رواية رهان الحب وكبرياء

 

قبل صلاة العشا في بيت ابو سعيد اخر واحد دخل مجلس الرجاجيل الخارجي كان عبدالله ….. قال يمكن اذا تاخرت يكونون تملكوا واخلصوا …… هو ما هب ملزوم يحضر الملكه بس ابوه ماكد عليهم كلهم يحضرون العشا …… عبدالله اللي كان واقف عند باب المجلس اخذ نفس عميق ورسم ابتسامة ناعمة على وجهه ودخل المجلس وهو يقول : السلام عليكم ………………..
ابو راشد اللي كان يكلم ناصر لف على عبدالله يوم اسمعه وقال : خلك انت…. عبدالله اللي بيجيبه …. عبدالله جعلك تحيا … املكنا ضيع البيت وهو ذا الحين واقف على دور المحطة ….. رح جيبه …….
عبدالله حس ان ابوه وهو يتكلم كانه ماسك في يده فرد ويصوب عليه …. وكلمة رح جيبه كانت الطلقة … ما قدر الا انه يقول لابوه : تم …. ذا الحين بروح له ………… وطلع بسرعة من المجلس ……….
راشد اللي كان عارف ليه عبدالله تاخر عليهم …. عوره قلبه على اخوه الصغير …. قام بسرعة هو بعد وقال وهو على باب المجلس لعبدالله : عبدالله اصبر انا جاي معك ……………..
راحوا يجيبون الاملك وهم في صمت شديد ….. راشد حب يحترم صمت عبدالله ومحاولته انه يكون غير مهتم للي يصير ……………

نزلت نجله مع عمتها وعبير في المجلس الداخلي ينطرون حمد اللي قال لها ان الاملك بيجي مع الشهود عشان يسالونها اذا هي موافقة ولا لا …….اما باقي النسوان فادخلوا في المقعد الى ان يروحون الرجاجيل
نجله كانت ترجف من تحت العباية…… اتصل حمد وقال لوضحه تبطل الباب وترده وتخلي نجله جنب الباب عشان يسالها الشيخ ………. سالها الشيخ في حضور الشهود سعد وعم المعرس …… وافقت نجله وهي تضغط على يد عمتها عشان توقف الرجفة اللي فيها …….. اول ما راحوا الرجاجيل وضحه كانت تبي تهدي نجله من الرجفة اللي فيها ………قعدتها على اقرب كرسي ولمتها وهي تقول لها : الف مبروك يا العروس ….
لكن نجله احضنت وضحه بقوة كبيرة وهي ترتجف اكثر من قبل وقالت لها في اذنها لما شافت امها واللي معها داخلين : قول لي انه حلم ………..
وضحه اللي استغربت قالت : لا حبيبي ما تتحلمين … خلاص ذا الحين انتي عروس ……
وضحه قالت ذا الكلام عشان نجله تفكها….. بس نجله لمتها اكثر وقالت بصوت اوطا في اذونها خلاها تتخيل انها اسمعت اللي قالته نجله : قولي لي ان اللي صار في المستشفى حلم ؟؟؟؟؟؟؟؟؟؟؟؟؟؟؟؟؟؟؟
وضحه افتحت عيونها على الاخر وهي تحاول تستوعب اللي قالته نجله …..وبعد ما تاكدت وضحه ان نجله اكيد شافت او اسمعت شيء من اللي صار في المستشفى لمتها بكل قوتها وقالت لها الكلمة الوحيدة اللي لازم تنقال ذا الحين : حلم ….. كان حلم …………………………………

غصب على عبدالله حضر الملكه …كان يشوف المعرس وهو شوي وتفكك براغيه من الفرحة …. … والله ما ني بلايمك … يا حظك ؟؟؟ من الليلة بتملك الدنيا وما فيها …. عبدالله كان يحس بوجع في صدره كان الوجع يقبض عليه اكثر واكثر..كانها يد تعصر صدره عصار… بس اول ما تملكوا فكته اليد اللي كانت طابقه على صدره…. وخلت في جوفه بقايا قلب ….. تفاجئ عبدالله براشد وهو واقف على باب المجلس يقول له بصوت يسمع اللي حواليه: عبدالله سيارتي ما ادري وش فيها ما تشتغل؟؟؟؟ توصلني المستشفى داقين على عندهم حادث خطير ولازم اروح بسرعة ؟؟؟؟؟؟؟؟؟؟؟؟
عبدالله بدون ما يرد عليه طلع على طول وراشد كان في ظهره ……………………..
راشد بعد ما طلع مع عبدالله في سيارته تموا ساكتين اللي ان اوصلوا الى المستشفى ووقف عبدالله السيارة قريب من باب الطوارئ حق المستشفى …….. عبدالله اللي كان يشوف الشارع قدامه وهو ساكت ينطر راشد ينزل لف على راشد لما قال له : لا توقف انا ما احد دق علي….. بس كنت ادري انك ضايق من ذا اللي صار ولا بغيتك تقعد معهم اكثر……… سكت راشد وهو متفاجئ بلمت عبدالله له وهو يبكي …… لمه راشد شوي وهو يفكر في عبدالله اللي دايم وهو يضحك ويتمسخر على الناس … عبدالله الرجال اللي يسبق سنه بمراجله يكون رقيق القلب بذا الشكل …. راشد قال لعبدالله عشان يرطب الجو شوي : حنا بنطول كذا ؟؟؟؟؟ بيشكون فينا الناس ؟؟؟؟ ………..
الى الساعة 12 فليل وهم يتمشون في الشارع بس بعد ما بدلوا وصار راشد هو اللي يسوق السيارة ….. ارجعوا البيت اللي كان باين عليه ان اهله كلهم راقدين ….. عبدالله على طول راح لغرفته وسكر عليه الباب …. اما راشد فراح للمطبخ الداخلي بعد ما تاكد ان ما به حد من النسوان في الصالة او المطبخ لانه كان ميت من الجوع ….. وكان يستحي يقول لعبدالله تعال ناكل ……….
راشد اللي كان حاط له غرشة بيبسي يشربها مع السندويتش اللي مسويه بمزاج واحد ميت جوع …. خبز ايراني وعليه جبن مع رشة ملح وفلفل كرستال……. توه قاعد على الكرسي ياكل… شاف شيء يتحرك عند الباب ….. رفع راسه ولقمته في حلقه ……….. واللي شافه خلا لقمته توقف مكانها ….. كانت شذى اللي قررت انها تلبس عباية وجلال عشان تلفت نظر راشد لها ….. جات على طول واقعدت مقابل راشد على الطاولة ……

راشد لما اقعدت شذى قدامه على الطاولة في المطبخ الداخلي حاول انه يقوم ويطلع بس شذى وقفته يوم قالت له بوجه حزين ونظرة مكسورة ما تعودها راشد من شذى : لا تقوم اذا كنت متضايق مني انا اللي بطلع …. راشد انا عمري ما تخيلت في يوم من الايام ان الناس بتنفر مني الى ذا الحد ؟؟؟؟؟؟؟؟ حرام عليك انا ايش سويت لك عشان تتجاهلني وتعاملني كاني نكرة ؟؟؟؟؟؟؟؟؟؟؟؟ حرام… والله حرام عليك …
راشد اللي كسرت خاطره شذى قال حرام هي مهما سوت او غلطت هي في النهاية بزر ….. رد عليها راشد : شوفي يا شذى انا ما اتجاهلس او اعاملس مثل النكرة …. انا احميس من نفسس .. من الاحلام والافكار اللي ما هي بموجودة الا في راسس ……………
ردت عليه شذى باحتجاج : بس هذي احلامي وافكاري انا …. وكل انسان يا راشد حر في احلامه وافكاره اذا هو ما يؤذي غيره ………
راشد اللي حط السندوتش من يده في الصحن قال : معاس حق …. بس انتي كنتي مؤذيه لي ولنفسس.. اكثر من مره … وكله بسبايب ذا الاحلام ………………..
شذى اللي بدت ترجع لطبيعتها قالت له : اذيتك لما عبرت عن مشاعري بعفويه وبدون ما احاول اتصنع … عبرت عنها قدام الكل وبدون خوف لاني ما سويت شيء خطاء ……….. قامت شذى بتطلع وقبل لا تطلع لفت على راشد وقالت : اسفة اذا كنت تاذيت مني ومن تعبيري عن حبك … بس على الاقل انا اعبر قدام الكل ماهو مثل غيري اللي يدعون العفة والطهارة وهم قمت القذرة ……… وطلعت شذى من المطبخ بدون ما تلف على راشد اللي رفع راسه بسرعة عن الصحن وهو مبحلق عينه فيها بعد الكلام اللي قالته …………………………………………..

نجله كانت متوسده يد وضحه وهم نايمين على السرير في غرفة وضحه ….. كانت تحول توقف دموعها اللي ما هي بعرفه هي ليه تنزل ……. كانت حاسة بخوف وغربه من كل اللي حواليها….. كانت متعلقة في يد وضحه طول اليوم مثل ما كانت تسوي وهي صغيره ….. حتى لما جاتهم ام ناصر بعد الملكة تبي تلبسها العقد اللي هي جايبته هديه منها لنجله حاولت وضحه تخليها تفك يدها بس بدون فايدة …… وضحه كانت تتعذر عليها وتقول انها مستحيه ….. ارفضت تخلي وضحه وترجع البيت ….. اطلبت من وضحه انها تنيمها على يدها مثل ما كانت تسوي لها وهي صغيره …..
وضحه اللي كانت منسدحه جنب نجله وهي حاضنتها وتدعي ربها ان نجله تكون صدقتها لما قالت لها حلم ….قالت له : النونو حبيبي ليه تبكين ؟؟؟؟؟؟؟؟ حرام عليس اللي تسوينه بعمرس انت عروس …… المفروض انس فرحانة ومستانسه ؟؟؟؟؟؟؟؟؟؟؟؟؟؟ قولي لي جعلني فداس وش اللي فيس ؟؟؟؟؟؟؟؟؟
نجله وهي تمسح الدمع اللي يسيل على خدها : ما ادري ؟؟؟؟ ما ادري ليه ابكي ؟؟؟؟؟؟؟؟؟؟؟؟؟؟؟؟
وضحه وهي تسحب يدها من تحت راس نجله وتقعد على السرير : ما به شيء اسمه ما ادري … لازم فيس شيء ؟؟؟؟؟؟؟؟ او انس ضايقه من شيء ؟؟؟؟؟؟؟؟؟ انتي ندمتي انس اعرستي؟؟؟؟؟؟؟؟؟؟؟؟؟؟؟؟؟
نجله اللي تمت منسدحه ومعطيه ظهرها لوضحه : …….. عمتي عمرس حلمتي حلم حلو لدرجة انس تمنيتي انه يكون صدق؟؟؟؟؟؟؟؟؟؟؟؟؟؟؟؟؟؟؟
دمعت عين وضحه غصب عليها وهي تسمع سؤال نجله لها …….. وقالت لها : ايه حلمت ….وتمنيت بس عرفت في النهاية ان الاحلام عمرها ما تتحقق ……….. على الاقل بالنسبة لي انا …. لكن الناس ما تتشابه في احلامها….. ناس تحقق احلامهم قبل حتى لا يحلمون فيها … وناس حتى الحلم يبخل بنفسه عليهم ….. ….. وناس يتمنون لو يكون واقعهم حلم وينتهي …………… وذا الحين انا اللي بنشدس وش ذا الحلم اللي حلمتي فيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نجله سكتت شوي وبعدين قالت : ……………….. ما ادري اذا لي حق اقول حلمي مجرد قول ولا لا ذا الحين ؟؟؟؟؟؟؟؟؟؟؟؟؟؟؟؟ ورجعت تسكت كانها تفكر وتقيم كلامها قبل لا تقوله …….. ورجعت تكمل : عيب لو البنت احلمت بواحد مجرد احلام نوم وتمنت في يوم من الايام انها تحقق ؟؟؟؟؟؟؟؟؟؟؟؟؟؟؟؟ بس عشان تعرف وش نوع او حقيقة الشعور اللي كانت تحس فيه في الحلم ؟؟؟؟؟؟؟؟؟؟؟؟ ………. انا يوم اني كنت في المستشفى حلمت حلم غريب ومخيف بس كنت احس بعد ما قعدت من النوم اني فرحانة ليه ما ادري ؟؟؟؟؟؟؟؟؟؟؟؟؟؟؟؟؟؟؟؟؟؟
وضحه اللي كانت عرفه الحلم مسبقا وتنطر التفاصيل من نجله قالت : وش الحلم اللي حلمتي به ؟؟؟؟؟؟؟؟
نجله اللي الى ذا الحين ما تحركت من مكانها قالت وهي معطيه وضحه ظهرها وتتبع بنظرتها المغيمة من الدموع حد طوفة الغرفة قالت : حلمت اني كنت ابكي في مكان كله ظلام …. كنت اسمع ناس يتكلمون كلام ما افهمه بس ما اشوفهم …. والظلام كان كل ما له ويزيد من حولي …… مشيت اتحسس خطاي وسط الظلام بيدي ….. فجاة حسيت بيد تمسكني وتجرني لنور باين من بعيد….. كل ما قربنا من النور كان صاحب اليد اللي ما سكتني يبان اكثر….. كانت عيني طول ما حنا نمشي عليه ..ابي اعرف هو من؟؟؟ بس يوم وصلنا للنور ….. جهرني الشعاع في عيني ولا قدرت اشوف وجهه في النور يوم لف على وقال : لا تخافين حتى الموت ……….. ما يقدر يفرقنا ……… وفك يدي وراح …….. يوم تعودت على الشوف في النور ما قدرت اشوف الا ظهره ………………………………………….. ………
وضحه اللي ارتاحت ان نجله ما شافت او اسمعت شيء من اللي صار وان الحلم اللي شافته كان مجرد حلم ….. ردت عليها : هااااااااااااااا ذا اكيد ناصر ………….. زين يعني الحلم بشارة خير لس …….
نجله اللي رجعت تتعبر من جديد اقعدت وقالت : لا ……….. ولفت على وضحه وهي تجهش في البكي وحضنتها وهي تقول : التفت على …. كان عبدالل ه ……………
راشد كان بينفجر راسه من التفكير …. شذى وش كانت تقصد باللي قالته ؟؟؟؟؟؟؟؟ ومن تقصد بذا الكلام ؟؟؟؟؟؟؟ معقولة ………………….. لالالا …………. بس ………. لا اكيد هي كانت تقصدها… بس هي وش اللي عرفها بذي السالفة ؟؟؟؟؟؟؟؟؟؟ شيء اكيد انه ما هب منها ……… ولا اظن ان عبود او سعيد بيعلمون حد باللي صار ؟؟؟؟؟؟؟؟؟؟؟ اجل اكيد هي تعرف شيء ؟؟؟؟؟؟؟ يمكن تعرف انها على علاقة بحد؟؟؟؟؟ ويمكن تعرف من بعد ؟؟؟؟؟؟؟؟؟ ايه ولا ما تكلمت بذا الثقة ؟؟؟؟؟؟؟؟؟؟ انا لازم اعرف كل اللي تعرفه عن وضحه … ايه بس لازم اعرف بسرعة هم باكر بيسافرون ….. قرر راشد انه بكرة بيداوم نص يوم بس وبيرجع عشان يتحقق من شذى ……………………

وضحه : طبعا بتشوفين عبدالله في الحلم لانه اخر واحد شفتيه قبل لا يغمى عليس …. انتي بنفسس قلتي ذا الكلام لعبير في الشاليه ولا نسيتي ؟؟؟؟؟؟؟؟؟؟؟
نجله اللي فكت عمتها وسنتدت ظهرها على راس السرير .. قالت : لا ما نسيت ……………. بس يمكن عشان عبدالله هو الوحيد اللي ما توقعت يقول لي ذا الكلام خلا ذا الحلم يتميز عندي وينحفر في راسي … ولما قامت تشوفها وضحه بنظرات غامضة فسرتها نجله انها نظرات دفاع عن عبدالله … عشان كذا قالت : ما هب قصور فيه اقول ذا الكلام … لا… الرجال متفضل علي …. لولا الله ثم هو كان مت في مكاني.. لكن انتي تعرفين ان انا وعبدالله عمرنا ما تواطنا … دايم وحنا في صك وحك …. وكل واحد فينا ما يترك فرصة الا وتهاد مع الثاني فيه …. يعني عبدالله من البشر اللي ما تتوقعين انه يقول لس حتى الموت ما يفرق بينا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وضحه : نجول انتي ليه تقولين عليه كذا ؟؟؟؟ عبدالله ما هب اقشر ولا شراني ؟؟؟؟؟؟؟ وان جيتي الى الحق انتي اللي كنتي دايم تبدين المهاد معه ؟؟؟؟؟؟؟؟؟؟ عمره ما غلط عليس …. صدق ولا لا ؟؟؟؟؟؟؟
ابتسمت نجله كانها تتذكر شيء وقالت : صدق …………. عمتي تذكرين يوم كنت اسقط كل سنة في الانجليزي والرياضيات وانا صغيرة ؟؟؟؟؟؟؟ في ثالث اعدادي كان السوني توه طالع وكنت ابي اشتري لي واحد حنيت على ابوي يجيب لي واحد … قال لي ما هب من بياض وجهس انجحي وعقب اطلبي …. قالت له اني بنجح السنة … قال اجل يومس تبين السوني ما فيه مدرسات ذا السنة … ادرسي بالحالس واذا … اقول اذا نجحتي فلوس المدرسات لس ….. وانا في سبيل السوني كنت مستعدة اوصل القمر ما هب ادرس بالحالي ….. علمت ربعي برهاني مع ابوي وقالت لهم ان حنا بدينا ننفذ الرهن انا ادرس وهو كل شهر يحط عند امي الف ريال حقت فلوس المدرسات …. وقمت اتفوخر قدامهم اني باخذ السوني ومعه كل اللعاب اللي في المحل ….. المهم صدق اني نجت في الرياضيات فوق الحفه بدرجه وحده والانجليزي بخمس درجات … بس اني نجت …. اتصلت بربعي وتواعت معهم في القرص الذهبي
وحنا قبل باب المحل بخطوات بس خطوات فجاة طلع قدامنا عبدالله وسعد …. سلم عليهم ابوي وانا وقفت شوي بعيد عنهم …. سمعت ابوي يبارك لعبدالله نجاحه …. وليتس شفتيني يوم ان ابوي طلع الثلاث الف حقتي من بوكه وعطاها عبدالله ….. كنت اشوف فطوم ووسوم في المحل ينطروني….وقلبي يحترق من الحرة على فلوسي ؟؟؟؟؟؟؟؟ من ذاك اليوم وانا شاربتن بغض عبدالله شرب …………..
وضحه : اثرس ماديه وانا مدري يا نجول ؟؟؟؟؟؟؟؟؟؟؟ وانا اقول هي وش عندها على الصبي ؟؟؟؟؟؟؟؟؟
نجله : حرام عليس كنت بزر ومحتره على فليساتها….. لكن يوم حنا كبرنا صار يحرني بالحكي لازم يخلي الكلمة في الاخيرة هي كلمته في اي مكالمة تلفون تصير بينا …. كان يدبل كبدي واذا ما قدرت عليه سكرت في وجهه .. حتى في الشاليه كان يدبل كبدي بالمسجات اللي يطرشها لي ……….. اسكتت نجله يوم شافت وضحه تشوفها وهي رافعة حاجبها ……….. ورجعت تكمل : لا لا تشوفيني كذا انا ما سويت شيء غلط ……..السالفة وما فيها ان انا وعبود كنا متواكلين عليس يوم طلعتي من شاليهنا ورحتي مع محمد مسعيد …. هو قال لي دقي على اذا وضحه جات علميني … وانا عيت اعطيه رقمي واتفقنا ان حنا نرسل لبعض عن طريق البلوتوث بس …… واصلا حنا شفنا بعض بالصدفة بعد وهو اللي كلمني يسالني عنس ويقول انس ما تردين عليه عاد انا خفت عليس بعد …………

وضحه اللي كانت تدري ان نجله اكيد ما تكذب عليها لانها اذا تكذب عيونها تتم تدور في كل اتجاه … وهي كانت تتكلم وعينها في عين وضحه اللي قالت لها : نجول انا ادري انس صادقة في كل اللي قلتيه لي بس ابغي اقولس شيء مهم واجد …. انتي ذا الحين صرتي على ذمت رجال له حق عليس في كل شيء …. حتى في احلامس وافكارس …. احفظيه واحفظي نفسس فيه ….وذكري ربس … وتعوذي من الشيطان.. لو مر على بالس يوم خاطر او حلم ما لس حق فيه ….. نجله اللي افهمت عمتها وش تقصد عدل بذا الحكي نزلت راسها تشوف اصابع رجلها الممدودة قدامها ….. اسحبت رجلها ولمتها بيدها … وودعت بدمعه اخفتها عن عمتها كل طيف وحلم وخيال مر يوم في راسها قبل ناصر …………….

في اليوم الثاني راشد ما قدر حتى انه يداوم…. لانه طول الليل ما رقد …. جيك على جدول العمليات لقى عنده عمليه وحده اليوم …. وجات من رب العالمين المريض كان سكريه مرتفع واجد ولا يقدر يسوي العملية الا اذا نزل السكر … رجع البيت ورابط في الصالة من الصبح ….. مصر ما يطلع منها الا اذا جات شذى …. قعد مع امه وخالته ويم اسالوه هو ليه رد من المستشفى ؟؟؟ قال انه ما عنده شغل …. وقال يرجع يقعد معهم …
طال عليه الوقت وشذى ما جات … يمكن زعلانة ….لالا اكيد هي راقدة ….
ام سلطان وهي تمد يدها عليه بجوالها : اقول يا والدي شوف جوالي ما عرفت افتحه ؟؟؟؟ كل ما دقيت منه ما عطاني خط ؟؟؟؟؟؟؟ من يوم ما جينا الى ذا الحين ؟؟؟؟؟؟
راشد اخذ جوال خالته افتحه وطلع له طلب الرقم السري للجهاز … سالها : كم الرقم السري حق جوالس ؟؟؟؟؟؟
ام سلطان : والله ما اعرفه … بس سلمان يعرف هو اللي جايبه لي … لكنه بايت من امس عند صديقه.
راشد ضاق خاطره يوم سمع اسم سلمان وقال : خلاص انا بخليه عندي اذا شفت سلمان في المجلس بخليه يفتحه لس …………… واخذ الجوال وحطه في جيبه بس عشان يسكر ذا الموضوع بسرعة لانه شاف شذى طالعه من الغرفة وجايه صوبهم بكل دلع ………… سلمت وقعدت معهم ….. راشد كان وده ياخذ العجايز ويطيرهم …. بس انقذتهم بنت عمتهم اللي ادخلت عليهم فجاة ….. قلطوها في مجلس الحريم الداخلي ….. شذى اللي كانت تشوف راشد بنظرات كلها تحدي قامت ودخلت معهم تسلم على المره …
راشد كان على تكه و بيدخل ياخذ اعترافاتها بالعقال……. رجع يرسم نفسه على كرسيه وهو يشوفها طالعه عليه من المجلس …… جات وقعدت جنبه ……..وهي تقول : ما عندك اليوم شغل ؟؟؟؟؟؟؟؟؟
راشد وهو يجر ناعم : عندي ……. بس الصراحة انا امس ما قدرت انام …. كنت افكر فيس وفي الكلام اللي قلتيه …….
اقطعته شذى بكل جراه : لا …. يا راشد انت ما كنت تفكر فيني … كنت تفكر في الكلام اللي قلته وبس .
راشد رفع حاجبه وهو يقول : وش الفرق يعني ؟؟؟؟؟؟ في النهاية كل الطرق تؤدي الى روما ..اقصد شذى ….
شذى : لا في فرق اللي مثلك ما يهمهم الا نفسهم وغرورهم ……. اوجعك الكلام اللي قلته امس ولا ما كنت اليوم قاعد هنا تستناني ؟؟؟؟؟؟؟؟؟؟؟؟؟؟؟
راشد قرر ان افضل وسيلة لدفاع هي الهجوم : ايه اوجعني ليه اكذب ؟؟؟؟؟؟؟ اللي قلتيه كلام ما هب بسيط ؟؟؟؟ انتي تعرفين شيء عن جواهر ؟؟؟؟ هي مسويه شيء ؟؟؟؟ قولي لي علميني ؟؟؟؟؟ والله اذبحها ذبح ………………
التطور السريع عند راشد في الحوار خلا شذى في حالة ذهول : انت ايش اللي تقوله ؟؟؟؟ مين جاب سيرت جواهر في الموضوع ؟؟؟؟؟؟؟؟؟؟؟؟؟؟؟؟؟؟؟؟؟
راشد : انتي ؟؟؟؟؟
شذى : انا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
راشد : ايه …امس تكلمتي عن اللي يدعون الطهارة وانتي ما تعرفين غير جواهر يهمني امرها ؟؟؟؟؟
ابتسمت شذى ابتسامة صفرة وقالت : لالالا رحت بعيد في افكارك ….. اللي كنت اقصدها وحده ثانية .. بسم الله على مرت اخوي عنها …………………….
راشد : اجوزي .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شذى : لا وانت الصادق الوضيحي …………………………………….
راشد اللي قدر يوصل مع شذى للمهم كان منتبه ومركز على كلمة تقولها قال وهو يرسم ملامح الاستغراب على وجهه : وضوح بنت عمي ؟؟؟ وش فيها ؟؟؟؟
شذى : يعني تبي تقنعني انك ما تعرف شيء ؟؟؟؟؟؟؟؟؟؟؟؟؟؟؟؟؟؟؟؟؟
راشد : اعرف ويش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شذى وهي تركز في عين راشد وتقول بكل تحدي وقوة : انها …………………. تلاحق سلمان اخوي وتشاغله …. ويوم شافت وجه راشد صار احمر كملت : ايوه.. كانت تشاغله طول اليوم في الشاليهات .. وما تتركه بحاله الا اذا انت جيت الظهار انها ما تخاف من حد غيرك ….. سلمان كان يشتكي في البداية بس بعدين عرفت وبالصدفة انهم صاروا على علاقة مع بعض …….. اسكتت لما م***ا راشد من يدها بكل قوته وقال وهو يصر على ضروسه : انتي كذبه ……………..
شذى اللي تحاول تفك يدها من يد راشد قالت : اذا ما انت بمصدقني روح شوف جوالها كله مسجات من سلمان …………… فك راشد يدها وهو يشوفها بنظرات احتقار وقام عنها وراح المجلس الخارجي حق الرجاجيل ………………………………………….. ………………………..
راشد قعد في المجلس حق الرجاجيل يفكر ويحلل الكلام اللي قالته له شذى بعد ما هدت اعصابه ….. ووصل الى نتيجة وحده ….. ان سلمان هو الشخص الوحيد اللي يقدر ياكد كلام شذى او يكذبه ….
راشد اللي كان موقف سيارته في بيت عمه من امس …. نادى الدريول عشان يوديه في سيارة البيت بيت عمه …. صحيح هو راح الشغل بسيارة عبدالله بس ما يقدر يخلي سيارته عندهم واقفة ……..
وضحه اللي من يوم ما قامت ما طرى على بالها راشد ابد كان نجله امس وهي تبكي عبدالله من قلبها بكت راشد من قلب وضحه في نفس الوقت …… راحت مع الخدمات تسنع صواني الذباح حقت العشا في الاستور ……. اسمعت صوت حد يصوت في الحوش على الدريول حقهم ….. في البداية ما ركزت بس بعد ما قرب الصوت من الاستور تاكدت انه راشد ………………
راشد اللي يوم وصل بيت عمه لقى سيارة حمد مسكره على سيارته ولا يقدر يطلعها ….. ما حب يدخل البيت ….. كان خايف انه يشوف وضحه وهو في ذي الحالة ويعصب عليها او يسوي فيها شيء وهو ما صدق قدر يسيطر على اعصابه …… فضل انه يسال الهندي يمكن عنده اسويج سيارة حمد او يطرش حد من الخدمات تجيب المفتاح ……………………
وضحه اللي كانت تشوف راشد من دريشة الاستور قالت لنيتا الخدامة بصوت واطي عشان ما يسمعها راشد ….. انتي روحي شوفي وش يبي بس ما في كلام ماما وضحه هنا عشان انا ما في عباية .. اوكي .
نيتا : ماما انتي في جلال ؟؟؟؟؟؟؟؟؟
وضحه : بس ما فيه عباية …. يلا روحي ……………………..
راشد اللي سال الدريول عن السويج وما لقاه عنده ….. شاف نيتا وقال لها : تعالي وين بابا حمد ؟؟؟؟؟
نيتا : بابا حمد في نوم ….. انت شنوا يبي ؟؟؟؟؟؟؟؟؟؟؟؟؟؟
راشد : اسمعي روحي داخل قولي حق نفر داخل خلي يجيب مفتاح مال سيارة بابا حمد ….
نيتا وهي تشر على الاستور : سوي كلام حق ماما وضحه ؟؟؟؟؟؟؟؟؟؟؟؟؟؟؟؟؟؟؟
راشد اللي احتر يوم قالت له وضحه ولا انتبه لاشارة يدها … قال بحره : جعل ما به وضحه الله ياخذها ويفكني منها .. لا ما نبي من شينت الحلايا شيء .. قول حق الجازي سوي تلفون حق بابا راشد الحين….. يلا سرعة ………
وراح راشد يشغل سيارته ويسخنها …………………………..
وضحه قعدت على اقرب قدر ذباح لقته …….. ما تخيلت ان راشد يكرها الى درجة انه يدعي عليها وقدام الخدم ………. الى ذا الدرجة انا في نظره رخيصة وما لي عنده حشيمه ؟؟؟؟؟؟؟؟؟؟؟؟؟؟؟
يدعي علي ؟؟؟؟؟؟؟؟؟؟؟؟؟؟؟؟؟؟؟ انا ؟؟؟؟؟؟؟؟؟؟؟؟؟؟ ليه ؟؟؟ وش هو اللي سويته فيه عشانه يدعي على ؟؟؟؟؟ معقولة عشان سالفة المسجات اللي في الجوال ؟؟؟يمكن ليه لا ؟؟؟انتي وبعدين معاس ؟؟؟؟ الى متى بتمين تعطينه الاعذار في كل اللي يسويه ؟؟؟؟؟ انتي من ويش مخلوقة ؟؟؟؟؟؟ وش ذا الغباء اللي فيس ؟؟؟؟؟ بسس عمات قلب ….. بسس….انا ما ني بعميت قلب … اي واحد مكانه وشاف مثل ذي المسجات بيسوي مثله…… يا بقرة وش تبين منه بعد كل اللي سواه فيس ؟؟؟؟؟ طول عمرس وانتي صابرة عليه … تحبيه ؟؟؟؟؟ ما احبه بس لازم احشمه ولد عمي وله حق ؟؟؟ولد عمس؟؟؟؟ ضحكتيني ؟؟ الرجال ما يبيس فكيه برقبته…. وش تبين دليل وبرهان انه ما يبيس ؟؟؟؟؟ عندس الشريط … كلامه معس …. ضربه لس …. حقرانه لس قدم الكل ….. دمعت عين وضحه …وذا الحين يدعي عليس….. يا خسارة… يا خسارة الغلا فيك يا راشد ؟؟ ورفعت وضحه راسها بعد ما اتخذت قرارها …… الله يعطين العمر عشان اعلمك وش هي الدنيا اللي ما فيها وضحه يا راشد ………………………………………….. …………
راشد بعد ما رجع بيتهم نطر سلمان في المجلس بس الى ان اذن الظهر وهو ما جاء …… بعد ما رجع من الصلاة لقى سيارته واقفة عند الباب …… دخل سيده عليهم في المجلس قال يمكن الاقيه …. بس ما لقى حد …….. اول ما دخل البيت لقاه هو وسعد قاعدين في المجلس الداخلي حق الحريم …… حاول راشد انه يمسك نفسه الى اقصى حد …. دخل وسلم وقعد معهم شوي وبعدين قام ينبش الكرسي اللي هو قاعد عليه والكرسي اللي جنبه ….و قال : سلمان اذا ما عليك امر عطني رنه على جوالي….. حطيته هنا ولا عد شفته ………؟؟؟؟؟؟؟؟؟؟؟؟؟؟؟؟؟؟؟؟؟
سعد: انا بتصل لك عليه ………..
راشد: ما نبي منك شيء استريح……
سلمان اللي حب ينقذ الموقف بين الاخوان قال يمكن متزاعلين : انا بتصل لك عليه …. بس كم رقمك ؟؟؟ عطني اياه مع فتح الخط ؟؟؟؟؟؟؟؟؟؟؟؟؟؟؟؟؟؟؟
راشد : ليه فتح الخط جوالك ما هب يا هلا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سلمان : لالالا ما احب استخدم الكروت ….. وبعدين انا ما اغير رقمي عشان الشغل ممكن حتى اذا كانا في اجازة واحتاجوا لنا يطلبون ……………..
استغرب راشد من كلام سلمان وتاكد لما قال سعد : عشان كذا اقول لك انا اللي بدق عليك بلا خساير على الرجال ……………………………
راشد بعد اتصال سعد على جواله قام يهتز في جيبه …. قعد على طول عشان ما حد يلاحظ اللي في جيبه وهو ما *** …. جات يده على جوال خالته طلعه وعطاه سلمان عشان يفتحه ………………
سلمان : الله يهديها الوالدة كان عطت شذى تفتحه لها ….. انا معطيها الرقم السري من يوم جينا الدوحة يوم اغير لهم الكروت …………………………
اخرقت كلمة الكروت اذن راشد … اللي قال : بعد هم ارقم سعودية ؟؟؟؟ ليه يا اخي ذا الخساير ؟؟؟؟؟؟
سلمان اللي فتح جوال امه قال : لا …. امي وشذى حطيت لهم كروت يا هلا ………………….
راشد مد يده لسلمان وهو يقول : عطني الجوال انا بوديه لها ….. تدري اسوي نفسي اني ما يحتاج في الجوالات ……………. ابتسم سلمان وعطاه اياه…….. وسعد يشوف اخوه واللي يسويه …. والله اقص يدي كان ما وراك شيء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
راشد اول ما طلع من المجلس على طول عطى لنفسه رنه من جوال خالته ……………… ويوم شاف الرقم صدمه كان الرقم اللي مطرش لجوال وضحه مسجات…. وهو اللي كان يتصل دايم عليه ويلاقه مغلق ……… فتح الرسائل وشاف الرسايل المرسلة ومعها قطع الشك باليقن ….. نفس الرسايل موجودة…… خالتي ؟؟؟؟؟؟؟؟؟؟؟؟؟؟ خالتي ليه ؟؟؟؟؟؟؟؟؟؟ يمكن سلمان يتصل من جوال امه ؟؟؟ لا بس خالتي تقول انه عندها من يوم ما جو الدوحة ولا تعرف تفتحه ….. وهو يقول ان هو علم شذى كيف تفتحه………. شذى هي اللي ………………………………………….. …………………
نجله اللي نامت الي الظهر قامت وهي نجله اميه وثمانين درجة عن نجله حقت امس …. قامت تضحك وتسولف مع الكل حتى تينا اللي ما تدنيها ….. بعد جمعت الغد سوت اجتماع مغلق مع نورة ووضحه في غرفة ونورة اللي تحت …. لمناقشة استعدادات التجهيز للعرس …. ونفخت راس وضحه ونورة … الفستان .. القاعة … الكوشة …………………….الى ان انزعجت منها نورة وطردتها هي ووضحه اللي ما كان لها مزاج في الاساس لاي شيء بس ما حبت تخرب على نجله مزاجه …………..
عبدالله قام بنفس مزاج نجله …. لا احسن عن مزاج نجله …. يضحك ويسولف وطلع له رحله حق البحر مع الشباب من تحت الارض………….

اما راشد فهو على حافت الانهيار … لا نوم … لا اكل … لا راحت بال …..من امس …. وهو راجع من صلاة العصر مع ابوه وسعد وسلمان اللي كان واعد خواته يوديهم السوق من عصر لانها اخر ليلة لهم قبل السفر….. اقعدوا يتقهون مع ابو راشد في الصالة …. راشد كان وده يدخل على شذى ويخنقها بيده ….. بس كان ما سك اعصابه في سبيل انه يتاكد من اللي في باله ….. اول ما اطلعوا عبير و شذى اللي كانت تشوف راشد بنظرات احتقار من الغرفة قام سلمان عشان يوديهم ….. ام سلطان وقفتهم عشان توصيهم يشترون اغراض لاختهم الكبيرة وعيالها …. وهي تكلمهم رن جوال شذى ….. قالت لها ام سلطان : قولي لاخوكي يصبر شوي ……
ردت شذى على الجوال بسرعة بدون ما تشوف الرقم ……. شذى : الو … ………….
سلمان ؟…………………………………………. ……… سلمان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ارفعت شذى الجوال عن اذونها عشان تشوف اذا الجوال فيه ارسال ولا لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حست ان الدنيا تدور فيها …. مستحيل …. مستحيل ……….. لفت ببطى صوب راشد اللي كان ماسك جواله في يده وهو يشوفها من فوق الى تحت بنظرات تلتهب من الغضب و الحره اللي فيه ….. سكر الاتصال اللي مسويه من جواله ….. وطلع جوال خالته من جيبه وقام وهو يقرب من شذى وخالته الى ان وقف قدامهم …. وقال : سمي يا ام سلطان جوالس …. ولف على شذى اللي كانت تشوف جوال امها في يده وهو يقول : عسى ما شر جوالس فيه شيء ؟؟؟؟؟؟؟؟؟؟؟؟؟؟؟؟؟؟ ورجع يكمل لما اشرت شذى اللي نزلت راسها في الارض براسها اشارة لا : والله يا خالتي كان ودي تقعدون عندنا اكثر على الاقل الى ان تحضرون عرسي ……… هذي الجملة ما خلت شذى بس ترفع راسها تشوفه الا خلت كل اللي في الصالة يشوفون راشد ……………..
قالت ام سلطان : جعله مبارك يا راشد عزمت تعرس ؟؟؟؟؟ من بتاخذ ان شاء الله ؟؟؟؟؟؟؟؟؟؟؟؟؟؟
راشد وهو يحط عينه في عين شذى قال : باخذ هوى بالي …. وحالي ومالي وعزوتي … وشيخة البيض كلهم ………….. بعد اللي قاله راشد ابوه كان وده يقوم يرزف في الصالة من الفرحة …. واخيرا قرر راشد يسمع كلامه………………… اما شذى فتذكرت على طول الملف اللي كان في كمبيوتر راشد اللي كان اسمه ( الهوى ) تاكدت انها وضحه ما اقدرت تمسك نفسها اكثر ارجعت لغرفتها بسرعة وهي تبكي.
وضحه اللي كانت قاعدة مع نورة ونوف العصر بعد ما راحت نجله بيتها ….. كانت تشوف ميمي بنت مبارك اللي اصرت انها تجي معها تشوف فلة حقت الرومي …. جابتها نوف معها لان ابوها اللي كان رافض انها تروح مع نوف بيت اهلها بعد الموقف اللي صار في الشاليه كان مسافر دورة اسبوع ….
وضحه وهي تعدل لفت شيخة اللي في حضنها بعد ما افتحوها الرومي وميمي اللي قاعدين قدامها يشوفون شيخه اسالت نوف : نوف انتي رديتي على عمتس ؟؟؟؟؟؟؟؟؟؟؟؟؟؟؟؟؟؟؟؟؟؟؟
نوف : ارد على ويش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وضحه : عن الموضوع اللي انفتح في الشاليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوف بعد ما افهمت قصد وضحه اشرت لها تصبر شوي … وقالت لميمي والرومي : قوما شوفوا يوغي ذا الحين جاء على ام بي سي ثريه…. واشارة على تلفزيون الصالة ….. وبعد ما اطلعوا البنات من غرفة نورة…. لفت نوف على وضحه وقالت : وانتي ليه تسالين ذا الحين عن ذا السالفة ؟؟؟؟؟؟؟؟؟؟؟؟؟؟؟؟؟
وضحه : ابي اعرف وش رديتي عليهم ؟؟؟؟؟؟؟؟؟؟؟؟؟؟؟؟؟؟؟؟؟
نورة : وضوح وش عندس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوف : اصبري نورة …. وضوح انا بقولس الصدق … امي قالت لي لا تردين عليهم ذا الحين وقولي ان البنت تفكر الى ذا الحين يمكن تغيرين رايس بعدين ………..
وضحه : وعمتس صدقت اني افكر طول ذا الوقت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوف : ما ادري بس هي كلت قلبي كل يوم تسال ما ردت عليس وضحه ؟؟؟؟ وانا مره اقول تفكر ومره اقول تحاتي لا يصير مشاكل مع بيت عمي ….. ومن ذا الاعذار كل يوم …….. بس تبين الصدق هي تحبس واجد ومن يوم ما اعرست وهي تشرق بطاريس …. كانها شايفتس ولا هي مصدقه عمرها … اول كانت تلمح وتتمنى وعقب ما اعرفت انس رديتي راشد جابتها على البلاطة …. والعلم عند الله انها مدخلتس في راس ولدها عدل …. الرجال لجاء طاريس قدامه قام يتسمع للحكي وصار وجهه حمر…………
اسكتت وضحه شوي بعد ما اسمعت كلم نوف وبعدين قالت : نوف قولي لامي اني غيرت رائي نورة اللي افهمت وضحه بس حبت تتاكد قالت : يعني ويش غيرتي رايس ؟؟؟؟؟؟؟؟؟؟؟؟؟؟؟؟؟؟
وضحه : يعني…………… وسكتت لما اسمعت صوت المسج …. افتحته وضحه بعد ما اعرفت الرقم المميز اللي مطرشه …. ابتسمت ابتسامة حزن وهي تقرا اللي فيه وامسحته على طول ……………..
(( الخوف ظلما .. والقلوب اطفال
والشك سيف .. يقطع الامال
والهوى ملح الليالي .. واجمل الاقدار
عنه لا تسال حبيبي .. وفيه لا تحتار
العمر واحد .. والليالي قصار .. ))