12:37 صباحًا الثلاثاء 20 نوفمبر، 2018

فطائر رمضانية


صور فطائر رمضانية

 

بمناسبه شهر الخير حبيت اخبركم عن عجينه خياليه
جربيها وماراح تندمي بالعكس بتعتمديها في كل شي يختص بالعجين

وانسي شي اسمه مخابز او حوسه عجين باذن الله

عجينتي من زمان جدا وانا معتمدتها ولله الحمد ولاعمري سويتها الا يسالوني جاهزة او شغل البيت

نجي للمقادير

نضع بخلاط الكاس المقادير التاليه


فنجال قهوه حليب ناشف .

.

نيدو او اي شركة ثانية
فنجال قهوه سكر
فنجال شاي زيت
كاس ماء
ذره ملح
ملعقة ونص خميره .

.

ملعقة الاكل

نخلطها بالخلاط زين

بعدين نصبها في وعاء العجن قدر او اي وعاء تستخدميه

ونضيف عليها كاسين وربع دقيق طحين اي نوع تفضليه

بالنسبة لي استخدم الكويتي

وابداي بعملية العجن
اعجنيها بكل قوه خلي الهواء يدخلها
لمدة 10 دقائق تقريبا
شيليها من فوق لتحت بالقدر واضربي فيها بقوووه
بتلاحظي انها تخمرت بيدك شي بسيط

بعدها غطيها زيين وحطيها بمكان دافي مدة ساعة الى ساعتين

ملاحظات مهمه لنجاح العجينه

1 لازم يكون الدقيق والخميره بحراره الغرفه يعني مايكونوا باردين ابدا
2 الماء المستخدم بالعجن يكون دافي لاحار ولابارد
3 اذا حسيتي العجينه لينه مره وانتي تعجني فيك تضيفي شوي دقيق .

.
4 غطي العجينه ولفيها بفوطه منشفه واتركيها بمكان دافي دولاب او اي مكان اخر
5 عند فرد العجينه لازم تنثري دقيق قبل على مكان الفرد وتحطي العجينه وتنثري فوقها ايضا دقيق وبعدها تبدي بالفرد

الحين اصبحت العجينه جاهزة معاك
سوي اللي تبين

بيتزا صغير
افردي العجينه وقطعيها بالكاس قطع متساويه

رصيها بالصينية واتركيها شوي لين تنتفش

واضيفي عليها لمساتك زي ماتحبي
بالنسبة لي دهنتها كاتشاب
بعدين مفروم دجاج مستوي من قبل
بعدها فليفله وبصل وزيتون وجبن موزريلا

وحمريها

وهنا قرون الفلفل
فرغي الفلفل من حبوبه واحشيه اي حشوه تحبينها بعدين افردي العجينه وقطعيها خطوط طويله ولفيها على الفلفل زي الاقماع بالضبط

142 views

فطائر رمضانية