6:05 صباحًا الأحد 26 مايو، 2019

عندما عبروا حدود الظلام

صور عندما عبروا حدود الظلام

( عندما عبروا حدود الظلام )

الفصل الاول حياة جديدة .

 

.

وسط الماء .

 

.
و تحت جنح الظلام .

 

.
بين زمجره الريح .

 

.
و ضوضاء العويل .

 

.
عانقها ذلك الالم .

 

.
الهب عقلها بمئات الخيالات .

 

.
جمدت .

 

.
مشاعرها اختنقت ثم تبعثرت .

 

.
شدها نحوة .

 

.
لفها ببروده كقمم الجبال .

 

.
همس في اذنها الاف العبارات .

 

.
اضطربت .

 

.
احزانها غرقت ثم طفت .

 

.
ثلاثه عدد الايام .

 

.
و مدي العمر تبقي الاحزان .

 

.
ارتدى عباءه الايمان .

 

.
و تجلدي بالصبر..
يا جرحا نازفا يحكى الاهمال .

 

.
يا قلبا نابضا يرفض الاستسلام .

 

.
يا قبله طبعت على جبين الالام .

 

.

((هى ليست ملاكا على صورة بشر .

 

.

 

))

يوم الاثنين 8 / 1/ 1427ه
في مستشفي تبوك

: حالتها صعبة جدا , انقلها من باب الطوارئ , بسرعه .

 

.
عيونها كانت مفتوحه تتامل كل شي حولينها و صوت اصطكاك اسنانها مسموع بوضوح من قوه الرجفه و النفضه اللى في جسمها , طالعت في الطبيب اللى يصارخ عشان يستعجلون باخلاء الممر و رجعت ثاني تطالع في الرجال الملتحى اللى ما سك يدها و يضغطها بقوه و هو يقول لا حول و لا قوه الا بالله .

 

.
طالعت في الاضواء المعلقه على السقف الابيض و هي تلمع شوية و تختفى و غمضت عيونها تستمع لصوت عجلات السرير تتردد في اذانيها من البعيد بشكل غريب مختلط باصوات الناس و صراخ الطبيب و صوت عذب يدعى و صوت ابواب معدنيه تنفتح و تنصك و بعد ما وقف السرير اللى حستة يغوص بها في مكان بلا ابعاد فتحت عيونها و شافت نفسها في غرفه مليانه اضواء و رجال متلثم معاة ابره و ظلاااااااااااام .

 

.
اش اسم المريضه

 


ما ادرى ما لقينا معاها اوراق هويه و ما فتحت فمها بكلمه من انتشلناها .

 

.
لا تقول هذي و حدة من الناجين , مو معقول .

 

.
الا , سبحان الله انكتب لها عمر جديد .

 

.
طيب ما في احد من اهلها يدور عليها .

 

.
للاسف ما في اي خبر الا الان .

 

.

*************************

( هي ليست ضعيفه تدعى القوه .

 

.))

يوم الثلاثاء 9 / 1/ 1427ة
في نفس المستشفي
الكشف و الفحوصات المبدئيه تدل على فقدان ذاكره , لكن ما ادرى مؤقت و لا لا .

 

.
لاحول و لاقوه الا بالله .

 

.
صراحه ياعم ابو عصام زين اللى فقدت الذاكره بس , ما توقعت تكون حيه و واعيه لهذا الوقت , البنت فعليا لها ثلاث ايام بدون اكل او شرب و باذله مجهود خارق و سط برد جمد اطرافها , الحمد لله الله ستر عليها , عندها حاليا صدمه عصبيه حاده جدا جدا يمكن هي سبب فقدان الذاكره او العكس , اعطيناها مغذيات و مهدئات و محاليل و الله يوفق , المهم ما دريت عنها شي

 

؟..
و الله ما ادرى عنها اي شي يادكتور , زودنا الشرطة بصورتها من ساعة ما لقيناها و الى الان ما درينا عنها شي , و لدى عصام راح يشوف الشرطى اللى جا .

 

.
تقدم عصام من ابوة و الدكتور و قال ابويه الشرطى يبغي يكلمك .

 

.
و قف الشرطى متردد و هو ينقل بصرة بين الاب و ولدة بعدين قال و الله ما اعرف اش اقولك يا عم على , اللى صار شي ما يتخيلة عقل , مختصر الكلام البنت ما عاد بقى لها اهل , ما توا كلهم في الحادثه .

 

.

************************

( هي ليست حره لترسم مصيرها )

فى فيلا و اسعه و فخمه في حى المروه بجده
يوم الثلاثاء 16 / 1/ 1427ة بعد الغدا

احمد واحد منكم بيتزوجها رضيتم و لا انرضيتم .

 

.
عبدالرزاق بعصبيه امي عاجبك كلام ابويه اللى ما يخش العقل .

 

.
جاسم بهدوء عبدالرزاق احترم الفاظك .

 

.
اشر عليه عبدالرزاق و قال بضيق اذا كان عاجبك الموضوع ليش ما تتزوجها انت سيد جاسم مو انت الكبير و انت اللى تعرف اخوها , انا ابغي اتزوج بكيفى و البنت اللى انا اختارها , طاق ال29 و لسة ما تزوجت و لا خطبت .

 

.
حس حاسم بضيق من كلام اخوة فقال بعصبيه اخوها ما اتذكر منه الا اني شفتة مره و حدة في جواز عبدالله قبل سنه , بعدين ما لك دخل فينى طاق ال29 و لا ال40..
شهقت ام جاسم و قالت جاسم , عبدالرزاق احشموا ابوكم قاعدين تهاوشون قدامة .

 

.
تدخلت الجوهره لاول مره و قالت بضيق امييييييى و الله حرام اش ذنبهم اخوانى في اللى يصير , صح البنت يتيمه و ما لها احد غيرنا بس .

 

.
لف عليها عبدالرزاق و قال بوقاحه اقول انتي اسكتى ما بقى الا انتي تتكلمين …
خاطبة جاسم ببرود و قال لا تعصب و تحط حرتك في الضعيفه , هذي مهى طريقة تخاطب فيها اختك الكبيرة يا متعلم .

 

.
و قف عبدالرزاق و قال بصوت عالى و هو ياشر بيدة انت بالذاااات لا تتكلم .

 

.
و كمل بتريقه و هو يمط كلامة بطريقة المستبعد بتدبسنى في المجنونه بننننت و للللللد خاااااااااااله جدتك و ما تبغانى اعصب .

 

.
تنهد جاسم و قال ابويه خلاص انا باتزوجها .

 

.
اختلطت صرخه الجوهره باستنكار مع صوت امة جاااااسم .

 

.

*****************************

( هي ليست نسمه هواء رقيقه تعبر بخفه حيث لا تستطيع ملاحظتها )

بعد شهر في نفس الفيلا
يوم الخميس 16 / 2 / 1427ة بعد صلاه المغرب

انفتح الباب بكل قوتة السلااااااااااااام عليكم .

 

.
لف ابو جاسم على باب المجلس و ابتسم بحب لمن شافها و قال هلا , هلا و الله باحلى بنت في الدنيا , هلا و غلا ب ازهار .

 

.
جرت ازهار على امها و ضمتها و هي تقول فديتك ما ما و حشتينى .

 

.
طااااااااالع فيها ابوها و قال نعم , هذا و انا اللى مرحب بك مو هي .

 

.
ضحكت هي و امها و قالت اوووة لك الحشيمه يابابا بس هذي الماما ما اقدر عليها .

 

.
و قامت له و قبل ما تضم ابوها جاهم صوت مزعج يقول يا سلاااااااااام , و خرى عن ابويه لو سمحتى .

 

.
نطت ازهار و ضمت ابوها قبل ما توصلة العنود و قاموا يتصارعون مين يضمة .

 

.
ابوية يا الدب .

 

.
بابا يا عمود الكهرب .

 

.
يععععع طالعى بس كيف تقولينها بابا , اسمه ابوية .

 

.
روحى يالبدويه يا ثقيله الدم , بابا و انا حرة .

 

.
ضحك ابو جاسم و هو يطالعهم و قال و هو يضمهم الثنتين بس كلكم بناتي , لا ترجون راسي .

 

.
قالت ام جاسم قوموا عن ابوكم ذبحتوة .

 

.
تصنمت ازهار في مكانها و سرحت فجاه , الكل طالع فيها بترقب , و شوية لفت عليهم و قالت بضحكه اروح اجيبلكم عصير برتقال من يدينى الحلوة , سويتة اليوم العصر .

 

.
ضحك الكل عليها و من خرجت قالت العنود و هي تتنهد و اااااى و الله قلبي عورنى حسبت…
قطع كلامها رنين التلفون , رد عليه ابو جاسم و قال بعد ما سمع الصوت هلا و الله بجاسم , كيفك يا و لدى

 

 

متى بتجينا

 

؟..
و سحبت منه ام جاسم التلفون بعد ما رجتة و هو يتكلم من كثر لهفتها على و لدها البكر .

 

.
**
قالت سيتى بحماس يوووووو ازهاااااااااااار اس هادا

 

 

هادا شغل مرررررة هلوووو .

 

.
ضحكت ازهار هي تثبت شرايح البرتقال على طرف الكاسه و تحط مراوح العصير اللى اشترتها من محل ابو ريالين .

 

.
شالت الصينية و مشت للمجلس , لمن دخلت و سمعت اسم جاسم بسررررعه حطت الصينية على الارض و قالت ما ما تكفيييييين ابغي اكلمة و الله و حشنى .

 

.
ضحك جاسم و قال لامة مين اللى و حشتها لها الدرجه

 

 

العنود و لا الهنوف

 

؟
ما سمعت الام سؤالة من التردد و الحيره اللى شغلتها و شغلت الكل ما عادا ازهار اللى اخذت السماعه من امة و قالت جاسم .

 

.
حس جاسم ب شي يلتوى بداخلة , قال بهمس العنود

 

؟
ضحكت و قالت حراااااام عليك تشبهنى بام الصوت النشاز هذي , انا ازهار , مسرع ما نسيتنى يالدب .

 

.
بلع جاسم ريقة و هو يحاول يستوعب اللى يصير , ازهار من بين كل اخواتة هي اللى تكلمة بعد هالانقطاع الطويل , و فوق هذا كله تكلمة بطريقة ما تخيلها .

 

.
جسوم يالوحش انا قاعده اكلمك .

 

.
هذا هو صوت زوجتة اللى ما يتذكر ملامحها بشكل و اضح , سحب نفس و قال هلا ازهار كيف حالك

 

؟
سكتت بصدمه و بلا مقدمات رمت السماعه على العنود و طالعت فيهم بحيرة , قالت ام جاسم و هي تضمها بسم الله عليك , اش فيك

 

 

اش صار

 

؟
قالت بصوت خافت و هي تطالع في يدينها اللى ترتجف صوتة غريب , هذا مو جاسم .

 

.
ضمتها الام اكثر , رفعت العنود السماعه و قالت بسرعه لمن سمعت جاسم ينادى ازهار هلا جاسم , لا بخير نكلمك بعدين , هاااا , طيب .

 

.
سحبت التلفون و خرجت من المجلس و عيونها معلقة على ازهار اللى صارت شاحبه و هي في حضن امها اللى قاعده تقول يمة هذا جاسم , اش فيك

 

؟
هزت ازهار راسها و قالت لا مو جاسم , مو اخويه , كيف ما ميزت صوتة

 

؟
ضمتها ام جاسم اكثر و قالت بالم يمكن لانك ما سمعتى صوتة من زمان , و يمكن بسبب التعب اللى صابك الفتره اللى فاتت .

 

.
غمضت ازهار عيونها و قالت جوه نفسها الكلام اللى و دها تصارخ به على العالم لكنها تخبية عشان ما تخوف امها و اهلها يا نااااااس ليش احس نفسي غريبة عنهم و ما قيد عشت معاهم , احس كل شي جديد عليه , و احيانا احس بخوف يزلزلنى من داخلى , يااااااارب استر , يارب ارحمنى , هذا اية اللى فينى

 

 

ليش ما اتذكر طفولتى , ليش ما اتذكر اي شي يمضى عليه الوقت , مو معقوله هذا كله فقدان ذاكره من الصدمه اللى صابتنى بعد الحادث , مو لدرجه اني انسي اخوانى و اصواتهم , حتى عبدالرزاق صار لى نفس الموقف معاة , حسيت صوتة غريييييب عنى , حتى بابا و ما ما غريبين و الله خايفه , اش اللى فينى

 

 

))..

*******************************

غمض جاسم عيونة و رمي نفسة على السرير و هو يزفر بقوه , لف عدنان عن كمبيوترة و قال اذكر ربك .

 

.
و رجع يطقطق الازرار , لف عليه جاسم بعد ما قال الشهاده و قال بعد فتره صمت ما يقلق سكونة الا صوت ضغطات الازرار كلمتنى .

 

.
ساب عدنان شغلة و لف الكرسى الدوار بالكامل و دف نفسة الين سرير جاسم و قال بحماس ميييييين

 

 

لا تقول زوجتك .

 

.
تافف جاسم و قال و هو يسحب المخدة و يضربة طيب بلا شي هذي النظره المتحمسه لانى ما نى فايق لك .

 

.
ضحك عدنان و قال و هو يرجع له المخدة برميه و الله متحمس , ليش ما اتحمس , ابطال قصتى الجايه ان شاء الله انت و ازهار..
اعطاة جاسم ظهرة و قال و الله من جد فايق , روح لمنتداك و قصصك يالمؤلف العظيم .

 

.
سكت عدنان شوية و هو يفكر انه يمكن تضايق بسبب عقده الذنب بعدين قال بصوت هادى اش فيك متوتر و معصب

 

 

انا عارف انها اول مره تكلمك بس ما اظنها كانت محادثه صعبة لها الدرجه , في النهاية البنت حتتذكر كل ما ضيها و بتعرف كل التضحيات اللى سويتوها عشانها …
البنت خافت و رمت السماعه لمن كلمتها و قالت انه هذا مو اخوية جاسم , صوتة غريب و ما اعرف اية و من ذاك الكلام و هلم جرا .

 

.
قصدك انها بدات تتذكر و تحس

 

؟
الله اعلم .

 

.
الله يستر ان كان بدات تتذكر .

 

.
كم مر على الحادث

 

؟
ما ادرى بس اللى اعرفة انه مر شهر بالتمام من يوم انصفقت على راسي و وافقت على اللى يصير دحين .

 

.

*****************************

( هو ليس مجبرا ليسير حسب اهواء الاخرين .

 

.))

قبل شهر في العنايه المركزه بمستشفي الملك فهد بجده
يوم الثلاثاء 16 / 1/ 1427ة في الليل:
جاسم و لدى انا عارف انه اللى اطلبة صعب .

 

.
نزع جاسم بصرة عن الشبح المسجي على السرير و مثبتة فيه عشرات الاسلاك و قال لابوة الواقف عند باب الغرفه خلاص ابوية ما عليك منى , انا رجال , كل الدعوه توقيع على ورق و اذا ما ناسبنى الوضع اخرج منه بسهولة , و بصراحه بعد ما فكرت في الموضوع البنت يتيمه و فاقده الذاكره و ما لها اهل , اتحسن فيها و ادخلها في عايله انا عارف انها تتمني تسوى فيها خير لوجة الله احسن من انها تنحط في جمعيه خيريه ما ينعرف مصيرها بعدها .

 

.
طالع فيه ابوة باكبار و قال من يومك كبير في عيني يا و لدى و دحين زاد قدرك اكثر .

 

.
ابتسم جاسم و رجع طالع في ازهار و قال زين انها عايشه و احسن انها فقدت الذاكره , و الله لو و حدة عاشت اللى عاشتة كان انجنت .

 

.
تنهد و جلس يتامل جسدها و وجهها المتشوة من النفخ اللى فيه ~ ازهار اش الاسم الغرييييب هذا

 

؟

 

, عمرها 25 سنه و لسة ما تزوجت , ليش

 

 

يا تري كيف شخصيتها هالبنت

 

 

الله يعينك يا ابويه على ما جاك , اش بتسوى لو كانت شينه اخلاق ~ , ناداة ابوة عشان يخرج و هو يقول اخرج عن البنت يا جاسم , تراك لسة ما تزوجتها .

 

.
تنهد و رماها بنظره اخيرة و خرج و هو يقول لابوة بمزحة عشان يقنعة انه مسوى هال شي برضاة النظره الشرعيه حلال .

 

.

***************************

( هو ليس هوائيا تحكمة عواطفة .

 

.))

فى الفيلا
يوم الجمعة 19 / 1 / 1427 ة

بعد ما و قع على عقد الزواج اللى صارت مشاكل تدخلوا فيها الكثير عشان يتم و اكثر من الكثير عشان ما يتم و بعد عرضها على مسؤولين في القضاء و الدوله .

 

.

حط جاسم يدة على كتف اختة و سال الجوهره اش فيك زعلانة

 

 

ابويه يبغانى اتزوجها عشان هو يقدر يقابلها و يرعاها , خلى الوضع يهدي بطلقها و اتزوج اللى ابغاها , و هي حتظل تقابل ابوية .

 

.
طااااالعت فيه الجوهره و قالت بشك يعني متاكد ان الموضوع مو هبقه طنت في راسك بعد ما حزنت عليها و اشفقت في لحظه تهور..
ابتسم و قال لا ارتاحى احنا عسكر ما عندنا كانى و ما نى , 1+1 = 2 , و بعدين من متى اخوك يسوى شي ما يقلبة في دماغة ميه مره

 

؟
الله يحفضك و يحرسك , ريحتنى و الله .

 

.
قال بثقه يبغي يغرسها في قلبة قبل قلب اختة فكرى فيها كويس , انا بكره رايح الرياض و ما حاجى على سيره , و عبدالرزاق خلاص سافر فرنسا و ما بيرجع الا بعد سنه , يعني البنت بتاخذ و قتها في الراحه معاكم .

 

.
تنهدت بضيق و قالت الله يسهل و تنقل , و الله جده مى شي بدونك .

 

.
الله يقدم اللى فيه خير , اهم شي خلى بالك على الاهل زين .

 

***********************

وقبل هذا الوقت باكثر من اسبوعين
يوم الخميس 4 / 1 / 1427 ة
الساعة 6.30 الفجر في احدي الفنادق في تبوك
و الله متحممممممممممممسه , متى يجى الليل

 

 

..
مسك عمير المخده و رماها على و جة ازهار كعادتة و هو يقول تراااااااك طفشتينا , لك شهر غاثتنا بهالحماس .

 

.
ضربت المخده و جة ازهار ضربه مباشره خلت عمر يقهقة و هو يقول حلللللللوه ابو مصعب , ضربه مباشره .

 

.
طالعت فيهم ازهار لمن رفعوا يدينهم و صفقوها بخمسه انتصار و قالت هاهاها ما يضحك , و الله لا اشتكيكم لعمورى لمن يجى .

 

.
قال عمر بتريقه انا هنا .

 

.
لفت بوزها و قالت عمورى عمار مو انت .

 

.
قال عمير و هو يلف على اخوة اللى اكبر منه كلنا ندلع عمورى , مو عمورى

 

؟..
قال عمر و هو ينسدح على فخذ امة اللى قاعده تقرا اذكار الصباح للاسف امي و ابوية الله يرحمة من قله الاسامي سمونا هالاسماء .

 

.
ابتسمت بهدوء و مسحت على شعرة من دون ما تشيل عينها عن كتاب الاذكار و رفعت بصرها اول ما سمعت صوت المفتاح في الباب مختلط بدق الباب .

 

.
فزت ازهار و راحت تجرى على الباب .

 

.
اول ما صك عمار الباب و لف شاف خيال ناط عليه يحضنة , ابتسم و قال و بركاتة .

 

.
ردت السلام و رفعت و جهها و ابتسمت له و هي تقول هلا باللى له الخافق يهلى , و حشتنى .

 

.
انمحت ابتسامتها لمن شدت يد خشنه شعرها المتوسط الطول من و ري و شهقت و هي تقول ااااااى عميييييييييييير .

 

.
كانت عارفه من دون ما تلف من اللى يععععشق يشد شعرها و يناكشها باذيه .

 

.
سلم على امة و عمر و جلس و حط التميس و الفول اللى جابة قدام امة و هو يقول الله يصلحهم .

 

.
قال عمر و هو يقوم عن فخذ امة و يستنشق بقوه و الله يبغالهم فرش عشان يهجدون , الله يالريحه .

 

.
ابتسم عمار ابتسامتة الهادئه و قال خليهم مشتاقين لبعض , لهم اسبوعين ما تضاربوا .

 

.
ضحك عمر و قال و الله لو تشوفة الاسبوعين اللى فاتت بعد ما رحتم الاردن قاعد ياكل في نفسة اكل مو لاقى احد يضاربة .

 

.
قالت امة و هي تشوف الاثنين راجعين و هم يضحكون و الله حتى ازهار كل ما شافت شي حلو تحسرت و قالت ياليت عمر و عمير معانا .

 

.
جلست ازهار و قالت و هي تغمز لعمر عمور و الله فااااااااتتك المناظر الحللللوه هناك .

 

.
تنهد و حط يدة على قلبة و هو يقول بتريقه ااااااااخ ياقلبي , ربى عرف الشوكه و سود راسها , الجامعة ما اعطتنى اجازة الا تو .

 

.
جلس عمير يستغفر و هو يدق ازهار اللى قاعده تحط الفطور بعد ما فهم قصدها بالمناظر , ضحكت و قامت تحكى عمر و عمير بحماس عن كل شي شافتة هناك رغم انها ما خرجت كثير بسبب مرابطتها في المستشفي مع امها .

 

.
طبيب امها اللى يعالج ركبها و الانزلاق الغضروفى اللى في عمودها الفقرى نصحهم يسوون عملية لامهم عند طبيب في مصر دلهم عليه و اتفق معاة على كل الاجراءات و لانة عمر اخذ اجازة قرر يطلع لهم و يتقابلون في تبوك عشان يسافرون بحرا من هناك على مصر لانة اوفر في الفلوس اللى يعانون من قلتها حاليا …

**************************

يوم الخميس 4 / 1 / 1427 ة
الساعة 4 العصر في ميناء ضباء التابع لمنطقة تبوك
قبل وقت الاقلاع

اول ما تحركت سيارة الاجره اللى نزلتهم في ميناء ضباء و شافت ازهار السفن على ارصفه الميناء قالت بفرحه يااااااااى اول مره ادخل ميناء , شكلة يهببببببببل , متى نركب السفينه

 

؟..
ضربها عمير على راسها و قال يقلدها بتريقه رخى صوتك يالمطفوقه , متى نركب السفينه

 

 

..
طالعت فيه بضحكة و قالت مو عشانك خايف من السفينه تقوم تتريق عليه .

 

.
قال بكبرياء من قال اني خايف

 

 

و ليش اخاف

 

 

شايفتنى بزر .

 

.
تنهدت و قالت و هي تجر شنطتها ما ادرى من ايش خايف , يمكن يمكن لانك ما تعرف تسبح .

 

.
ضحكوا عليهم لمن بداوا يتناقرون , بعدها جلسوا منتظرين الين خلص عمار اوراقهم و تحركوا للرصيف اللى فيه السفينة , حست ازهار بالانشراح و هي تشوف اللون الابيض و الازرق المميز للسفينه , كان شكلها مهيب بطوابقها المتعددة و الناس المنتشرين على سطوحها و هم يطالعون من الحواجز , حست بشعور مختلط من الحماس و الفرح , هذي اول مره في حياتها تركب عبارة , ابتسمت و هي تقري اسم العبارة عبارة السلام 98 لفت على عمار و قالت عمورى , حلو اسم العبارة مره , هي عبارة مصرية صح

 

 

..
قال بهدوء و هو يدف كرسى امها المتحرك هي حاليا ملك لشركة مصرية لكنها على ما اعتقد اصلها ايطاليه .

 

.
قالت فرحانة بالمعلومه الجديدة اللى حتقولها للبنات يا حركتااااااااااات , اتارينى ما نى هينه راكبة عبارة ايطاليه .

 

.
كان الرصيف مزدحم بالناس اكثرهم من الجنسية المصرية , قال عمير ما شاء الله هذولى كلهم مصاريه , لية

 

؟
قال عمر اش بك راجعين من حج و اجازة .

 

.
قالت امة بمزح الله يخليك لا تجيب سيره الحج عشان ما نرجع لنفس الموال .

 

.
قال عمير و هو يلف بوزة اجل تحسبونى ناسى القهر اللى في قلبي ليش ما خليتونى احج .

 

.
قال عمر يالغيييييييره , تري و الله دعيتلك يوم عرفه , و انت ان شاء الله لاحقها السنه الجايه .

 

.
طالع عمير في السفينه اللى لاحت له من فوق زحمه الناس و قال بتوتر ادرى اعيش للسنه الجايه و لا لا

 

 

و الله السفينه شكلها ما يطمن …
و حس بالاحباط لمن قاموا يضحكون عليه …
كان فيه مدخل واحد كبيييير للعبارة عشان كذا طلبوا من الركاب يطلعون اول لانهم بيشحنون السيارات و الشاحنات و الحقائب بعدهم .

 

.
كانت ازهار تمشي مع عمر و هي تلف يمين و يسار تحاول تستوعب المناظر قد ما تقدر , شهقت بخفه لمن شافت بوفية و قالت اكلللللللل .

 

.
سحبها عمر عشان تكمل مشيها و هو يقول بعدين , ما تفكرين الا في بطنك .

 

.
استغربت لمن شافت الناس متزاحمين على سطح السفينه و تساءلت جوتها عن سبب عدم جلستهم في غرفهم , طلعت عدد من السلالم ما حسبتها و مشيت في ممر يدوب يكفى لشخصين , و لمن و صلت لغرفتهم هي و امها و عمير و شافت ضيقها عرفت سبب هروب الناس للسطح , جلست على السرير المهترئ و عرفت انه اكيد هذا كله بسبب الاسعار الرمزيه للرحله , لكن هذا ما حبطها و لا قلل حماسها لانها عارفه انهم لازم يوفرون الفلوس عشان عملية امهم اللى ما عاد تقدر توقف و تمشي من كثر الوجع .

 

.
شويه كذا جات امها اللى بالقوه تعاونوا اخوانها و جابوها على كرسيها المتحرك و على طول نقلوها السرير و سدحوها عشان ترتاح .

 

.
مسكت جوالها بعد ما لحفت امها و اتصلت على اول رقم في القائمة , و لمن جاوبها البريد الصوتى قالت بطفش مشاعل ترانى بافجر البريد الصوتى اللى ذابحتنى فيه , من حلات الصوت عاد عشان اسيبلك رساله كل شويه , انا في العبارة و ما حتتحرك الا الساعة سبعه و حنوصل 2.30 باذن الله , ادعيلى .

 

.
قال عمر و هو يرتب الشنط اش عندك انتي و مشاعل هذه كل شوى معطيتها تقارير عن تحركاتك .

 

.
لفت بوزها و قالت صحبتى الروح بالروح …
و قف عمار جنبها و سالها باهتمام حتى اليوم ما ردت عليك

 

؟
هزت راسها و قالت و هي تلعب في الجوال بطفش ما سمعت صوتها من زمان , شكلها مشغوله لانة زواجها ما بقى له شي .

 

.
قال بمحبه شيلى البوز اللى ما دتة , اذا و صلنا مصر بالسلامة اخليك تدقين بجوالى , وان شاء الله نرجع قبل زواجها .

 

.
طالعت فيه بابتسامه و قالت الله لايحرمنى منك ياعسل .

 

.
قال عمير بتريقه و هو يدق عمر و تري و دددها تقول لك الله يفكنى منك يابصل .

 

.
ضحكوا عليها لمن بدات تنكر و هي تضرب عمير بمزح , و لان انتظار شحن الاليات حيطول ترجت اخوانها يخرجونها تمشي شوية , و وافقوا الكبار بعد جهد انها تخرج مع عمير وقت الاقلاع عشان تشوف البحر , لكنها اصرت عشان تبغي تشوف على قولتها البحر تحت ضوء الشمس , و عمير اللى ما احد سمعت اعتراضاتة كان و دة يكفخها ليش خلتة يخرج و سط هالزحمه .

 

.

*************************

يوم الخميس 4 / 1 / 1427 ة
الساعة 8.30 في الكبينه
الساعات الاولي من الكارثة

رفعت ازهار راسها عن الكوتشينه اللى ما سكتها في يدها و شمت الهوا و هي تقول اشم ريحه شياط .

 

.
ضحك عمير و قال و هو يرمى و رقه اقول اسحبى و انتي ساكتة , مو عشانك مهزومه تشردين .

 

.
لعبت كم دوره و لمن زادت الريحه شمت مره ثانية و قالت و الله اشم شي .

 

.
قامت امها عن سدحتها و قالت صادقه ازهار اشم ش…
اندق الباب و انفتح على طول و دخل منه عمر و هو يقول في ريحه حريقه غريبة .

 

.
نقزت ازهار و قالت يا ما ما , و الله قلت لعمير ما صدقنى .

 

.
قام عمير و طالع بتوتر في عمر و هو يقول يمكن حرق في البوفية و لا المطبخ .

 

.
و صلتهم اصوات مختلطه عاليه , صك عمر باب الكبينة و قال و هو يفتح الشباك الصغير عمار راح يشوف اش فيه , كملوا لعبكم .

 

.
قال عمير و هو يلم الكوتشينه نكمل بعد ما نشوف اش فيه

 

؟
قالت ازهار و هي تضحك على شكل عمير المتوتر يعني اش بيكون فيه

 

؟
اندق الباب و دخل عمار و هو يقول بابتسامه .

 

.
و ضحك لمن شاف عيون اخوانة ثابتة عليه و قال اش فيكم ما رد السلام الا امي .

 

.
قالت ازهار اش ريحه الحريق هذي

 

؟
قال و هو يهز اكتافة القبطان يقول ريحه شكامانات وان شاء الله ما في شي .

 

.
قال عمير بخوف علينا شكمانات دخاخينها و ريحتها و اصله للغرف , هذي شكمانات العمالقه .

 

.
ضحكت ازهار من قلبها و قالت حلوة شكمانات العمالقه .

 

.
و سكتت و قالت ببراءه الا و اش هي الشكمانات اللى تقولون عليها هذي

 

؟..
قال عمر و هو يسحب عمار بري ما لك دخل خليك في لعبك انتي و اياة .

 

.
و بعد ما صك الباب لف على عمار و قال عمار استحالة هذي شكمانات .

 

.
قال عمار بعد تفكير يمكن شي ثاني بس القبطان ما يبغي يخوفنا .

 

.
لف عمر يمين و يسار الناس كانت تروح و تجى في الممر و ناس تدخل غرفها و ناس تخرج و الكل يناقش موضوع الريحه الغريبة قال بعصبيه ما في احد يعرف نسالة اش صاير

 

 

وين الملاحين

 

 

ليش سايبيننا عمي كذا ما ندرى عن شي

 

 

ما شفت احد منهم من طلعت السفينه .

 

.
رص عمار على عضدة و هو يقول بهدوء اقعد سبح و استغفر احسن لك بدل العصبيه اللى ما بتفيدك و خلينا ندخل كبينتنا احسن من الوقفه في الممر..
فك الباب و قال لعمير عمير احنا في الكبينه اذا احتجتوا شي قولوا لنا .

 

.
بعد فتره صمت طويله
طالعت ازهار في عمير بعد ما حست ريحه الحريق كل ما لها تزداد و قالت تتوقع داسين عننا شي

 

؟..
قال عمير و هو يخرج بشويش عشان امة نايمة خليك جالسه هنا اروح اشوف و اجى .

 

.
مسكت فيه و قالت بخلعة عميرو على وين

 

؟
قالت امة اللى انتبهت لاصواتهم عمير على وين

 

؟
فلت كم ثوبة من ازهار و قال و هو يعدل قبعتة اشوف الوضع و اجى على طول .

 

.
لبست ازهار عبايتها بسرعه و هي تقول بحماس باروح معاة .

 

.
قالت امها و هي تحاول تقوم بتعب ازهار لا تخرجين .

 

.
قالت ازهار بروح لعمار و عمر في الغرفه اللى جنبنا و اجى على طول .

 

.
اول ما خرجت مشيت شوية في الممر و هي مهى عارفه اي غرفه هي غرفه اخوانها , و شهقت لمن شافت مجموعة رجال متزاحمين في الممر و هم يصارخون بعصبيه يبغون يروحون للقبطان , و قبل ما تتحرك راجعه حست بيد تمسكها , لفت بخوف .

 

.
اش مطلعك من الغرفه ست ازهااااار

 

؟..
تنهدت براحه و قالت عمر , كنت ادور عليكم

 

 

عمير خرج من .

 

.
فتح عيونة على اخرها و قال بعصبيه خرج

 

 

خرج و يييييييين

 

؟
ما ادرى قال اااااااا .

 

.
صرخت بقوه لمن حست بكوع يضربها على ظهرها , ضمها عمر و قال بصوت جهورى بشويش لو سمحتم , ما انتم شايفين حرمه و اقفه .

 

.
و سحب ازهار و دخلها الغرفه و قال لا تخرجين سامعه , الوضع ما يسمح .

 

.
و قال لامة اللى طالعت فيه بترقب امي اجيب عمير و اجى .

 

.
نزعت ازهار نقابها و فكت الطرحه و هي تقول بخوف ما ااااامااااااا .

 

.
ضمتها امها و هي تقول بهدوء ان شاء الله ما في شي , قومى اقرى قران اشغلى نفسك .

 

.

**************************

وقف عمار مع حشود الرجال الثايرين عند باب كبينه القياده و هم يصارخون على القبطان و قال للصعيدى اللى جنبة مو احسن نروح نلبس ستر النجاه بدل الوقفه اللى ما تفيد عشان نعرف الوضع اللى مهم راضين يشرحونة بالضبط .

 

.
قال الصعيدى بلهجتة القوية الوضع و اضح يا بية دا العبارة بدخن من ادام و عمالين يكدبوا و يؤلوا حريق بسيط في المطبخ و مسيطرين عليه .

 

.
سمع بوضوح واحد سعودي يقول ساعة شكمانات و ساعة حريق في المطبخ , تكذبون على مين

 

؟
جا واحد من و سط الزحمه يصرخ حرييييييييق حرييييييييق في الشاحنه تحت , حريييق .

 

.
لمن كثر الهرج و المرج و بدات الاصوات تعلى و تختلط مع ضربات على كبينه القياده سحب عمار نفسة و نزل على طول للغرف , انصعق لمن شاف الدخاااااان الخانق و الناس متزاحمة في الممر عشان تخرج , حريم على رجال من مختلف الاعمار , حشر نفسة و سطهم يحاول يمشي عكسهم عشان يوصل للغرفه , كان كل ما يتقدم خطوتين يرجع ثلاثه , قال واحد ما عرف جنسيتة مر من عندة ارجع ارجع الدنيا تحترق .

 

.
حس بقلبة ينقبض لمن لاحظ سحب الدخان تملي المكان بشكل منذر بالخطر القريب , قام ينادى بصوت عالى حاول قد ما يقدر يخلية يعلى على صوت الجموع الخايفه المختلطه ببكي الاطفال عمر , عمير .

 

.
لصق في حافه الممر و قام يزحف بكل قوتة .

 

.

**************************

نزلت ازهار مصحفها و قالت بخوف ما ما الدنيا هايجه و الدخان فضييييييع .

 

.
ما نزلت امها عينها عن مصحفها , لفت ازهار بوزها و قالت ياليت عندي برودك و هدوئك .

 

.
انفتح الباب بقوه خلتها تفز بخوف , و انفجعت لمن شافت عمر قدامها حالتة حالة و ثوبة مقطعة ازراره
قالت امها بخوف عمر .

 

.
قال بهدوء قد ما يقدر و هو يسحب شنطه صغيرة من شنطه السفر بسرعه لازم نخرج من هنا .

 

.
طالعت ازهار في الناس المتقاتله بري و شهقت لمن طاح رجالين من قوه التدافع جوه الغرفه , قال عمر و هو يسحبها و يلبسها عبايتها بسرعه مو و قتة .

 

.
قالت امة و هي تلبس عبايتها اش فيه

 

 

عمير و ينة

 

؟
دخل عمار في هذي اللحظه و هو يشاهق من كثر ما انفاسة منقطعة و تبادل نظره معبره مع عمر اللى رمي له الشنطه الصغيرة و مسك ازهار و هو يقول الجوازات , يلا نخرج , عمير بري اكيد .

 

.
فجاه و صلهم صوت صراخ فضيع مختلط بصوت ناس يقولون حريقه , بسرعه حريقه .

 

.
عمر بحكم قوتة الجسديه اللى تنافس عمار , جلس على الارض من دون تردد و قال لامة بسرعه امي امسكى بسرعه , الكرسى مستحيل يمشي في هالزحمه .

 

.
حست ازهار بضربات قلبها تسرع و هي تشوف عمر يشيل امة بكل قوتة و عمار يقوله امشي قبلى و انا و ازهار و راك عشان ما اخلى احد يدفك بسرعه .

 

.
خرج عمار و فرد يدينة بسرعة قدام الناس و خلي عمر يخرج , و صرخ بازهار المتنحه ازهاااااار .

 

.
ضمت شنطتها الصغيرة لصدرها بقوه كانها حبل النجاه و جريت له ضمها بقوه و خلاها تمشي قدامة و هو يصد الناس الجاريه بظهرة عشان ما يدف احد عمر اللى بدا العرق ينزل من جبينة من كثر الحراره و المجهود اللى باذلة .

 

.
كانت ازهار تمشي بخطوات غير متوازنه بسبب الزحمه محشوره بين عمار اللى رافع عبايتها عشان ما يدعسها و امها المشيوله على ظهر عمر اللى كان صوت لهاثة يوصلها من شده المجهود الخارق اللى يبذلة , كانت مشاعرها مختلطه , خوف من اللى يصير ممزوج بعدم تصديق و ترقب فضيع و تخمينات مخيفه للمستقبل القريب , و كان في بالها شي واحد يتردد ~ هذا ممكن يصير لكل الناس , في الافلام , في الروايات , لكن مستحيل يصير لى , اكيد انا في كابوس ~ قال عمار لمن شاف الدنيا تهوج اكثر ارفعى غطاك عشان تشوفين .

 

.
قالت باصرار لا .

 

.
فجاه التدافع اللى خلاها تصدم في جدار الممر بقوه و هي مهى شايفه اش اللى جاها خلاها تتاكد انها مهى في كابوس , مستحيل الكابوس يخليها تتالم بهالشكل و مستحيل يخليها ما تصحي و هي تشوف عمر قدامها يطيح و معاة امة , صرخت و هي تحاول تمسك امها ما اااااماااااا لااااااااااااااا عمر .

 

.
صرخ فيها عمار و هو يسحبها بقوه و يلصقها في الجدار لا تندقيييييييين .

 

.
و وقف مكانة ما سك في داربزين الممر بقوه و هو فارد يدة و هو يصرخ عمر قووووووووم , عمر .

 

.
شهق عمر بقوه و هو يصرخ اميييييييييى , سامحينى يا امي .

 

.
كانت امة تحاول تكتم انينها المتوجع عشان ما تخوفهم و هي تقول بصوت خافت ما فينى شي .

 

.
كانت الدموع بتتفجر من عيون ازهار لكنها كتمتها بقوه لانة مو و قتة تصيح و تبهذلهم , شويه شافت ثلاثه رجال صعايده و اقفين مع عمار مسوين حايط صد و واحد فيهم يصرخ بسرعه شيل الحجه , بسرعه .

 

.
عمر شال امة بمساعدة ازهار و تحركوا بسرعه و الرجال الثلاثه ما شيين معاهم , لمن طلعوا الدرج و خرجوا لسطح السفينه توقعت ازهار انه الفرج , لكن تحطم كل شي فيها لمن شافت زحمه النااااس و تخبطهم في بعض و سط ظلام الليل و بخار الحريق و اضح في السماء , قال عمار لا حول و لا قوه الا بالله , لا حول و لا قوه الا بالله , يا رب استر , يا ربى رحمتك و سعت كل شيء .

 

.
قال عمر و هو يتنفس بصعوبه و بصوت مسموع عمار وين نروح

 

؟
صرخت ازهار لا شعوريا لمن حست بميلان في السفينه و مسكت في عمار و هي تقول بنغرق .

 

.
و بدات صرخات الحريم تعلى و اصوات بكي الاطفال يزيد , تخلت امها لاول مره عن هدوءها و هي تطالع يمين و يسار و هي تقول بصوت خايف يميل للصراخ عمير و ينة

 

 

عمير و لدى و ينة

 

 

تراة ما يعرف يسبح , اخوكم ما يعرف يسبح .

 

.
قال عمار و عقلة يدور بلا هواده في تفكيرات عميقه ان شاء الله انه بخير .

 

.
و تبادل نظره مع عمر كانت تقوله بخوف ~ امي ما تعرف تسبح , و رجولها ما تساعدها , و عمير ما ندرى و ينة , و ازهار لا يمكن تعرف تسبح في هذا الموج القوي ~ و كان عمر يصرخ جوتة ~ و الله عارف , الله يستر , لازم نتصرف بسرعه يا عمار مو معقوله بنقعد و اقفين كذة ~ شافوا الناس كلهم يتحركون نحو جهه اليسار بحسب اوامر الملاحين اللى طلعوا فجاه عشان يوازنون السفينه اللى بدا ميلانها يزيد نحو جهه اليمين اللى الدخان يخرج منها كانها بركان ثاير .

 

.
قال عمر بامل عمار شايف السفينه البعيده اللى تاشر لنا هناك .

 

.
لف عمار يطالع لمؤخره السفينه فشاف سفينه بعيده مو و اضح منها الا اضواءها بسبب الظلام, و كان شكلها كانها تاشر لهم .

 

.
قال عمار ان شاء الله انها جايه للمساعدة , شفتيها يا زهرة .

 

.
من يوم نادها باسم الدلع عرفت انه يحاول يبث فيها العزيمه و عدم الخوف , ابتسمت و قالت و هي تهز راسها شفتها .

 

.
تحركوا مع المتحركين و تحاشروا جهه اليسار و الصخب كل ما له يزيد رغم محاولات القبطان و الملاحين تهدئه الجو …
تحرك عمار بعد لحظه صمت سادت بينهم و قال بحزم وين ستر النجاه

 

 

الناس لبسوا ستر النجاه و رجعوا فكوها و اكثرهم ما عندة ستر , خلوكم هنا باروح اجيب ستر و اشوف فين عمير مره و حدة .

 

.
لقى واحد قاعد يوزع ستر على الناس فراح له عشان يساعدة و هو يدعى من قلبة انه يلقي عمير .

 

.
كانت ازهار ما سكه في حاجز الدور الثاني من السفينه و جنبها عمر اللى ما سك في الحاجز بيد و باليد الثانية مثبت امة و راة , طالعت ازهار تحت و انفجعت لمن شافت الناس كانهم في الحج متحاشرين و يصارخون و هم يركبون قوارب النجاه , كانوا بلا شعور يتصارعون زي الوحوش على القارب , لفت على عمر و قالت و هي تهزة عمر قوارب النجاه , لازم نركب قوارب النجاه .

 

.
و صرخت لمن شافت ناس ينطون من الدور الثاني على الدور الاول من الحدايد و الحبال كله عشان يوصلون لقوارب النجاه , و حست بالخوف يملي قلبها لمن شافت رجال يدف الثاني اللى طاح من قارب النجاه على البحر عشان يركب مكانة لصقت في عمر و هي دوبها تستوعب ان الموضوع فعلا غرق , طالعت بالم في الناس اللى معاهم اطفال و عجايز , هذولى اش بيسوون لا غرقوا , شافت عمار جاى من بعيد و معاة سترتين نجاه , حست بشويه انتعاش تلاشي مع تعالى اصوات الصراخ و النواح لمن ما لت السفينه بعنف خلي توازن عمر يختل و تنفلت امها منه , صرخت بكل قوتها و هي متشبثه بالحاجز ما اااااااماااااااااا .

 

.
و حست بقلبها ينقبض لمن شافت امها معلقه بيد عمر اليسار اللى مسكها بقوه و هو لاف الحاجز بيدة اليمين , سمعت صراخ الناس يزداد بشكل مرعب لفت لعمار و انصدمت لمن لاحظت انه مختفى على مد بصرها و شافت بنت عمرها سنه تهوى من بين يدين امها و تتزحلق على ارضيه سطح السفينه مع ناس كثير و تخرج من و سط حدايد الحاجز الثاني للمجهول , صرخت امها و فلتت نفسها و راحت و ري بنتها و زوجها يصرخ باسمها و هو ضام ولد عمرة 5 سنين تقريبا ما يت صياح , سمعت صوت غريب فرفعت راسها عن الهول اللى تشوفة و انصعقت لمن شافت لاول مره دموع عمر الغزيره تبلل لحيتة و هو يقول بصوت مخنوق و هو راص على اسنانة امسكى فيه يا امي الله يخليك , ما عاد انا قادر امسكك , الله يخليك لا تفلتينى , لا تفلتينى .

 

.
و مع ميلان السفينه اكثر و اكثر كانت يد امها تنزلق من يدة شوية شوية , كان و دها تساعد تسوى شي , لكن السفينه صايره كانها زحليقه , و قبل ما تتحرك شافت يد امها تنفلت و تتزحلق على الارضيه مع ناس كثير و تصدم في الحاجز صرخت بطول صوتها و هي بتنط و راها ما ااااااااااماااااااااااااا لاااااااااااااااااا …
صرخه عمر و هو ينادى امة بحرقه طغت على صوتها و هو يفلت يدة و يرمى نفسة و ري امها , غمضت عيونها لمن شافت امها تنزلق من و سط الحاجز قبل ما يوصل لها عمر اللى نط يلحق بها , كانت تبغي تلحقهم تسوى شي لكن الخوف خلاها متعلقه في الحاجز و هي تصيييييح و قبل ما تدرك اش يصير ما لت السفينه بزاويه حاده صرخت ازهار و هي تمسك في الحاجز اللى صارت شبة متدلية منه من شده الميل , كان الصراخ و صوت الاشياء اللى تنزلق و تتكسر حوليها يزيد من رعبها و هي تطالع في يدينها العرقانة من كثر الخوف و هي تتفكك ببطء مميت , انفلتت من الحاجز في لحظه غير متوقعه و في غمضه عين لقيت نفسها تسبح و سط اللا مكان قبل ما تصدم في شي قاسي و لين سمعت له انين قوي و حست باجسام ثانية تصدم فيها قبل ما ترجع تطيح و سط الظلام , فاقت من الظلام الغريب لمن حست ب شي بارد يلفها من كل جانب , بروده مويه البحر الاحمر فوقتها و خلتها تستوعب هي فين و قبل ما تتمالك اعصابها شهقت فدخلت المويه المالحه في خشمها و فمها و حسستها بخنقه خلقت عيونها تجحظ و لمن اخذت تضرب بيدينها المويه عشان تطلع للسطح حست العبايه تلف حولينها …

  • روايه عمدما عبرو حدود ااضلام فيس بوك
283 views

عندما عبروا حدود الظلام