12:00 مساءً الجمعة 22 فبراير، 2019








صينية الدجاج بالبصل

صينيه الدجاج بالبصل

المقادير:فراخ متقطعه و متبله باملح و الفلفل و معلقه خل و ماء بصل بصل مقطع انصاف صلصه طماطم مكعبين ما جى التحضير:اول حاجه هنعمل للفراخ صدمه بمعنى
اننا هنسخن طاسه تيفال فيها حبه زيت و نسيبها تسخن على نار عاليه و نحط الفراخ نديها لون من الجنبين و بعدين نطلعها و نركنها على جنب في طبقالطبخ: نجيب البصل و نرش عليه ملح و فلفل و كمون
و حاولى كتر كميه البصل لأنها بتقل تقريبا للنصف وقت السوا
بعد ما رشينا على البصل ملح و فلفل و كمون و ننزل بيه على الزيت اللى حمرنا فيه الفراخ و يدوب بس ندبله مش يحمر
نجهز بقا
كوب ميه صغيره مغليه و نحط فيها ما جى و معلقه صلصه و ملح و فلفل و كمون و الميه دى اللى هنزود بيها طاجن الفراخ بتاعنا بس انا هنا مزوده الكميه علاشان لما تحتاج ازودها
تانى حاجه
نجهز حوالى 3 معالق صلصه و نتبلهم بملح و فلفل و كمون علشان ندهن الفراخ قبل ما تدخل الفرن علشان تدينى لون و طعم جميييل
بعد ما جهزنا الفراخ و جهزنا البصل و كل حاجه
نحضر الطاجن و نحط فيه البصل و بعدين نحط الفراخ المدهونه بالصلصه المتبله و نزوده بحوالى كوب ميه او اقل على حسب ما تحتاج بالنظر يعنى بحيث ان الميه متنشفش في البصل قبل ما لفراخ تستوى و كل فرته بصى عليها لو احتاجت ميه زودى شويه بشويه
تدخل على فرن ساخن
درجه حراره عاليه اول تلت ساعه و بعدين نهدى الحراره و نسيبها لغايه ما تستوى
و لما تستوى نطفى الفرن و نشغل الشوايه تاخد لون
و والف هنا

 

327 views

صينية الدجاج بالبصل