7:35 صباحًا السبت 17 نوفمبر، 2018

عبدالحكيم القحطاني


يوم الجمعة كان لنا لقاء مع الاخ عبدالحكيم القحطاني ابو ود الاخ الاكبر لياسر القحطاني وكان لقاءنا في منزله …
رحب بنا ورحب بالاخوه الاعضاء في منتدى القناص .

.
ابو ود الله يسلمه كان عزوبي ذاك اليوم .

.

فطبعا مهنا قهوه ولا شاهي .

.

بس سوالفه نستنا القهوه والشاهي والمويه
تكلم لنا عن ذكرياته مع ياسر .

.

وكيف بدا ياسر ممارسته لكره القدم .

.

وبعض المواقف المضحكة اللي حصلت بينهم …
بعد هذي المقدمه نترككم مع اللقاء .

.

ونخلي ابو ود يسولف عليكم .

.

انا علمت ياسر تشجيع الهلال صور عبدالحكيم القحطاني

بدايات ياسر كانت على يدي .

.

بدايته كنت اموت على شيء اسمه هلال .

.

فكان اول شي سويته اني خليت ياسر يحب الهلال .

.

و كنت اجيب له الاعلام اخذه معي للمباريات .

.

واخليه يشوف اللاعبين .

.

ويصور معهم .

.

لاحظت عليه في بداية عمره .

.

انه يحب الكوره .

.

ولمسته للكوره .

.

كانت مختلفة عن الاولاد الى مثل سنه .

.
فبديت اعلمه .

.

وكان اول درس هو انه ما يخاف من الكوره .



فكنت .

.

اخليه يوقف عند الجدار وابدا امزعه بالكوره .

.
لين تعلم كيف يتعامل بالكوره بشكل صحيح .

.

تعلم الاساسيات .

.

وبعدها يوم كبر بدا يلعب مع الجيران في الحارة .

.

وتطور الوضع .

.

يوم بدا يلعب مع فريق العقربيه .

.

وكانوا مجموعة شباب … علاقتهم قوية في بعض .

.

ياكلون كوره
ويشربون كوره … وكان ياسر من ضمنهم .

.

بعدها انتقل ياسر الى فريق لوتو الى كانت ترعاه نفس الشركة وكان مدربهم في ذاك الوقت حمد الدوسري مدرب نادي القادسيه للشباب …

الوالد كان رافض احتراف ياسر القحطاني كره القدم .

.

وانا ضمنته

بعد التحاقه بفريق لوتو .

.

وكانوا يشاركون في مسابقات رسمية في عده انديه وكان ياسر له دور بارز في الفريق
واشتركوا في بطوله كانت تقام في ارامكوا وحققوا فيا المركز الاول … وحصل ياسر على لقب هداف البطوله .

.

بعد ان كان مرشحا في حال عدم حصوله على لقب الهداف … ان يحصل على لقب افضل لاعب …
بعدها اصبحت الفكرة تراود ياسر بالالتحاق في احد الانديه السعودية .

.

وكانت رغبه ياسر في الانتقال لنادي الهلال .

.
لكن الوالد رفض ان يلعب ياسر كره القدم لاي نادي وان يلتفت لدراسته .



.

.

.
لكن تم الاتفاق بيني وبين ياسر اننا نلبي طلب حمد الدوسري الى كان بينه وبين الوالد اتصالات … لمحاوله اقناعه بالالتحاق في نادي القادسيه .

.

على اعتاب نادي القادسيه قلت له يا ياسر انت بتحترف في الهلال

تم اقناع الوالد بالالتحاق في نادي القادسيه بعد ان ضمنت ياسر له بان يكمل دراسته ….

واذكر اول يوم وديت ياسر فيه
لنادي القادسيه قلت ياسر .

.

ضمنت للياسر بان يحترف في نادي الهلال … وهو حلم عنده وكان يشك في عدم تحقق هذا الحلم .

.

و سبحان الله اللي يخاف ينجح .

.

لان ياسر كان ينظر الى الاحتراف في نادي الهلال بشكل جدي … ومن يومها كنت عارف ان ياسر راح يحترف في نادي الهلال .



.

.

.

لعبت مع يوسف الثنيان ووجه لي دعوه بالاحتراف بنادي الهلال

في احد البطولات الكرويه في المنطقة الشرقيه .

.

حضر الكابتن يوسف الثنيان .

.

لافتتاح هذي البطوله …
وكانت هذي البطوله .

.

كبيرة ومميزه من حيث التنظيم… وشاركت فيها كل فرق الحواري في المنطقة الشرقيه … لكن خبر وجود الكابتن يوسف الثنيان في افتتاح البطوله ما جانا الا قبل يومين .

.

والخبر الثاني انه كان راح يشارك في المباره الافتتاحيه فقط لمدة 15 دقيقة مع احد الفرق .

.

ولسوء الحظ لم تخدمنا القرعه في اللعب في المباره الاولى .


طبعا .

.

انا ما قدرت امسك نفسي .

.

وقلت لاعب لاعب في المباره الافتاحيه الله لا يعوق بشر .

.

وقمت احوس وافكر من هنا بس ماش عجزت .

.

قلت خلني اكلم منظم البطوله عساه يضبطناا … قعدت عند باب بيته حوالي ست ساعات لين جاء
وعطيته الزبدة .

.

قلت له انا رجال لاعب لاعب … حاول يقنعني ما يصير .

.

قلت له بالعب والا باخرب .

.

المهم قالي خلاص اشوف حل واكلمك … و كلمني وقالي تعالوا يوم الافتتاح كاملين باغراضكم ويصير خير .

.
طبعا الرجال شيك الرجال على احد الفرق الى كانت مشاركه في المباره الافتتاحيه .

.

وقالهم قائمة اللاعبين عندكم ناقصة واحد .

.

..

قالوا له خوينا هذا في جده وبيجي بكرا .

.

وحنا مستعدين نلعب بدونه … قال لا يا تجون كاملين ,

,,
والا راح .

.

نستبدلكم … وفعلا تم الاستبدال .



.

.

وحضرنا المباره وكان طقمنا ذاك اليوم ازرق وابيض ومكتوب عليه فريق العقربيه .

.

طبعا يوسف ما حددوا له اي فريق راح يلعب .

.

رحت له وكلمته انه يختار فريقنا .

.

قال لي عندكم فنيله رقمها 15 قلت ايه وفوق كذا ازرق وابيض … قال تم .

.

طبعا المخطط كان ان يوسف يلعب 15 دقيقة بس … لكن ابو يعقوب كمل المباره …

بعد المباره جاء في بالي ان اعزم ابو يعقوب وقلت يمكن ما يوافق بس قلت منيب خسران شي .

.

رحت له وكلمته وقلت يا ابو يعقوب ودنا انك تتعشى معنا .

.

قال ابو يعقوب هذي الساعة المباركه .

.

وجهزوا عشاكم ومكانكم وانا جايكم .

.
وفعلا جا ابو يعقوب وتعشى معنا وطلب مني انا ومعي كم واحد في الانضمام لنادي الهلال .

.

لكن الوالد كان رافض رفض تام ان العب كوره لانه كان يحتاجني معه في شغله ….

وكانت ليلة ما تنسى وكان ودي ياسر يكون معنى .

.

بس كان نايم عشان عنده مدرسة …

ياسر يسبب المشاكل وانا اللي اكلها .

.

طبعا دايم الاخو الكبير هو اللي ياكلها بحجه انه قدوه … وكان الوالد دايم ما ينبهني على اخواني ,

,

وسو و لاتسوي .

.واذا اخطاوا انا اول من ياكلها مع ان مالي شغل بالسالفه …

في اخر جيه لياسر للمنطقة الشرقيه … كان الوالد ما يدري .

.

وسمع ان ياسر موجود في الشرقيه وكلمني .

.

قالي ياسر فعلا موجود .

.

وقلت ما ادري .

.

انا كلمت ياسر وطلع فعلا موجود في الشرقيه .

.

فقلته الوالد يدري انك في الشرقيه فقالي .

.

الحين بامرك نروح نتعشى عنده ان تجهز وانا الحين جايك …

طبعا انا تجهزت لياسر على اني باطلع معه للشايب .

.

وسحب علي ياسر ولا عاد صار يرد على الجوال ورحت للشايب لحالي وخلاني من دون عشاء …
وقال انت الى مخرب ياسر .

.

عارف انه فيه بس انك زابنه .

.

ما تبيه يجي لكن جزاء لك ما فيه عشاء .

.
طبعا انا نمت ذاك اليوم بدون عشا .

..

ومن ذاك اليوم وانا حاقد على ياسر ….

عبدالحكيم انا رجال لا عاد تضربني

انا ما تعودت احد يصحيني الا الوالده الله يحفظها .

.

لان هي اللي تعرف كيف تصحيني .

.

ذاك اليوم كنا متاخرين شوي .

.
والوالده تناديني تبيني اصحى وانا في سابع نومي .

.

المهم .

.

ارسلت ياسر يصحيني وكان ذاك الوقت عمره 11 سنه .

.

فتح الباب .

.

ودخل وبدا يصارخ قم تاخرنا يجر البطانيه .

.

المهم انا طارت عيوني واجي وامسك ياسر وشلته وافتح باب الغرفه واحذفه .

.

هو زعل المهم ركبت السيارة والتفت عليه ,

وهو معصب وقلت له

:

خلاص عاد الى الحين وانت زعلان .

.
قال

ايه قلي اطلع من الغرفه .

.

بس لا عاد تضربني تراني صرت رجال …

القناص قناص حتى لو صغرت المرمى

مره من المرات كنا طالعين البر .

.

المهم بدوا الشباب يلعبون كوره ومن ضمنهم ياسر المهم جيت قلت فرقوني معكم .

.

ويستلمني ياسر يا الشايب ويا الشايب .

.

يا الله حسن الخاتمه .

.

المهم قلت انا باقعد دفاع وهذا وجهي ان عديت طبعا هو ما عدا هو سحب تسحيب اليم واهلكنا بالاهداف .

.
وش سويت انا .

.

كل ما لهى ياسر عني جيت صغرت المرمى وكل مره على هالحالة .

.

لين صادني ياسر .

.

لاني من كثر ما صغرت المرمى .

.

اختفى يا الله تتدخل فيه الكوره .

.

المهم و لا اهتم لي و جا سحب فيني وجاب فيني هدف همن قال لي

عدل المرمى .

.

عبد الحكيم شب الضو

مره من المرات جالسين انا والشايب .

.

في المجلس المهم اشتهى الوالد انه يجلس في بيت الشعر .



.

نادى واحد من العمال .

.من الجنسية المصرية .

.

وقاله يا فلان شب الضو .

.
المهم طلعت انا والقى ذا العامل ينادي يطل من بيت الشعر و ينادي يا شب الضو فينك يا شب الضو .

.

حسبته انهبل .

.
اثاري الرجال ما عرف وش السالفه .

.

صرفته .

.

وراح جلس مع ربعه ويشكي لهم يقول مين شب الضو ده

!!!
قالوا له شب الضو معناها ولع النار .

.

رد العامل .

.

هوا انا عارف شب عشان اعرف الضو …

153 views

عبدالحكيم القحطاني