10:14 مساءً الجمعة 24 مايو، 2019

روستو الديك الرومي

الديك الرومي روستو في الفرن

المقادير
ديك رومي بحجم مناسب حوالي 7 كيلو)-بصل مقطع شرائح رفيعة – عصير 5 ليمونات – عصير برتقالة – 4 فصوص مستكة – 4 و رقات لاورو – 5 فصوص حبهان – ملح – فلفل اسود – نصف ملعقة صغيرة قرفه
3 شرائح جزر
الطريقه
التتبيل
من قبلها بيوم
نغسل الديك الرومي جيدا و نتركة يتصفى
نحضر التتبيله
ندعك البصل الشرائح مع الملح و الفلفل و القرفة جيدا و نضيف عصير الليمون و البرتقال
ناخد الديك و نتبلة من كل الجهات و بين الجلد و اللحم في الصدر و من قلبة …نضع داخلة و رقتين لاورو و فصين مستكة و 3 فصوص حبهان
نضعة في و عاء عميق مقلوب على و جهة يعني الصدر لاسفل ليتشرب جيدا من التتبيله

ثاني يوم
نشيل الديك من التتبيلة و نصفية من السوائل
و نشيل كل البصل اللي على جلده من برة
في صينية و اسعة نسخن سمن و معه فص مستكة لتشويح الديك
نبدا نشوح الديك في السمن من كل الجهات و من عند الرقبه
بحيث ياخد لون جميل من كل الجهات بالتساوى
الخطوه دي مهمة جدا جدا في قفل مسام الديك و الحفاظ على طراوه لحمة في السوا في الفرن و ايضا بتخلي ما فيش اي زفاره و لا اي شيء مش مرغوب يطلع منه

نحضر صينية الفرن اللي هانسوي فيها الديك
تكون صينية حجمها مناسب و عالية الحواف
نبطنها بالفويل
نضع فيها فصين مستكة و فصين حبهان و ورقتين لاورو و بصل مقطع شرائح و مدعوك بالملح و الفلفل و القرفة و عصير ليمون

نضع فوقها الديك بعد ما شوحناة و نضع على صدر الديك على العظمة المرتفعة منه 3 شرائح جزر و ذلك حتى لا يلتصق جلد الديك بالفويل و لما نيجي نفتح عليه الجلد يتقطع و المنظر النهائي يكون مش جميل …
مهم جدا ان الديك يستوي و يفضل سليم من بره …لا يتكسر من الوسط و لا جلده يتقطع

نضع نصف كوب ماء في الصينية و نغطي الصينية بالكالمل بالفويل
نضعها على البوتاجاز لتبدجا تغلى
ندخلها الفرن على حراره 220 مئوية اسفل الفرن
مهم جدا
علشان نعرف سوا الديك
كل كيلو جرام من الديك محتاج نصف ساعة سوا في الفرن
يعني الديك اللي و زنة 7 كيلوجرام محتاج 3 ساعات و نصف في الفرن
لكن لاننا مغطيينة بالفويل فالحراره بتكون محكمة داخلة فبنقلل نصف ساعة من اجمالي الوقت المطلوب للسوا في الفرن
يبقي محتاجين 3 ساعات في الاجمالى
كل نصف ساعة نفتح على الديك و نشربة من السوائل اللي بتنزل منه…..ليه؟
اولا: علشان يفضل لحمة طري و جلده ما يتقطعش
ثانيا علشان يتشرب بالطعم من السوائل دي و يكتسب لون جميل .

 


بعد مرور ساعتين و نصف
نكشف الفويل من على الديك
نتركة يكمل نضجة في النصف ساعة الاخيرة و هو مكشوف
الخطوه دي مهمة علشان جلده يبقي كرانشي و لونة محمر و جميل
بعد نهاية النضج ممكن تفتحي له الشواية على خفيف لزياده تحمير الوجة حسب رغبتك

طلعية من الفرن
انقلية بحرص على صينية تانيه

غطية على خفيف بالفويل و ثقبي الفويل ثقوب كتير بالسكين علشان البخار يطلع علشان ما الديك يبطل نضج و كمان يحافظ على جلده كرانشي … و اتركية يهدا من حراره الفرن
الديك الرومي لا يقطع ابداااا و هو ساخن حتى لا تخرج منه سوائل و يجف لحمه
الديك بيكون كامال النضج تماما بععد الفتره الكبيرة دي في السوا في الفرن لكن طبيعة لحم الديك كده ان بيبقي فيه سوائل شفافة و هو ساخن فلو قطعناة و هو ساخن هاتخرج السوائل دي و بيفقد الكثير من طعمة المميز و يجف
لكن لما ننتظر لحد ما يبقي فاتر هاتلاقي السوائل دي نشفت و احتفظ الديك بطراوه اللحم و مذاقة رائع

ننتظر الى ان تفتر حراره الديك يعني ممكن نضع يدنا عليه يكون فاتر

204 views

روستو الديك الرومي