5:25 مساءً الأربعاء 19 يونيو، 2019

طريقة عمل الكشري بالعدس ابو جبة

صور طريقة عمل الكشري بالعدس ابو جبة

اول حاجة بجيب العدس ابو جبة زي ما بنقول عنه في مصر و هو العدس البنى الغامق و بنقية و نغسلة كويس و بحط عليه مية و بنسلقة نص سلقة بس لانة هيكمل سواة مع الرز

وبعدين نجيب البصل و كمية كبيرة للتقلية و نحطة في الكبة يتقطع شرائح رفيعة جدا عشان يكون مقرمش و جميل

صور طريقة عمل الكشري بالعدس ابو جبة

هنحطة على النار مع شوية زيت

ونحمرة اووى يعني لونة يكون بنى غامق

هنا طلعتة على ورق المطبخ ليمتص باقى الزيت منه معلش الصور غامقة بس هو مش محروق

على طول مكانة و في نفس الزيت نحط الشعرية شوية صغيرين و نحمرهم

وبعد الشعرية ما تتحمر انا غسلت الرز و صفيتة كويس و حطيتة عليه و كمان العدس المسلوق نص سلقه

هنا حطيت المية زي ما بنسوى الرز العادي بالظبط و حطيت الملح و سبتة لغاية ما ميتة نشفت و هديت عليه النار خالص عشان يستوى كله مع بعضه

المكرونة بنسلقها عادي خالص زي اي مكرونة في مية و ملح و معلقة زيت انا بعمل مكرونة صغيرة اوى بتاعت الكشرى و معاها شوية اسباجيتي

هنا صفيتها و رجعتها الحلة تاني

نيجى للصلصه

فرمت التوم ناعم اووى و كمية كويسة عشان نصها للصلصة و نصها للدقة او الكمونية زي ما بتحبوا تسموها

حطيتها على النار مع شوية زيت

ولما اتحمرت حطيت الطماطم المضروبة في الخلاط

وحطيت عليها الملح و الفلفل الاسود و الشطة و بسيبها تتسبك براحتها و تتقل

وكنت ناقعة الحمص في مية و بعدين حطيتة على النار يتسلق

نيجى للدقة او الكمونيه

بجيب التوم في طبق عادي و بحط عليه ملح و فلفل و كمون مطحون و كسبرة مطحونة ناعم و شوية خل و ازود مية و ادوق لغاية الطعم ما يتظبط

وياسلام لو تتفضى في زجاجة زي المحلات بتكون روعة نسيت اصور دى و هي في الزجاجه)

خلاص كدة خلصنا كله هنغرف بقا الرز بالعدس الاول و بعدين عليها المكرونة و الحمص و الصلصة و نحط التقلية او البصل عليه و بالف هنا و شفا

 

  • طريقه عمل العدس ابو جبه مع الكشري
  • طريقه عمل دقه الكشري ابو جبه
  • كيفية عمل العدس ابو جبة
  • العدس المصري ابو جبه
  • صور اختبار الحمل بالملح

396 views

طريقة عمل الكشري بالعدس ابو جبة