1:31 مساءً الثلاثاء 18 ديسمبر، 2018

رواية لجين و عبدالله


صور رواية لجين و عبدالله

البارت 34

عبد الله:يخسى هذا يمد ايدا علي
لجين:الحمدالله …بس لاتعيدها مره ثايه
عبد الله:تبينى اسمعه يقول جذى و اسكت خل يحمد ربه ما ذبحته
بشاليه
خلود:هذا من صجه تهاوش و نطق عشانها…واى باط جبدي
خوله:سليمه صكته هذا كفو تذبحين روحج عليه
خلود:اى كفو انتى مو شغلج كلها يومين و خليه ما يشوف غيري

لجين ادخلت الشاليه مع عبد الله و هما ما سكين ايد بعض
لجين:شنو تبى تاكل
عبد الله:مومشتهى اكل شي
خلود:قتلك اكل قبل ما تطلع بس انت الله يهداك لزمت الا تاكل معها
لجين جنها ما سمعت شى اذا جذى انا بعد ما بى اكل
عبد الله يطالع خلود و يتنهد
لجين:عبد الله انا يوعانه
عبد الله يبتسم:اوكي
لجين:تبى اسويلك باستا
عبد الله:لاتسوين شى …الموجود يبيه
لجين:اوكي…ودخلت اتبيب شى ياكلونه

خلود:باجر ليث بيوصل الله يستر من الى بصير
عبد الله يطالعها و هوه منقهر..وكان يغلى من الداخل
خوله:اى و الله الله يعين عمى راشد باجر
مريم:علي شنو الله يعين عمى راشد
خلود:ليث بيوصل باجر …والله يعين عمى راشد اذا عرف انه لجين تزوجت
مريم انفجرت عليها:وليش انشالله و هوا شكو تزوجت و لا لا …كل شى نصيب …خلود قصرى الشر لاتشوفين شى عمرج ما شفيه
عبد الله تضايق و طريقة مريم الى اكدتله كلام خلود قام و طلع بره الشاليه
مريم راحت عند طلال و قالتله الى صار ….طلال راح عند لجين
طلال:لجون هدى الى بيدج و روحى حق ريلج …مايندري خلود شنو قايلتله عن ليث .

.وتوه جدامه عبد الله اتقول الله يعين راشد اذا ليث عرف انه لجين تزوجت
لجين:استغفر الله ربى و اتوب ليه…وراحت بره عند عبد الله
لجين:عبد الله الاكل زاهب
عبد الله:…..
لجين راحت صوبه و مسكت ايده ماتبى تاكل
عبد الله:مالى نفس
لجين:عبادى شفيك
عبد الله ابتسم لمن سمع اسمه:شقلتي
لجين:قلت شفيك
عبد الله:لا الى قبلها
لجين تبتسم:قلت عبادى اشفيك
عبد الله احبج
لجين:وانا بعد
عبد الله:حلفي
لجين:والله العظيم انا بعد
عبد الله:لجونتى ابى اسالج سؤال .

.بس ما راح ارضي بغير الصراحه
لجين:وانا عمرى ما جذبت …قول
عبد الله:صج انتى و ليث كنتو اتحبون بعض
لجين:اذا قتلت لا صدقني
عبد الله يتنهد:بس الى سمعتا غير جذي
لجين:عبادى …انا عمرى ما حبيت بحياتى .

.انت اول و اخر حب بحياتي…واذا على ليث اهوا حر بمشاعره انا ما لى شغل فيها
عبد الله:انا سمعت انكم اتحبون بعض وحشد…وشكلى خرب على حبكم
لجين عبد الله اقولك انا ما حبيته اتقولى خربت عليكم .

.واذا كنت احبه صدقنى جان ما تخليت عن هل حب وقتله عن كل شى و اكيد بقدر ضروفى الانى مضلومه…بس الله يشهد على …ليث بحسبت اخوى و عمرى ما فكرت فيه كزوج او حبيب…والى قالك هل كلام يبى يخرب بينا
عبد الله يبتسم:محد يقدر يخرب بينا
لجين:والحين ما تبى تاكل عبادى و الله يوعانه
عبد الله:يخسى اليوع يالله امشى ناكل
ادخلو الشاليه و عبد الله مستانس وحشد
لجين:ناكل داخل و لا هني
عبد الله:ماتفرق معاي
لجين:اوكى اقعد الحين ايبلك الاكل….وراحت يابت الاكل
عبد الله:سويتى باستا
لجين:لا هذى مريوم مسويتها …لذيذه
عبد الله و هوا ياكل:حلوه بس مومثل الى انتى تسوينها …باستتج غير…مريوم تسلم ايدج
مريم بالعافيه
عبد الله:الله يعافيج
لجين:عبادى اليوم خنرد البيت…باجر عنى شغل لى الراس
عبد الله:اى بس انا عندى خفاره اليوم …شلون اتنامين بروحج
لجين:اممم…مو مشكله انام عند سارونه او اروح مع طلال انام بشقته..الانه باجر شغلى معاه
عبد الله يحرك حواجبه و يبتسم:اذا جذى اوكى انا بعد ابى اغراض من البيت …ناكل و نطلع
لجين تبتسم:اوكي
خوله:لجين ما شوفج لابسه دبلتج ….وينها و دى اشوفها
لجين اتطالع عبد الله …الانه بالاساس عبد الله ما خذالها دبله
عبد الله:انا شلون نسيت….دبلتها مو عندها و ديتها يضيجونها و نسيت ايبها لازم باجر ايبها
لجين ابتسمت ابويها
عبد الله:يالله خلصى صحنج انا ابى ارد بسرعه …ويغمزلها
لجين و هيا منحرجه انشالله

بدخلت طلال
طلال:لجون قلتى حق ريلج و لا انا اقوله
لجين لا قتله و الحين بننزل
طلال:اذا جذى انا بعد انزل معاكم…بس بتنامينا بيتكم و لا عندي
لجين اتطالع عبد الله:مادري…وتكلم عبد الله…وين انام
عبد الله:دام باجر شغلكم مع بعض نامى عنده احسن
طلال:ليش انت منت ياى معانا
عبد الله:لا انا بعد اشوى عندى دوام لى الصبح
طلال:امم…خلاص ننزل مع بعض …بس اننتو سبقونى و انا اي و راكم

بعد ساعتين عبد الله و لجين اطلعو من الشاليه و بعدها بنص ساعه طلال طلع

بسياره
لجين:عبد الله ابى اعرف منو الى قالك عن سالفه ليث
عبد الله:لجونتى انسى السالفه خلاص
لجين:لا ابى اعرف منو
عبد الله:واذا عرفتى اشبتسوين
لجين:مانى مسويه شى بس بعرف…معنى عارفه منو بس بتاكد
عبد الله:عارفه منو
لجين:اى خلود صح
عبد الله:اى …بس شلون عرفتى مريم قالتلج شي
لجين تضايقت وحشد:لا
عبد الله:شفيج ليش مديتى البوز شبرين
لجين:مافينى شى …وسكتت طول الطريج
عبد الله شافها متضايقه وحشد و ما حب يضايقها اكثر مسك ايدها و ضل ساكت لين وصلو شقتهم
عبد الله:لجين وصلنا
لجين كانت سرحانه:هلا…اى يالله
عبد الله:تعالى وين رايحه… ما بيهم يدرون انى هني
لجين:ليش
عبد الله يبتسم ابخبث:بس
لجين على الاقل انسلم عليهم
عبد الله:اذا دخلتى ما تطلعين من عندهم …تعالى بس
و اول ما صعدو فوق

لجين راحت صوب العصافير:مساء الخير و لهت عليكم …..قولولى شسويتو بغيابنا
عبد الله:تلاقينهم خذو راحتهم اكثر ابروحهم بالبيت …وقف و راها و لمها حيل
لجين بدا الخوف يتسلل لى قلبها:عبد الله و خر
عبد الله انسى انا ما صدقت انى اكون معاج بروحنا
لجين:عبد الله بس شوى بروح ازهب اغراضي
عبد الله:لاحقه .

.وبدا يبوس رقبتها
لجين قلبها يرقع:عبد الله….بس خلاص
عبد الله:لجونتى احبج
لجين:عبد الله فقصت بطني
عبد الله و خر:اوه نسيت
لجين جنها ما صدقت و نحاشت بسرعه ادخلت الغرفه بس نست تقفل الباب
عبد الله راح و راها و دخل الغرفه:شفيج انحشتى مني
لجين:عبد الله عفيه لاتسوى شي
عبد الله يضحك:اممم افكر …وقرب صوبها و لمها حيل
لجين كانت مثل الجهاز الى حاطينه على الهزاز …كانت ترجف وحشد
عبد الله:حياتى شفيج ليش ترجفين جذي
لجين:مادري
عبد الله:اتخافين مني
لجين:لا بس ما بي…وسكتت
عبد الله:خلاص هدى انتى الحين و ما راح يصير شى و انتى مو راضيه
و رن تليفونه
عبد الله هذا وقته
لجين:رد شوف منو
عبد الله:لا الحين ما بى شى يخرب علينا…اناماصدقت متى انصير بروحنه..وباسها على راسها….لجونتي…احبج اموت فيج.
و رد رن تليفونه
عبد الله اف مزعجين
لجين:اى رد عليهم يمكن يبونك ضروري
عبد الله:الوو
عمار:سنه على ما ترد
عبد الله:ماكنت عند التليفون …عمار بغيت شى مشغول حدي
عمار اي لازم اتى المستشفي الحين…عندا ضقط موطبيعى محنه قادرين انلحق على المرضى
عبد الله بنفسيه:اوكى نص ساعه و اكون عندكم
عمار:عبد الله لا طول….يالله مع السلامه
عبد الله:الله يسلمك
لجين:قتلك يبونك ضروري
عبد الله:ومالقو الا اليوم …لجونتى انا باخذلى شور على ما تخلصين بس بسرعه
لجين:اوكي

عبد الله بعد ما خلص و لبس و دا لجين بيت طلال و هوا راح المستشفى
طلال:لجون روحى نامى باجر و رانا فراره من الصبح
لجين:انشالله …تصبح على خير
طلال:وانتى من اهله
ليجن دقت على عبد الله بس ما رد عليها … بعدها طرشتله مسج0(كان و دى اسمع صوتك قبل ما انام)
ثانى يوم الصبح لجين و طلال اقعدوم مبجر و طلعو على طول

بسياره
طلال:وين بتروحين
لجين:اول شى و دنى محل و رد
طلال:ليش
لجين:ابى اطرش بكى و رد حق عبد الله بدوام
طلال:اوكي

وراحو محل الورد …وخلصو و راحو السوق …لجين خذت 5 بوكيهات و رد و كل بوكيه احلي من الثاني

بالمستشفى
عبد الله كان توه خالص من الشغل و قاعد معه عمار…ادخلت عليهم السستر و شايله اول بوكيه
عمار:سستر من له هل بوكى الحلو
السستر:ده لدكتور عبد الله
عبد الله بستغراب:لى انا من منو
عمار:حسافه عبالى لي
عبد الله قام و خذا الكرت الى على البوكيه….الكرت كان مكتوب فيع(….ا…..وتحت اخر الكرت من لجونتك)
و دخلت السستر الثانيه بيدها بوكيه ثانى دكتور عبد الله بوكى و رد ليك
عبد الله قام و خذا الكرت(ح)
و دخل عامل من المستشفي يدز عربانه كبيره و فيها 3 بوكيهات كبار
و خذا الكروت الى عليه
الكرت الاول(ب)
الكرت الثاني(ك)
الكرت الثالث(اموووت ….فيييك….وبكل صراحه .

.ا ح ب ك
عبد الله متششق من الوناسه(والله انا الى اموت فيج)
عمار:عبيد جنه في اشياء ما درى عنها
عبد الله:اوو …اشياء وحشد
عمار:اتحبون بعض
عبد الله:فوق ما تتصور….عمار هذا الحب الى كنت ادور عليه من زمان….كان بين ايدى و انا موحاس فيه ….بس لو موانت و سارونه جان عمرى ما حسيت فيه
عمار:عبد الله انت تستاهل كل خير …والله يهنيكم انشالله …وتظل طول عمرك عايش بهل حب
عبد الله:امين و الفال لك
عمار:لا توناس
عبد الله:اى توناس بتصك 30 و انت ليلحينك ما تزوجت
عمار:كل شى بوقتا حلو…اخليك انا الحين عن اذنك
عبد الله:حياك….التفت و شاف المكتب متروس و رد…كان مستانس وحشد…مسك تليفونه و دق عليها
لجين:الووو
عبد الله:اموووووووه احبج
لجين:هلا عبد الله
عبد الله:هلا بحياتى هلا بقلبى هلا بدنيتى بلى فيها …احبج
لجين:عبد الله ثوانى و ادق عليك
عبد الله: اوكي
لجين:طلال شرايك بهل بدله
طلال:مادرى جربيها بلبس تبين اكثر
لجين:اوكي…اهيا كانت متعمده تدخل غرفت التبديل عشان ادق على عبد الله….ودقت عليه
عبد الله:هلا قلبى …وين انحشتي
لجين:ههه لو تدرى انا وينى …الله يسلمك انا بسوق و قاعده بغرفت التبديل .

.ماقدر اكلمك جدام طلال عدل
عبد الله:هههههههههههههه الحين تخيسين داخل
لجين:لاتحاتى طول ما ئنت معاى ما يصير فينى شي
عبد الله:الا اشهل حركات الحلوه
لجين:عجبك
عبد الله:وايد…بس هم ابى اسمعها منج
لجين:خلها لمن انرد الشاليه
عبد الله:لا الحين ما فينى صبر
لجين:احبك …يالله باي…..وصكته قبل ما تسمع من عبد الله شي
عبد الله:ههههههههه حياتى و الله …تستحى الخايسه .

.اى حلاته البنت جذى اتحس انها بنت من خجلها مو الزباله خفيفه بالمره

لجين اطلعت من غرفت التبديل و هيا تبتسم
طلال:حلوه بلبس
لجين:شنو هيا
طلال:البدله
لجين برتباك:ها…لا مو حلوه بشوفلى غيرها…ورن تليفونها…الوو
عبد الله:احبج…امووه…اموت فيج..امووه
لجين و يها قام يقط الوان هلا عبد الله
عبد الله:طلال يمج
لجين اي .

.

بس اخلص بروح الشاليه على طول و انت
عبد الله:هههههههههه…انا احبج
لجين:اى حتى انا .

.مشتاقه حق سارونه
عبد الله:هههههههههه….لجون شفيج انا ريلج عادى غازلينى جدامه
لجين:لا ما توصل لى هدرجه
عبد الله من كثر الضحك عيونه دمعت:ههههه …المهم انتى ليش رايحه السوق
لجين:ناقصتنى شويت اغراض و باخذهم
عبد الله:وليش ما قلتيلى اعطيج كرت البنك
لجين:لا ما يحتاى معاى فلوس
عبد الله:حتي لو …لجونتى انتى مرتى و انا الى اصرف عليج موانتى تصرفين على روحج
لجين:مافى فرق انا و انت وجب
عبد الله:دام جذى …..مره ثانيه تاخذين كرتي
لجين:انشالله…عبد الله متى بتطلع من الدوام
عبد الله:الحين …بغيتى شي
لجين:لا بس بتروح الشاليه الحين و لا مع اهلك
عبد الله:لا اروح معاهم احسن .

.اذا رحت و انتى موهناك بضيق خلقى بروحي
لجين:اى احسن لاتروح الحين …يمكن يحتاجونك بشي
عبد الله:وانتى متى بتخلصين
لجين:انا شكلى مطوله شوي…عندى جم مشوار بعد السوق
عبد الله:لجونتى لاتعبين روحج و خلى مشاويرج وقت ثانى انا اوديج
لجين:لا تحاتى طلال يمشينى شوى و قعدنى بكوفى ساعه
عبد الله:اى حبيبى ديرى بالج على روحج
لجين:انشالله..وانت بعد دير بالك على روحك و لا تسرع ادرى فيك اتحب السرعه
عبد الله:انتى تامرين امر جم لجونه عندي
لجين:وحده
طلال:لجون شوفى هذا و او…يالله خلصى خلى مكالماتج بعدين
لجين تبتسم:عبادى انا اخليك الحين و من اخلص ادق …يالله باي
عبد الله:باي

طلال:شوفى هذا و الله عجيب
لجين:وايد حلو حتى الوانه هاديه
طلال:يالله جربيه و انا اشوفلج شى ثانى بعد
لجين اوكي
لجين راحت جربت النفنوف ….شيفون حرير لونه لحمى على الوردى و صاير قصه تحت الصدر و فيه فيونكا صغيره .

.لى الركب و بلبس مبين فيه تقسيمت جسمها
طلال:لجون جربى هذا بعد
لجين اوكي…وخذتا منه اتجربه …كانن نفنوف الى تحت الركب لونه ابيض بفوشى و اسع اشوى و فيه و رده فوشيه كبيره تحت الجتف بشوى …وبلبس كان احلي من الحمي

طلال:ها ناخذ اي وجب
لجين:ابيهم اثنينهم
طلال:اوكي
خلصو من المحل و دخلو الى و راه و خذتلها جم بدله على جم بنطرون و جم تنوره و الى اخره…وكل ما خلصت من محل دشت بمحل ثانى لين خلصت كل شغلها من الالف اي الياي
طلال:تبين شى بعد
لجين:لا بس شريت السوق كله
طلال:لجون اليوم وين بتنامين …بشاليه منو
لجين:مادرى بس اكيد بشاليه عمى عبد الرحمن
طلال:اها .

.وانتى حاسبه حسابج على جذى من قبل
لجين:لا عبد الله امس يقولى ما تنامين عند البنات
طلال:وانتى حاسبه حسابج على هشي
لجين:يعنى شلون ما فهمت
طلال:يبا يايبتلج مقصان نوم و لا لاء بصراحه
لجين @@
طلال:خلصى يايبه و لا لاء
لجين انحرجت وحشد:لا
طلال:امشى خنروح مجمع ثانى في محل عنده شغلات حلوه
لجين:@@…وانت شعرفك بهسوالف
طلال:الحين في احد ما يعرف هسوالف امشى بس
و طلعو من المجمع و راحو مجمع ثاني
طلال:اهنى فيه اكثر من محل بس الاول اخذيلج بجامات من و من سيكرت و بعدين نصعد فوق
لجين خلصت من المحل و راحت المحل الى فوق
طلال:يالله ناديلى الى داخل ابى اكلمها
لجين:ومالقيت الا اكسفورد ما بى ادخل
طلال:يالله خلصينى ترا انا ادخل اخذلج على ذوقي
لجين:وى و ى يحسرتى عمى خترب
طلال يضحك:خلصى يالله ناديها لي
لجين اوكي…ودخلت المحل شافت بنات قاعدين ياخذون اشياء حلوه
البنت1:ياهبله هذى سكسى اكثر و الله حلو
البنت 2:لامابى من صجج البس جذى من اول ايام
البنت1:حبيبتى ريايل هل وقت يبون جذي
البايعه الى بالمحل تفضلى مدام اقدر اساعدج بشي
لجين:انا تونى متزوجه و موعارفه شاخذ
البنت 1 اتكلم لجين:تبين اساعدج
لجين تبتسم:والله ياريت
البنت1:اوكى انا احب الى تسمع كلامى …واخذى كل الى اقولج عليه
لجين تبتسم اوكي..بس ما بى شى وحشد عاري
البنت1:اممم…انتى سمعى كلامى و انشالله تدعينلي
لجين:اوكي
البنت اختارت اشياء وحشد حلوه في منها العارى حيل و فيه منها الاشياء المستره بعد ما خلصت .


البنت1:الحين نزلى انور و طاهر اخذيلج الى يصير طويل مع روبه ملوت العرايس
لجين:اوكى …مشكوره تعبتج معاي
البنت1:العفو ما سويت شى بس ادعيلى ها
لجين تبتسم:انشالله
لجين خلصت من الفراره بسوق و خذت كل شى تحتاجه اي عروس حتى المكياج و العطورات ما خلت شى و ما خذته
طلال:الحين وين بتروحين
لجين:ابى اروح الصالون بقص شعري
طلال:اوكى بس بشرط ما تقصينه وحشد
لجين:انشالله…وراحت الصالون و قصت شعرها مدرج كل خصله تختلف عن الثانيه و قصتلها قذله و ستشورت شعرها و طلعت …القصه غيرتها وحشد

طلال:وااااااااااو اتيننين
لجين:صج و الله
طلال:من صجج شوفى شكلج كيكه …اليوم عبد الله يعيد
لجين:طلال
طلال:هههههههههه…المهم انا اقول انروح البيت بدلي…ونروح الشاليه
لجين:اوكي

راحوالبيت و بدلت و حطت مكياج خفيف بس صج شكلها تغير وحشد …ردت لجين الاوليه الى تكشه على الاخر …والى محد يقدر يقايشها بكشختها و لبسها

بشاليه
عبد الله و اهله كانو و اصلين صارلهم ساعه تقريبن…حطو اغراضهم بشاليه …وراحو شاليه اهل لجين…الكل كان مستانس بوجودهم …وخلود الحين لازم اتصير سنعه و تتلزق بحنان و خوات عبد الله …بس البنات ما بلعوها بالمره

ساره:وع ذكرتنى بروان ما درى ليش
اميره:هههه تونى يايه اقولج
دلال:حيالله من يانه
ساره و اميره:الله يحيج
ساره:الا وين لجون
دلال:طالعه مع خالى .

.بس توها مكلمتنى اتقول يايه بطريج
ساره:دلال:منو هذا …عن خلود
دلال:بنت خالى الكبير ليش
ساره:سورى دلال بس ما بلعتها
دلال:وليش تتاسفين كلنا ما نشتهيها …والله لوتدرون شنو ناويه تسوى بلجون يطقكم عقر بقر
اميره:ليش اهيا ما تحبها
دلال:ولا دانى اسمها
ساره:من زين و يها هل بطه يقول خبزه على شنو شايفه عمرها …والله ان قرب صوبها حشيت ريلها
دلال:سمعو السالفه …وقالتلهم كل السالف
اميره:لا مستحيل …امبيه صدمتينى في و حده اتسوى جذى ابنت عمها …والله حرام عليها
ساره:هذا الى ناقص بعد ما بقي الا هل اشكل …واذا عبود و لجون ما عرفولها انا اوريكم فيها
عبد الله:سارونه
ساره:هلا
عبد الله:قولى حق الخدم يحطون اغراضى بشاليه
ساره:من عيونى ….واغراض لجون وينهم مره و حده
دلال:اى وين الخدم خل ياخذونهم
مريم و هيا نازله:لا ما يحتاى انا و ديت اغراضها الشاليه الثانى …توها داقع على و قالتلى اوديهم …بس اغراض عبد الله قالت لحد يجيسهم اهيا اتى و ترتب كل شي
ساره بصوت عالي:اى عاد لجون معلمه عبود على الدلع تصدقين امى ما كانت اتسويله جذى معنا وظائها
خلود:انتو موتفقتو الحريم ابروح و ريايل ابروح
اميره:اى بس هذا اتفاقكم انتو و ما لكم شغل فيهم اهما معاريس و حنه لنا شاليه خاص فينا
ساره:اى و الله…خل يستانس اخوى موكافى يومين نايم بعيد عنها

عبد الله:قولى سنتين مويومين
خلود:يلتها ذابحه روحها عليك مثل منت ميت عليها…لو كنت مهم جان من زمان ناطرتك بشاليه موهادتك و طالعه مع طلال…وهيا تدرى انه امس عندك خفاره

مريم:ماتنلامين حبيبتى مومنج من الواهى الى فيج
خلود بعصبيه:شقصدج
مريم:انتى عارفه انا شقصد…واذا ما سكتى و الله لعلم ابوج عن سوالفج
خلود:الى ما تطولينه بيدج و اصليه بريلج

عبد الله طلع من الشاليه و مسك تليفونه و دق عليها
لجين:الوو
عبد الله:اموووووه انا مشتاق للحبايب
لجين:شوى و اوصل
عبد الله:طولتى على وحشد
لجين بدلع:ماطولت وحشد …بس شويه
عبد الله:اشكثر يبيلكم و توصلون
لجين:مادرى شوى يمكن ربع ساعه او اقل
عبد الله:اوكى حبيبى ناطرج…يالله باي
لجين:باي
طبعن طول الطريج طلال كان يعطيها نصايح و دروس بالحب …وشوى شوى قام يسال بالعميق
طلال:بسالج سؤال بس ابيج اتجاوبينى بصراحه
لجين:وانا متى جذبت عليك
طلال:ادرى انج ما تجذبين بس ما بيج تتهربين من السؤال او تسكتين
لجين:اوكي
طلال:متي اخر مره صار بينكم جماع
لجين@@:من صجك هذا سؤال
طلال يضحك:جاوبي
لجين بخجل:من زمان
طلال:من متى يعني
لجين:طلال شهل اساله
طلال:جاوبي…بصراحه
لجين:من ليلت عرسنا
طلال طق ابريك بقوه و بصوت عالي:شنو ما فهمت يعنى شنو ما صار شى من يوم عرسج …انشالله انتى ليلحينج بنت
لجين طلال بس عاد لاتسال وحشد
طلال و قف بحارت الامان:مانى متحرك لين اعرف السالفه كلها
لجين:طلال هذا اسرار بيتى و ما حب احد يعرفها
طلال بعصبيه:اذا الامور بتوصل لى خراب بيتج لازم تتكلمين…وياخذ نفس عميق…لجون ريلج يشتكى من شي
لجين:لالا..انت فهمت غلط
طلال:فهمينى ابى افهم ليش من يوم عرسج ما صار شي
لجين بقلبه(صك على الحريم):انا ما كنت مستعده
طلال:ولى متى انشالله منتى مستعده…الى ابى اعرفه اهوه دخل عليج و لا لاء
لجين بحراج:اي
طلال:لجون ما يصير تحرمين الريال من حقه الشرعي
لجين:طلال:والله اخاف ما حب هشي
طلال كان مستغرب منها:ليش …لحظه لحظه…علي فكره هشى موبس الريال الى يستانس منه حتى المره …والله اوجد هشى بين الزوجين موبس عشان العيال او شهوت الريال…العلاقه هذى اتقربكم من بعض و تخليكم على قلب وجب…لجون و الله الى تسوينه غلط و اذا الريال سكت عنج مده ما بيتحمل طول العمر …وتري بنات الحرام وحشد …لجون ما بيج تخربين بيتج بيدج انتى بعدج صغيره و موعافه مصلحتج…وعبالج مومبين عليكم…كل وجب فيكم بصوب..عشان جذى خلود ما خذه راحتها على الاخر
لجين:قولى شسوي
طلال:وانا ساعه ارطن شقول…اليله ابى كل شى يتصلح بينكم
لجين:اى بس
طلال يقاطعها:لابس و لا شى فاهمه …والله اذا ما سمعتى كلامى ازعل منج…لجون ما بيج تهدمين بيتج انتى موحاسه بالى قاعده تسوينه
لجين:انشالله كل شى يتصلح
طلال:لجون بذمه ما تحبينه
لجين:امبلا
طلال:خلاص ليش مكبره الموضوع …ولا ما ودج اتصيرين ام
لجين ابتسمت:بس راح اصير ام جريب
طلال@@
لجي:انا حامل
طلال:توج اتقوليلى ما صار شى من عرسكم و الحين حامل شنو تجذبين علي
لجين:لا ما جذب هذا الصج
طلال:يعنى من ذاك اليوم حملتي
لجين:اي
طلال:هههههههههههههههههه….والله ريال
لجين و يها قام يقط الوان:طلال
طلال:هههههههههه ….خلاص الف الف مبروك بس ليش توج اتقولين انج حامل
لجين:الانى ادرى انكم بتاذونى لاشيلين لاتسوين و لاتتحركين
طلال:وهذا الصج …وبعدين ليش ما قلتى الحين البيبى تعب من الفراره بسوق
لجي:واى طلال انا ما افتك من عبد الله تطلعلى انت
طلال:وعبد الله ما يخليج تتحركين
لجين:وايد و اول ايام كل كان يشيلنى ما يخلينى اتحرك
طلال:هههههههه و الله ريليج طلع سبع و موهين
لجين:طلال بس عاد…يالله امش طولنا وحشد
طلال:اوكي…خل اطرش مسج حق عبير ابشرها…والله بتصيرين ام يالجون..الله يتمم عليج
لجون:امين .

.بس لحد يدري
طلال:اوكي
نهايه البارت

  • رواية لجين وعبدالله
  • رواية عبدالله ورسيل
  • شسويتو للكلف
644 views

رواية لجين و عبدالله