2:57 مساءً الجمعة 22 فبراير، 2019








طريقة عمل صلصة الكشرى زى المحلات

اسرار عمل الكشرى المصرى زى المحلات
“””””””””””””””””””””””””””””””””
بالصور طريقة عمل صلصة الكشرى زى المحلات 20160918 456
المكونات
بصل
و رز
و عدس اصفر
و عدس بجبه بنى او اسود معرفش غير المصريين بسموه ايه بس احنا بنسميه بجبه و هو النوع الثانى من العدس غير الاصفر
و مكرونه
و شعريه ..

الطريقة

اول حاجه نقطع البصل جوانح شرائح طويله بعدين نقليه في زيت كتيير .. يعنى نخلى الزيت غزير شويه يحيث يغطى البصل و يفضل يكون زيت ذره .. الزيت الى قلينا فيه البصل ده هو الزيت ده الى هنستخدمه بعد كده في طبخ الكشرى عشان يبقي مشبع بطعم البصل ..

ملحوظه مهمه اوى عملتها و دى من اسرار المحلات
و فرقت معايا كتير في الطعم فاضافه لاستخدم زيت البصل فالبصل نفسه بنغطيه الاول بدقيق قبل ما نقليه خاصه لو لسه جديد يعنى في اول موسمه لما بيبقي البصل مليان ميه مش ناشف زى بصل اخر الموسم ..
عن نفسى حطيته في كيس نايلون فيه شويه دقيق و هزيت الكيس كويس اوى لما كل قطعه بصل تغطت .. طبعا فككت البصل من بعضه بحيث ميبقاش كتل و انما شرائح رفيعه و غطيتها كلها بالدقيق بعدين قليت ..

طبعا بنترك البصل في الزيت لما ينقلى و يبقي بنى غامق مش اسود
.. الاسود ده يبقي انحرق ..
البنى الغامق او المائل للغامق هو ده المطلوب .. نطلعه على ورق نشاف او مصفاه زى ما تحبوا و بكده تكون التقليه جاهزه و انتهينا من اول خطوه ..

الخطوه الثانية
بنجيب العدس ابو جبه و نغسله و نحطه في حله على النار مع ماء كافى للسلق و ملعقه و لا اثنين من زيت التقليه .. ماء نظيف مش من الحنفيه لان الماء ده هو نفسه هنستخدمه بعد كده في سلق الرز . شفتم الحرفنه ..
بالصور طريقة عمل صلصة الكشرى زى المحلات 20160918 457
بعد ما يستوى العدس كويس اوى طبعا اضفنا له شويه ملح صغيرين اثناء السلق عن نفسى اضفتهم في المرحله ما قبل النهائيه معرفش ليه جالى احساس ان الملح ممكن يبطا النضج في العدس زى ما بيعمل في اللحمه .. يجوز
بعد ما ينضج تماما نرفعه من الحله و ناخذ نفس الميه الباقية
و نجهز شويه رز مغسولين عليهم شويه عدس اصفر و مخلوطين على بعض نقلب الرز و العدس في ملعقتين زيت من بتوع البصل
و نستمر في التقليب شويه عشان يطلع مفلفل ثم نضيف ماء سلق العدس .. طبعا نراعى الكميات يعنى نحط كميه الماء مناسبه لكميه الرز بالظبط كاننا بنطبخ رز عادى و منزودش عشان ميعجنش ..

فى المرحله دى لمن لا يتقن طبخ الرز خاصه المفلفل مفيش ما نع بعد ما يغلى نغطيه و نحط تحته صاجه او البتاعه الى بيحطوها عشان يستوى الرز تحت الحله دى ..

وعلي فكره ممكن تسلق معاهم العدس ابو جبه برضه ثانى او تخليه لوحدده تحطه وقت الغرف بس .. عن نفسى حطيت العدس الاسود معاهم بعد ما انسلق بس المحلات مبتعملش كده كله بيبقي لوحده ..
اثناء نضج الرز
اسلق شويه مكرونه صغيريين مع شويه زيت صغيرين و شويه ملح و بعد ما تستوى المكرونه كويس نغسلها بماء بارد بعدين نقلبها مع معلقتين زيت من اياهم .. عن نفسى محطيتش زيت على المكرونه بعد ما سلقتها و اكتفيت بالزيت الى انسلقت فيه ..

برضه مفيش ما نع نحمر ملعقتين تلاته شعريه في شويه زيت لغايه ما تبقي ذهبيه بعدين نضيف لها شويه ميه و نتفه ملح و نسيبها تستوى كام دقيقه تنفع مع الكشرى برضه ..

نلاحظ اننا نستخدم كميات صغيره من كل مكون لان في النهايه هتطلع لنا حله كبيره و الكشرى عامه لو بات مينفعش يتاكل فنحط مثلا كبايه رز على نصف كبايه عدس اسود على نصف كبايه عدس اصفر على نصف او ربع كوب مكرونه و هكذا ..

المكرونه المستخدمه طبعا هى الصغيره اوى و المحلات عامه بتحط منها و بتحط كمان اسباجيتى مقطعه قطع صغيره ..

نيجى لغرف العدس بقي ..
سهله اكيد الكل عارفها زى بتوع المحلات ..
ناخذ شويه رز بعدس .. نخبط المغرفه في الحله .. نحط عليهم شويه عدس اصفر .. نخبط خبطتين تانى .. نجيب شويه مكرونه و عليهم شويه شعريه
و اخيرا التقليه على الوجه ..
و مفيش ما نع ابدا من اضافه بعض الحمص الكبير حمص شامى مسلوق على الوجه بس بصراحه نسيت الحمص بيتعمل ازاى فمحطيتوش . .
بالصور طريقة عمل صلصة الكشرى زى المحلات 20160918 458
الطريقه دى جهنميه و زى كشرى المحلات بالظبط .. جربوها و ادعوا لى ..

كنت هنسي طبعا لازم جنب الكشرى سلطه وصلصة
.. الصلصه بقي سهله جدا .
. نجيب شويه سمنه و نقدحهم على النار ..
ملعقتين تلاته صلصه و يفضل طماطم مضروبه في الخلاط كويس احسن .. نسيبهم يغلوا شويه مع ملعقه و لا اثنين خل
. شويه ملح و فلفل و شطه و تبقي الصلصه جاهزه و بالهنا و الشفا .. و على فكره احيانا بحط على صلصه الكشرى كتشب و بيمشى الحال ..
و بالهنا و الشفا

  • صلصة المكرونه زي المحلات
  • طريقة صلصة الكشري زاي المحلات
736 views

طريقة عمل صلصة الكشرى زى المحلات