5:26 صباحًا الأحد 18 نوفمبر، 2018

رواية رماني القدر بحضانك منتديات غرام


صور رواية رماني القدر بحضانك منتديات غرام

هذا انا اعود لكم بروايتي الثانية وكلي امل ان تنول رضاكم

رماني القدر بحضانك للكاتبه الفجر البعيد

هذا انا احب وانت تحب فهل نلتقي بمن نحب او تحول الاقدار بيننا

هذا انا اخطا وانت تخطا فهل نحاسب على اخطانا

هذا انا اتكلم انت تتكلم فهل ندفع ثمن كلامنا

اعلم وسوف اعلم ان كل ماسوف نعمله ونقوله سنحاسب عليه

ففكروسفكر قبل ان نقدم على اي شي

البارت الاول:

منى بعصبيه:خلود معك يومين تجيبين جمانوه
خلود بتوتر:واذا ماقدرت
منى تقوم واقفه وقالت بتهديد:لو ماقدرتي صورك الى معي بتكون بيد زوجك ياحلوة قالتها بسخريه
خلود بخوف ممزوج بعصبيه:بالله عليك تقولين لي كيف اقدر وهي رافضه هالموضوع
منى برود:شوفي انا مسافره لمصر اسبوع واول مرد ابيها تكون بين يدي ماهو شغلي كيف تسوين هالشي
خلود وقفه ومسكت يد منى وقالت بترجي:الله يخليك شليها من بالك فيه مليون بنت تتمنى قربك
منى وهي توخر يد خلود وتاخذ عباتها:حبيبتي انا ابي من هالمليون جمانه وبس جمانه وبس فاهمه قالتها بصرخه
خلود بقل حيله:خلاص بجيبها لك
منى وهي تلبس عباتها:شاطره حبيبتي يالله اخليك الحين وراي طياره لمصر
خلود في نفسها”عساك ماترجعين”
========================================
جمانه نايمه على بطنها وتلعب برجولها وتكلم بجوالها
جمانه:هههههه سوير بموت ضحك منك
ساره بعصبيه:لاتقولين سويره اكره نفسي
جمانه بعبط:الاسوير وش اخبار جنو
ساره بتهديد:جمانوه اذا كررتي هالاسم بقول لوليد ياجل الزواج لسنه الجايه
جمانه بخوف:لا خلاص توبه كله الا ان زواجي يتاجل
ساره ببتسامه:اي ابيك كذا مطيعه لاخرب عليك
جمانه بحالميه:لاحبيبتي وليد مايرضى علي
ساره بضحكه:بلاك ماتدرين عن الى يصير من وراك
جمانه وهي تجلس على السرير:سارونه لا تلعبين بعصابي
ساره بجد:تصدقين اغار من حب الوليد لك
جمانه بحب:فديته حبيبي
ساره:اقول ماوديك تزورينابنات عمامي بيزورونا الليله
جمانه بتفكير:امممممم بقول لدادي ورد عليك
ساره وهي تضحك:هههههه دادي ماتليق دادي على ابوك
جمانه بحزن:معك حق
ساره بندم:جوجو مو قصدي صدقيني
جمانه بهدوء:حبيبتي ادري بالي بقلبك
ساره:اوك حبيبتي اخليك الحين بلبس
جمانه:مع السلامه
ساره:باي
جمانه بعصبيه:لاتقولين باي مايجوز معنى في حفظ البابا للمسيح
ساره بضحك:خلاص مع السلامه
جمانه ببتسامه:اي كذا ابيك مع السلامه

جمانه تطالع في الجوال بعد ماسكرت الخط من ساره وتفكر كيف تقنع ابوها تروح لخالتها مشتاقه لهم
جمانه”عمرها 20 سنه وهي في ثاني كليه ادبي انجليزي وحيده ابوها امها متوفيه من ثلاث سنوات بحادث”
“ابوها موظف في شركة وراتبه كله يروح على البلاوي الى يشربها ومتزوج من سنه
وعمره 43 سنه وسيم الى يشوفه يقول عمره 30 سنه ”
“خلود هي زوجه ابو جمانه وعمرها 24سنه تزوجه ابو جمانه لاسباب بنعرفها من خلال الروايه ”
جمانه بعد تفكير طويل قررت تنزل وتكلم ابوها معنها تكرهه وتكره الكلام معه بس مجبوره
بدلت لبسها البيجامه بتيور جينز لونه ازرق غامق وتي شيرت لونه ابيض باكمام طويله ممسوكه من النص بشريطه ولمت شعرها بشباصه وتوكلت على الله ونزلت تحت

خلود جالسه جمب ابو جمانه بنفس الكنب وتطالع في جمانه بحقد وهي وهي تنزل مع الدرج الى ينزل على الصاله الى جالسين فيها
جمانه ببتسامه باهته:
خالد رفع نظره وشاف جمانه وطالع فيها فتره بعدين رد السلام
خالد:وعليكم السلام
جمانه بتوتر:ممكن اروح لبيت خالتي
عبد الله بقهر:ليه ماتقولين يبه ممكن اروح الا ثقيله على السانك
جمانه في نفسها”بعد الى سواه يبيني اقوله يبه ”
عبد الله بعد ماطال سكوت جمانه قال برود:روحي
خلود بقهر:ليه تسمحلها خلها تنطق في البيت
جمانه خزتها بنظره لها مغزى وقالت:انتي مالك دخل فيني زي يوم مالي دخل فيك
خلود بحقد وخوف:كيفه ابوك يبيك تروحين هو حر
جمانه وهي تصد عنهم:عن اذنكم
عبد الله:دقي على مشاري هو الى يوديك لاتروحين مع غيره
جمانه”يعنني خايف عليك مهنا “:ان شاء الله
طلعت جمانه لغرفتها ودموعها ماخذه مجراها على خدها كل ماتشوف وجه ابوها تتذكر ابشع شي صار في حياتها مسحت دموعها بعد ماوصلت غرفتها ودخلتها تبدل لبسها وتدق على مشاري ولد عمها يوديها لبيت خالتها
=========
في حي اخر من احياء الرياض

عناد:
الكل:وعليك السلام
ام عناد:هلا وليدي تعال اجلس عندي
عناد بعد ماحب راس امه:اخبارك يالغاليه
الام:بخير بشوفتك
عناد بعد ماجلس جمب امه قال:اخبار ام ناصر
ام ناصر:الحمد الله بخير
جنان تزم شفايفها وهي تقول:وانا مالي نصيب
عناد ببتسامه:النصيب كله لك
جنان بسخريه:اي واضح
الام:جنو خلي اخوك يرتاح
جنان وهي تقوم:خلاص بروح غرفتي احسن لي
عناد بهدوء:جنو اجلسي صبيلي قهوه
جنان بقهر:حاضر
ام ناصر:عناد ماشفت ناصر
عناد وهو ياخذ الفنجال من يد جنان:لا والله ليه ماهو مع ابوه
ام ناصر:مدري عنه
عناد يطلع جواله من ثوبه:بدق على يوسف اشوفه معه والا لا
دق عناد على جوال اخوه يوسف وبعد فتره رد
يوسف:ارحبووووو
عناد ببتسامه:هلا
يوسف:وعليكم السلام امر وش عندك
عناد يضحك:يابوك اسلني عن اخباري اول
يوسف وهو يرد على الى عنده:وجع خله مكانه لادوس بطنك
عناد بجد:يوسف خلك معي وترك الى عندك
يوسف يرد يكلم عناد:هاه قول وش تبي
عناد:ناصر معك
يوسف:اي معي غيره تبي شي
عناد بياس:لا مابي منك شي يالله مع السلامه
يوسف سكر الجوال من غير لا يرد على عناد
عناد ببتسامه:الله يعينك يا ام ناصر على ابو ناصر
ام ناصر:تعودنا عليه بس ناصر معه
عناد وهو يقوم:اي معه يالله يومه بروح انام وصحوني لصلاه المغرب
ام يوسف:يمه لاتنام الحين نومه المغرب ماهي بزينه
عناد وهو يرفع يدينه لفوق ويشبكها ورى راسه دليل على التعب:والله حدي تعبان
ام يوسف بحنان:خلاص لا تروح دارك نام في المجلس عشان مايحلا لك النوم ولا تقوم لصلاه
عناد ببتسامه:من عيوني
بعد ماطلع عناد وراح للمجلس ينام
جنان:نوره ماودك نروح بعد المغرب لسوق
نوره وهي تنزل نقابها

بشوف يوسف اذا وافق نروح وش ورانا
جنان:اجل بروح لغرفتي اطقطق على الاب لين الاذان وبعدها اجيك
نوره:وانا بعد بقوم لجناحي
ام عناد بهدوء:جنو مالك والي تاخذين رايه
جنان وهي تتوجه امها وتحب راسها قالت:افا يمه تتوقعين مني اروح من غير اذن لو اسويها ماكون تربيتك
ام عناد:اشوف تقولين لمره اخوك ولا عبرتيني
جنان ببتسامه:كنت بشوف رد يوسف بعدها بجي اقولك
ام عناد بحنان:خلاص يمك روحي بس قبل قولي لعناد
جنان بلويت بوز:يذا العناد
ام عناد بعصبيه:جنو وش تقولين
جنان بضحكه:سلامتك يمه ماقول شي يالله بروح غرفتي تامريني شي
ام عناد:الله يحفضك
طلعت نوره وجنان كل وحده لغرفتها واجلست ام اعناد تقول اذكار المساء تتنتظر اذان المغرب
بعرفكم بعايله عناد
عناد”عمره 32 سنه وهو ضابط في المباحث وهو وكتوم محد يعرف عنه شي وهادي نادر مايعصب يكره احد يعانده او يقول له لا صوته فخم وفيه بحه”
يوسف”عمره 35 سنه مزاجي وعصبي وهو دكتور في الجامعة وهو يشبه عناد كثير وعنده ولد اسمه ناصر عمره 9 سنه وبنوته اسمها حور عمرها 6سنين وتوام ريان وريتاج عمرهم 4 سنوات”
جنان”دلوعه البيت بحكم انها اختهم الوحيده وعمرها 23 سنه مخلصه جامعة وجالسه في البيت”
جاسم”عمره 28 سنه حبوب ماخذ الدنيا وناسه مايحب يزعل احد منه وهو يشبه جنان يعني الى يشوفهم يقول توم وهو مدرس ”
ام ناصر”نوره وهي تصير بنت عمهم زوجه يوسف وعمرها 26 ”
ابوهم متوفي من عشر سنين
جمانه تركب السيارة مع ولد عمها مشاري
جمانه بعد جلسه ورى:
مشاري:وعليكم السلام وين تبين تروحين عندنا والا عند خالتي
جمانه بهدوء:لا عند خالتي
مشاري حرك السيارة متوجه لبيت خالته وطول الطريق ساكه وجمانه بالمثل
في بيت ام وليد
ساره:يمه وين البخور ببخر غرفتي
ام وليد وهي تحط الفحم في المبخره:سوي لنفسك هذا ببخر فيه مجلس الرجال
ساره بلويه بوز:يمه
ام وليد:وصمه اقول ماني فاضيه لك الحين بيجون عمامك وانا ماسويت شي
ساره وهي تطلع من المطبخ:بقول سونيا تسوي لي وطلعه غرفتي
ام وليد بعصبيه:ساره تعالي انتي سوي سونيا ماهي فاضيه لك
ساره ترد تدخل المطبخ وهي تتحلط مع نفسها:ياربي وش هالعيشه
ام وليد تحط العود على الفحم:وش تقولين انتي
ساره ببتسامه:اقول احبك
ام وليد وهي طالعه:الله يهديك
في المجلس وليد جالس يكلم بالجوال
وليد:ههههههه يوسف ماني فاضي لك والله بيجون عندنا عمامي
يوسف:كيفك بس ترى بتفوت عليك جلسه على كيف كيفك
وليد:اقول يوسف يالله ضف وجهك ماني فاضي لك
يوسف:بضف وجهي بس بكره لا تدق علي لاني ماراح ارد عليك
وليد ببتسامه:اي هين منت راد ترى مالك غيري
يوسف:نشوف يالله اخليك
وليد:مع السلامه
سكر يوسف من غير لا يرد عليه هذا طبع يوسف
ام وليد وهي داخله:من تكلم يمه
وليد وهو يحط الجوال بجيبه:يوسف
ام وليد بخوف:لاتقول بتطلع معه
وليد ببتسامه:افا يمه قالولك ماعرف الاصول
ام وليد وهي تحط المبخره على الطاوله:ادري انك تعرف الاصول بس خايفه يوسف لعب براسك
وليد وهو يقوم:لاتخفين كرشته
ام وليد ببتسامه:يعني حاول معك
وليد وهو يضحك:يوسف وتعرفين طبعه اهم لاعليه وناسته
ام وليد:يالله روح بدل قبل عمامك يجون
وليد وهو طالع:تامرين يالغاليه
عايله وليد
وليد “عمره 31سنه يشتغل في شركة ابوه وهو عصبي مره يعني كبريت سريع الاشتعال وهو خاطب جمانه عن حب”
ساره”عمرها 20 سنه مع جمانه في الجامعة ونفس التخصص دمها خفيف
مخطوبة لولد خالتها مشاري”
جنا”عمرها 18 سنه في ثالث ثانوي شعرها بوي وهي دلوعه البيت حلوة تشبه ساره كثير بس عيون جنا اصغر من عيون ساره وهي اطول من ساره نفس طول جمانه”
فرح”25 سنه متزوجه ولد عمها فهد وعندها بنوته اسمها رنا عمرها 5سنوات ولد اسمه وليد عمره سنتين ”
فارس”عمره 14 سنه ”
نزلت جمانه من السيارة بعد ماشكره مشاري واستقبلتها ساره عند الباب
ساره ببتسامه:حيالله بنت الخاله
جمانه ترد لها الابتسامه:هلافيك حياتي
ساره تمسكها مع يدها وتدخلها:بسرعه دخلي لان عمامي على وصول
جمانه:

بروح غرفتك بشوف شكلي
ساره تدفها قدامها:شوفي شكلك في هالمرايه
جمانه بضجر:سارونه فكيني بروح غرفتك
ساره بملل:اوووف يالله روحي
جمانه اسفهتها وطلعت غرفتها وهي تتمنى تشوف وليد عشان كذا اطلعت بعباتها ونقابها هي تبي تشوفه بس مو معناته تخليه يشوفها وهي كاشفه

وليد طلع من غرفته وهو ماسك جواله ومفتاحه في يده وشماغه على كتفه وطاقيته وعقاله على راسه وقف يطالع البنت الى تطلع الدرج يعرفها بين مليون بنت تقدم وليد من الدرج وقال:سلام
جمانه رفعت نظرها شافته قدامها اخذت وقت تطالع فيه تملى عينها منه
وليد مايدري ليه ماردت لانها مغطيه عيونها فقال ببتسامه:رد السلام واجب
جمانه ببتسامه:وعليكم السلام
وليد بعد عن الدرج شوي عشان تقدر تمر وقال:اخبارك
جمانه “يانااااااس احبه احبه”
وليد على باله البنت مستحيه فقرر ينسحب مادرى انها ذايبه عليه
وليد ببتسامه:ممكن تمرين بنزل
جمانه حست على نفسها وطلعت بسرعه وقلبها يضرب من الفرح
وليد يطالع فيها لين دخلت غرفه ساره وقال بحب”الله يحفظك
جنا من وراه:منهي
وليد صد عليها بسرعه وقال:تنحنحي قبل خوفتيني
جنا ببتسامه:تصرف هاه
وليد طالع فيها بعدين نزل وهو يقول:بسرعه انزلي ساعدي امي
جنا بضحكه:

قول لجمانه انا توني ماخلصت
وليد سفها لانه وصل لاخر الدرج وكمل طريقة لمجالس الرجال
في بيت ابو مشاري
طلعت عهد وهي تتحسس الطريق قدامها تخاف في مغيره مكان شي في البيت عشان تصدم فيه وتطيح تعرف طبعها
في وهي جالسه في الصاله:العمياء لاتخافين مافيه شي قدامك
عهد في نفسها”الله يكفيني شر يافي”
في قامه من مكانها وتوجه ناحيه عهد ومسكه يدها وقالت بمكر:تعالي بسوي فيك خير ووصلك للمكان الى تبين
عهد بخوف:مابي منك شي انا اعرف طريقي
في وهي تجرها معها:اقول تعالي معي
عهد بصوت عالي شوي:في فكيني
في وقفه وقالت بتهديد:عهد امشي برضاك معي لا اسحبك بشوشتك فاهمه
عهد بخوف:وين بتوديني
في بقل صبر:خلي عنك الكلام وتعالي معي
مشت عهد مع في وقلبها يرجف من الخوف وتتمنى يعدي هالموقف على خير
في مشت بعهد لمجلس الرجال وهي تتمنى توصل قبل لا احد يشوفها
عهد حست انها متوجهه فيها لمجلس الرجال فقالت بخوف:في ليه ماخذتني لمجلس الرجال
في بخبث:دقيقة وتعرفين ليه
عهد اسحبت يدها بقوه من يد في وقالت بعصبيه ممزوجه بخوف:في خافي الله بتدخليني على اخوانك انا كاشفه
في بسخريه:لو يشوفينك خواني رجعو ما اكلو ياقلبي من شينك
عهد والدموع متحجره في عينها:الله يخليك فكيني
في اسخبتها بقوه ودزتها في المجلس الى كان بابه مفتوح شوي وركضه لداخل قبل لا احد يشوفها
عهد حست انها داخل المجلس بس ماتدري فيه احد والا لا
خالد كان جالس يطقطق في جواله في المجلس ينتظر صديقه يجيه ماحس الا بدخلت احد عليه
خالد رفع نظره وشاف عهد واقفه في نص المجلس
خالد قطب حواجبة وقال بهدوء:عهد
عهد تحس بماي بارد انكب عليها من الحياء والخوف لاخر شخص تتمنى تسمع صوته تسمع الان
خالد قام واقف وتقدم من عهد وقال بنفس الهدوء:عهد وش عندك جايه هناء
عهد بخوف وقهر:جيت بالغلط وانت لو سمحت صد عني ولا تقرب مني
خالد نزل عيونه للارض وقال بنفس هدوئه:هذا انا صديت عنك وانتي اطلعي قبل احد يشوفنا
ام مشاري بصدمه:خالد
خالد رفع نظره لمه الى واقفه عن الباب وتطالع فيه بشك
خالد بخوف:عهد ادخلت علي بالغلط
ام مشاري بعدم تصديق قالت لعهد:ليه ياعهد وانا عادتك مثل في بنتي
عهد ودموعها على خدها قالت:يمه صدقيني جيت بالغلط
ام مشاري وهي تتقرب منها قالت:اصدقك لو منتي عايشه طول عمرك في هالبيت وتعرفينه
عهد بخوف:خ
ماكملت عهد كلامها الا بكف على خدها من خالتها
خالد بقهر:ليه يمه ليه
ام مشاري بعصبيه:اسكت انت وشغلك مع ابوك لا رد وانتي تعالي معي
اخذت ام مشاري عهد وطلعت فيها من المجلس
اما خالد جلس وهو يفكر برد ابوه لا درى يعرف ابوه زين ويعرف وش بيحكم عليه
==
بعرفكم بعايله ابو مشاري
مشاري”عمره 29 سنه شب مغازلجي رقم واحد والبنات يموتون عليه وهو ملك على بنت خالته ساره وهو دكتور اسنان”
خالد”عمره 27 سنه هادي مغرور شوي ويشتغل مع ابوه في شركته”
في”عمرها 22 سنه في الجامعة وهي مغروره كثير”
عهد”بنت عمهم وابوها وامها متوفين بحادث وعمرها سبع سنوات وهي كانت معهم وهو سبب عماها وعمرها 18 سنه ثالث ثانوي في مدرسة للمكفوفين”
غاليه”عمرها 18 سنه كبر عهد وهي حبوبه وتحب عهد ”
مرح”عمرها 32 سنه متزوجه من ولد عمها”

في بيت ابو وليد

وليد جالس مع عيال عمه واعمامه ابوه في المجلس
ابو فهد:الا متى بتملك ياوليد
وليد ببتسامه:قريب ان شاء الله
ابو فهد ببتسامه:والله انك خساره في بنت هالسكير
ابو وليد بهدوء:وش هالكلام يابو فهد
ابو فهد بقهر:وانا صادق اجل وليد زينت شبابنا يروح لبنت هالسكير
وليد بهدوء يخفي خلفه عصبيته:عمي ترى ماارضى على خالي عبد الله ولا بنته
ابو فهد:وانا وش علي منك انت الى بتاخذها وبكره عيالك الى بينادون هالسكير ياجد مهو انا
فهد يتدخل:يبه الله يهداك وش هالكلام
ابو وليد ينهي هالنقاش:وليد قوم شوف العشاء وش صار عليه
وليد وهو يقوم:تامر يبه
فهد:خذني معك
فيصل:وانا بعد
طلعو الشباب من المجلس وقال فيصل ببتسامه:تحبها
صد وليد عليه وقال متفاجامن سؤال فيصل:هاه
فيصل وهو يضحك:هههههههه وراك تنحت
وليد ببتسامه:لا تنحت ولا شي بس استغربت سؤالك
فيصل بمكر:يعني سمعته يالله رد علي
وليد بنفس الابتسامه:احبها او مااحبها شي مايخصك
فهد وهو يضحك:هههههه طيحو وجهه
فيصل يسوي نفسه معصب:انا ولد ابوي لي هالكلام
وليد ببتسامه:للي سال السؤال
فيصل ببتسامه:اشوى ماهو انا الى سال
فهد:اي انا الى سال
وليد رفع عيونه للنجوم بعدين قال:شوفو القمر وسط النجوم
فيصل وفهد رفعو عيونهم بعدين قالو:وش فيه
وليد بهدوء:جمانه القمر والنجوم غيرها من البنات
فيصل يصفر:اووووو الولد رايح فيها
فهد باسف:وليد لا تاخذ في خاطرك من كلام ابوب تراه مايقصد
وليد ببتسامه:لا تخاف يافهد يعرف عمي ودري انه يقول هالشي من حبه لي
فهد براحه:الله يخليك لوالدينك
فيصل يسوي نفسه متاثر:تصدقون ببكي
وليد يدفه قدامه:اقول امش خل عنك الخبال بنروح نشيك على العشاء
فهد:الا وين بدر ماجاء مع عمي
بدر من وراه:لانه مايبي يشوفك
فهد صد عليه وقال:اما عاد
بدر:
الشباب:وعليك السلام
فيصل:ليه تاخرت
بدر بقهر:ابد شوي مشاغل
وليد وهو يضحك:شكل الاخلاق مقفله
بدر ببتسامه:ومن يقابل مره الوالد الله يرضى عليه ماتقفل اخلاقه
فيصل بجد:تصدق بدر احسك ظالمها
بدر بقهر:بلاك ماتعرفها
وليد:اقول انت وهو بترحون معي نشوف العشاء والا خلوني اروح
الشباب:لا بنروح معك
بعرفكم على عمام الوليد
عمه ابو فهد
فهد”عمره 34 سنه متزوج فرح اخت الوليد ويحبها موت وهي تحبه يشتغل في شركة ابوه”
فيصل”عمره 28 سنه دمه خفيف ويشتغل مع وليد في شركة عمه عشان ابوه ما يحاسبه على الدخله والطلعه ففضل يشتغل في شركة عمه عشان ياخذ راحته ”
رفيف”عمرها 22 سنه نعومه وجمالها هادي حبوبه”
روان”16 سنه دلوعه وتحب المقالب ”
محمد”12 سنه ”
ابو بدر
بدر”عمره 30 سنه ابوه متزوج بعد وفاه امه وهو عصبي وخلقه ضيق ومتقلب المزاج ويكره مره ابوه وهو مدير في بنك ”
ضي”22 سنه متزوجه من ولد خالتها عادل وعندها ولدين بدر 3 سنوات ورايد سنه”
اريام”25 سنه ومتزوجه من ولد احد معارفهم اسمه سلطان وعندها بنوته لمار اربع سنوات”
فواز”20 سنه وهو يحب روان وناوي يخطبها”

هذا الجزء الاول واتمنى يكون فيه تفاعل وتوقعات لابطال الروايه والجزء الثاني ان شاء الله يوم الاربعاء في الليل

  • روايات رومانسية جريئة جدا كاملة منتدى غرام
  • رواية عناد وجمانه البارت الاخير
  • رواية عناد وجمانه كامله
  • رواية رماني القدر بحضانك كامله الارشيف
  • رواية رماني القدر بحضانك
  • روايات رومانسيه جريئه كامله غرام
  • رواية جمانه وعناد
  • روايات سعوديه جريئه كامله منتديات غرام
  • رواية رماني القدر بحضانك كاملة بدون ردود
  • روايات غرام رومنسيه جريئه
3٬209 views

رواية رماني القدر بحضانك منتديات غرام