1:09 مساءً الأحد 18 نوفمبر، 2018

قصيدة شعر بمناسبة عيد ميلاد


صور قصيدة شعر بمناسبة عيد ميلاد

كل سنه و انت بخير وعيد ميلادك سعيد

كل سنه و انت يا غالي اجمل ايام العمر

كل سنه وحبك في قلبي يا بعد عمري يزيد

كل سنه و انت رفيقي وصاحبي واغلى البشر

ليش تسالني وتدري انه الجواب عندي اكيد

يعني معقوله انا انسى يوم ميلاد القمر

حافظ التاريخ والله مهما كنت عنك بعيد

مستحيل انساه لو ينسى النحل ريح الزهر

ايش اقدم لك هديه ما يوفيك القصيد

انت اغلى من هدايا الكون يا احلى قدر

ودي لو اهديك روحي ولا قلبي والوريد

كل ما تطلب حلالك لو طلبت حتى النظر

الهديه ماهي الا رمز والرمز ما يفيد

لا تظن اني بوافق اشتري غرشت عطر

يا عطر عمري وحياتي يا قديمي والجديد

هاك خذ عمري هديه والله يفداك العمر

المهم تكون راضي وغير هذا ما اريد

ما اريد الا اشوفك نجمه في عز الظهر

وما ابي غيري يشوفك خلني في قلبك وحيد

لا تظن في حد غيري يحبك انت هالكثر

بحتفل فيك وبغني وبكتب اشعار وقصيد

الله يالايام تمشي كنها في لحضه تمر

انطفت عشرين شمعه يالله عقبال المزيد

ما اصدق هذا انته طفل بسرعه كبر

الله يخليك لاهلك يا عسى عمرك مديد

وتبقى لي يارب يارب قدوه واعجاب وذخر

واحيا قربك طول عمري وابقى في ظلك سعيد

وتبقى انت في حياتي اجمل ايام العمر

كل سنه وانت بخير وعيد ميلادك سعيد

كل سنه وانت رفيقي وصاحبي واغلى البشر

 

422 views

قصيدة شعر بمناسبة عيد ميلاد