يوم الثلاثاء 6:40 مساءً 23 يوليو 2019

طريقة عمل ملصقات حائط

 

صور طريقة عمل ملصقات حائط

 

هذه الملصقات الثمن ديالها مرتفع 300 درهم و اكثر و كاين لى شويه اقل و لكن صغيرة و عندها طريقة شويه صعيبه في التلصاق ديالها في الحائط و لكن لى هاذى نصايبو ساهله ممكن نلصقوهم في المطبخ و غرفه النوم …
و دبا نشوفو اللوازم لى خاصنا

1 الورق اللاصق و يسمي بالفرنسية papier adhésif اكتبو في google هذه الكلمه و هاذى تلقاو الانواع بزاف
2 مقص – قلم رصاص – مشراط cutter – سكوتش
3 ورق كربون لى في الصورة لونة ازرق هدا الورق فيه جهه كتكتب و جهه عازله مكتكتبش
4 الرسم لى بغينا نرسمو نشوفو في الانترنت الصورة لى بغينا و الشكل لى يناسبنا مطبخ و لا غرفه نوم … و نطبعوها

دبا نشوفى طريقة الرسم

 

اولا نحطو ورق الكربون فوق الطاوله الجهه العازله هي لى فوق الطاوله و الجهه لى كتكتب تكون الفوق و نحطو فوقها الرسم لى بغينا كيف و اضح في الصورة و باش ما تحركش
الصورة نتبتوها في لجناب بالسكوتش
و من بعد نعاودو على جناب ديال الرسم بقلم الرصاص .

 

 

كيف كتشوفو من بعد ما عاودنا على لجناب ديال الصورة ورق الكاربون طبع لينا في و رقه الرسم من الجهه الاخرى كيف و اضح في الصورة
ممكن اننا نطبعو مياشره في ورق اللاصق papier adhésif و لكن الى كانت شي صورة بحال لى دايرين كيف ما جات
و لكن الى بغينا مثلا نرسمو شي ايه قرانيه ضروري نديرو هذه الطريقة باش ما تجيش مقلوبة

و هاذى هي المهمه دبا ناخدو ورق اللاصق papier adhésif نوضعو الجهه اللامعه يعني لوجة ديالو فوق الطاوله و الجهه الاخرى فوق كيف و اضح في الصورة على اليسار
من بعد نوضعو ورق الكربون دبا الجهه لى كتكتب في الاسفل فوق ورق اللاصق papier adhésif
من بعد نوضعو الصورة ديال الرسم ديالنا و نتبتو كل شي بالسكوتش كما في الصورة
و نبداو نتبعو على لجناب ديال الصورة

طريقة التقطاع درت ليكم غى هاذ الصورة كنت ما زال ما رسمتش الصورة لى درت في الاول

المشراط cutter باش نقطعو الوسط ديال الرسم الى مقدرناش نقطعو الوسط ديال الصورة بالمقص
بحا لى في الصورة في شكل ديال A

بعد ما قطعنا الصورة و اصبحت جاهزة نلصقوها في الحائط هاذى لصقتها في المطبخ

 

 

282 views

طريقة عمل ملصقات حائط