5:28 صباحًا الأربعاء 27 مارس، 2019

قصة صفقة زواج

روايه صفقه زواج

البارت الاول

فى احد احياء الشعبيه….
انتى ياختى كفاياكى نوم، قومى فزى يلا
فرح: حاضر قايمه اه
كريمه مرات ابو فرح خمس دقايق و الاقيكى قدامى فاهمه..
فرح: حاضر ، هصلى و جايه
كريمه طيب ياست الشيخه…ثم ضحكت ضحكه مستفزه و ذهبت
كريمه: ياسمينه حبيبت ما ما .. روح قلبهاا يالهوى على القمر ياخواتي
ياسمين بمياعه: ميرسى يا ما متى ياحببتى … فين الفطار
كريمه بصوت عالى انتى يازفته اخلصي…حضرلنا الفطار
فرح بعد ان انهت صلاتها يارب انت العالم بحالى ، ساعدنى يارب
………………………………………….. …
دعونى اعرفكم على هذه الاسره
كريمه مرات ابو فرح … تزوجها ابو فرح بعد وفاه زوجته … كانت فرح في عمر ال 10 عاما … و طبعاا هتعرفواا مع الاحداث طبع هذه السيده …
فرح فهى فتاه جميله للغايه و حنونه جداا… تدرس في كليه التجاره
اما و الد فرح عم عبد الله): فهو يعمل ساعى في احد الشركات الكبرى التابعه لمجموعه الشاذلي
ياسمين بنت كريمه و هى في سن فرح بس مثال للبنت .. و هتعرفوا في الحلقات الجايه.. و في كليه الاداب
………………………………………….. ………….
ياسمين انا همشى بقى .. عشان متاخرش على المحاضرات
كريمه ما شى ياحببتى خلى بالك من نفسك
كريمه و هى تنظر لفرح بكرهه .. فقد اعتادت فرح على تلك النظرات و المعامله القاسيه قبل ما تروحى جامعتك نضفى البيت ، و اغسلى المواعين .. عايزه اصحى من النوم الاقى كل حاجه تمام فاهمه …
فرح بحزن حاضر
………………………………………….
انهت فرح كل ما تفعله كل يوم من تحضير الفطار و تنظيف المنزل … فهذا هو عملها كل يوم .. و اذا لم تفعل فستحرم من دراستها التى عانت بشده كى تستطيع ان تكملهاا
مي(صديقه فرح كل ده يافرح اتاخرتى ليه يابنتي
فرح معلشى يا مى ما انتى عارفه
مى باسف على حال صديقتها معلشى يافرح .. ربنا ان شاء الله هيعوضك خير .. و هانت فاضل لينا سنه و نتخرج … و متحتاجيش لحد
فرح طب و بابا ..يامي
مى بتفكرى فيه .. و هو عمره ما فكر فيكى و ديما بيجى عليكى بسببها … و الله ما يستاهل ان يكون ليه بنت زيك
فرح لا يامى متقوليش كده … انا عذراه و مسامحاها المهم ربنا يخليهولى .. انا مش ليا حد غيره في الدنيا ديه كله
مى بحب طيب يلا بقى عشان المحاضره ياهانم
فرح بضحك بينا ياكبير….
………………………………………….. ………..
في احد المنازل الراقيه .. منزل يشبهه القصر حقاا..
صباح الخير ياماما .. اخبار صحتك ايه
امينه(وهى تجلس على كرسى متحرك: الحمدلله ياحبيبى ..
كريم وهو يقبل يدها ربنا يخليكى ليا ياست الكل .. هاا ام محمد جبتلك الفطار .. و لا لساا
امينه اه ياحبيبى فطرت و اخدت الدوا بتاعى .. ربنا ما يحرمنى منك
كريم بحب و لا منك يارب

نعم فهذه هى عائله الشاذلى …(من اكبر اصحاب الشركات في الشرق الاوسط … و كريم هذا هو من و ريث هذه الامبراطوريه الضخمه بعد وفاه و الده ..
اما امينه فهى و الدته ..اصيبت بالشلل بعد وفاه زوجها المحب الى قلبها من 5 سنوات .. فبعده لم ترغب بالحياه و لا اي شئ و اصبحت منفرده بنفسهاا تماما و تجلس دائما في غرفتهاا …

احم احم عارفه ان البارت صغير.. بس انا قولت اديكوا نبذه عن القصه …
و طبعاا انتوا لسا ملحقتوش اوحشكم .. و طبعا زهقتوا منى .. هههههههههه

طبعاا القصه لسا موضحتش … وان شاء الله اقدر اخلى القصه ديه احلى من الى قبلهاا … يارب بقى تعجبكم و بكره ان شاء الله بارت كبير

  • روايه صفقه زواج
  • رواية صفقة زواج
  • قصة صفقة زواج البارت الاول
  • قصه صفقة زواج
  • تحميل رواية صفقه زواج
  • رواية صفقة زواج البارت الثالث
  • قصة صفقة زواج البارت الثاني
  • روايه صفقه
  • روايه حب بعد زواج
  • قصه صفقه زواج
1٬876 views

قصة صفقة زواج