1:22 صباحًا السبت 20 أبريل، 2019

طريقة عمل الكشرى مثل المحلات

بالصور طريقة عمل الكشرى مثل المحلات 20160908 2286
المقادير
1/2 كيلو مكرونة صغيره
1/2 كيلو ارز مصرى
1/4 كيلو شعريه
1/4 كيلو عدس بجبه
1/4 كيلو حمص الشام
3/4 كيلو طماطم
2 بصلة كبيره
راس ثوم كبيرة مفرومه
معلقه زيت
خل / ملح / كمون / ليمونه

الطريقه
اول حاجة بعملها بنقع الحمص من قبلها بيوم عشان تسويتة تبقي سهلة و بعد كدة بحطة على النار و لما المية تغلي و هيدخل في السوي بحط 1/2 كوبايه عصير طماطم و معلقه ثوم مفروم و ملح و كمون و ليمونة عشان يطلع زي حمص الشام بتاع بره

تاني حاجة المكرونه
هنسلق المكرونة في مية مغلية و نضيفلها معلقه ملح كبيرة اثناء السليق بعدها هنصفيها و نغسلها غسلة بسيطة و نحط عليها معلقه زيت صغيرة و نقلبها كويس و نسيبها

نيجي للرز
هنغسل الرز كويس و نحمر الشعرية و عليها الرز لحد ما يسخنو كويس اوي بعدها نضيف الملح و المية المغلية و نسيبة يغلي لحد ما يتشرب بعدها نوطي النار عليه و نسيبة يستوي براحته
على فكرة اعملي رز الكشري بزيت العباد او زيت الذرة عشان يلمع و يبقي خفيف

العدس
هنغسل العدس كويس و عالنار هنحطة يتسلق و زي الحمص هنحطلة ملح و كمون و اول ما يستوي بصفية من المية بتاعتة عشان لو فضل فيها بيتهري و بيستوي زياده

البصل او التقليه
هنقط بصلتين كباااااااار شرايح رفيعة و لو عندك ما كينة الشيبسي يبقي تمام اوي و لو معندكيش قطعية بسكينة حامية على لوح التقطيع هنحمرة في زيت غزير لحد ما توصلى للون اللي بتحبيه
بعد كدة خدي بالك عشان يطلع مقرمش و مش شارب زيت هنصفية كويس جداااااا من الزيت بتاعة و نحط تحتة حاجة تشرب اي بواقي للزيت مندايل المطبخ او و رقة بيضا و لما يبرد حطي عليه برضة رشة بسيطة ملح و كمون و شيلية من الورقة او المنديل في طبق تاني نضيف

واخيرا الصلصه
هنضرب الطماطم في الخلاط بعد ما غسلناها كويس و عالنار الحلة فيها زيت عباد او ذرة و نحمر فيها الثوم و لما يصفر لونة هنضيفلة الخل و يغلي بسيط بعدها هنحط الطماطم و معلقه كبيرة صلصة ممكن الاستغناء عنها لحد ما تتسبك و بعدها هنغرف و تاكلي احلى كشري و احلى من بتاع برة و اضمن في نضافته

والصلصة لوحدها زي المحلات

وكمان برضة اقدم البصل لوحده

 

  • طريقة عمل احلة كشري مثل المحلات
369 views

طريقة عمل الكشرى مثل المحلات