طريقه كعك العيد بالتمر من جربتها و طلعت هشه و لذييييييذه جدا
اولا: العجين
تقريبا 2 كغ طحين (8 اكواب)
2 و ربع كوب زبده
ملعقه صغيره جدا باكنج باودر
كوب سكر مطحون
كوب حليب ناشف
بيضه
فانيلا
ربع كوب ماء
نخلط المكونات الجافه و نضيفلها الزبده و ندعك العجين منيح مع الزبده حتى يتشربها…ولو حسينا الزبده قليله نضيف ربع كوب زبده…ولو العكس نضيف طحين…((حسب نوع الطحين))
بعدين نضيف البيضه و نعجنها مع الخليط…ونضيف الماء تدريجيا حتى نحس انه العجين صار ممكن تشكيله….مو شرط نضيف كل كميه الماء…لانه لو كثر الماء بتصير العجينه قاسيه …المهم ما يزيد الماء عن ربع كوب.
ثانيا: الحشوه
اما تمر معجون مع قرفه و يانسون و هيل
او
فستق حلبى مطحون و معجون مع ماء زهر و قطر ثقيل((شيره))
ثالثا:التغطيه
سمسم او حبه سودا او مكسرات…او بدون.
وتشكل العجين حسب الرغبه… و ما تاخذ وقت بالفرن…وصحتين و عافيه…جربوها من جد كثيييييييير روعه و مثل الجاهز 
