1:26 مساءً الخميس 22 نوفمبر، 2018

رواية رومانسية جريئة جدا كاملة


صور رواية رومانسية جريئة جدا كاملة

 

الروايه بعنوان مستحيل احبك مستحيل اعيش من دونك
للكاتبه الجوري

عهود:

يمه كم مره اقولك زواج لا يعني لا

ام عبدا لله:ليه طيب رافضه الرجال مايعيبه شئ ابوك سال عنه وعن اهله والنعم منهم ولا تنسين بعد انه صديق خالك وطبعه من طبع خالك يعني عز الطلب

عهود:انا ماقلت في الرجال شئ بس الزواج شيليه من بالك لا تقولين لي ان هو سنه الحياه
لاني عارفه وعارفه الاسطوانه حقتك بس انا مش مقتنعه بالزواج اساسا

ام عبد الله:طيب ليه وافقتي انك تدخلين على الحريم مادمك ماراح توافقين

عهود:يمه انا طوعتك وقلت اسكتك ودخلت لك على الحريم وتوقعت مثل كل مره انك ترفضين اوهم يرفضون عشان كذا قبلت ادخل

ام عبد الله:طيب احنا عطينهم كلمه وابوك وافق وقال لهم بكره يجون عشان يتفهمون على كل شئ و..

عهود تقاطع امها:نعم ومن عطاكم الحق عشان توافقون صحيح انتوا اهلي بس هذا مايصير انا مستحيل اتزوجه

ام عبد الله

حرام عليك ليه تبين تحرميني من اني اشوفك عروس واشوف عيالك

عهود:

الله يخليك لا تظغطين على واظن انك عارفه ايش السبب ومافي شئ بالدنيا يغير رايي بالزواج

ام عبد الله:

ياحبيبتي لاتحكمين عليه من تجارب غيرك

عهود:

ابغى اعرف انت ليه مصره عليه
ام عبدلله:

لاني حاسه انه هو الى بيتحملك وهو الى بيقنعك ان الزواج نعمه
عهود:

ايه باين انه نعمه والدليل حياتك
ام عبد الله حز في خاطرها



ياحبيبتي قلت لك لاتحكمين من تجارب غيرك…وبعدين ياقلبي الرجال
كل يشهد باخلاقه وبالعاني افنعنا ابوك يصرف النظر عن زياد ولد عمك

عهود:

بس
تقاطعها ام عبد الله:

لابس ولا غيره اذا كنت ماتعرفين مصلحتك انا اعرفها ومصلحتك مع تركي
وحطي ببالك ان ابوك يتمنى انك ترفضينه عشان يزوجك زياد وعارفه انه مو من صالحك تاخذينه
لانك بتعيشين نفس حياتي وازيد

عهود وعيوني امتلت دموع:

يمه بس ماابي اتزوج
ام عبد الله:

مو انت تثقين فيني
عهود بعد تفكير وتردد:

ايه
ام عبد الله:

وتعرفين اني مستحيل اضرك صح
عهود:امم
ام عبد الله:

اتكلي على الله واستخيري وبعدها لك مني اصرفه لو ماارتحتي له مو لانك مش مقتنعه
خلاص
عهود:………….
ام عبد الله:

خلاص
عهود:امم
ام عبد الله:

الليلة بشوفك واسمع منك
عهود:

ليه

ام عبد الله وهي طالعه من غرفه عهود:الموضوع
عهود:بس….

ام عبد الله

لان خوالك حددو ان بكره تصير الشوفه والتفاهم على كل شئ

عهود كنت مصدومه:ليه العجله طيب
ام عبد الله:

مانبغى ابوك يتراجع وخلينا نضرب الحديد وهو حامي

لما طلعت امي من الغرفه توجهت على طول للتسريحه وخذت الجوال ودقت على بنت خاله تشكي لها[عهود عمرها 23سنه جسمها حلو لاهي سمينه ولا ضعيفه بيضا وشعرها ناعم وطويل يغطي اردافها صابغته بني غامق ومطلع بيضها وحلوه]

عهود:لحقي علي تعالي شوفي المصيبه الى انا فيه
ا
نجود:الناس اول يسلمون يسالون عن الاحوال والاخبار

عهود:انت فاضيه اهلي بيزوجوني

نجود:لا هههههه ردو اهل المعرس ووافقت عمتي بعد شصير في الدنيا توقعت السالفه مثل كل مره ينرد او هم الى يردونك

عهود:هذا من حظي الزفت والا انا الغلطانه يوم اسمع كلامك واوافق ادخل لم “وهي تقلد نجود دخلي لهم وانت عارفه ان امك ماراح توافق انك تروحين الدمام بس عشان تسكتينها”مالت عليك هذه وافقت ولا وقالت لابوي بعد وبكره بيجون يتفاهمون بالتفاصيل يعني خلاص رحت فيها

نجود:شنو رحتي فيها اول مره اشوف وحده على وجه زواج ومسويا عزىيابت الناس عسى ان تكرهو شئ فهو خير لكم وبعدين ليه ماتفكرين بالناحيه الايجابيه انك بتصيرين قريبه عندنا متى مابغيتي تجين عندنا تجين

عهود:وهذا الى هامك من الموضوع احر ماعندي ابرد ماعندك انت عارفه رايي بالزواج

نجود:عارفه والله عارفه مستحيل اخلي رجال يتحكم فيني والا يمشي كلمته علي والا يطول صوته ويتحكم بروحتي وجيتي صح مش هذا جزء من كلامك المشهور

عهود:مادمك عارفه ليه تطولين السالفه

نجود:عارفه بس الى يسمعك يقول انك من سوق لسوق ومن بيت لبيت هذا انت حالك من حالنا لا روحه لولا جيه مافي غير بيت جدتك والا مزرعتها

عهود:عارفه بس انت عارفه اني مش مقتنعه بفكرة الزواج يعني واحد غريب ماعرفع فجاهيصير الامر الناهي في حياتي خيران شاءالله ماله حق لهو ابوي ولا امي ياماما خليني معززه مكرمه بيت اهلي احسن لي

نجود:وانت ان شاءلله بتكونين معززه ومكرمه عنده ولاتنسين انه صديق خالك بعد يعني اخوك مستحيل يخليه ياخذك اذا حس انه ممكن يذلك او يهينك او يطين عليك عيشتك ولا مافي ثقه في خالك وغير كذا هو محترم
وبيغوضك عن اشياء كثيرة فقديتها

عهود:وش الى يضمن لي انه مايصير مثل ابوي ويذلني مثل مايل امي

نجود:اجل وين كلامك معززه ومكرمه بيت ابوك


عهود بضيق:

فهميني على الاقل ابوي له الحق يسوي كذا فيني بس هو اذا سواها ماله حق
نجود:طيب انتي استخرتي
عهود:

الصراحه ايه امس مادري ليه حسيت انه محتاجه استخير
نجود:

وبعدين
عهود:

ماعرف .

.بس الى حسيته اني مرتاحه وحلمت بحلم وقلته لخالتي العنود وقالت بتسال
عن تفسيره وتقول لي اليوم
نجود:

اوكي انتظري لما تدق عليك بس لا تعتمدين على الحلم بس
عهود:

عارفه بس ليه انتوا مو ***ن تفهموني انا واحده مو للزواج مااصلح
نجود:صدق يوم قال عمي انك عقلك رايح فيها

عهود:اقول انطمي لاطلع م السماعه واهبداك

نجود:هههههههههههههههههه

عهود

اي شعليك انت طيب عندي فكرة شرايك احوله عليك

نجود:

نعم لا ياحبيبتي اا ماخذ فضاله احد

عهود:

ياربي شسوي

نجود:يابنت الناس عسى ان تكرهوا شيئا فهو خيرا لكم

عهود:يعني عاجبك انهم حطوني بالامر والواقع

نجود:انت قلتيها واقع مافي بنت تجلس من غير زواج الا ان كانت شينه او فيها بلى وانت الحمدالله مافي شئ وحمدي ربك انهم ماقطوك على اي واحد والسلام ماعطوه الموافقه الا بعد ماطلعوا روحه اكيد وانت عارفه خوالك بس انا مش كاسر خاطري الا رجلك العتيد مسكين اكيد امه داعيه عليه بياخذ واحده مثلك معقده

عهود:مالت عليك اقول هذا الى مفروض تقولين يانعومه اذا خذني تقولين كاسر خاطرك مش اللوم عليك اللوم على الى يكلمك

نجود:انا ماضربتك على ايدك وقلت لك دقي علي

عهود:نججججججود

نجود:خير

عهود

دبريني عاد

نجود:

يعني شتبيني اسوي وبعدين لاتستعجلين ممكن يكون هالرجال مثل ماتبينه وعندك فتره الخطوبة بتتعرفين عليه وترتاحين لهواشوي اشوي تقتنعين بالزواج

عهود:

بس مستحيل اخليع يتحكم فيني وقولي عهود ماقالت

نجود:ههههههههههههههاخاف بكره اذا تزوجيتي بكره وقلنا لك شئ تقولين بشاور زوجي قبل

عهود:

يخسي مابغى الا حمار مثله يتحكم فيني والا اشاوره في اي شئ يخصن بعدهذا الى ناقص
نجود:ههههههههه على هالحالة ثاني يوم والاانت بيت اهلك

عهود:والله اهلي يتحملون الى يجيهم

نجود:شكل الاخت ناويه

عهود:انا بقولها بصريح العبارة انا الحين موافقه بس عشان ابين لكم انا مش راعيه زواج ماراح اغير شئ من تفكيري ونشوف شراح يصير واهلي يتحملون وذنبي برقبتهم

نجود:شقصدك؟

عهود:الايام بتوضح لك!

نجود:عهود صدق شتقصدين من هالكلام

عهود:والله الين الحين مافي شئ معين في بالي عشان اوضح لك شقصد بالكلام الى قلته بس اول نعرف اسمه اول ونشوف شيفته قبل بعدين اقولك

نجود:يعني الحين ماتعرفين شئ عنه؟

عهود:لا

نجود:من صدقك!

عهود:والله لاني ماتوقعت ان بصير شئ عشان كذا ماصار عندي اي فضول اعرف اي شئ عنه وحتى امي لمى جات تقولي شئ عنه اقوم واهد المكان

نجود:انا اقولك

عهود:وانت شعرفك!

نجود:الله يسلمك امس الوالد والوالده وهم يتقهون كنت انت ورجلك محور حديثهم

عهود:اها

نجود:المهم اسمه تركي و………

عهودوهي تقاطعه:وععععععععع اكره اسم عندي

نجود:وجععععع ان شاءالله بتخليني اتكلم من غير ماتقاطعيني والا ماراح اقولك شئ

عهود وهي مبرطمه:انزين كملي

نجود:اي ماتجين الا بالعين الحمره وظيفته محترمه ويشتغل بشركة ال…….وراتبه معتبر بعد وبيسكنك بشقه بالدمام لان شغله هناك طبعا وعمره…

عهود:صبري صبري

نجود:وجع مش قلتلك لا تقاطعيني

عهود:وجععع جاني خط ثاني خليني اشوف مين

نجود:اجل اكلمك بعدين

عهود:لالا تعالي ذي بنت عمتي الملقوفه داقه عشان تتفحص مالي خلق لها كملي

نجود:وهذا الى متبينه وتبين تعرفين كل شئ عنه اجل لوتبينه شبسوين

عهود:بتقولين والا شلون ولا تقعدين تمنين ان ماعرفته منك بعرفه من غيرك فا خلصي علي

نجود:بللل كلتيني بقولك وين وصلنا ……اي عمره33 وعندهثلاث اخوان متزوجين ومعيلين واربع خوات وهم بعد متزوجين وهو اصغر اخوانه

 

عهود:بلللل وهذا اصغر اخوانه وعمره33 “الله يعيني اكبرمني بعشر سنينياويلي شكله بيصير معقد وهذا خالي الى مطيحه معهااحس انه معقد اجل شلون ذا بس انااوريه ماحد قاله يتقدم لي “نجود:هوهو وين رحتي نحن هنا

 

عهود:هامعاك

 

نجود:وين سرحت في حبيب القلب

 

عهود:وعععععععع لا يكثر بسيالله ضفي وجهك

 

نجود:اي بعد ماخذتي الى تبينه بتسكرين يالله لي الله وزيماقلتلك توكلي على الله ولي كاتبه ربي بيصير

 

عهود:ونعم باللهباي

 

نجود:باي

 

سكرت من بنت خالي وانا افكر الله لايحرمني منك يانجود”نجوداكبر بسنه عن عهود وتعتبرها مثل اختها لان ماعندها خوات عشان كذا تعتبرها مثلاختها”وراحت تنام مع ان الى بمكانها مستحيل ينامون بس هي مطنشه ولاهامها

اليوم الثاني بعد صلاه العشاء جاوا الجماعة وجى وقت الجد وقت الشوفه
ابوعبد الله:حياالله من جانا هذي الساعة المباركه واحنانشتري الرجال يابو عبد الرحمن

ابوعبد الرحمن:هذ العشم بس ولا عليك امر الوالد يبي يشوف كريمتكم

ابوعبد الله:مطلبت الا حقكم عبد الله قم ود تركي المجلس الثاني وناد اختك

عبد الله

ان شاءالله تفضل ياتركي

تركي

يالله
عهود كنت جالسه تحط اللمسات الاخيرة كنت لابسه تنوره سوده غجريه وبلوزه ورديه رسمية وحاطه كحل وغلوس وردي وفاتحه شعرها وافكر”ياربي شسوي الحين صحيح اني مش مهتمه بالزواج واني تقبلت الموضوع بس مازلت رافضه ومازال عندي امل ان الموضوع مايتم يمكن اني ماعجبه وتنتهي السالفه وقطع علي تفكيري امي

ام عبد الله:يله ياعهود

عهود:ان شاءالله

ام عبد الله:الله يكملك بعقلك ياقلبي ماشاالله شذا الزين الله يوفقك ان شاءالله ويكتب لك الى فيه الخير
وهم نازلين والا عبد الله جاي:

يالله يمه الرجال من زمان ينتظروانت طاقبنها سالفه ياله

عهود:وخير ياطير اذا انتظر فوق راسه ريشه والا فوق راسه ريشه

عبد الله:بلل بلل وهذا عروس المفروض الخجل مقطعك مش لسانك يلوط اذانك

عهود:عدالله الى فيني مكفيني

عبد الله:انزين يالله مشي مااقول الا يعين رجالك عليك

عهود:هاهاهاهاها

عبد الله:

طيب صرفنا تركي وش راح نقول لابوي وابوه اذا ساله
عهود:

دبرها ياعبد الله
عبد الله:طيب روحي ولاتخلين حد يشوفك
عهود:

اوكي
وراحت طيران للغرفتها وغيرت ملابسها ولبست لها بيجامه وهي فرحانه ولا على بالها شئ

ودخل عبد الله لتركي المجلس:اسف اتركي طولت عليك

تركي:لا ابد خذ راحتك

عبد الله

انت لازم تبغى تشوف عهود

تركي

ليه في شئ مش هذا اتفقنا

عبد الله:لا بس البنت مستحيه ومش ***ه تدخل

تركيعاقد حجاته:

ليه هي مش موافقه على الزواج
عبد الله بارتباك:

لا وش الكلام الى تقوله بس اختي حدها خجوله”ايه كثر منها”
تركي:

طيب والحين شلون
عبد الله يستهبل:

طيب مو لازم تشوفها وقت الملكه شفها
تركي:

تستهبل انت وخشتك
عبد الله يكمل استهبال:

ليه خايف تطلع شيفه لا تخاف ماتشوفني قمر عهود مثلي يعني مو لازم تشوفها

تركي خذ مخده وخبطه فيها:

مادمها تشبهك هونت وين خالك بسام روح ناده
عبد الله:

هههههه مالت عليك اقول لحظه بروح اناديه
وراح عبد الله للمجلس الثاني وناده وقال لابوه ان عهود لسه مانزلت
تركي”طويل وجسمه رياضي لان هو وبسام وعبد الله مشتركين بنادي رياضي للياقه وهو وسيم
وصبور مره بس عليه نذاله وهو خال عهود بسام اصحاب الروح بالروح وبعد هو وعبد الله
ربع ومطيحين الميانه مع بعض:
بسام:

ها يالحبيب
تركي:

تعال شوف حل مع بنت اختك
بسام:

ياربي شفيك مطيور خلاص مش لازم تشوفها ولا بتهون عشان ماشفتها
تركي:

مو وقت نذالتك يابسام
بسام:ههههه طيب بس مو عشانك عشان الى بالمجلس اخاف يشكون بشئ
عبد الله:

طيب تركي وش لنا اذا خليناك تشوفها
تركي:

مخمه فوق راسك
بسام:

اجل هونا
تركي:

بسام الله ياخذ عدوينك
بسام:

لو سمحت خل عدويني بحالهم
عبد الله



ايه مارضى على عدوين خالي كلش ولاهم
تركي ارتفع ظغطه:

والنهايه
بسام وعبد الله:هههههههههههههه
بسام



قام وياي

تركي:

وين
بسام:

مو راجنا تبي تشوفها قام وانت منطم
تركي:

يقطعا شوفه على هالمذله
عبد الله:

شقلت
تركي يتنهد:

ولا شئ سلامتك
بسام:

على بالنا

وراحو عند حديقه البيت وجلسوا على الكراسي
تركي:

وبعدين
بسام



وانت شحارق بصلتك انتظر
طلع بسام جواله وحطه على السبيكر ودهو يدق على عهود



هلا وغلا بعروستنا
عهود:

خااالي
بسام:

اموت على الحيا انا
عهود:

انطم بس
بسام:

عهيد ووجع لمي لسانك
عهود:

كم تعطيني
تركي بصوت واطي لعبد الله:

العيله كلها شكلها ماديه
عبد الله



عندك مانع
تركي



ابد
بسام:

عهود تبين بيبسي
عهود:

مااقول لا وينه
بسام



تعالي خذيه من تحت
عهود:

الله تبيني انزل عشان قوطي بيبسي
بسام:

لا مو قوطي كرتون
عهود:

صجججج
بسام:

لايطيح حلقك بس
عهود:

ليه الكرم طيب
بسام:

اعتبريها هديه زواجك مني
عهود:

ياسلام بس كرتون واحد يالبخيل
بسام:

حمدي ربك اقول لا يكثر تعالي خذيه اخوك عبيد حط عينه عليه تعالي خذيه هو بالحديقه
ياتلحقين عليه ولا بياخذه عبيد
عبد الله:

ليه تقولها الحين شلون نشلح لنا كم واحد
عهود وانا اصارخ:

عبيد والله ان لمسته ماتلوم الا نفسك خالي لا تخليه يقربه جايه طيران
وسكرت
الكل:

هههههه
بسام



يلا احمد ربك الحين بتشوفها ولا سمعت صوتها على حقيقته
عبد الله:

فضحتنا المطيوره وعلى ايش بيبسي
بسام:هههه يلا تروك جهز عيونك للقز
عبد الله



مايحتاج ليزر
تركي يخبطه:

صل على النبي ووجع
الكل

ههههههههههه

بعدها انتبهو للباب ينفتح بدفاشه وجيت عهود طيران من غير لاتنتبه بالي جالس وكنت
لابسه بيجامه ورديه حرير ومخليه شعري خيال



عبيد وخررررر
عبد الله:

قصري حسك ووجع
عهود:

اتكل بس لا تقرب البيبسي
وجات للطاوله:

بسامو وين البيبسي

بسام:

وقص خالك ووجع
عهود متخصره



المهم وين البيبسي
بسام وهو يضحك وياشر على تركي:هذا كرتون البيبسي
عبد الله مسك عهود عشان متروح:

شرايك بالكرتون مو خطير
عهود طلعت عيونيا وقلب وجهي ميت لون:…………….
تركي تنح وقزها قز:

شلونك عهود
عهود تجمعت عيوني بالدموع:……………….
بسام:

بس بس غض انظرك ماشبعت عبد الله اتركها تروح لا تقلبها مناحه الحين
عبد الله يضحك وهدها وماشافو الا غبارها
بسام:

ها شرايك تروك
تركي متنح

…………
عبد الله:

يالحبيب
تركي:

ها .

.هلا
عبد الله:

لا راح فيها الولد
بسام:قم معي للمجلس وقول لهم رايك هناك
وقامو للرجال ودخل وجلسوا بعد ماسلموا

الكل:وعليكم السلام

ابو عبد الرحمن

بصوت واطي ها يبا نتوكل على الله

تركي

ايوه توكل

ابو عبد الرحمن:اقول يابو عبد الله

ابوعبد الله:

سم

ابوعبد الرحمن:سم الله عدوك نبغى الملكه اسبوع الجاي بعد التحاليل ان شاءالله

بوعبد الله:الله يكتب الى فيه الخير

وجلسوا يتكلمون بالتفاصيل

اما عند عهود كانت فايره من تصرف اخوهاوخالها وتركي وعلى طول راحت لغرفتها ودقت على نجود
نجود:بشري شالاخبار

عهود:مثل وجهك

نجود:هههههههه

عهود:اي ضحكي شعليك انت

نجود:طيب عطيني الاخبار بالتفصيل الممل

عهودقالت السالفه كلها

نجود:ههههههههههههههههه

عهود:والله نرفزني ماسك ايدي ومشتاركها

 

نجود:ههههه طيب ياحلوة انا برى الحين ان شاءالله بكره نشوفك بكرهبننزل الحسا

 

عهود:اجل خلاص بكره اجيب قشي بيت جدتي وبنام

 

نجود:خلاصاجل اجيب مستلزمات السهره

 

عهود:اوكي باي

 

نجود:باي ياعروس “وسكرت قبللا تسمع ردها”

وهي جالسه تتحلطم على نجود والا باب حجرتها يندق عهود:خير نعم شتبون

ام عبد الله

وهاللسان متبري منك يابنت خلاص اعقلي انت على وجه زواج بكره تروحين لرجلك وتفشلينا

عهود وانا مبرطمه:

يمه خالص شتبون بعد زواج وافقت شنو باقي بعد

ام عبد الله:الله يهديك بس المهم بكره الصباح جهزي عمرك عالتسع

عهود:وليه بعد

ام عبد الله:بكره عشان يسوون التحاليل

عهود:وان شاءالله بقزوني ابره

ام عبد الله:اجل شلون يسحبون الدم ياماما

عهود:لالالالالالالالالال لو شيصير

ام عبد الله:يلا بس عن الهبال “وطلعت من الغرفه”

عهود “افففف وجع مو عيون قزني قز ولا مبسوط ووجه اي معه ناس معونينه .

طيب ياخالي ان ماوريتك
وخذت جوالها ودقت على بسام

كان جالس مع عبد الله وتركي



اوف عهود شيفكنا من لسانها الحين
تركي انبسط يوم جاى طاريها:

حطه على السبيكر
عبد الله:

لا اشوف عطينا وجه
بسام:

اثقل ياورع ماشفت خير
تركي:

انثبرو بس وانت عادي هي بتصير زوجتي
عبد الله:

بتصي وبعدين ليه واثق يمكن تهون بعد ماشفت خشتك
بسام يكمل عليه:

اي صادق عبود يمكن ماعجبتها وداقه الحين تقول فكوني منه
تركي فور منهم وجاى بيقوم وامسكوه:بتحط سبيكر
بسام:تلايط بس

ورفع الجوال وعلى طول بعده عن اذنه
عهود:

وجععععععععععع
بسام:

الي يوجعك فقعتي اذني
تركي دفه بكوعه:

لاتقولها وجع
بسام:

لا ياشيخ انثبر بس لا افركش لك هالزواجه
تركي:بصوت واطي:خلي الوضوع يم بس
بسام:

في شئ يالحبيب
تركي:

سلامتك
بسام:خلصتي
عهود تنافخ:

لاقيني مقصة انت وعبيد
بسام:هههههه شسوي اذا انت مقصة وتصدقين
عهود:

المهم ماعلي تجيب لي الحين بيبسي ومو كرتون اثنين
بسام:نعم قوطي ويخب تبينه ولا كيفك
عهود:

مالي دخل انت قلت كرتون وينه
بسام حب يرفع ظغطها:حمدي ربك بجيب لك قوطي رحمه ورافه بك بعد ماشفت خشه تروك
عهود:

لا مايصير بعد هالخرعه لازم تجيب كرتون على الاقل
بسام:ليه كرتون
عهود:

تعويض عن الصدمه من شوفته
بسام:

لهدرجه
عهود:

انت مادري شلون متحمل تقابله
بسام:هههه بتصيرين انت الحين الى بتقبلينه
عهود عصبت:خالي جب البيبسي احسن لك
بسام:

هههههه افكر يلا انا مشغول
وسكر

تركي بلقافه:

شتقول
بسام:

والله وهقه رجال طول بعرض ومخفه بعد
تركي:

بسام اترك ثقاله الدم عنك
بسام:

ولا شئ تقول وين البيبسي
تركي:

بس
بسام:

يعني شتبيها تقول
تركي



ولا شئ قم
بسام:

وين
تركي:

اشتر لها البيبسي
بسام:

والله انا مني مكلف انت اشتره هذا ثمن الشوفه
تركي:

مادمه لعهود تبشر
بسام:

والله شكلك ماشفت خير لهدرجه طيرت عقلك البنت
تركي:

اه اه اه
بسام:قوم قوم لا يكثر

الساعة 8الصباح جلست من النوم وتجهزت وراحت المستشفى مع امي وابوي على التسع وصلوا وتركي كان موجود لما وصلوا دخلوا بنفس الغرفه مايفصل مابينا الا الستاره تركي خذومنه الدم للتحليل اما انا طلعت عيون الممرضه الين ماقدرت تسحب مني وتركي كان فاقع ضحك علي وانا اصارخ على الممرضه

عهود وانا بالسيارة

امي بروح اليوم بيت جدتي
ام عبد الله:اكيد كلنا بنروح

عهود:لا انا بنام مع نجود بينزلون اليوم

ام عبد الله:لاجلس ببيتك

عهود:ياسلام بدينا من الحين بروح يمه خليني اوسع صدري لحقه على الهم

ابوعبد الله:خلاص خليها على راحتها

ام عبد الله:برد قلبك

عهود:اكيد

على المغرب عهود جهزت قشي وراحت بيت جدتي مريم ام امها علاقتها مع اهل امها مره قوية ودائما يزورنهم كل اربعاء وجمعه وطبعا لما وصلت التباريكات اشتغلت والتنغز بالكلام اشتغل عفاف بنت خالتها:ها عهود وهذي الى مستحيل اتزوج اشوفك طايره مامدى خطبوك الا الاسبوع الجاي الملكه

عهود:والله انا ماوفقت الا عشان امي وخالي

ساره اخت عفاف:وليه شدخل خالي بالموضوع

عهود:يو ماقالك المعرس يصير صديقه الروح بالروح وانت تعرفين اني اموت على طبع خالي فقلت انه اكيد مثله واستخرت وارتحت له ووافقت

شجون:عهوده ماعليك من ام التحقيقات المهم كيف العريس حلو ولا

عهود:عادي مادققت فيه

شجون:مت الملكه والخطوبه

عهود:بعد ماتطلع التحليل ونشوف

شجون:على خير انشاءالله

عهود:اقول فروحه ماجا خالي سالم

فروحه:لا لسه ليه

عهود:ابد بس متفقين نغزو بيت التيته

فروحه

الله وناسه بجي معكم

عهود:اوكي بس لازم تجيبين لاوزم السهره

فروحه

ولايهمك من غير قول

عفاف:صدق انك فاضيه اجل في وحده اسبوع الجاي خطبتها وتجلس تخطط في هالخرابيط

عهود:اول حاجة لسه ماصار شئ وبعدين يمكن التحاليل ماتنطبق ومانصلح لبعض

عفاف:ولو المفروض تجلسين تخططين شنو بتسوين لوصار نصيب

عهود:لما تطلع التحاليل يصير الف خير

فروحه:عهود خالي بسام يبيك

عهود:يوه شيبي اكيد بيفتح لي تحقيق عن صديقه العذاب

ساره

عشنا وشفنا وحده تتكلم عن زوج المستقبل كذا

عهود:انت قلتيها زوجي يعني اتكلم عنه مثل ماابي

وقامت عهود لخالها بسام”بسام عمره 33 وسيم مره والخال المفضل للبنات وخصوصا لعهود”
بسام:هلا والله بالعروس

عهود:لاحول مابعد يصير شئ لسه التحاليل ماطلعت

وصرت عروس يمكن مناسب بعض ليه الاستعجال

بسام

لا تناسبون بعض توه مكلمني ويقول طلعهم تدرين مستشفى خصوصي وكل حاجة بالفلوس تمشي يعني صرت عروس

عهود وانا لويه بوزي:طيب شسوي له

بسام:ياربي عالثقل ماقدر اقول تره صاجني يقول يبي الخطوبة والملكه اسبوع الجاي لان عنده انتداب شهر في دبي ويبغى يخلص اموره

عهود:وانا شعلي كل شئ بيد امي وابوي من متى وانا لي راي

بسام:

عهوده لايكون مغصوبه

عهود:ها لا خالي انت تدري ان امي لايمكن تسويها

بسام:اي على بالي المهم شرايك بالشاب الوسيم

عهود:وعع الوسامه بجها وهو بجها

بسام:

ههههههههههههههماسمعك ياشيخه كان تجيه صدمه

عهود:هذي الحقيقه

بسام:طيب ماعلينا الصراحه تركي رجال والنعم فيه وكنت اتمنى يكون من نصيب وحده منكم وخصوصا انت لاني اعرفك ماحدبيتحمل عنادك الا هو لانه صبور ونادر مايعصب مهما صار

عهود:بس ياخالي انت عارف رايي بالزواج انا رافضته ومش مقتنعه فبه

بسام:

عهود حبيبتي هذي سنه الحياة وحلم كل بنت

عهود:بس انا لا

بسام

طيب انت عندك اعتراض على تركي

عهود:لا انت عارف اعت*** ليه

بسام

وانا اعيد واكرر هذا موسبب لانك لسه ماجربتي والحباه تجارب صح ولا لا

عهود:بس وقاطعها

لاتاخذين تجارب غيرك وتحطينها معيار صحيح ان ازوجهم متحكمين فيهم بس هذا طبيعي وانت جربي ماراح تخسرين لان واثق ان تركي هو الى بيسعدك ولا يغرك فرق العمر الى بينكم

عهود:واذا طلع معقد
بسام:

انت شايفتني معقد ولا تصرفاتي معكم تدل على ان عمري من عمره

عهود:لا

بسام



وتركي مثلي بس الفرق بينا اني عصبي وهو بارد بس وقت الجد مثل ميقولون اتقى شر الحليم اذا غضب

عهود:………………

بسام خلاص ياقلبي انت اتكلي على الله وبس والله يكتب لك الخير والصالح وقام عنها وراح
“اففففففف يعني غصب طيب بيزوجوني هالشايب طيب والله لاوريه الويل واخليه يندم على اليوم الى فكر فيه يتقدم لي ”

بعد التحاليل ماطلعت تحدد موعد الملكه الاربعاء وبعدها باسوعين الخطوبة لان تركي عنده دوره عمل في دبي لمدة شهر

يوم الخطوبة كان في استراحه متخصصه للمناسبا هذي وكان الدي جي شغال والرقص والوناسه الا عندي

بالغرفه المخصصه لي وكانت معي نجود:

ياقلبي عليك اكيد تركي بيسيح ويتخبل علينا لما يشوفك قمر والله قمر
عهود:نجيد والي يرحم والدايك فكيني من سيرته

نجود سكتت لانها عارفتها عدل وعارفه رايها في الزواج اما عهود كنت ملكه بفستاني الاحمر كان علاق وعند الصدر مالفوف وحولينه كريستال ومطرز بالخرز وكانت فخامته من الكريستال الى بارز شكله اما التنوره كان موديلها قصير من قدام يغطي الركبه ومن ورى ذيل طويل ومتموج وكان الحنه الى حاطته في رجولي مخلي شكلي خطير وكانت مسكتي على شكل قلوب نازله على بعض ويتخللها ورود حمرا ونازله منها سلاسل كريستاليه وكانت هديه نجود لي اما شعري خلته مفتوح بس كان مموج وحاطه كريستال على الجنب ومكياجه كان خليجي بارز عيوني كانت خيال

اندق اباب نجود:مين

فروحه:

فتحي انا فرح ودخلت لهم

فروحه:

ماشاءالله قمر ياقلبي قمر الف مبروك

عهود



الله يبارك فيك وعقبالك

فروحه:

امييييين

عهود:هههههه خبله

نجود:لو عارف ان هالمهبوله بتخليكتضحكين كان من زمان جايبتها

وبعدها جا موعد الزفه وجاوا خوات المعرس عندي وسلمو علي وباركو لي وبعدها دخل تركي كان شكله

جنان “ماشاءالله كل هالجمال لي انا ” انهبل على البنت سلم عليها وتم متنح عندها وماسك ايدها

رغد بنت اخته

خالي خلاص ارحم البنت

تركي انتبه لنفسه:اقول انت شعندك رازه نفسك هنا

رغد:ولل احشمنا عاد جنب مرتك على الاقل

تركي:

ههههههه

رغد راحت لعنده وسلمت عليه وباركت له

تركي:

الله يبارك فيك وعقبالك

رغد:

امممين

تركي:هههههه اهجدي يابنت

وبعدها لف على عهود:مبروك

عهودوانا منزله راسي من اول مادخل:

الله يبارك فيك

جا وقت الزفه وحطوا الزفه الترحيبيه لخوالي ودخلوا عليها بعدها زفتي الى كانت مكونه من موسيقى كلاسيكيه في البداية ودخلو عليها بنت وولد بعربية فيها مجسم مغلف من الجوانب وكان فيه الدبل والشبكه وبعدها دخلوا بنتين بسلال الورد ووقفوا عند بداية الجسر

ولما بدت غنيه راشد الماجد شيخه ال زينات دخلنا انا و تركي عليها وبدو البنتين يرمون الورد عليينا

وصلنا
لعند الكوشه المكونه من صوفا طويله باللون الاحمر وعلى يمينها ويسارها عمود طويل ملفوف

حوليه ورود
بنفس لون فستاني وسلموا على خوالي وجلسوا وبعدها طلب نواف ولد خلي واخوي بالرضاعه

هو وراكان
وماجد من منسقه الدي جي اغنية مرتاح لعبد المجيد واشتغل الرقص

لبسنا بعض الدبل ولابسني طقم الالماس وبعدها قصينا الكيك واكلني واكلته وانهت الخطوبة على خير

اليوم الثاني العصر كنت نايمه وجات امي تجلسني

عهود يلا اصحى

عهود:يمه خليني انام صلاه وصليت

ام عبد الله:قومي حبيبتي جهزي نفسك زوجك جاي بالطريق

فزيت من مكاني



خير تو شيفته امس شيبغى ذا
عهود:وليه استحي ماقلت شئ غلط
ام عبد الله:المفروض تفرحين انه جاي يشوفك مو تقولين شيبي ….خلصي قومي
عهود:

مش قايمه ماابي اشوفه اليوم لاحقه على الغثا تو مكملنا24ساعة من شافني
ام عبد الله:لاطولينها وهي قصيرة وقومي الرجال وراه سفره وجاي يسلم عليك
عهود:

وصل سلامة مو لازم يجي
ام عبد الله تهز راسها:

الله يصبره عليك بس …يلا بس نص ساعة وهو هنا وابوك موجود ماله
داعي توصل السالفه له
انا بغيض:اف الله ياخذني ويفكني
ام عبد الله:

استغفري ربك وقومي ياقلبي ياعهود قومي وتعوذي من ابليس وقومي

وطلعن ام عبد الله من غرفه عهود وبعدها قامت عهود تتجهز لانها خافت من ابوها يسوي لها شئ لو عرف
بكلامها

وتجهزت ولبست تنوره جينز طويله مع بلوزه داخلية وفوقها بدي علاق بالرقبه ورفعت شعري وحطيت كحل وغلوس وردي ونزلت لان تركي وصل بس ماكان ودي اجلس معه لحالي وجاتني فكرة ادخل اخوي
معي كفايه ان منحرجه ا جلس معه وغير كذا مابيه “اف عمير الحين وشو الى يقنعه يدخل
شلون ياعهود شلون …اي لقيتها”

عمر

عمور حبيبي

عمر

خير شعندك

عهود:ماودك بخمسين ريال

عمر”عمره 11سنه وغرامه العاب البلاي ستيشن وجيم بوي”:وينها

عهود:اعطيك ايها بس يشرط

عمر:وشو

عهود:تدخل معاي عند تركي وتجلس جنبي ولاتتحرك من مكانك شقلت

عمر:من غير ماقول يلا سرينا
عهود:

تعال قبل اذا دخلت المجلس اجلس بالكنب الى عند التلفزيون
عمر:

ليه
عهود:

انت ماعليم بس اجلس في المكان ذا طيب
عمر

طيب
عهود:يلا

ورحنا للمجلس ودخل عمر بالبداية وسلم على تركي وبعدها بدقايق دخلت

السلام ليكم

عمر وتركي:وعليكم السلام

وراحت جلست جنب اخوي عمر

وجلسنا ساكتين فتره بعدها تكلم تركي
تركي

كيفك عهود

بصوت واطي ومنحرجه:الحمدالله

تركي:

وانا بعد الحمدالله

رفعت عيوني له باستغراب:………

تركي حب يكسر الاحراج:

شفتك ماسالت عني قلت اجوب يمكن منحرجه تساليني

“ياثقل دمك يااخي “:…….

تركي”شكلها منحرجه .

.ياويلي من هالبنت بتخبلني بحياها .

.بس اخوها المتنح وشكله مو ناوي يطلع

شلون اصرفه الحين”:عهود

“اف شيبي بعد:نعم

تركي:

مو كانك مش مرتاحه وانت جالسه بعيد قربي

عهود:

لا مرتاحه
تركي:مم اكيد منحرجه تقومين احسن شئ اجي انا عندك

باندفاع:لالالا ان قربت بطلع

تركي ضحك بنفسه وظن انه حيا منها:طيب لا تقومين مش جاي

عمربصوت واطي:

متى بيروح

عهود:

وش مدريني عنه

عمر:

طيب شفيه يقزك قز ماعمره شاف بنت

انحرجت:

وش مدريني

عمر:

شكله ماشاف بنات الاخ ولا انت من زينك عشان يقزك كذا

نقزته بكوعي:كل تبن

عمر نقزمن مكانه:ايييييي

تركي مستغرب:شفيك؟

عمر يمسح جنبه



لا مافي شئ

سحبته وجلسته:

اقعد ووجع

عمر:ترا والله اقوم

عهود:

خلاص حقك علي

عمر



ايه تعدلي “وعلا صوته”حريم مايجون الا بالعين الحمرا

تركي كان منتبه لهم من البداية ويضحك عليهم بس من سمع عمرضحك بصوت عالي:هههههههههه
عهود وعمر يطالعون بعض مستغربين:شفيه انهبل ذا

بعدها سكتوا

تركي:

اقول عهود

عهود:نعم

تركي:

ماودك تضيفيني

عهود”اففف”:الا .

.عمر

عمر:

هلا

عهود:

قوم ضيفه

عمر:طيب

وقام عمر وضيف تركي وطول الوقت سوالف مع تركي وانا جالسه العب بجوالي

تركي

عهود..عهود

عهود:

نعم

قام تركي لها:تفضلي ومد ايده لعهود بكيس

عهود:ايش ذا

جلس جنب اخوها عمر وصار عمر بالوسط

اذا فتحتيه بتعرفين

ماعجبني قربه واشرت لاخوي انه يقوم ويغير مكانه معاي وقام عمر وهالمره اجلسنا

بكنبه تكفي للشخصين وعند الباب وبينها وبين الكنب الثاني طاوله

تركي:ليه قمتي

عهود:……………

تركي مستغرب من تصرفها بس قال انه خجلانه منه:طيب مااخذتي الكيس

عهود:

عمر جيبه

تركي:

لا انت تعالي خذيه

رفعت حاجبي”كثر منها ياشيخ”:لا مشكور ماابغى اجل

تركي وهو مبتسم

تعالي خذيه ماراح اكلك

عهود:

عطه عمر طيب

تركي طقه عرق النذاله:

وليه ماتجين انتي

عهود:

……………..

تركي حب ينرفزها:

يعني انت خايفه مني

عهود

لا مو خايفه من قال

تركي:

تصرفك يقول خايفه

بتحدي:

لا مو خايفه

تركي:

اثيتي لي انك مو خايفه وتعالي خذي الكيس

انحرجت وقمت خذت الكيس منه:شكرا

تركي مبسوط



العفو بس انشاءالله تعجبك

رحت رجعت مكاني

تركي “يالله مع اخوها متنح ولا ** يطلع شلون اصرفه الواحد ماياخذ راحته ولا هي بعد

ماتعطي الواحد فرصه”:عمر

عمر

سم

تركي:

سم الله عدوك بس بغيت مويه

عمر

انشاءالله

تركي فرح بيخلى له الجو مع عهود بس قهره عمر لما داق علىامهوقال لها تخلي الشغاله تجيب الماي

وجابت الشغاله الماي وخذه عمر منها

تفضل

تركي

زاد فضلك

وتم ساكت”شكل السالفه طويله والحبيب مو ناوي يروح “وطالع ساعته وشاف انه تاخر على المطار”

اقوم احسن لي ”

يلا انا ماشي دبياليوم وان شاءالله الفجر بكلمك اوكي

اكتفيت بهز راسي”اي كثر منها انت بس شفمن بيرد عليك ”

تركي



توصين على شئ

قرب تركي مني بيسلم علي ولماانتبهت له قمت بسرعه واطلعت من المجلس

قبل لا يقرب مني و لانها قريبه منالباب
وانا طالعه



لا .

.مع السلامة وراحت

تركي مبتسم على باله انه حيامنه



الله يسلمك

وطلع من بيتهم وعالطول للمطار

وبعد صلاه العشا تجمعوا خالتي وخوالي واهل ابوي عندنا

ام خالد”جده عهود وهي ام ابوها وكانت تكرها هي وابوها”والله وكبرت ياعهيد وصرت مره

فاطمه “عمه عهود”:اي صادقه ياامي ولا هذي الى ماتبغى تتزوج بعد

ام خالد:ماصدقت اسمعت طاري الرجل ماتبغى تتزوج

عهود كنت مكتفيه اعطيهم نظرات استحقر لاني عارفه ان تكلمت بتغلب السالفه على

امي وجدتي بتوصل الكلام لابوي الى يدور الزله عليها وعلى امها

ام خالد:شفيك تطالعيني كذا لايكون كلامي مش عاجبك

عهود:لاسلامتك وقامت وراحت للغرفه الثانيه”انا الغبيه الى اجلس عندها يعني ماعرفها مع كلامها الى يغث ”

نجود:عهود علامك

عهود:في غيرها ام ابوي وهذا جايه تبارك قولي جايه تغث

نجود:ياعمري لاتغثين عمرك كفايه الى جاك منهم

عهود:اه اه اه يانجود قاهريني

نجود:سلامتك من الاه انت عارفه انهم مقتهرين منك لانك رديت ولد عمك زياد

عهود:انا مستغربه انهم مافركشو الزواجه ذي

نجود:تلقينهم حاولوا وماقدروا

عهود:لولا الله ثم خوالي كان انا من زمان زوجته

نجود:حمدي ربك انك على ذمه رجال والنعم منه غير ولد عمك الصايع

عهود:الي مريحني انه صديق خالي هذا اكثر شئ مريحني

نجود:

ومازلت مصره على الى في بالك

عهود:اكيد انا مااقدر اتخيل نفسي تحت رحمه رجال شوفي حال امي وكيف انهنت من ابوي واهله ومازالت

نجود:طيب يمكن تركي غير

عهود:مستحيل كل الرجال كذا

نجود:طيب ابوي غير وعمامي بعد وهذا دليل ان مو كل الرجال سوا

عهود:هذا لوكانوا كلهم متربين على ايدين جدي “وتقصد فيه ابو امها”

نجود:

يابنت الحلال لاتصيرين سوداويه

عهود:وشلون ماصير وانا اسمع واشوف الى يسونه بحريمهم شوفي خالاتي كيف رجالهم يتحكمون بالصغيرة والكبيرة بحايتهم وكانهم غنم صحيح انهم مايعملونهم مثل ماابوي يعامل امي بس هم انهم يستعرضون مرجلتهم عليهم وحتى خوالي مع حريمهم وابوك بعد تقدرين تقولين لي متى عطاكم الافراج من تحكمه

مش توه مفرج عنكم وهذا غير صديقاتي الى رجالهم مورينهم الويل هم وامهاتهم ياشيخه خلي الى بالقلب بالقلب ومهما حاولت ماتقدرين تغيرين قناعتي بهالشئ

نجود سكتت لانها عارفه عهود وراسها اليابس

وبعد العشا مشوا كلهم ماعدا نجود وفروحه بعد ماطلبت امي من اهلهم يخلونهم ينامون عندنا

وبعد صلاه الفجر والبنات باسطين بالفشار والشيبس والبيبسي وطبعا فلم السهرة الى سرقوه من

غرفه اخوها
عهود وهي مندمجه بالفيلم الاتسمع رنه جوال

نجيد ردي على جوالك

نجود:لا هذا مو جوالي

عهود ونجود بنفس الوقت:فريح مطلعه لك جوال وماتقولين

فروحه:بسم علي كلتوني لا ماطلعت والله

عهود:اجل من جواله

فروحه:يمكن حد ناسيه

عهود:يمكن

فروحه:طيب وينه

وقاموا يدورن على الصوت وين مصدره وشافوا الصوت طالع من اليس الاحمر
فروحه:الجوال بالكيس

وانا تطلع الى بالكيس الاهو جوال كان هدايه من تركي وكان نوعه نوكيا الملاح لونه

ابيض ومعلق فيه سلسال فيه حرفين كريستال taورجع دق مره ثانية حبيبي يتصل بك

عهود:لاوالله واثق الاخ مسمي نفسه هالاسم يخسي الاهو

نجود:طيب ردي

عهود:هئ هئ يحلم اكلمه ومن سمح له يجيب لي جوال انا عندي ومش محتاجه لحسناته

فروحه:

ياخبله ذا شئ طبيعي كل المتزوجين يطلعون لزوجاتهم جوالات غير الى عندهم لانها تصير باسميهم
عهود:وليه ان شاءالله

فرزحه:مادري هالبنت يطقها عقر بقر احيانا صح “وهي توجه كلامها لنجود”

نجود:هههههههه ايوه صح

فروحه:لان ياحبيبتي انت بكبرك تصيرين باسمه يعني الحين هو المسؤل عنك

عهود:ماحد طلب منه

نجود:حمدي ربك غيرك مايطلعون لهم الا اا رحوا عندهم ولا بعد احيانا يطلعون اخس جوال

حطيت الجوال عالصامت لانه ماوقف رن:اقول خلوه يولي في حد يدق هالوقت يلا بس نرجع لفلمناوكملت الفيلم ولا على بالي

اما تركي ظن انها نايمه وارسل لها مسج

افتحت المسج”اكيد نمت عشان كذا مارديت بس حبيت اقولك تصبحين على خير ”

مالت عليك بس واثق الاخ اني مارديت عليه لاني نايمه

نجود:صحيح لاقالوا اصحاب العقول في نعمه

عهود:شب بس زين وقفلت الجوال

اليوم الثاني اخذ ابوي الجوال الى مطلعه لي وعطه اخوي لانه عرف ان تركي طلع لي رقم ثاني ماكان عاجبني
بس ماتقدر تقول لابوها شئ

واظطريت استخدم الرقم الى طلعه تركي له وتميت لمدهاسبوع مارد على اتصالات تركي ولا على رسايله

احد ماتشغاب علي ودق على صديقه وخالي بسام

هلا بسا اخبارك

بسام

تمام توك ماتذكرت ان لك صاحب اي من لقى احبابه نسى احبابه

تركي وهو قلقان على عهود خايف صاير لها شئ ومن غير مقدمات:بسام عهود بها شئ

بسام باستغراب:

لا ليه

تركي

صار لي اسبوع ادق عليها وماترد اهلها فيهم شئ

بسام:

لا كلهم بخير

تركي

اجل ليه ماترد على اتصالاتي لايكون يابسام غاصبيتها على

بسام:شهالكلام ياتركي انت عارف احنا مانسويها

تركي:اجل ليه ماترد ولا تقول تستحي هالشئ يتخطى الحيا

بسام:

والله ماادري شقول لك ياتركي

تركي



قول يابسام خوفتني تكلم

بسام:الصراحه من غير مقدمات عهود متعقده من الرجال
تركي:

شلون

بسام:

لاتخاف مو حالة نفسيه مثل اروى الى بمسلسل الحريم
تركي:

بسام والي يرحم والديك مو وقت تنكيتك
بسام:

شوف انا بقول لك السالفه وبعدها قرر اذا تبي تكمل معها ولا لا
تركي



طيب قول خلصني
بسام

وقاله عن ابوها وكيف يعامل امها ويعاملها و هي انطبع في عقلها شينه ومهما سوى من خير ماتقدر غير انه تكره وغير الى تسمعه من الحريم وصديقاتها عن ازوجاهم

بسام

وهذي السالفه ومافيها

تركي

طيب هي المفروض ماتخذ علاقه ابوها او غيرها مقياس

بسام

صحيح بس هي من كثر ماتسمع من صديقاتها وخواتي عن تصرفات رجالهم معهم صارت تكره الزواج

وتعتقد ان الزواج يربط حريتها وان اساسه اهانه للمرأة وعارف ياتركي بتقول ليه ماقلت لك من البداية عن

عهود بس يمكن تقول انانيه مني بس عهود كانت صج بتكره الزواج وحياتها بعد لان ولد عمها تقدم لها وكان

يبيها ومتمسك فيها وكان صايع حتى كلمه صايع اشويه عليه ومن بعد تدخلات منا انا واخواني رده ابوها ولا

كان ناوي يزوجها له

ولما قلت انك تبغى تخطبهاوكانك انت المنقذ لها لاني عارف طبعك صبور وحنون وانت الوحيد الى بتقدر تغيررايها بالزواج والرجال هو صحيح عليك نذاله بس يهون وصدقني عهود تستهل مو لانها بنت اختي
لانها بعد ماتتعرف عليها بتحبها لطيبتها وصدقها
تركي”وتعتقد اني للحين ماحبيتها” ساكت ولا قال كلمه

بسام:اسمع ياتركي انتوا مازلتوا عل البر وتقدر تنفصل عنها بس ابغيك تفكر قبل ويعدينقرر لاني ماقدر
اغصبك على شئ وصدقني ماراح يغير شئ بينا بتظل صاحبي واخوي

تركي



اوكي انا بفكر بالموضوع وبعدها برد عليك يالله مع السلامه

بسام:

فمان الله

وسكر تركي وجلس يفكر يكمل مع عهود ولا لا وقطع تفكيره مسج وكان من عهود “ اخ تركي لوسمحت انا الصراحه ماتخيل نفسي زوجه لك اولغيرك عشان كذا مادام احنا على البر نفترق احسن لنا واعرف اني مش رافضتك لشخصك لان مواصفاتك تحلم فيها اي بنت بس انا لا لاني مافكر بالزواج ابد ولما وافقت قلت فرصه عشان لما تطلقني ماراح حد يتقدم لي احد والي عارفته من خالي انك متفهم فارجومنك تطلقني مثل مادخلنا بالمعروف نطلع بالمعروف وشكرا”

تركي “استجنت ذي لا اكيد جنت ولا في بنت مامر على ملكتها اسبوع وتطلب الطلاق “رسل لها”يازوجتي العزيزه انا مش اخ لك ولاعمري بكون لك غير زوج وبعدها ممكن اكون لك الدنيا كلها اوكي وبعدين عيب عليك طول الوقت الى مر وانا ادق عليك وما تردين وبعدها ترسلين الرساله هاذي وانا ماتزوجت عشان اطلق فاهمه”

عهود بعد ماقرت الرساله جنت “لا والله الظاهر ذا ميجي بالاسلوب الحضاري وارسلت له”اسمعني زين طلاق وبطلق فاهم وماانخلق رجال يمشيني بمزاجه وانا ماابيك ”

وصل تركي المسج:

لا صدق البنت استخفت ودق عليها مره مرتين ثلاث واترد

رسل لها “عهود ردي خلينا نتفاهم ”

ردت عليه “مافي شئ نتفاهم عليه ياخي ماابيك طلقني ماتفهم”

رد رسل لها “طيب ردي ”
رسلت له”نجوم السما اقرب لك”
تركي:”لا تخليني اوصل السالفه لابوك”

وبعدها دق وبعد الرنه الرابعة رفعتها

تركي:واخير تكرمتي ورديتي يامدام

عهود:خير هذا انا رديت شتبي

تركي

الناس اول حاجة يسلمون يسالون عن الاحوال

عهود:وانا مارديت عليك عشان اسلم عليك انارديت لشئ واحد وهو الطلاق

تركي

انت صاحيه

عهود:

واصحى منك بعد ماابيك طلقني تفهم

تركي باستهزاء:

لا ماافهم

عهود:والله مشكلة الغباء

تركي

احترمي نفسك ولا تغلطين سامعه

عهود:

لا ماسمع ويلا لاتكثر كلام انا قلت لك مارديت عليك الا عشان تطلقني

تركي



واذا ماطلقت

عهود:بطلق ورجلك فوق رقبتك سامع لاني مستحيل اكون زوجه لك

تركي بتحدي:سمعيني زين طلاق حلمي سامعه واسلوبك عدليه معاي ولا سنعته لك

عهود:تخسى الا انت

تركي فور وحس انه اذا طول معها بيتهور:الحين انا بسكر لاني مالي خلق لبزارتك
ولما ارجع لسانك ها اسنعه لك
وسكر على طول من غير مايسمع ردها

عهود”الحيوان يسكر السماعه بوجهي ودقت عليه بس هالمره هو الى حاقرها ومارد عليها
وبعدها دق على ابوها وطلب منه تعجيل العرس وانه يبيه بعد شهرين ووافق الابو وبعدها كلم اخوه وطلب منه يحجز له قاعه بهالموعد ووصله مسج منها “ياثور طلاق بطلق سامع ”

تركي كان وده تكون جنبه عشان يعطيها ذاك الكف الى يسنعها بس من حظها انه مش قريب منها ورسل لبسام ان بيكمل مع عهود وبعدها رسل لعهود”جهزي نفسك بعد شهرين بالتمام بتكونين عندي واربيك من اول وجديد ههههههه باي ” وعالطول قفل جواله لان ماله خلق لسخفاتها

ولما وصلها المسج:مش على كيفك يالحقير ودقت عليه ولقته مقفل وجلست تشتم فيه لحد ماغلبها النوم ونامت

وبعدها خلص تركي دورته ورجع وبدى يجهز لزواجه من عهود اما عهود ولا تحركت من مكانها وامها حاولت معاها تروح السوق تجهز نفسها بس هي عندت ومارضت فما لقت
امها غير نجود تعونها لانها عارفه بنتها عنيده وماتتراجع عن كلمتها وغير كذا نجود
ذوقها من ذوق عهود

يوم الخميس بعد صلاه العشا جى تركي لعهود وكانت ناويه ماتطلع له بس ابوها موجود معه
لبست لها بنطلون جينز ابيض مع بلوزه نص كم بيضاء وفوقها بدي طويل على شكل فستان
ماس عند الخصر بعدها يوسع وكان لونه وردي اما شعره فرفعته وحطت غلوس مع كحل
وراحت المجلس كان ابوها وتركي موجودين راحت لعند تركي ومدت ايدها

السلام

تركي

وعليكم السلام

عهود:

الحمدالله على السلامه

تركي:

الله يسلمك

سحبهاتركي بنذاله منه وجلسها جنبهلانه عارف ماتقدر تقول شئ او تبعد عنه بسبب ابوها كانت تخاف
منه بشكل مو طبيعي وتكره كره العمى
جلس تركي يسوالف على ابوها وطو ل الوقت ماسك ايد عهود وهي تحاول تفكها بس ماقدرت

بعدها بفتره طلع ابوها واول ماطلع فزت من مكانها وجلست على ابعد كنبه

تركي عطها نظره

ماظنتي مجروب

عهودعطته طاف:……………

تركي حب ينرفزها

ماراح تضيفينا

عهود”شكله ذا راعي طويله “:افف

تركي:

لاتاففين

عهود:كيفي

تركي

وهاللسان طلع بعد ماطلع ابوك وانا توقعت انك عقلت

عهود:الحمدالله عاقله قبل لاشوفك

تركي

واضح

راحت وجابت القهوه والشاي ومعه حلا وحطتهم على الطاوله وجابت لها عصير لانها
ماتشرب شاي اوقهوه وخذت لها من الحلا وجلست

تركي جلس يطالعها باستنكار:الي اعرفه ان من الذوق انك تضيفين الضيوف

قبل لا تضيفين نفسك صح

عهود:

صح بس هذا لو كانوا الضيوف مرحب فيهم

تركي

اقول عن قله الذوق وصبي لي قهوه

عهود”لاوالله جلس يتامر حضرته:على ماظن عندك يدين تخدم فيه نفسك

تركي “صدق بزر هالبنت بترفع لي ظغطي”:والله لما تكون مرتي عندي
ليه اتعب نفسي

عهود:وليه متزوجني خدامه انت ووجهك

تركي تنرفز

لسانك قصريه والمره لاخدمت زوجها مو معناتها تصير خدامه

عهود:هذا لما تصير المره تحب زوجها لكن انا ماحبك ولاعمري بحبك مو لانك انت
لاني ماعترف بشئ اسمه حب ولان بين المره والرجال وخاصة السعوديين مايكون بينهم
حب اكثر مايكون حب للسلطة من الرجال

تركي”الله يعيني على مابلاني”:غلطانه

عهود:

لامو غلطانهولاتتعب نفسك وتحاول تقنعني بشئ عمر ماراح اقتنع فيه
وبعدها ناظرت ساعتهاوقامت

تركي

على وين

عهود”اففف ياثقل دمك”:برجع

وطلعت وتمتركي ينتظرها ربع ساعة وماجات وبعدها ربع ساعة ثانيه
“وين راحت “دق على جوالهاولقاه مقفل الا يدخل عليه اخوها عبد الله

عبد الله:هلا بالنسيب تو ماانورالبيت

تركي وهو يسلم عليه:بوجودك

عبد الله:الحمدالله على السلامه

تركي

الله يسلمك

وجلس يسولف معه

عبد الله:

الا وين عهود عنك

تركي



والله مادري قالت بتروح وترجع من نص ساعة وماشفتها

عبد الله:

عن اذنك اروح اشوفها لك

تركي



اذنك معاك

وراح عبد الله يدور اخته وشاف البنت باسطه بالصاله والبيبسي بيد وكيس الشيبس
بيد وتتفرج على مسلسلها نور

عبد الله متكتف:

الحين رجلك بالمجلس وانت تتفرجين على هالخرابيط

عهود ناظرته وعطته طاف وكملت:……….

عبد الله

عهود عيب عليك قومي لزوجك والمسلسل لاحقه عليه

عهود:

وهو لاحقه عليه

عبد الله

استحي ويلا قومي

عهود:ماراح اقوم وماحد قاله يجي عند موعد مسلسلي

عبد الله:

لا حلفي انت بس شرايك نعطيه جدول عن مواعيد برامجك

عشان مايقطع عليك ويجي

عهود:

فكرة حلوه

عبد الله

انثبري بس ويلا قومي

عهود بعناد:

ماني قيمه

عبد الله وهو يهز راسه:

الله يعينك على ماابتلك ربي ياتركي

عهود لوت برطمها:اخلص بس خلني اكمل مسلسلي

عبد الله وهو رافع ايدينه:يالله لا تبليني بواحده مثلها

عهود وهي تطالعه بنص عين:

والله اذا كان الى بالي صحيح فهي
مثلي باظبط

عبد الله بارتباك:

قومي لا يكثر بس

عهود:

قلت لا يعني لا

راح عبد الله لتركي وقاله السالفه كلها تركي استئذان من عبد الله انه يدخل
لها وبما انه مافي حد يتغطى عنه دخله

ولما دخل شاف البنت مندمحه ولا على بالها

تركي وهو يخفي غيظه



الحين انتي يقليلة الادب زوجك صار لك شه ماشفتيه

ويوم اجي لك تجطليني عشان مسلسل

عهود شرقت بالبيبسي ماتوقعت انه يجيها

عهود:

والله مسلسلي وماافوته والمفروض تدق قبل لاتجي

تركي



والله انادقيت واخذت الان من راعي البيت

عهود:

خلاص اجلس مع راعي البيت

وفجاه دخل ابوها بصوته العالي:عهيد ووجع ان شاءالله هاده رجلك وجالسه تتفرجي
على خرابيطك

عهود قلب وجهها الوان من الخوف

يبه..انا انا

تركي تدخل بعد ماشاف وجهها صار اصفر من الخوف وخاف يجيها شئ:لا ياعمي
انا الى قلت لها نجي هنا لما قالت لي عن المسلسل قلت ابغى اشوفه يمكن يعجبني

ابو عبد الله:

لا تعطيها وجه ياتركي ترا بكره تمصخها اسالني الحريم ما ينعطون

وجه

عهود انقهرت من ابوها وكان ودها تروح لغرفتها بس خافت منه

ابوعبد الله صرخ:عهيد

عهودلصقت في تركي وتمسكت بايده من الخوف:

نعم

ابو عبد الله:

يلا ذلفي وسوي عشا لرجلك

عهود توها بتتكلم قاطعها تركي:لا ياعمي ما يحتاج توني موصي المطعم على العشاء
وبيوصلونه هنا

ابو عبد الله



ليه تخسر نفسك والخير هنا كثير

تركي



لا خساير ولا شئ وخيرك واصل

ابو عبد الله

على هواكم

تركي



عهود قومي وصليني لدوره المياه

قامت عهود معه ووصلته بعدها طلع تلفونه ودق على المطعم ووصف لهم البيت وبعدها
رجعوا للصاله وهو ماسك ايده وجلس وجلسه جنبه

وصل العشا وتعشو بعده استئذن تركي وهو طالع وقفه صوت ابوها:وانت ياغبيه
ماتعرفين السنع قومي فزي ووجع وصلي رجلك

عهود خلاص ماقدرت تمسك دمعتها الى خانتها ونزلت غصب عنها:ان شاءالله

راحت لتركي وكان واقف عند الباب وبيطلع:

يالله مع السلامة توصين على شئ

عهود اكتفت بهز راسها بمعنى لا لانها لو تكلمت بتصيح

تركي حس فيه وحبها على راسها وطلع
عهود تفجئت من حركته وعلى طول راحت لحجرتها عشان ماتشوف ابوها

وهو في السيارة وصله مسج من عهود “الله يخليك لا عاد تجي عندنا واعتبره طلب مو امر
واحنا خلاص مابغى شئ على زواجنا ”

تركي تفهم موقفها ورسل لها “انت تامرين مو تطلبين ”

عهود استغربت منه توقعته بيعاند وبيرفض طلبها وحمدت الله انه وافق على طلبها

بعد يومين دق تركي على خالها بسام

بسام:

هلا بالنسيب

تركي



هلا بك شعلومك

بسام:

تمام وانت

تركي



الحمدلله بسام انت مشغول

بسام

لا في شئ

تركي

لا مافي شئ بس بغيت تقولي عن ابو عهود

بسام

ليه

تركي

قال لبسام الى صار لما كان عند عهود

بسام



وهالرجال مايجوز عن طبعه دايم كاسر خاطر هالبنت

تركي



يعني هذا شئ عادي عنده

بسام



ماشفت شئ اذا عصب ماحديقدر يسكته

تركي بحميه



وان شاءالله يمد يده عليها

بسام



احيانا

تركي”وقص في ايديه “:وامها

بسام:

كان اذبحه

تركي

ليه هو كذا

بسام:

طول ماامه السوسه واخوانه وراه بيتم كذا

تركي



يعني اهله الى يشيشونه

بسام عليك نور

تركي:

متنلام البنت اذا تعقدت

يسام:

هذا الى تشوفه

تركي:

طيب ليه عطيتوه اختك

بسام



لانه ولد عمتنا

تركي



اها

بسام



توقعنا بيعزها لانه من دمه ولحمه بس حتى صله الرحم ماشفعت

لها

تركي



ومازال حالة كذا

بسام:

لا الحين احسن من قبل لان اختى بالبداية ماكانت تقول لنا على الي

يصير معها لكن بعد ماتجرء ومد ايده عليها تكلمت وقالت لنا عن كل فعياله

فيها وعيالها قاموا عليه اخواني وابوي ووصلت السالفه للطلاق بس بعدين

توسطت له عمتي وهو حلف انه مايعيدها وبعدها خفف من حدته معاهم بس

بس بعد ايش عقب ماكره البنت في الرجال تصدق جاتها فتره كانت ماتطيقنا

ولاتحب تجلس معانا ولما جلسنا معاها وشوي شوي لما وثقت فينا بس ما
تنلام البنت هي شافت الويل على يدينه هو واخوانه بعد

وغير كذا هو قطعهم عنا من وهم صغار وماشفناهم الا من خمس سنين
عشان كذا اقولك ياتركي راح تتعب كثير على ما تثق فيك وبطلع

عيونك ولاتنسى بعد لسانها الى ينقط عسل

تركي:هههههه عارف لاني جربت منه شوي

بسام:بلل بنت اختى ماعندها وقت هههههه

تركي



اي اضحك ان شاءالله مرتك مثل حلات مرتي

بسام:

اذا مثل حلاها اي لكن مثل لسانها الله لا يقولها ياشيخ لاني بذبحها

لاني افور بسرعه ولا اقدر امسك نفسي مثلك يالحبيب

تركي



الله يعين ياشيخ يلا ماطول عليك سلام

بسام

انت ووجهك داق على عشان حبيبه القلب وانا الى على بالي داق علي

تسال عني

تركي



احمد ربك ذاكرك الين الحين بنت اختك تخلي في احد عقل ويلا لا

يكثر سلام

بسام:هههههه سلام

مابقى الا ثلاث اسابيع على العرس راحت عهود مع امها الخبر عند خالها

ترتب اغرضها بشقتها الى بالدمام ورفضت تروح مع امها ومرت خالها

بس عشان ماتشوفه وطلبت من عمر يصور لها الشقه

اما تركي كان مبسوط على باله انه بيشوفها لكن ظنه خاب لما ماجات

معاهم

اما عمر كان فرحان لقى شئ يتكسب فيه من عهود وما ارسل لها

الصور الابعد ماخذ منها المقسوم وعهود وهي تتفرج كانت مدهوشه

انهاماتوقعت ان عنده ذوق كانت شقتها بعماره ابوه وهو الى اشرف

على ترتيبها وكانكل شئ على ذوقه

الشقه مكونه من غرفتين نوم الغرفه الرئيسيه كانت مصبوغهبالون

العنابي المعتق والجدران يتخللها رسومات زخرفيه اما اثاث الغرفه لونهبني غامق

كان شكل الغرفه جنان اما الغرفه الثانية خلها غرفه تبديل الملابساو

اذا جاهم ضيوف يجلسون فيها اما الصاله ماكانت وسيعه مره كانت مناسبه لهم

ومزوده بتلفزيون مسرحي

وحمامين ومجلس وكان كل ترتيبه واثاثه رهيب

بغى اسبوعين على الزواج وتركي ماشاف عهود ولا كلمها بس يرسل لها مساجات

وعهود ماترد علبه بس هو ماياس لانه عارف انه صعب يكسب يكسب ثقتها

وراح يبين لها ان مو كل الرجال مثل ابوها وهو مستحيل يتخلى عنها تعلق فيها

من اول ماشاف دمعتها عرف ان ورى هالقناع الى حاطته بطواله لسانها

وصدها له وعلى كبر سنها الا انها طفلة انحرمت من الحنان والي خله يتاكد مناحساسه

يوم تمسكت فيه بكل قوتها وصمم انه يزيل قناع القسوه الى لابسته

عند عهود:

نجود يالله عاد لازم نغزو بيت الجده

نجود:

والله لسه ماخلصت تجهيز لعرسك

عهود:

يلا عاد يمكن تكون اخر مره نجتمع هالجمعه

نجود:

خلاص احنا بكره بننزل

عهود:

اوكي اجل بروح اجهز لوازم السهرات

نجود:

يالله عهود ماصدق انك بتتزوجين وتتركيني

عهود:ومن قال انت ناسيه اني شارطه عليه انه يخليني ازور بيت جدتي

مثل ماكنت ازورها

نجود:

بس ماراح ننام ببيوت بعض

عهود:

لا نقدر لانه اذا نزلنا هنا راح انام بيت اهلي

نجود:

ولو هذا في البداية بعدين ماتقدرين تستقنين عنه

عهود:

هذا في الاحلام ويلا لاتذكريني بماساتي وخلينا بتخطيطاتنا

وجلسو يخططون كيف راح يجنون جدتهم “جدتهم طيبه وحنونها بس

راعيه مشاكل بتلميحاتها وبخيله بس مش بالفلوس تعطي بالهبل بس

باغراض البيت مثل الاكل تتحسف ترمي شئ حتى لو انتهت صلاحيته

ومن تعرف ان البنات راح يجون تروح تلبد كل حاجة بس البنات يطلعون

عيونها لحد مياخذون الى يبونه طبعا بمساعدة جدهم

تجمعوا البنات عند جدتهم وجننوها وضحك وسوالف بعدها انقلبت

بكي بسبب فراقهم لعهود

الليلة ليلة الحنا وكانت في مزرعه جدها واكنت عهود لابسه جلابيه زرقاء

مره فخمه مطرزه بذهبي مثل الجلابيات الى بالمسلسلات وتجمعو اهل امها وابوها

والمسجل شاغال والرقص

ام خالد:

المفروض الحين كنتي لولد عمك بس رافعه خشتك على ايش مادري

عهود:

خلاص هذا موضوع انتهى انا على ذمه رجال وهالكلام مايغير شئ

ام خالد



صحيح وانت الخسرانه

عهود:

لا مو خسرانه وانت تقولين هالكلام لان ولد الغالي وانت عارفه انه صايع

ولاهو وجهه وجه زواج “عهود باعتها لانها اخر ليلة لها ببيت ابوها ”

قامت جدتها معصبه منها ولانها مترضى على زياد وحاولت تخلي ابوها يرد

تركي بس محولاتها افشلت لانها عارفه ان زياد يحبها وماتبغى تكسر بخاطره

الليلة موعد زواج تركي وعهود وكان في افخم الصالات

عهود وصلت القاعه مع نجود لانها هي الى راحت المشغل معاها

نجود كانت لابسه فستان احمر خمري لانه اللون المفضل لعهود

وهي بعد وكان موديله فخم مطرز بالخرز والكريستال عند الصدر والخصر

ونافش شوي وذيل طويل من ورى اما شعرها كانت تسريحتها

تسريحه غجريه ومزينا بشرايط حمرا

اما فروحه فستانها وردي ناعم مره ومسويه تسريحه الكريزي

لان شعرها قصير

اما العروس كانت في قمه الحلا والجمال بفستانها الابيض كان موديل

الصدريه مثل الفساتين الغجريه على شكل مشد واسكته الشرايط

اما التنوره فكانت مموجه بالقماش ومطرزه بالخرز الاحمر

وشعرها شانيون ولابسه تاج ملكي مح الطرحه ومكياجها ناعم وفخم بنفس الوقت

حان موعد الزفه اول شئ انزف تركي مع اخوانه وجلسوا وارقصوا اشوي بعدها طلعوا

ودخلوا بنات خالاتها الصغار بنتين وقفوا فوق الجسر وبنتين عند بداية الجسر

الي فوق الجسر وحده ماسكه مبخر على اليمين والثانية مرش عند اليسار

اما الى عند بداية الجسر الاولى ماسكه المرش على اليمين والثانية المبخر على

اليسار وكانوا يمشون على موسيقى كلاسيكيه وبعدها دخلو الاولاد الصغار

لابسين الشماغ والدقله السودا وماسكين سيوف واقفين عند درج المسرح

وبدت غنبه عبد المجيد مرتاح ودخلوا خوال عهود وجدينها كان في المقدمه

ابوها وابوه وبعده خالها الكبير سالم وابوه وبعده خالها بندر وخالها محمد

وبعده خالها بسام واخوها عبد الله وكان المقصود من البنات الى يتبخر من

اليمين ينرش من اليسار والعكس وبعدها بدت زفه عهود الى كانت اهداء

من خالها واخوها

وبعدها بدت اغنية راشد الماجد الحب خالد وقف تركي عند المسرح يستقبل عهود
وصلت عهود ومسك تركي ايدها وحب جبينها ورحوا لعند الكوشه وجلسوا
وبعدها بدى الرقص من خوالها واخواها

وطلبوا من الطقاقه اغنية ادعي على بالموت وغنوها وقام بسام وعبد الله وراحو لعند عهود

وقوموها ترقص معاهم بالبداية عهود عندت بس بالنهاية استسلمت ورقصت

بس ماخذت راحتها بسبب الفستان كان ثقبل وجلست لما خلصت الغنيه

وبعدها طلع تركي ودخلوا نواف وراكان وماجد وارقصوا لحد ماتعبو وسحبو عهود

معاهم

وجى وقت الروحه وانزفت عهود مع اخوها وخالها بسام وهم الى واصلهم

للفندق بعد ماسلمت على امها واهلها وراحت معها نجود وفروحه ومرت

خالها بندر وصلوا الفندق وساعوها بفسخ العبايه وهدو من بالها وطلعوا

وجلست على الكنبه وقلبها يدق بسرعه من الخوف

تركي عند الباب مع خالها واخوها الى اذبحوه توصيات على عهود

وبعدها دخل وبسام وراه

تركي:

خير ان شاءالله

بسام:

بدخل بتعشى عندكم

تركي



ومن عزمك

بسام



عهوده صح

عهود بارتباك:

صح حياك خالي

تركي تكتف



لا وشرايك تنام معانا بعد

بسام:

والله انا ماعندي مانع
ونط عبد الله:

وانا بعد بتعشى
تركي:

كملت
عهود:

حياك عبد الله وانت خالي دخلوا
عبد الله وبسام حبوا يرفعون ظغط تركي:

الله يحيك
ودخلوا وجلسوا عبد الله:

ماوك تضيفنا تروك
تركي بينهبل منهم:

نعم شقلت
بسام بضحكه:

شفيك يالحبيب انصمخت

تركي:

والله سمعي عالالعال
عبد الله



اجل ليه ماتضيفنا ياعريس
تركي:

انت قلتها عريس يعني قومواعطوني مقفاكم
بسام باستهبال:

والله انا ماجلست علشانك جلست لبنت اختي صحعهوده
عهود:

صح
تركي يطالعها بغيض

طلع لسانك الحين
عهود ماعبرته:اقولخالي وش تشرب
بسام:

اي شئ والله ان ريقي ناشف
عبد الله



وانا مش مضيفتني
عهود:

وانا اقدر

تركي عصب



اقول توكلوا مادام النفس عليكمطيبه

بسام وعبد الله:هههههههه ماعندك حتى مجمله على الاقل

تركيمفور:

فاضي لكم انتوا اذلفوا يلا

بسام:بعديها لك لانك عريس وما بنشره عليك
عبد الله:

هههههه يلا نمشي
عهود:

خالي لا تروحون

بسام



ودي بسرجلك اشوي وبيذبحني

عهود:

طيب بروح معاكم
تركي راح لعندها ومسكها منذراعها:

نعم..وانت وياه “ياشر على بسام وعبد الله”برا

بسام



حبيبتي وينتروحين خلاص انت الحين عند رجلك ومكانك معه

يلا انا ماشي وماوصيك عليهاياتركي

تركي وهو ياشر على عيونه:

من عيوني لا توصي حريص
عهود تحاول تفكايده مش قادرهوبترجي:

عبد الله لا تروح
عبد الله راح لعندها وباسها على جيبينها:

حبيبتي لا تزعليني منك

وطلع بسام وعبد الله وسكر تركي الباب

مشكورينتعبناكم معانا
عبد الله:

ولو تعبكم راحه

وراح تركي لحد ماعهود جالسهوجلسمقابلها:

مبروك عهود

ايش تتوقعون بيصير بين تركي وعهود؟

هل راحتتقبل عهود تركي

وكيف بتكون حياتهم

 

  • رواية رومانسية سعودية كاملة
  • ‏اغنية يالله مع السلامة أنا الديك إني لوية
1٬757 views

رواية رومانسية جريئة جدا كاملة