9:14 مساءً الإثنين 12 نوفمبر، 2018

شعر للعروسة


شمس الاقبالي

نورت ياحلاها شمس الاقبالي
………………………….والعذرا شموع من حواليها
فز قلبي وانشرح بالي
…………………….يوم شفت الحسن والزين كاسيها
عروستنا دانه انواراها تلالي
………………………تبهر العين من زود الحلا فيها
يابعد عيني يوم شفتها قبالي
……………………….صاح قلبي على الشوق يناديها
يعلم الله حبها في قلبي غالي
……………………….اغلا عندي ومن الدنيا ومافيها .

.

ياناس

ياناس صلوا عالنبى ذكرى النبى فايقاها .

.للهم صلى و سلم على محمد …
ياناس شوفوا حسنها النور منها وقولها .

.لا اله الا لله قولوا .

.
الليل ساكن شعرها و الكحل اصلا رموشها الا اله الا لله …
اعيونها اعيون المها و احلى الورد فخدها لا اله الا لله …
اسمر على ابيض لونها سبحان ربى زانها لا اله الا لله …
الف الصلاة على النبى .

.لا اله الا لله و عليك سعيد و عليك ابمبارك .

.
و الفرح فيكم تبارك .

.عروسنا و عريسنا كملوا نور السنه .

.عريسنا زين الرجال و عروسنا كل الدلال
.

.الا اله الا لله .

.كملوا نص دينهم سبحان جامع شملهم .

.دعيت ربى العالمين يصونهم من الحاسدين

اقبلت

اقبلت حنان مثل البشاره في طرف ليل جلب نوره باثرها
كل نجم من ضياها شب ناره ولا سهر معنا القمر ليلة سهرها

عطرها زف الخبر قبل انتشاره وفلت حجاج المسا طلعت قمرها
دربي امست فرحته ليلة نهاره تنشد غيوم النواظر عن مطرها
**
ما سمح طرفي لحمله بانحداره كل عبره لاول الفرقا ذخرها
فرحه اكبر منتصر وقت انتصاره طلت الوجه الطفولي تختصرها
**
جاد لي تشريفها طال انتظاره فكري وعيني وخفاقي ديارها
جت تهاذا تاره وتختال تاره والدلال ذنوب والعشق يغفرها
**
جت تبي من الشمس ليديها سواره ومن نجوم الليل عقد في نحرها
جت لسان غرورها ينشد عبارة هي درت تسع الكواكب عن خبرها
**
جت ملاك كلها عشق وطهاره جت عنود لفت الراس تعسرعا
حفله يدي مصافحتها في حراره وعيدها لاجات تسبح في شعرها
**
بنت بدو دللوها في الحضارة سالفه عربانها من اول شهرها
كم طلب يدها و لا ظن الخساره طيب يزداد في رفضه فخرها
**

لين روح تفرك يمينه يساره منوته لو هو ولد عم وحجرها
ما تبي الا الى عصمته باختياره ساق شبكتها الغلا وقلبه مهرها
**
وايش عليه ان سولفت عنه بغزاره بين غيدن صانها الرب وسترها
وايش عليه ان خاطت الجرح بمهاره اذكر انه يوم ميلاده شكرها
**
كنت الم الشوق ويزيد انتثاره كنت اسولف واحسب اني منتظرها
ماكرهتك يا الصبر لولا المراره ماعرفتك يا لضما لولا ثغرها
**
ما حملتك يا الهوا لولا الشطاره ما عشقت الغرق لولا نظرها
قلت اببحر والغلا اسباب الجساره احرجتني غرس اغرقني بحرها
**
دونها جفن يغير دونها غاره ما سلمت من السيوف الى شهرها
ليتها تاخذ وفا شيخ الزياره كم لفاني ماخذ منها صورها
**
بح صوت الوجد ما خلصت ثاره وسبحت اشواقي نثرها اللي نثرها
يوم جا للبان وقفه واستداره راحت اتجر اسود الليل بسفرها
**
وادعت درب توعد به سماره وغض خافقي مع غضت بصرها
ما عذرها خاطري وقت انكساره عذرها ان اللي سرا معها عذرها

شيخه الحفل

جت تمشي شيخه الحفل شحلاها = جت تمشي لعرشها مثل الاميره
الارض زانت يوم داستها خطاها = وفي خطاها كالظبي لحظه مسيره
الخجل كل الخجل والله احتواها = بنت ابوها شيخه في كل ديره
هذي عروسنا الزين كله اكتساها = بنت ابوها مابها حسد وغيره
القمر من زينها يطلب رضاها = ومن نفسها الورد هو ماخذ عبيره
من حلاها الكل يحلم في هواها = وكل عين لعينها صارت اسيره
عروسنا شمعه ومنور والله ضواها = عروسنا مهره ومابعد عسفت صغيره
فيها خصر ناحل زاد بحلاها = وفيها عيون واسعات ومستديره
ومعرسنا له اليوم موعد في لقاها = معرسنا فاز بقربها دون غيره
وصلوا على محمد في منتهاها = محمد رسول الله صلاه كثيره

ياعروسه

اطفوا انوار الصاله الليلة عشان
………………………………….تشرق الشمس بعيون الحاضرين
حيوا احلى طله بهذا الزمان
………………………………….حيوا احلى عيون واحلى حاجبين
نوري الصاله واضوي هالمكان
………………………………….ياعروسه كل قلب وكل عين
هذي الليلة يفوح الزعفران
……………………………….هذي الليلة نشم الياسمين
هذي ليلة عمر ” اسم العروس ” من زمان
……………………………..تنتظر هالليلة هذي من سنين
جيت باكر من محاسنها ثمان
……………………………….شعر وطول يغري العاشقين
والرموش السود وعذوبه لسان
…………………………….والبيلض الى يشع بهاليدين
وخصرها كنه غصون الخيزران
……………………………لاتمايل كل خلق الله تميل
ياعروسه هالزمان وكل زمان
………………………………ياعروسه كل قلب وكل عين

فتنه الحفل

هلا يافتنه الحفله ….

هلا والفرحه اكتملت
………………………………..هلا باللي سحرت كل العيون والزين كاسيها
هلا باللي القمر منها رحل يومنها طلت
……………هلا اسم العروس ومثل اسم العروس بالدنيا اثنين مافيها
نويت اني اوصفها وحروفي بوصفها احتفلت
………………………………واشوف الشعر يسبقني ويكتب كل معانيها
عليها من الحسد عيني ذكرت محمد وصلت
……………………………..وعليها من الفرح شعري رقص باحلى لياليها
انا بوصفها اببدا بشعرها يوم له فلت
……………………………….سواد الليل والجبهه قمر نوره يغطيها
وعيونها عيون حوريه ومنها الحور اتحلت
……………………………..يعني باختصار كاملة وجمال الكون بيديها
و(اسم العروس اذا رخت رموشها وسلت
………………………………..تصيب اللي يحب الزين ويعشق غواليها
و(اسم العروس مثل القمر عيونا منها ماملت
…………………………………عسى ربي من الحاسد بامره اليوم يحميها
واليلة الليلة كل الناس احتفلت
……………………….ليلة من العمر صارت اسم العروس اللي تحليها

اهل المدينه المنادي

وهي فكرة منادي في السوق او في المدينه ينادي بان اليوم فرح فلان وفلانه
وهي مقدمه قبل دخول العروسين

وهي فكرة ماخوذه من زفه الف ليلة وليلة بس مختصره
الكلمات:

يااهل المدينه اسمعو واعو
اليوم خطبة او زفاف شمس الشموس
اليوم زفات العروسه اجمل عروس

على فارس الفرسان
على العريس فارس الفرسان

ادعو لهم بالتوفيق من الرحمن

قصيده للعروسين

يوم اقبلت احلى عروس صابت الصاله سكون عم الهدوء كل المكان والكل يناظر زينها

الناس من كثر الجمال ماهي مصدقة العيون يحسبون انها ملاك يوم رمشت في عينها

لولا خوفها على الحضور يصيبهم عشق الجنون كان ضحكت بشفاتها او اشرت بيدينها

حرف الميم بداية اسمها معطر بعطر الدخون يزيدها روعه وحيا ونور وسط جبينها

والنون ثاني حروفها معطيها بهجه مع شجون النون زودها حلات وزود حلا لسنينها

والالف اخر حروفها يعطيها فن من الفنون الالف ختام لاسمها منى الله شزينها

الخير طير بقدومها غرد على كل الغصون الخير كله ياملا في قلبها وفي ايدينها

الورد خدر في كفها من لمسه الكف الحنون يذوب من لمسه ايدها وعطرها وحنينها

ومالوم انا الصاله اذا صابها صمت وسكون مادام منى هي العروس بنسكت ونطالع زينها

قصائد زفات خاصه

اكتب اعذب قصايد جاد فيها خيال=و السعادة بقلبي فوق ما توصفون
الف مبروك يا اغلى غصن ريحان مال=يا بعد قلب “نايف” و النظر يا “هتون”
كل ها الناس عندي لحال و انتي لحال=جيتي باعلى مكان و باقي الناس دون
انتي اللي سكنتي خافق ن لك حلال=وانتي اللي تحرك من غرامك سكون
وانتي اللي سقيتي عذب حبك زلال=وارتوى من حنانك كل ذابل غصون
وانتي شمس لشتايه و لهجيري ظلال=وانتي لاقسى همومي قلب دافي حنون
وانتي اللي لحالك لو طلبتي محال=قلت سمي حياتي منهي غيرك تمون
شلت حبك و قدرك فوق راسي عقال=وصنت عهد المحبه عن كل الظنون
انتي قصة طويله للحسن و الجمال=انتي لوحه تحير فيك علم الفنون
كان بالناس كامل فانتي اصل الكمال=وكان للزين عالم انتي للزين كون
همت حب بجمالك يا شبيه الغزال=(ولا ذبحني بزينك شي كثر العيون)
فوقها من الحواجب ليل مثل الهلال=غير شي ن سحرني بالهدب و الجفون
وخد ما شاب لونه كثر حب الخوال=والشعر من سواده ليل فوق المتون
وبسمتك لا ابتسمتي صوتت لي تعال=وضحكتك فتحت لي ورد حمر الوجون
الدلع و الانوثه و الحلا و الدلال=حركو كل غيره و ان بدوا يقهرون
اطلب الله يسهل مقبلات الليال= و يجعل البيت عامر بالغلا و البنون

  • شعر في العروسه
  • ابيات شعر مدح للعروس للكومنت
  • اجمل صور شعر للعروسه
  • المنادي ينادي في السوق ياأهل المدينة
  • شعر مدح للعروس
241 views

شعر للعروسة