طريقة عمل السمان بالصور

و بركاته

فتوكاتي حبايبي و حشتووووووووونى

مره كده كنت في العابد اللي على طريق مصر اسكندريه الزراعى

عايزه اشتري حمام بس ما لاقيتش فالبائع قالي خدي سمان

سمان اية !!انا عمري ما جربتة و اكيد مش زي الحمام

قالي انتي بعد كده هتسيبي الحمام و تاخدي السمان

اخدتة و امري لله

و الحمد لله انا اخدتة … طعمة رووووووووعة

بطلوا رغي بقي اووووف


هوريكي كيف طلع و بعدين ندخل عالتفاصيل

صور



الاول بتغسلي السمان بملح و خل و ليمون زي كدة




و بعدين بتجهزي حشو الارز للسمان و هي بصله 2 كاس ارز شويه بقدونس 1 كاس ماء مغلي

تبداي تشوحي البصله لحد ما تغمق شويه مش تصفر بس




و بعدين تحطي كاس المياة المغلي مع البقدونس




و بعد ما تغلي المية مع البصل و البقدونس تحطي الارز و تحطي عليه ملح و فلفل اسود و شويه بهارات




و تسيبية يتشرب مش هياخد خمس دقايق و هيبقي شكلة كدة




سيبي الارز يبرد شويه في الوقت دة حضري الشوربه مياه مغليه و طماطم و فلفل و بصله و ورق لورىوملح و فلفل اسود)




و تبداي حشو السمان اني كنت عامله اربع سمانات و بعدين تلفيها بخيط عشان الارز ما يقعش




و بعد ما المية تغلي تسقطى واحده واحدة




ميزه السمان انه بياخد وقت بسيط في السلق تقريبا 45 دقيقه و بعدين تحمريه

و اخيرا دا مظهر الغدا بتاعي النهاردة




لو عجبكم قيمولي و علقكم

528 views