10:28 صباحًا الثلاثاء 20 نوفمبر، 2018

رواية اوراق الماضي للكاتبة ايمليا امل


صور رواية اوراق الماضي للكاتبة ايمليا امل

رائعه اخرى من روائع الكاتبه ايميليا امل

الج الاول زء
صوت صراخ طفلة مالي البيت وشايله البيت شيل..الام ضامه بنتها لصدرها وتحاول تلقمها صدرها لاجل تسكت ودموع الام على خدها اربع اربع وبنتها الى عمرها خمس سنوات تصيح على صياح امها وتمسح دموع امها
فجئه انفتح الباب بقوه وطلع صوت ارتطام الباب بالجدار الكل سكت وناظر الى اصدر ه الضجه وردت الطفلة الصغيرة الى عمرها سنه للبكاء مره ثانية والام ارتجف قلبها ودها لو تموت هي وبناتها الحين وترتاح هي وبناتها من ه العذاب الى هي فيه
منصور وهو بحالة مب طبيعيه:

سكتي بنتك ولا تراني انا بسكتها
مها حطت صدرها بالقوه في فم بنتها بس بنتها معنده ماتبي وما زالت مستمره في الصياح والام تخش وجه بنتها في صدرها لاجل تكتم صيحات بنتها بس الطفلة ما تعرف انها بصياحها ممكن تعمل كارثة لنفسها وهي اصلا تصيح لانها تعبانه ومرضانه صابتها هي واختها الحصبه الالمانيه وه الشي متعبهم هذا غير الحر والقرف وحياتهم الصعبة الى عايشينها
ارتاحت الام لما شافت زوجها خرج بس عيونها تراقبه وشافته دخل المطبخ وخرج بسرعه وهو حامل سكينه بسرعه حطت يدها على فم بنتها لاجل تكتم صوتها والبنت تحرك وجهها وزاد صياحها ودخل منصور وسحب البنت ومها تسحب في بنتها وهو يسحب بالاخير رفز مها على بطنها الى كانت حامل وتالمت بس مع ذالك متمسكه بيد منصور لاجل تمنعه يذبح بنتها وهي تصيح وتترجاه واخر شي قدر عليها ورماها بعيد عنه وطاحت مغمى عليها
وثواني اختفى صياح الطفلة وعم الهدوء
البنت الى عمرها خمس سنوات انخشت داخل الدولاب بعد ه المنظر خافت لا ابوها بعد يفصل راسها عن جسمها وظلت ترتعش من الخوف وتعض على يدها بقوه من الخوف لاجل تكتم صياحها
المشهد لها ما انتها لهنا شافت ابوها يحط اختها في كيس وغطاء محل الدم وخرج .

.

جات تخرج تروح لامها تحتمي فيها..

بس سمعت صوت ابوها وهو يقلط واحد من ربعه وبسرعه ردت مكانها تراقب من بعيد شافت ابوها دخل هو وصاحبه
منصور:

هاا شرايك فيها تستاهل ولا لا
الرجال:

اوبييي من وين جايب ه القمر ولا انت قرد
منصور:

هههه حلال عليك بروح اخذ ابره تعبني ه الغرء الى اشفطه
الرجال:

يارجال خذه كله حلال عليك
خرج منصور وتقرب الرجال من مها ووووو الصغيرة تراقب من فتحه من الدولاب شنو يصير لامها وتقطع قلبها على امها يوم سمعت صراخ امها واعتراضها بعد ما فاقت

…………………………………………..

…………………………………………..

…………….
انطفت الانوار ودارت عجله السنين وحنا الحين في عام 1425
بعد عشرين سنه من الاحداث
في المول
زامل:


كل العاملين:

وعليكم السلام
توجه زامل سييده للحسابات لاجل ياخذ الغلاه ويروح
في ه الاثناء دخلت عذاري محل المجوهرات واتجهت سييده لمحل الحلق وهي متعوده تاخذ مجوهراتها من هنا
عذاري خرجت الفاتوره وسلمتها لواحد من البائعين
البائع العم حاتم وبلهجه حضريه وهو رجل كبير في السن عمره تقريبا خمسين سنه:

ياواد يا محمد فين الحلق تبع الانسه عذاري
محمد:

جاهز
واتجه وخرج الحلق وقدمه ل عذاري
ووراها محل الكسر وشلون غيروه لها
عذاري دفعه الحساب واخذت غرضها وجات تخرج انتبهت لاسورة جذبتها وعجبتها..

اتجهت لها
عذاري:

ممكن اشوف هذه
العم حاتم وباسلوب يجذب الزباين مثل العاده:

ممكن ليش لا المحل محلك
وخرج الاسواره
عذاري:

كم سعرها
العم حاتم:

مانختلف على السعر اهم شي عجبتك ولا لا
عذاري:

زوينه
العم حاتم هو الى عذاري دوم تتعامل وياه وهو يعرف ذوقها صعب ودوم لاجل تاخذ شي يقلبون لها المحل قلب كل شي يراوها اياه
العم حاتم:

شوفي يابنتي هذه القطعة جديدة ومافي مثلها في السوق كله هذه مخصص بس لمحلات شيخ الذهب
عذاري:

بس ما كانها من هنا عريضه انا احب الاشياء الخفيفه
العم حاتم مد يده وعذاري حطت الاسواره على القزاز وهو اخذها
العم حاتم:

لا والله مو عريضه وبعدين اذا كانت اسخف من كذا بتكون سريعة الانعوجاج
زامل الى كان متابع للاحداث من البداية تكلم اخيرا باستهزاء:

انت جربيها على يدك اذا شفتيها اوكي تناسب يدك اشتريها واذا ما طلعت حلوة على يدك خليها اكيد في وحده راح تليق لها ه الاسواره عاد ها النوعيه لها ناسها
عذاري عصبت من اسلوب زامل وهي اول مره تشوفه وتتحسب انه بائع
تكلمت عذاري بصوت مبين عليها عدم الرضى من ه التدخل:

انت مايخصك فيني لما اكلمك كلمني …وتكلمه بصوت منخفض… وجع قله ادب
محد تدخل لانهم يعرفوا زامل عصبي وما يحب الوحده تتميع عند البائع وهو لاجل كذا ما ياخذ الغلاه غير في صباح كل يوم سبت لانه يعرف ما راح يكون في زبوناات
زامل الى سمعها:

لاحول ولاقوه الا بالله اصطبحت بوجه منو اليوم
عذاري:

اعوذ بالله من الشيطان الرجيم
وردت ناظرت العم حاتم
عذاري:

عم حاتم كم سعرها
العم حاتم الى يعرف اخلاق عذاري ويعرف انها مؤدبه وانها ماتتعامل غير وياها وهي من صغرها تجي مع امها وتتشرى من عنده ولاجل كذا هي ماخذه عليه وهو يعاملها كانها بنته
العم حاتم:

خمسه وعشرين الف ريال
عذاري فتحت شنطتها تدور على دفتر الشيكات وما حصلته بجد عصبت:

اوه نسيت دفتر الشيكات
العم حاتم:

عندك بطاقة الصراف
عذاري:

معايا بس عقب ما اظهر من عندك بروح اصرف وما راح يصرف لي
العم حاتم:

كم تبين تصرفي
عذاري:

الف
العم حاتم:

محلوله بحط 26 الف وبعطيك الف من هنا
عذاري:

اوكي صار
خذت عذاري اغراضها وظهرت من المحل ومن المول بكبره وقفت عند سيارتها وماحصلت السواق
عذاري:

هذا وين راح حسبي الله عليه هذا وانا قلتله ما بتاخر
الرجال:

اي مساعده
عذاري التفتت للرجال:

شكرا
الرجال:

عادي اذا تبين اوصلك بدل وقفت الحر هذه ما عندي مشكله
عذاري:

شكرا سواقي الحين يجي
الرجال:

والله شكله شرد من مشاوركن ماترحمن حد انتن ولا بالله عليك حد يتسوق في ه الوقت
عذاري طنشته وبدت صدق تخاف لانه الرجال فتح باب سيارته الخلفي وجالس يصلح فيها وسكها ورد للثاني الى من جهتها..

فهمت انه جالس يعدل الامن تبع الباب وانه ممكن الحين يخطفها وما تقدر تفتح الباب وتخرج..

ابتعدت بسرعه بس هو كان اسرع منها ومسك يدها …المكان فاضي وحراس الامن بالداخل والساعة عشره طبيعي يكون الجو هادي
وسمعت حس واحد ثاني وبدت هواشه ثانية وترك الرجال يدها وابتعدت شوي وشافت الرجال يضارب مع واحد ثاني
حمدت ربها انه في احد مر وساعدها
شرد الرجال الى كان بيخطفها وتقرب منها الرجال الى ساعدها




حسبي الله عليك انت ماتستحين على وجهك ليتني تركتك تواجهين مصيرك وما غرسه يدك اقعدي غازلي وواعدي وبالاخير تقولن انه الرجال هم الذياب والله انتن الى الفتن وانتن راس البلاء يالله بسرعه ركبي سيارتك وانقلعي
سكتت عذاري مصدومه من الى تسمعه هذا رايه فيها هي بريئه مالها ذنب هو الى تعرض لها
الرجال الى ساعدها:

بسرعه ردي بيتك
تكلمت عذاري بخوف:

ما اعرف وين راح السواق
الرجال:

تعالي ركبي وياي انا بوصلك بيتك
عذاري:

لا شكرا بنتظر سواقي
الرجال:

ترى ان ما ركبتي وياي بدق على الهيئه تجي تاخذك
فكرت عذاري وشافت انها ترد مع الرجال لانه اذا سلمها للهيئه بتروح سمعتها فيها وهي بريئه بس فكرت شلون تثق فيه… كردت فعل لها شردت منه وهو مسكها وشاف انها ركضت باتجاه سيارته وفتح السيارة بالرموت ودخلها سيارته وهو يصارخ:

انت ما تربيك الا الهيئه والله بتكونين عظه لغيرك
عذاري:

حرام عليك والله مالي ذنب هو الى تحرش فيني
الرجال:

ترى ان ما سكتي بيجيك كف يربيك
… سكتت عذاري وهو ركب سيارته وحركها..
عذاري ودموعها بدت تنزل وقلبها يرتجف اكثر:

انزين وصلني البيت الله يخليك والله مالي ذنب حرام عليك والله مالي ذنب
الرجال:

انزين بوصلك بيتك وبقابل ابوك
عذاري وهي مرتاحه نسبيا:

اوكي ما عندي مانع
وصلها للعماره الى ساكنه فيها
ونزلت وهو نزل وراها
عذاري:

انزين انا بطلع وبخلي ابوي ينزلك
الرجال:

لا والله شايفتني غبي ولا شايفتني غبي بطلع وياك اصلا انا من شفتك في المحل ما ارتحت لك
…انتبهت عذاري ولفت تناظر وجهه..

هو نفسه الى شده وياه في محل المجوهرات..
زامل:

يالله بسرعه وراي شغل
تقدمت عذاري بصمت وهو تبعها..

دخلت العماره وحمدت ربها انه محد موجود حتى البواب
ركبت المصعد وهو ركب وياها وضغطت على الدور السابع نزلت من المصعد وهو نزل وياها..

احتارت عند الباب بانها تفتحت الباب بالمفتاح ولا تضغط على الجرس
بس هو سبقها ودق الجرس
ودقايق وسمعت الشغاله تقول



مين
عذاري:

انا عذاري
فتحت الشغاله الباب و عذاري بسرعه دخلت وسكرت الباب على زامل
و زامل ظل يدق على الجرس ويدق
الشغاله:

مين هدا
عذاري:

هذا واحد مجنون
بس زامل ظل يدق على الباب بقوه ويدق على الجرس
في ه الاثناء صحت موضي الى كانت نايمه على الكنبه واتجهت بسرعه ل عذاري وضمتها عذاري لصدرها وموضي ترتعش من الخوف وتصارخ وتقول كلام مو مفهوم… موضي كانت ضامه عذاري بقوه الشي الى خلا عذاري تختنق لانه جسم عذاري صغير ونحيل بينما جسم موضي حلو وملفلف…ودقايق معدوده و موضي تطيح على الارض وتجيها حالت الصرع
صرخت عذاري ونزلت ل موضي
عذاري:

ايتي بسرعه هاتي الدواء
موضي عيونها قلبت لفوق الجفافين بدت تخرج من فمها ورقبتها التوت
عذاري فتحت الباب وصرخت على زامل:

حسبي الله عليك شوف شو عملت في موضي
خاف زامل وعذاري فتحت الباب بكبره وشاف موضي وهي على حالة الصرع
زامل ظل يراقب بصمت
عذاري حاولت تعطي اختها الدواء بس مافيه فائده
عذاري:

ايتي دقي على الحارس بسرعه لاجل نروح المستشفى
زامل:

انا بوديكم
ناظرته عذاري بقهر:

انت السبب
تقدم زامل من موضي وشالها بالقوه لانه صعب المصروع ينشال
عذاري رمت على اختها الشرشف الى كانت متغطيه فيه وهي نايمه وتقربت من زامل وغطت موضي وحطت يدها جمب يد زامل تعاونه وهو ما عارض لانه بالفعل موضي مصعبة عليه الموضوع وهي ترتعش بين يدينه
عذاري:

ايتي هاتي شنطتي وسكري الباب وتعالي ويانا
في المستشفى بعد ما عطو موضي ابر وتطمنوا عليها
زامل:

بيخرجونها بعد يومين لانه اعصابها جدا تعبانه
عذاري:

انت السبب
زامل:

ليش انا السبب انت السبب انت الى دايره على حل شعرك
عذاري بياس وبحزن:

حرام عليك والله العظيم اني بريئه ومالي ذنب
حزن زامل على عذاري:

انزين انا اسف
ماردت عليه عذاري ظلت ساكته تبكي بصمت
زامل:

الا ليش ما تخبرين حد من اهلك انتوا وين لاجل يطمنوا عليكم
عذاري:

ما عندي اهل انا وموضي بروحنا في ه الدنيا
زامل:

منو يصرف عليكن منو يداريكن
عذاري:

العماره الى شفتها حقتنا
زامل:

انا اسف عذاري والله اسف
عذاري:

الا صدق انت شو اسمك
زامل:

انا زامل بن غازي ال
سكتت عذاري والتفتت تناظر زامل هي كانت متنقبه ومغطيه عيونها بطبقه خفيفه
ظلت تناظر زامل وهي تفكر بتفكير عميق لدرجه انها ما حست باحراج زامل من نظراتها
زامل:

خير عذاري فيك شي
عذاري:

زامل انت مزوج
استغرب زامل سؤالها:

لا ليش
عذاري:

انت قلت اني ااغازل ومدري شنو بس انت ما تعرف اخلاقي عدل انا بروحي في ه الدنيا وموضي وانت بعينك شفت حالتها وانا يوم جيت المحل موضي هي الى ظلت تبكي عند راسي من الليل لاجل امر اخذ الحلق وانا جيت عقب ماخلصت محاضرتي لاني اعرف اني اذا ما جبته لها بتظل تبكي ولعلمك هو اصلا تبعي بس هي كسرته وحزنت لانها كسرته وانا وعدتها اني اصلحه واعطيها اياه
زامل بحزن:

انا اسف عذاري والله اسف
عذاري بدون سابق انذار:

زامل تتزوجني
تنح زامل من طلب عذاري
عذاري:

زامل والله انا تعبت تعرف شو معنا تعبت تعرف شو معنا اني بروحي في ه الدنيا والله العظيم تعبت انت تعرف اني حطيت اسمي عند واحد من المشايخ لاجل يزوجني واحد يراعي الله فيني وما يكون طمعان في حلالي والاهم اختي ما يحرمني منها انت تعرف معظم الى جو شرطهم الوحيد انه ادخل اختي شهار والله حرام عليهم يحرموني من اختي ارجوك زامل تزوجني وخليني اعيش مع اختي
زامل وهو يمسك يد عذاري:

اشرايك نسوي التحاليل الحين
عذاري وهي في حالة يرثى لها:

الي تشوفه

_________________

[embed-flash(width,height)]http://up.7cc.com/upfiles/EaX63920.swf
الرجوع الى اعلى الصفحة اذهب الى الاسفل
معاينه صفحة البيانات الشخصي للعضو
smsooma
مشرفه
مشرفه
انثى
عدد الرسائل:

2995
العمر:

25
المزاج:

حبيبي وحشتني
المزاج:
تاريخ التسجيل:

13/02/2008

بطاقة الشخصيه
العمر:
الدوله:

المملكه العربية السعوديه

مساهمهموضوع:

رد:

اوراق الماضي للكاتبه المبدعه ايميليا امل الاربعاء اكتوبر 01,

2008 4:51 am
دخل زامل قصرهم وهو مهموم..

ومتفاجئ من احداث اليوم..

حزين لانه ترك عذاري بروحها في المستشفى ورد شغالتها البيت..

ابتسم اشتغل اليوم سائق ومصلح اجتماعي ومن اعضاء الهيئه..

هو استغرب من حالة هو ما يحب يتدخل في احد دوم حالة حال نفسه بس سبحان الله يمكن الله حط عذاري في طريقة لاجل يوقف وياها ويساعده وتذكر كلامها وهي تقوله بانها دوم تدعي ربها في كل سجده لها في صلواتها بانه يرزقها بالزوج الصالح الى يخاف عليها وعلى اختها…




هلا زامل وين كنت
زامل الى رجع لي ارض الواقع على صوت امه:

كنت مشغول شوي الا يمه قررت اني اتزوج
ام زامل بفرح:

الف الف مبروك ودلال بنت خالتك ما بقى لها شي وتتخرج
زامل:

يمه اش دخل دلال بالسالفه

ام زامل بزعل:

شنو اش دخل دلال بالسالفه ليش انت ناوي تاخذ غيرها
زامل:

ايه لانه دلال هذه انا ما اواطنها وشوفيني مضرب عن الزواج بسببها
ام زامل:

انزين من هي تعيسه الحظ الى بتاخذها
زامل وهو يبوس راس امه الى شكلها اخيرا حنت له وتنازلت عن فكرة زواجه من بنت اختها:

وحده راعيه عماير
ام زامل:

يعني صاحبه املاك مو طمعانه فيك
زامل:

ايه يالغاليه
والهدوء الى كان مالي القصر فجئه ارتج وصاحبه صراخ وهبال وفي الاخير ظهرن البنات وهن فرحانا ويغطرفن
جمانه:

اخيرا بيستوي عرس في بيتنا
جوري:

ووو من متى وانا احلم به الليله
زامل بابتسامه:

افرحوا حققت لكن احلامكن
ام زامل:

خليك منهن وكلمني وين شفتها لايكون كنت تكلمه والحين بتاخذها
جمانه:

يمه حراااام عليك هذا زامل ولا نزكيه على الله
جوري:

يمه هذا وانتي امه تشكين باخلاقه
ام زامل:

اعوذ بالله انا شو قلت انا بس اريد اعرف شلون عرفها
زامل الى سعد برائ خواته فيه:

والله يمه ما اعرف شنو اخبرك بس كل الى اقوله انها بنت وحيده في ه الدنيا وصاحبه املاك ولها اخت مريضه نفسيا
ام زامل:

يعني مجنونه
زامل:

يمه كل الامراض ابتلاء واختبار وبعدين محد يتشمت باحد
جمانه الى دخلت عرض:

ايه والله تصدقين ماما صديقنا هيام كانت تتريق على وحده من البنات في المدرسة والبنت ياحرام كانت بس لما تتكلم تخرج لسانه ما اعرف شنو السبب وهي ظلت تتعالج وهيام دوم تتريق عليها والحين البنت طابت وهيام جات فيها العاده
جوري وهي تقاطعها:

والحين هيام تتعالج عند نفس طبيبها
جمانه:

ولاا هيام بروحها راحت للبنت وخذت رقم طبيبها الى كانت تتعالج عنده
زامل:

سبحان الله مغير الاحوال
ام زامل:

اعوذ بالله انا شنو قلت حشى ماتخلون حد يتكلم …وردت كلمه زامل… الا اختها وين بتسكنها..
زامل:

شرطها الوحيد انها تظل وياها
ام زامل:

وانت شنو رايك
زامل:

والله يمه هذه اختها الوحيده واذا انتوا ما تريدونها هنا انا بروح استاجر في عمارتها واعيش عندهن
ام زامل الى ما عجبتها السالفه وخافت على ولدها الوحيد انه يبعد عنها وينساها:

لا البيت يا كبره انت خذ الجناح الغربي بكبره … الا صدق هي اختها كبيره..
زامل:

عذاري عمرها 20 و موضي 25
ام زامل:

يعني اصغر عنك بثلاث سنوات
زامل:

ههههه يمه عذاري الى باخذها
ام زامل:

ليش الكبيرة الى عقلها تعبان
جمانه:

يا حراام شلون كذا
جوري:

منو رباهن
زامل:

والله ما اعرف
ام زامل:

والله انت الى جايبه لعمرك ولا
زامل وهو يقاطعها:

يمه الله يخليك انا اريدها ه البنيه
ام زامل:

والله براحتك بس انا نصحتك بنت خالتك
نطوا البنات في حلقها:

لالالالا يمه الله يخليك نريد تغير نريد اشكال جديده
ام زامل:

اخاف انكم تندمون
زامل:

انت ادعيلي ولا تتشائمين
ام زامل:

وابوك
زامل:

ابوي اذا عرف انها غنيه ما راح يعارض
ام زامل:

الله يوفقك
زامل وهو يبوس راس امه:

ه الكلام الزين الى من الصبح احتريه
جمانه:

يايي متى نروح نخطب
زامل:

شرايكن تزورهن بكره في المستشفى
ام زامل:

زياره بس موب خطبة لازم بالاول نشاور ابوك
زامل:

يمه الله هداك حد يخطب بالمستشفى
جوري:

نلمح بس اوكي
جمانه الى فهمتها:

ايه والله وناسه لازم نحرجها الا صدق هي ليش بالمستشفى
ام زامل بخوف:

يمه عليك بسم الله عليك فيك شي… وجلست تتحسسه اذا فيه حمى ولا شي..
زامل:

هههه يمه الحمدلله مافيني شي
ام زامل:

اجل شلون عرفت انها بالمستشفى اذا ماكنت تكلمها قبل
زامل:

يمه اختها تعبت وانا شفتهن ووديتهن المستشفى
جمانه:

ممم على بالي بعد انها طبيبه وانت تعالجها
ابتسم زامل و استوعب اخته الخبله شنو قالت:

لا هي المريضه وتطببني
الكل:

ههههههههههههه
ثاني يوم بالمستشفى عذاري قلبها يدق من الخوف..

زامل فهمها شنو تقول لاهله وهي ارتاحت من كلامه بانه شال من راسها فكرت انها هي الى عرضت الزواج عليها وانه هو الى رايح يتقدم لها بس عقب ماتخرج اختها من المستشفى..
انقطع حبل افكارها بدق على الباب وبعدها دخلوا ثلاث حريم متغطيات
ام زامل وهي تشيل حجابها عن وجهها:


عذاري وهي تتوجه لهن:

وعليكم السلام ورحمه الله وبركاته
ام زامل:

الله يقومها لك بالسلامه
عذاري باتسامه خجل لانه لمحت النظرات التفحصيه من ام زامل وخواته:

امين
ام زامل:

انا ام زامل
عذاري:

حياك ياخاله والله تعبناكم ويانا
ام زامل:

لا تعب ولا شي وهذا واجب زامل وغيره في بنات بلده وبنات المسلمين اجمعين
عذاري:

اهل واجب والله والنعمبكم
جمانه:

ماعليك زود
وحست بخبطه على ذراعه من جوري
ام زامل:

هذه جمانه وهذه جوري
سلمت عليهن عذاري وشافت الشبه الكبير بينهن اصلا اي شبه كل وحده صورة لثانية شكلهن توم ومن نفس البويضه بعد
عذاري:

الله يخليهن لك
وسلمت عليهن
… كانت عذاري لابسه عباتها وطرحتها..
.

.دخلن يسلمن على موضي الى رفضت تسلم عليهن..
التوم تفاجئن بموضي
موضي كانت جالسه على السرير وتتفرج على mbc3 ولما شافتهن رجعت لورا وحضنت المخده بقوه..

عذاري بسرعه راحت لها وحضنتها..

و موضي مثل دوم حضنت عذاري بكل قوتها الشي الى يفقد عذاري تحكمها بنفسها لانه موضي تفوق عذاري قوه وجسم
عذاري وهي تبعد نظر موضي الخايفه عن الحريم الثلاث:

مواضي حبيبي شوفيني
ام زامل:

شكلنا ارعبناها
عذاري:

لا الحين تولفبكن ارتاحوا
واشرت لهن يجلسن وهن ظلن واقفات
عذاري وهي تبوس موضي وصارت تتكلم وحسها مخنوق لانه موضي لما تحضنها تعانقها من رقبتها:

مواضي ماما حبيبي شوفيني هذيل حبوبات شوفيهن جابن لك شوكولاته وورد
.

.وظلت تمسح على شعر موضي وظهره وهي تبوسه وصدق ه المره عذاري انخنقت بس ما تقدر تبعد عذاري عنها لانها بتخاف وممكن يصيبها مضاعفات او تنصرع… وشوي شو بدت موضي ترخي عن عذاري..
جلست عذاري جمب موضي الى دخلت راسها بحضن عذاري…
عذاري:

اتفضلن
محد تكلم لانهن خافن على موضي انها تخاف
عذاري:

خالتي تفضلي هي يبيله دقايق لين تتعود عليكن
ام زامل:

والله اخاف اننا ماذينها
عذاري:

لا عادي اصلا مواضي شاطره تروح للمدرسة وطالعه الاولى على زميلاتها صح مواضي
حركة موضي راسها بالايجاب
جمانه الى تجراءه ه المره وتقدمت شوي وفتحت الشوكله الى حطوها اول ما دخلت على طاوله بالنص
جمانه:

موضي تبين شوكلاه
حركة موضي راسها بالايجاب وهي مازالت بحضن عذاري
قدمت الشوكلاه وموضي تناظر عذاري
عذاري:

خذيها وقوليلها جزاك الله خير
مدت موضي يدها ببطء وخذت الشوكلاه بس مانطقت بشي
جمانه تجرءه اكثر:

شلونك مواضي
موضي حضنت عذاري بقوه
عذاري:

ههه مواضي عيب شنو راح يقولن بيقولن عليك خواف الحين مايصير
ابتعدت موضي عن عذاري
عذاري:

شاطره حياتي مو الابله تقول انه صوتك حلو يالله سمعيهن الانشودة الى حفضتها لك الابله
حركة موضي راسه بالنفي
عذاري:

مو انا ماما ولازم تسمعين كلام ماما يالله حبيبي سمعيهن
ام زامل الى ابتسمت على كلام عذاري … عذاري جسمها وشكلها بيبي بينما موضي مبين عليها انها جسمها اكبر… بس الشكل واحد عذاري مصغره وموضي اكيد اجمل من عذاري لانها اكيد وصلت لذروه جمالها وطبيعي البنت يزيد جماله من منتصف العشرينيات للاربعين وفي منهن من ينزل جمالها بسرعه وفي منهن من يحافظ على شبابهن وقت اطول
جمانه:

لا انا صوتي احلا
جوري:

دخييلك مو ناقصين فضايح هنا بعد
ابتسمت عذاري على تعليق جوري وهي اصلا ماهي عرف منو فيهن جمانه ومنو جوري
انتبهت موضي للبنتين وفتحت عيونها على كبرها الشي الى خلا الكل يضحك
عذاري:

مواضي هذيل خوات شوفيهن حبوبات نعطيهن شوكلاه
حركة موضي راسها بالايجاب
وقفت عذاري بس موضي تعلقت فيها وردت جلست
قدمت جمانه الصحن ل عذاري وعذاري خذت اثنين وعطتها موضي
عذاري:

يالله حبيبي اعطيهن الشوكلاه
مدت الشوكلاه ل جمانه
جمانه:

جزاك الله خير
موضي بخجل:

ويااك
عذاري:

انزين اعطيها الثانيه
موضي بعصبيه:

بس وحده بس وحده
عذاري:

حراااام الثانية تزعل وتبكي
موضي مصره:

بس وحده بس وحده
جمانه:

مواضي حبيبي انا جمانه حبيني انا اما جوري معليك فيها هذا بقره
موضي عطت جمانه الشكولاه الثانيه
جوري:

بدت التفرقه
عذاري:

معليه شوي شوي بتتعود
ام زامل:

يالله نستاذن حنا الحين وان شاء الله نزوركن في بيتكن زامل قال انكن بتخرجن بكره
عذاري:

ان شاءالله
ام زامل وهي توقف:

انتبهي على نفسك وعلى اختك
عذاري:

ان شاءالله خالتي
زامل:

ها يمه شرايك
ام زامل:

قطعن قلبي
جمانه:

ياحراااام والله انه موضي تهبل بس خساره
زامل:

الله يشفيها
ام زامل:

زامل يمه هذه شلون تعيش وياك ما يصير
زامل:

ليش يمه
ام زامل:

يمه زامل صح البنت مو واعيه بس يمه الله عطاها من الجمال الشي الكثير يمه ما يجوز تكشف عليك
زامل:

ايه يمه حتى اختها قالت انه اذا تزوجنا وعشنا هنا لابد نحط لي موضي حجره وصاله وحمام خاص فيها
ام زامل باستنكار:

مم ما شاء الله من متى ه الكلام صار
زامل:

ههههه يمه استري ما واجهتي
ام زامل:

زامل يمه البنت الى تكلمها ما تامنها
زامل:

افااا الوالده تشكين باخلاقي وبعدين تراني خطبتها وهي وافقت بس ننتظر ظهور التحاليل
ام زامل بزعل:

تخطبها بدوننا اجل شله نروح نتعب اعمارنا
زامل:

ههه يمه لازم اخطبها واعمل التحاليل لاجل تطمن على نفسها وانا رايح راد للمستشفى
جمانه وهي تقاطعه:

صدقة يمه شلون يكلمها وشلون ترتاح له وتشرحله ظروفها اذا ما خطبها وعمل التحاليل لاجل تطمن اكثر
زامل:

لله ما تطمنت لين خبرتها بانكن تزورونها في المستشفى وبعدين انا ما كلمتها غير مرتين مره سوينا في التحاليل والمره الثانية يوم خبرتها بانكن تبون تزورونها
جوري:

ماما شفت شلون تحضن اختها والله احسها تخنقها
جمانه:

ايه والله ولا عذاري وين وموضي وين
ام زامل:

سمن بالرحمن عن تطقون البنت بعين
جمانه:

هههه ماشاء الله عليها
.

.اليوم هو يوم الخطبه..
عذاري استقبلتهم
عذاري:

تفضلن حياكن
ام زامل بابتسامه:

الله يحيك الا عذاري بنيتي زامل ويانا وهو طالب يشوفك
خجله عذاري من ام زامل وعصبت على زامل الا خبرته برايها في ذا الموضوع
ام زامل وهي ترد لاجل تدخل زامل
ام زامل:

يمه زامل تعال يمه
هنا عذاري ماتت من الخجل حست صدق انها تورطت وانها شلون توجه ه الانسان وهي الى عرضت نفسها للزواج مرت عليها كل الاحداث وياه
زامل:
جمانه وجوري:

وعليكم السلام
ناظرهم زامل ورد ناظر عذاري الى وجها تصبغ من الخجل
زامل:

شلونك عذاري
جمانه وجوري:

بخير ربي يحفظك لي
ابتسم الكل ابتسم و زامل عصب على خواته الى واقفات في حلقه
زامل:

يمه سوالف الخطبة محد ياخذ وراعن وياهم
ام زامل:

هههه يمه يبعدن الخجل عن خطيبتك افهمها عااد
وهنا بالفعل عذاري حست انها ودها تغوص في هدومها
جوري وهي تبعد الكلفه عن عذاري:

تفضلوا تفضلوا حياكم البيت بيتكم
جمانه:

عذاري وينها موضي
عذاري اسفل
جمانه:

وو حرام ليش تخليها بروحها خلونا ننزلها
عذاري:

لا اسفل غرف النوم
جمانه انتبهت للدرج الى في نص الصاله:ووو انتي مسويه العكس غرف النوم تحت والمجالس فوق والله حلو التغير
جوري:

ياربي ه البنت ملقوفه
عذاري:

تفضلوا حياكم
تقدمت ام زامل وعقبها التوم و زامل وهو رايح لهن مسك يد عذاري وسحبها وياه وهي تحاول انها تسحب يدها قبل اي حد ينتبه لهم بس هو اقوى بكثير زامل جسمه رياضي وطويل وهي صغنونه ونحيفه عكس موضي الى جسمها حلو وطويله شوي
جمانه:

هههههههههه
ام زامل التفتت لبنتها:

جمانه شعندك
جمانه الى انتبهت لي زامل الى ترك يد عذاري بسرعه:

يمه حرام الضحك
جوري وهي تساسر جمانه:

شعندك
جمانه:

ترى الحفله ورى
جوري:

ادري بس لاتحرجي البنيه والله احسها تنتفض من الخوف
جمانه:

والله اخوك الى مدري وش فيه تقولين مفجوع
زامل خبط راسهن ببعض:

بطلن حش بالعالم
جمانه:

ايي حرام عليك فقدت الذاكره تراني
زامل:

يكون احسن
جوري:

لا تخافين عيوني انا بذكرك بالذي مضى واهم شي بالي من شوي
زامل الى فهم لها:

هههه انتن مركبات خلفي بعد
جمانه:

ومن شر حاسد اذا حسد
ام زامل:

يمه زامل يالله اخرج انتظرنا بالسياره
زامل:

يمه اشفيك
ام زامل:

خلاص الشوفه وشفته خلينا نسولف براحتنا
جمانه:

سمعي عذاري ترانا كلنا حبيناك انت واختك وحنا اليوم جاين خطاب وطالبين القرب بينك وبين زامل وولدنا ادب واخلاق وشهادتي فيه مجروحه ونعرف ظروفك لاجل كذا ما ودنا نحرجك اكثر بس قبل بسلم على موضي واعطيها هديتها وبنروح
ام زامل:

يمه عذاري لاتستحين منا تراني عادتك من حسبت بناتي وزامل ولدي
عذاري:

الله يخليك لنا
جوري:

ووووولي يالله لولو لبسها الاسواره
ام زامل:

خلونا نجلس كله حار بناره
جمانه:

ايه يمه لاجل يروح شغله وحنا نشوف العروس وشنو تحتاج للشبكه والازي منه
زامل:

انزين ما ينفع اظل انا بعد
ام زامل:

بسرعه لبسه الاسواره وروح شغلك
زامل خرج الاسواره من جيبه ومد يده وعذاري مدت يدها له وهو لبسها الاسواره ومسك يدها
زامل:

ان شاء الله اكون محل ظنك عذاري
نزلت عذاري عيونها للارض وهي ترتعش من الخجل والخوف
جمانه:

يالله زامل حبيبي ورينا مقفاك
زامل:

تراني معطين وجه اليوم
جوري:

غصب عنك
جمانه:

اي والله بنلعب فيك قبل يطيح كرتنا
ام زامل:

ما بيطول كرتن بكره وبيطيح
جمانه:

لا والله ليش
زامل:

لانه ابوي ما راح يرد من السفر الا عقب شهر والملكه بنسويها بكره ان شاءالله
انصدمت عذاري من ه الامور ما توقعت السرعه هذه
فتحت عذاري الباب ودخل زامل
عذاري:

هلا زامل حياك
زامل:

شلونك حياتي
عذاري بخجل:

بخير ربي يعافيك
زامل:

موضي وينها
عذاري:

نايمه اخاف تشوفك وتجيها الحالة مثل ذاك اليوم تراها تخاف من الرجاجيل
زامل:

الله يكون بعونها
جلس زامل في الصاله
عذاري:

زامل تعال نجلس بالمجلس اخاف موضي تصحى وتشوفك هنا
وقف زامل ودخل المجلس وعذاري سكرت الباب بالمفتاح
زامل وهو يجلس:

عذاري شلون راح تعيش ويان موضي
عذاري:

والله ما اعرف اخاف اني استعجلت بس صدقني زامل والله تعبت من الوحده تعبت من تحمل المسؤليه صدقني زامل كل الى اريده اني
اشعر بالامان في العالم الكبير اريد احط راسي على صدرك واحس بحنانك كابو كزوج كااخو انت ما تعرف شنو معنى الحرامان انا اتحرمت من انه يكون لي ابو او اخ مثل العالم
وقف زامل وراح ل عذاري الى كانت تتكلم وهي تناظر من الشباك لفها له وشاف دموعها على خدها حضنها لصدره وهي اطلقت العنان لروحها واحتضنته… شعرت بشي غريب يسري بجسدها الحين بس عرفت ليش اختها يوم تخاف تحتضنها بكل قوتها تريد ه الدفء تريد ه الحب تريد ه الامان
.

.

_________________

[embed-flash(width,height)]http://up.7cc.com/upfiles/EaX63920.swf
الرجوع الى اعلى الصفحة اذهب الى الاسفل
معاينه صفحة البيانات الشخصي للعضو
smsooma
مشرفه
مشرفه
انثى
عدد الرسائل:

2995
العمر:

25
المزاج:

حبيبي وحشتني
المزاج:
تاريخ التسجيل:

13/02/2008

بطاقة الشخصيه
العمر:
الدوله:

المملكه العربية السعوديه

مساهمهموضوع:

رد:

اوراق الماضي للكاتبه المبدعه ايميليا امل الاربعاء اكتوبر 01,

2008 4:52 am
يوم الزواج وهو بعد شهرين من الاحداث
اول ما صحت عذاري من النوم الساعة 11 ونص دقت على زامل
زامل:

صباح الحب والورد
عذاري:

صباح النور حياتي
زامل:

اوب اوب اوب في تطور اليوم
عذاري:ههه بس زامل لاتحرجني في يوم عرسي
زامل:

اخخخ اااااامري كم عذوره عندي
عذاري:

وحده الا صدق زامل بصراحه طلبك فكرت فيه وفكرت ما اقدر صدقني زامل ما اقدر انفذه انت تعرف انه لي اسبوع وانا احاول اني انام بحجره بروحي وكل ما خرجت من حجره موضي ودخلت حجرتي دقايق وهي عندي
زامل:

يعني شلون
عذاري:

يعني يعني يعني افهمها حبيبي عااد
زامل:

ما فهمت ممكن تشرحين اكثر
عذاري بخجل:

حبيبي لاتنسى اني انا الى عرضت عليك الزواج صدقني زامل حاولت في موضي
زامل:

بالاول انا الى تعرضت لك وانا الى خليتك تعيشين بجو ملي بالخوف وانا الى اذيتك وبعدين حياتي لو انا في يوم قلت انك انت الى جريتي وراي بنقص من رجولتي حياتي انت سويتي الشي الصح انت طلبتي الستر وام المومنين ام حكيم رضي الله عنها هي طلبت الزواج من الرسول صلى الله عليه وسلم صدقيني انا خبرت امي بالموضوع لانها ظلت فتره وهي شاكه بنوعيه العلاقه قبل الملكه وانا خبرتها بكل شي صدقيني اشكثر امي استانست وقالت الحين هي مرتاحه بانك راح تحفظين شرفي وعرضي وانك ما بديتي باللعب مثل بنات ه الايام يااااه يا اشكثر مدحتك تصدقين غره منك ههههه
عذاري:

ههههه تصدق زامل ماما كل يوم يكبر حبها في قلبي
زامل:

لا تخرجينا عن موضوعنا
عذاري:

بنحاول فيها اليوم
زامل:

اوبيييييي ترى انت السبب انت الى عودتيها
عذاري:

حرام عليك اصلا هي ما كانت تنام غير في حجر امي ولما توفت امي انا خذيت مكانها والله ما تعرف شلون تدهورت حالت موضي ذيك الفتره
زامل:

اقول حياتي اشرايك نعطيها منوم
عذاري:

ههههه تراك مجرم صاير
زامل:

ههههه ليلة وحده ماتضر
عذاري:

وعقب شلون لاتقول كل ليله
زامل:

والله انت الى المفروض تقفلين عليك حجرتك من اسبوع
عذاري:

حاولت والله حاولت بس اول ليلة دوره البيت بكبره ولما شافت حجرتي مقفله ظلت تدق على الباب وتدق وتصيح وبالاخير حزنت عليها وفتحت لها الباب بصراحه ندمت ليش اني سمعت شورك
زامل:

طلعت مجرم
عذاري:

واحلى مجرم بعد
زامل:

ياويل حالي تتغزلين فيني في يوم عرسي وتبيني انام بروحي وانت ويا اختك ليش حرام والله الضرب في الميت حرام
عذاري:هههههه انا على بالي براضيك كذا
زامل:

انت تصبين بنزين علي كذا
عذاري:

هههههههه تعرف حبيبي يوم نمر على المحطه افتح قزاز السيار شوي لاجل تدخل ريحه البانزين تعجيبي ريحته
زامل:

ههههه اجل باخذ شاور بالبانزين اليوم
عذاري:

هههههههه لا تحاول اليوم لاتحاول
زامل:

اوبييييي مصره شكلك
عذاري:

الله يخليك زامل اعذرني اليوم
زامل:

انت لا تستعجلي الامور بنحاول اذا ما رضت شسوي بنرضى بالامر الواقع
عذاري:

لولو زعلت
زامل:

لا يكون انا لولو بعد
عذاري:

ههههه شرايك حلو
زامل:

بس بيني وبينك ياويلك حد يسمعه
عذاري:

تراني اسمع ماما تناديك لولو
زامل:

الوالده غير من كنت صغير تدلعني بس خواتي لو نطقن به اغسل شراعهن
عذاري:

وانا
زامل:

اخخخ انت شقول بس
عذاري وهي تتميع له:

مو انت تحبني
فيصل:

الا اموت فيك
عذاري وبنفس نبره الدلع:

انزين مثل ما ضحيت وخذيتني وانت ما تعرف عني شي ومثل ماحبيتني ومثل ما انت تعبان وياي تخلى عن ه الليلة فدا للوطن
زامل:

هههههههههه ان كيدهن عظيم
عذاري بزعل:

الحين انا اكيد لك
زامل:

انت ضربتي بقلبي ضرب
عذاري:

لولوتي حبيبي شنو قلت
زامل:

ياويلك عذاري لو وصلتي لي لولوكتي
عذاري:

هههههه تراك تتابع افلام كرتون
زامل:

خواتي المهبل يتبعن ويطقمن للمدرسة وانا الغلبان اجري وراهن لين يلاقن غرضهن
عذاري:

الا صدق ابوك رد من السفر
زامل:

والله هو الى حدد الموعد وبعدين ابوي عيد الله ما يعيده ويانا تبينه يحضر افراحنا
عذاري:

لهالدرجه مشغول
زامل:

لاتشيلين همه انا اخاف اننا نجيب عيالنا وهو ما رد
عذاري:

ليش هو مهاجر
زامل:

لا موب مهاجر ولا شي يرد كل ثلاث اشهر يروح لزوجته الثاني ويظل اسبوع اسبوعين على حسب وما ندري فيه غير من الناس واحيان ما نلحق نشوفه تصدقين جمانه وجوري لهن ثلاث سنوات مايشوفونه انا بالصدفه اشوفه
عذاري:

ليش هو مطلق ماما
عذاري:

لا مطلقها ولا شي بس الوالده هي الى رافضته وهو لاجل كذا تزوج عليها
عذاري:

هلا حبيبي صحتي من النوم
موضي وبطريقة طفوليه:

ايه منو تكلمين
عذاري:

ممم زامل
موضي صارت تصارخ وتقول كلام مو مفهوم ورمت السماعه من يد عذاري وحضنت عذاري بقوه
عذاري:

مواضي حبيبي قومي من فوقي كسرتيني انت شاطره انت الحين صرت كبيرة قومي ماما قومي حيايتي
جلست موضي فوق بطن عذاري بكل ثقلها
عذاري وهي حزينه عللى اختها حست انها استعجلت في طلب الزواج من زامل وانها بتظلم اختها في ه الزواجه بس هي تعبت خلاص تعبت من شيل الهموم بروحها:

مواضي عزالله بتقطعين خلفي قومي حبيبي من فوق بطني
بس موضي مثل ما هي عذاري وهي مو قادره تتحمل ثقل موضي صارت تصارخ وتنادي على الشغاله…موضي لمحت دموع عذاري
عذاري:

ايتي تعالي بسرعه ايتي
ماحست عذاري غير بموضي وهي تكتم انفاسها حاولت عذاري تقاوم بس بدون فايده اضطرت انها تعض يد موضي وموضي نزلت يدها على رقبت عذاري وضغطت عليها وارتخت عضلات عذاري
تركت موضي اختها وانسدحت جمبها وسحبت عذاري لها وضمتها لصدرها..

غمضت عيونها على مشهد واحد بس وهو يد امها على فم اختها الصغيره..

عرفت الحين شلون تسكت الى يبكي طريقة جدا سهله..

بس شنو نتايجه ه الشي مو في عقل موضي

  • رواية أوراق الماضي / للكاتبة إيمليا أمل
  • رواية اوراق الماضي
  • رواية اوراق الماضي كامله
  • رواية اوراق الماضي كامله الارشيف
  • صور من مرضانه تعباني
  • صوربنات دايرين ضهرن لورا
429 views

رواية اوراق الماضي للكاتبة ايمليا امل