قصائد منوعة قصيرة

آخر تحديث ب20 سبتمبر 2020 الثلاثاء 5:07 مساء بواسطة صلاح جابر


قصيرة من الاشعار اهديها لكم:

لاتشتكي للناس لاضاق صدرك …. الناس ما تملك مسره و لا ياس

الناس مثلك حالهم مثل حالك…. و الكل من مر الليالي شرب كاس

ولا تحسب انك بالتعاسه لحالك…. اعرف ترى عايش معك بالشقا ناس

ارجي السنين المقبله تنصف الحال … عقب السنين الي مضت لي حزينه

مشيت كل دروب الايام رحال… طال الشقا و الحزم طالت سنينه

وكل من نشد و يقول و ش هي الاحوال… اجامله بالرد و اقول زينه!!

بحجز على لندن تذاكر و ترحيل …. و اخذ بدل هالقلب قلب صناعي

قلب صناعي ما فيه احساس و يميل …. و طيفته للدم يعطي اندفاعي

والقلب الاول ارسله لك بمنديل …. و اقول خذ ذلك الاسباب =بضياعي

بعض العرب من جور الايام مجروح…. و بعض العرب دله و سالي و مرتاح

مرتاح ما شاف الطباشير و اللوح …. و لا راح و قته بين تحضير و صياح

حصه نشاط و بالتعاميم مذبوح …. و بين الاحتياط و بين الاشراف سواح

خزنت لك بالقلب عشره ملايين…. ما هو رصيد فلوس لكن موده

زكاة حبك هي غناة المساكين…. من الساحل الشرقي الى حد جده

بمشي معك و الله على العسر و اللين …. الموت و المقسوم ما حد يرده

ابيك تدري صوتك العذب لاغاب ….احس نفسي تنكسر من غيابه

كذا غيابك للحزن يفتح ابواب…. غصب على البس شقاه و ثيابه

ادمنت صوتك و ان تثيقلت كذاب …. من يعشقك لاغبت يفقد صوابه

محد يشق القلب من غير تفكير …. حتى الكاتر ترتجف بعدها تحتار

الحب يشق القلب من غير تخدير …. و يبني قصور بداخل القلب و انهار

هذي نصيحه قلتها بصدق و تعبير …. و ارسلتها للي حافظن كل الاسرار !

لا لاتلوم القلب يوم انه اغلاك…. و ش حيلتي مدام قلبي عصاني

غصب على قلبي يوديني هناك…. جيت اشتكي لك من عذاب الزماني

ياروح روحي و ش حياتي بلياك…. لاشفت زولك ارتبك بمكاني

ان غبت عني تظلم الدار و الحي … و ان غاب غيرك ما عسرني غيابه

انا بدونك زهره ما لها ري…. بين الهشيم و تستغيث بسحابه

مصفره الاوراق مقطوعه الفي …يبكي لها سيح الشام و هضابه

النار تكوي ضامري كي… و الفكر متشتت و فاقد صوابه

كان الوفا ينجب رجاجيل و عيال عز الله انك واحد من رجاله

و قفت لعيونك على طول طولي محد عطيته من الغلا نصف ما جاك

اقول بنفسي و انا اعايد الناس متى بشوفك تكمل افراح عيدي

لو نظرت بعين قلبك شفتني ما معي مخلوق يستاهل غلاك

اموت حسرةوقهرلوانت تنساني و ارضى اعيش بسجن بس انت سجاني

فقع قلبي ثقل طينك و مع شينك طويل لسان تغلىليش من زينك تحسبك قايدالغزلان

رسالتك لي فجرت بقلبي الشوق و زاد الحنين لشوفتك ياحياتي

اطلب تدلل بس لا تطلب الشوف و شلون اشوفك و انت ما خذ عيوني

عمر المسافة ما تعيق المحبين و يبقى الغلا و الشوق و لوهم بعيدين

اشهد انك رفيعة ذوق حساسة..واشهد انك ارق الناس و اطيبها!!

انت القمر و الا القمر صورة منك و الا ان ربي خلق منكم اثنين

خذ عيوني معك لا نويت تغيب بعدك ما به من يستاهل اشوفه

يازين صوتك لامر بين الاسلاك و شلون لاجا مع الصوت صورة

ياليتني جوالك و تضمني بيدينك و اقرب من الشفة و ابوس خدينك

يا و ليف الروح لو طال الغياب لا تظن انك عن الخاطر تغيب

حاولت احبك زود عن الناس و اثري نسيت الناس من زود حبك

ليت الفرح بدنيتك دايم الدوم و ليت الحزن لاغاب طول غيابه

يمك حداني الشوق ما ني مخير و الي حداه الشوق معذور لو صاح

امر تدلل بس لا تطلب الشوف و شلون اشوفك و انت ما خذ عيوني

ارسل لغيرك و الرسايل تجي فيك كن الرسايل حالفة ما تخونك

قدرك كبير و صحبتك ترفع الراس فوق الغلا تملك و سام الصداقه

ناس لها بالقلب حشمه و تقدير و ناس تجي و تروح محد فقدها

مقدر اقاوم لحظة البعد و نساك شف دمعتي من طاري البعد سالت

1٬109 views