وين مستعجل افطر ياوليدى تقل ملحوق يا دافع البلا
عادل: ابى الحق على الكليه يا الغاليه انا تاخرت
الجد: طيب كاسه حليب ما هى بماخرتك تعوذ من ابليس و قعد
عادل علشان خاطرك هاا وشرب الحليب بسرعة اح اح اكلت فمى الله يهداك ياجده ما قلتى حاره
الجد: تركد الدنيا ما هى طايرة
ابو عادل اتركيه يمه هذا اذا ترك طبعه يموت ….دايم ينام الى اخر الوقت بعدين يروح يسابق زوله مدرى متى يتعدل و يعرف قيمه الوقت
عادل: يالله مع السلامه ……… و لا تحشون فيني
الجدة: ولد

!

ههههههههههه
ابو عادل فمان الله يبه …. بصوت عالى لا تسرع خل بالك من الطريق
انزلت مها من فوق و هى تربط شعرها على فوق و ما مرت على السفره و بنظره عابره قالت صباح الخير ياحبى ترسل بوسه لهم
ابو عادل و شفيك انتى بعد تعالى افطري
مها و هى مستعجله بالجامعه … بالجامعه … مع السلامه تاخرت
ركبت سيارتها .

.

و مرت اخذت صديقاتها…هدي الكويتيه و امل البحرينية)
مغتربات للدراسة
مها تحب العرب و تحس بالانتماء لهم غير صديقاتها الاجنبيات اللى كلامها معهم قليل جدا لدرجه ان اللى ما يعرفها ما يظن انها من ولادتها موجوده في امريكا و ما شافت السعوديه و لا مره

امل: طافكم امس مستر جو تخانق مع جون و طرده بري المحاضره
هدي و ييى ليتنى بقيت و دى اشوف جوزيفوووه يتهزا
امل حلمي..

حبيبتى الا اهو اللى مسح بكرامه جون القاع و لا هز له اشعره
مها: و جون قعد ساكت معقوله ما قال شيء
امل: امبلا …بس قوه شخصيه جو و صوته العالى خلا جون ينجب و لا كلمه و طلع مثل الكلب
يماااااااااااه انا بمكانى مت
مها: و الله مدرى على و ش جوزيفووه شايف نفسه
هدى: لو انى بمكان جون هى خاربه خاربه بالكتاب اصكه على خشمه اكسره له .

.ولا مسخره الطلبه و عقاب الكليه على بلاش
مها يا كرررهى ….

كله استاذ ما جستير و شايف نفسه يحسب نفسه دكتور هو و نظارته كنه ارجوز
امل و الله انه محترم مدرى ليش تكرهونه
هدي امانه… و تسالين اشو جربى ما تعرفين سؤال من اسالته السخيفه و شوفى ليش اكرهه
امل: عاد انتى يا مها شاطره و مو سبب تكرهينه علشانه
مها شايف نفسه مغروور على ايش مدري
امل بالعكس عاد مهتم فيج وتنط هدي
هدي و كلا يطالعج ………..

و يسال عنج ……..

و ير از مها … و ير از مها ……هههههههه
مها زين .

.

زين …….

انزلوا وصلنا لا يقول قيراوت مها
الكل هههههههههههههههههههههه

فى البيت
عبدالله ها يمه توصين على شيء
الجده سلامتك يمه ……..

ما تشوف شر
سلم على راسها و طلع
الجده قعدت تستغفر ربها و هى تفكر و تقول في قراره نفسها … اه يا امريكا كلك ما تعوضين قلبى عن بيتى الشعبى اللى بقريتي…… يالله خمس و عشرين سنه مرت … و لا شميت ريحه ترابك …ولا شفت وجه من اوجيه اهلى .

.

ما غير هالوجيه البارده اللى ما هم العوض بناسى و اهلى بس الله يجازيك يا احمد يوم انك .

.

و تنقطع افكارها بصوت سلمي بنت و لدها الكبيره
سلمي صباح الخير يا وجه الخير
الجده هلا يمه متى جيتي هنا .

.

ما شفتك
سلمي من وقت و انا هنا بس انتى ما انتى هنا
الجده بحزن لا تواخذينى ياوليدي
سلمي بخبث و انتى و ش تفكرين فيه

؟

و ين سرحانه عسي ما هو مع سمث شايب جيرانا هههههه
الجده وهى تحرك عصاها لتخويف سلمي بنت!!!
سلمي هههههههه و الله ياجدووده اللى يشوفك يقول عاشقه
الجده اقول تري اقوم عليك .

.

و اخلي خالد ما يشوف منك الا زراق .

.مار احترمى نفسك
سلمي لالا خلاص تعوذى من بليس و هى تمسك طرف العصا المرفوع
الجدة: اعوذ بالله منك يا ابليس ….

اقعدى افطري
سلمي طبعا ابى اقعد كنى امس ما نى متعشية
الجده زين سمى … بس
سلمي وهى تمد يدها تبتاكل وين ربعك

؟
الجده اليوم صاحيه رايقه .

.

و شو ربعى بعد
سلمي هههههههههه اقصد ابوى و عادل و مهوش
الجدة: اهااا راحوا دواماتهم ….

الا انتى ما عندك دوام

؟؟
سلمي اقوم … يعنى ما افطر
الجدة: لا… اقعدى انا بس اسعلك اسالك
سلمي يوووو جدووده و لا كنها عاشت بامريكا 25 سنه قولى اي اسك يوي)
الجدة: ايه .

.

ايه ما عندك دوام و لا اخليهم يسوون لنا قهوه و تغثينى و تقهوين معى
سلمي بعد…اغثك ما هو اونسك و اسولف عليك و اقصدلك امدحى شوى و الا و الله العظيم اطلع لى شغل من تحت الارض و اروح
الجدة: تدرين ياسلمي ان و نستى بالدنيا انتم ياوليدى .

. قامت الجده و اقفه و عيون سلمي اتابعها اجل ابى اقولهم يسوون لنا قهوه بعد ما تفطرين مشان علشان تقرين لى من هالقصيد اللى يرد الروح
سلمي من اعيونى …ياعيونى بس افطر اصير لك قصيده
الجده ياقصيده عمرى انت
سلمي هه كذا الكلام لاتخلينى اصير شاعره الحين
الجده هههههههههههههه لا لا ما يحتاج بس افطرى و قرى لى و لا انتم ياقوم يس و نو و ش فهمكم بالشعر
سلمي ردينا يامريم تري اهون

فى الجامعة
دخلن البنات القاعه .

.

مع باقى زملائهم ينتظرون الاستاذ جوزيف دخل طالب اسمه سام … و نادي مها خارج القاعه …… مها اول ما شافته غطت و جهها بايدها و ضحكت و قالت اوووه نسيت كتاب الخبل هذا و ش اقول
هدى: خليه يولى يامعوده الحين ايى الينى الناثى وينسيك نفسك
مها ما اقدر اطنشه ابى اطلع اتفاهم معاه قبل يجى جوزيفووه
امل لا تتاخرين تري هذاك ما ينقال عنه
مها لا بدري
طلعت مها و باقى على المحاضره خمس دقايق
اعزائى القراء الكلام مترجم باللغه العربيه الفصحي
سام اهلا ميمي
مها مرحبا سام
سام اين انت لم ارك منذ اسبوع
مها: انا لا اننى لم اتغيب يوم واحد
سام على العموم اريد الكتاب الذى بحوزتك اذا كنت قد انتهيتى من قراءته
مها اسفه نسيته اليوم و لكن ساحضره غدا
سام و لكن لا تنسيه غدا
مها اوكيه حبي
سام الابتسامه تملا و جهه انا حبيبك هههههه اذا متى نتزوج يا جميلة
في هذه اللحظه مر الاستاذ جوزيف الى القاعه .

.

و شافته مها
مها و هى منشغله بدخول الاستاذ و ما تدرى و ش تقول تبلع ريقها و تقول: بعد المحاضره يا سام قد دخل الان الاستاذ
سام بصوت عالي): بعد المحاضره اما الكتاب او الزواج ههههههههه

استاذ جوزيف صباح الخير
الكل صباح الخير استاذ باصوات منخفضه و متفرقه
دخلت مها في هذه اللحظة
مها: ممكن ان ادخل
الاستاذ جوزيف لا
مها و لكن انا جئت قبل مجياك حتى انظر هذه اغرضى على الكرسى و خرجت لشان ما

!
استاذ جوزيف لا ابقى في الخارج لما هو اهم … فموعد زواجك اهم من المحاضره
الجميع:ههههههههههههه
مها و عيونها مليانه غضب احترم نفسك!!!!
استاذ جوزيف بغضب): ابقى على احترامك و اخرجي
مها للحين محرجه من زملائها و بقمه زعلها انت سخيف
استاذ جوزيف و بصوته العميق اللى يدل على رجوله مفعمه و برود و غيرمبالاه بغضب مها:لا تتكلمى بهذه الطريقه ياانسه و الا تحضرى ايا من محاضرتى بعد اليوم
مها و من قال لك انى سوف احضر و بالعربى قالت: هه مسكين على فكره هذى لزمه عند مها
التفت الاستاذ جوزيف لباقى الطلبه اللى بدي الهمس بينهم و التعليقات من تحت لتحت و قال بصوت عالى من اراد منكم ان يتبعها فاليتفضل و اشر بيده على الباب)
قامت هدي و امل على طول و طلعواا برى
هدي وايضا نحن لن نحضر محاضراتك

فى الممر بالجامعة

مها تبكى بحرقة
هدي افا عليج الحين ليش تيجين خليه يولى يامعوده انسى السالفه
امل: مهوش و الله ما عندج سالفه تراه اهو اللى اكل تبن
مها: هه هه تشاهق ما همنى هو هه هه بس تفشلت قدام الكلاس
هدي حلفي و الله اهو اللى تفشل و طاح و يهه بعد يالله يالله فكيها
امل يا لله عاد لا تقلبينها ادراما نبى ننسي خلينا نتونس شوفى حتى احنا طلعنا و لا راح نحضر محاضراته اليهودي
مها و انتم و ش ذنبكم معاي
هدى: اول شيء انتى مو غلطانه علشان يكون لج ذنب .

.

و ثانى شى الصديج وقت البجى هههههه
الكل ههههههههههههه

سام جاء لما شاف مها و شلتها

امل شافته من بعيد مقبل عليهم و قالت و هى تلوى بوزها: ياكم الغثيث
التفتو عليه
هدي كش

!!
سام مرحبا ياجميلات مترجم
هدي بالعربى قالت لا هلا و لا مرحبا و قالت من تحت ضرسها:ههههه هاي
امل: ما لت على ام(ن يابتك عساها ما تكثر منكم
مها صدت الجهه الثانيه علشان ما يشوف و جهها و يعرف انها بكت
سام: ماذا حدث ميمي

لماذا تذهبى بوجهك الجهه الاخرى

هل حدث منى ما يغضبك؟
امل مها متعبه قليلا تستطيع التحدث اليها مره اخري
هدى: اه سام بخصوص الكتاب انا ساحضره لك غدا هذا و عد مني
سام لا لا الكتاب ليس مهما الاهم جميلتى هل هى بخير

؟
امل ياعلك الموت انها بخير و لكن متضايقه قليلا
سام من الذى تجرا على مضايقتها؟؟
هدي تكلم امل: يعنى لو قلتى له اللى صار مو احسن ها…… ما لت الخبله
امل و ش اسووى الله ياخذه لزقه
هدي هيه سام اذهب انت الان لدينا بعض الامور يجب ان نقضيها
سام و كانه فهم هاااه اوكيه اتمنى ان اراك دائما بخير يا جميلتي
هدي و يى قطيعه ما بغى
في هذي اللحظه مر الاستاذ جوزيف من جنب البنات و لا اهتم او التفت لهم
هدي مصيبه صابت هالزول
مها: هدي خليه يولي
امل: اخاف يفهم تراه يني
هدي يفهم تبن في و يهه ولد الحرم
هنا التفت و عطاها نظره خلتها تغوص بملابسها و حست انه فهم لكنه ما تكلم بس عطاها هالنظره و كمل طريقه
امل: يمااااااااااه و الله فهم … اقسم بالله فهم
هدي سكتى انا كليت تبن اقسم بالله بغيت ابجي
مها يفهم منين اليهودى بس اسكتى انتى و ياها
امل بيه روحى انت ما شفتى اعيونه جان ما قلتى جذي
هدي لا يكون عربى و احنا طايحين له مسبة
مها: ما اعتقد لا شكله يقول لا و لهجته امريكى امريكى .

.يعنى لو من ربعنا كان زلق بحرف بكلمه و انتوا خبره عاد و تلقطونه لا لا عربى مستحيييييييييييل
امل و هدى: يمكن

فى البيت
سلمي قاعده تقهوي مع جدتها و تقرا لها شعر اللى تعلمت قرات العربى و اجادته علشان خاطر جدتها بس)
سلمي و يقول الشاعر
اه من دمع على خدى سفح من فراق اللى على غيرى شحيح
من فراقه بالحشا قلبى لفح ساكن و سط الحشا حبه صحيح
من ربا صنعا الى غربى رفح ما سكن و سط الحشا غيره مليح
ان تعمدت الخطا عنده صفح خابر قلبى من اسبابه جريح
في غباب الحب انا قلبى طفح هايم ببحورها ما يستريح
ريح خلى مع هوي الغربى نفح من جنان الخلد ريحه فيه ريح

الجدة: ريح…..

صح لسانك و لاهان قايلها هذا الكلام اللى يرد الروح احس انى ليا سمعته ارجع ديرتى و سرحت الجدة(ودى ارجع اشم ترابهاقبل لا اموت و اندفن هناك مليت من الغربه احس اعظامى جمدت منها و بكت

سلمي جدووده … و بعدين معاك كل ما قريت لك هالشعر سويتى كذا تري و الله احرم و معاد اقري لك و لا كلمه
و تقرب لها و تحضنها)
الجده خلاص يمه بس انه ما هو بيدى غصب عني
سلمى(ابعدت شوى علشان تشوف وجه جدتها اجل خلاص ما عاد نبيه هالشعر و لانجيب طاريه
الجدة: لا ياوليدى انت علشان مولودين هنا ما نتم عارفين قيمته هذا هو سلوتى و هذى ياوليدى عبره و تروح وتمسح دموعها بكفها و تضحك و تقول بصوت و اطى و الله انى قويه و الا ما صبرت كذا
سلمى الله لا يحرمنى من هالضحكه جدووده
الجده تلتفت لها منتبهه
سلمي ابى منك و عد انك ما تبكين قدامى تري اتحطم
الجده: ما اقدر تتحطمين و لا بكيفك و تضحك)
سلمى: اجل ما تشوفين اللى يقرا لك و خليها اعناد ها و تبعد عن جدتها و تدير ظهرها)
الجدة: تضرب ضربات خفيفه على ظهر سلمى لين ناظرتها)وقالت: ما تشوفين شر عندى ابو عادل الله لا يحرمنى منه يقرا لى و يهيجن بعد نوع من انوع الفن الشعبى السعودي)
سلمي كذا زعلت مدت بوزها تسوى زعلانه)
الجده سلومه ياعمرى تدرين ما اقدر على زعلك انت الغاليه و انا امزح معاك ترى انت الخير و البركه
سلمي وهي تبوسخدود جدتها ياعسي عينى ما تبكيك يالغالية
الجده عاد يالله اقرى لى يوم انا تراضينا
سلمى و هى تحط يدها على راسها ياويليييييي

بعد الظهر
رجعت مها للبيت … و كان باين عليها ان نفسيتها ما هى رايقه من اللى صار بالكليه الصبح مها حساسه حيل و كل شى يبين على و جهها حتى لو ان له فتره الى ان يتصلح
لقت ابوها و سلمي قاعدين ينتظرونها هى و عادل يوصلون علشان متعودين يتغدون مع بعض يوم الاثنين و الخميس لانهم ما عندهم محاضرات متاخره في هذى الايام
مها:
الكل و عليكم السلام
ابو عادل:يالله يبه مها..

بدلى بسرعه على ما يوصل عادل تري انا اليوم ………..(قاطعته مها)
مها: لا بابا تغدوا انتم انا ما ابى حاسه تعبانه
تدخل الجده اللى كانت تصلى داخل غرفتها مها و ش ما تبين هى تري كلها يومين اللى نجتمعهم على الغدا تقرب الجده اللى لاحظت وجه مها و تناظر فيها من قريب وقالت مهااا و شبها اعيونك انتى باكيه
مها بتفاجئ:هه
مها تصد بسرعه عنها: لا ياحياتى و ش باكيه و منهو اللى يتجرا يبكينى اصلا
يقوم ابوها و يلف مها له لكنها تنزل عيونها تحت و قال مها ناظريني
مها يووه انتم و شفيكم انا طبيعيه ما فينى شيء بس نعسانه و ابى انام علشان كذا يمكن عيونى تعبانه شوي
الجدة: و انا غشيمه عنك لا و الله باكيه و باكيه
سلمي اعترفى تراهم صاادوه …..

صااااوده
مها تري مو وقتك … وقتك بنفس الاسلوب)
ابو عادل: ياجماعه خلوها مصيرها قايله
مها يالله عن اذنكم و طلعت و هى تقول في نفسها و شاقول بابا انى اتهزات و طاح و جهى … اللى ما نى قايلة)
الجدة: بنتى و انا اعرفها فيها شي
سلمي اقلبتها دراما مريم بنت فرج تان تتا
الجده وجعاا .

.

اليوم صايره طبينتي
ضحك الكل … لكن الجده بقت مشغوله بحال مها

************************************************* *****
رجع جوزيف الى شقته المتواضعه اللى يشاركه فيها زميله و كان باين عليه انه متضايق

صديق جوزيف يوسف و ش بلاك خشتك مقلوبه

(((يوسف او جزيف مثل ما كل الطلاب و الطالبات يعرفونه بالجامعه هو طالب سعودى في مرحله الدكتوراه عمره 30 سنه
طويل اسمر و هذا السمار يوحى بانه يونانى او ايطالى شارب خفيف شوى عيونه و اسعه و هى تميزه مرره لانه جميله ورموشها كثيفه و طويله اما حواجبه كثيفه بس مرتبه انفه طويل بجمال شفايفه رقيقه لونها غامق من التدخين …جسمه رياضى اكتاف عريضه شعره كثيف و ناعم الى اخر رقبته
له هيبه في مشيته و لا يبتسم الا نادرا يتكلم بلهجات عديده و يجيدها و خصوصا الامريكيه اصدقاءه
خارج الجامعه و ما له علاقات داخل الجامعه الا مع الدكاتره الكبار بحكم الدراسه ))
يوسف: ما فيه شئ..
محمد(هو اسم صديق يوسف في الشقة):لالالالاه..صدقتك انا مره
يوسف اقول محمد ترانى تعبان ما لى نفس اتكلم في شئ
محمد:وانا و ش ذنبى منتظرك من اليوم نبى نتغدي … و جاى شكلك يقطع الخلف
يوسف: تغدي انت انا ما لى نفس يتكلم و هو متجه لغرفته)
محمد: تعال هييى ياولد …..ولا حياه لمن تنادى و سيتغدى محمد لوحده مره اخري لعنت الله عليك ياجو
يطل يوسف براسه من باب الغرفه يوسف: صحينى الساعه ست
محمد: و الله لاخليك نومت اهل الكهف الحين انتظرك و الغدي يبرد و اخر حلقه تبى تنام ….شوف اللى بيصحيك عاد ….

و ش قالوا لك ميرى ابوك انا
يوسف اقول بلا سخافه و اشوف اللى ما يصحيني
محمد ايه ايه خير انشا الله انت بس نام
يوسف: محميد سوها و شف
محمدوهو ياكل لحاله و يتحلطم): كل يوم و الثانى متهاوش مع هالطلبه المساكين و جاى معصب …امحق استاذ

يوسف دخل غرفته و في سريره قاعد يدخن و يفكر بالموقف ….

يكلم نفسه و ش فيه انا عصبت عل البنت كذا و انا و ش دخلنى ا ذا قالت لسام يا حبى و الا باللى ما قالت اووووف استغفر الله يا ربى …..

انا بكره ابى اقولها تدخل المحاضره و ……..لا لا و ش اقولها تدخل خلها تتادب اصلن هى دلوعه و سخيفه اووووووووووف اقول انام احسن علشان الحق اجيب الكتب اللى ناقصه لى قال اخر كلمتين و هو يطفي السجاره و يغطى راسه علشان ينام

رفع الغطي عن راسه و قال بصوت عالي): محيميد ياويلك اذا ما صحيتني

محمد ما زال ياكل يبوس رجل الدجاجه و يحطه هلي راسه الحمد لله و الشكر

لكن يوسف ما قدر ينام كان يتقلب في فراشه للساعه ست المغرب و قام و لبس و لف في المكاتب القريبه من مكانه و لا لقي الكتب اللى يبيها

وما رجع للبيت الا في ساعه متاخره ….

و كان قد تعشي مع صديق له عازمه

يوسف: مساء الخير
محمد قول صباح الخير انت عارف الساعه كم الحين

؟؟
يوسف و انت ليه صاحى للحين
محمد ما جانى نوم يا و ليدى لين اتطمن عليك هههههه موهو انا على اسم ابوك عاد لازم اعيش الدور
يوسف تصدق ما لقيت الكتب
محمد تبى تدور بكره بعد
يوسف: و الله ما درى وين اروح انا دورت تقربيا كل المكتبات
محمد: و ش بتسوى الحين
يوسف ابى الف بكره باقى مكتبتين ثلاث ما جيتها و لو انى متاكد ما نى بلاقى لكن على الله
في بيت عبد الله الجاسر

صحت مها في وقت متاخر
انزلت الصاله ما لقت احد راحت افتحت التلفزيون و قعده … المحت الخادمه و نادتها
اليزا … اليزا
اليزا: نام يعنى تتكلم عربى مكسر)
مها اريد ان ااكل انا جائعه جدا (مترجم))
اليز من ايونى مس مها
مها: من ايونى ههههههه هذي اللى خربتا جدتي
طلعت الجده من غرفتها انتى صحيتي
مها هاا جدوده انت للحين صاحية و هى تسلم على راس جدتها و انا اقول هالنور منين
الجده اجويعانه يمه
مها شوي
الجده قلتى لهم يسوون لك شى
مها: ايه يا حياتي
تركت الجده مها تاكل و هى تناظرها و تقول في نفسها ايه يا مهيه و الله كبرتى و صرتى تخبين عنى مشاكلك و انا اللى ربيتك من انتى بالهاد و تقطع افكارها مها
مها: جدووده شاركينى .

كولى معاي
الجده عليك بالعافيه يمه
بعد ما خلصت مها من الاكل قامت الجده و قربه منها و مسحت على سعرها … و هى تقول بحنان ها يمه قولى لجدتك حبيبتك و ش كان مزعلك اليوم
مها بخجل و الله ياجدووده ما في شى يستاهل
الجده عاد ابى اعرف و الا كبرتى علي
مها ما عاش اللى يكبر عليك وحكت لجدتها اللى حصل بالتفصيل)
الجده بانفعال: و ش هذا هو يبى يدرسكم و الا يطفشكم و الله لاعلم ابوك عليه علشان يادبه ولد ابليس
مها: اهاا علشان كذا ما كنت ابى اقولك انا ما بى بابا يتدخل هذا شى ما يستاهل
الجده اجل يبكيك و تقولين ما يستاهل و الله انى معلمه ابوك معلمته
مها: لا ياجدووده ترى ازعل عليك و ما عاد انا بقايله لك شي… امانه و عدينى ما تعلمين بابا
الجدة: خلص
مها:قولى و عد
الجدة:قلت خلص بس شوفى الفلم لا يطوفك

  • رواية انت قدري لسميه بلال
  • رواية انت قدري
  • رواية انتقدري
  • قدري بلالو
  • تحميل رواية انت قدري لسميه بلال
  • رواية أنت قدري
  • رواية قدري انت
  • قصه انت قدري مهاوجوزيف
612 views

رواية انت قدري