3:11 صباحًا الخميس 15 نوفمبر، 2018

قصيدة لعيد ميلاد


صور قصيدة لعيد ميلاد

كل سنه وانته بخير وعيد ميلادك سعيد
كل سنه وانته يا غالي اجمل ايام العمر

كل سنه وحبك في قلبي يا بعد عمري يزيد
كل سنه وانته رفيقي وصاحبي واغلى البشر

……………………………….

ليش تسالني وتدري انه الجواب عندي اكيد
يعني معقوله انا انسى يوم ميلاد القمر

حافظ التاريخ والله مهما كنت عنك بعيد
مستحيل انساه لو ينسى النحل ريح الزهر

……………………………….

ايش اقدم لك هديه ما يوفيك القصيد
انته اغلى من هدايا الكون يا احلى قدر

ودي لو اهديك روحي والا قلبي والوريد
كل ما تطلب حلالك لو طلبت حتى النظر

……………………………….

الهديه ماهي الا رمز والرمز ما يفيد
لا تظن اني بوافق اشتري غرشت عطر

يا عطر عمري وحياتي يا قديمي والجديد
هاك خذ عمري هديه والله يفداك العمر

المهم تكون راضي وغير هذا ما اريد
ما اريد الا اشوفك نجمه في عز الظهر

وما ابي غيري يشوفك خلني في قلبك وحيد
لا تظن في حد غيري يحبك انته هالكثر

……………………………….

بحتفل فيك وبغني وبكتب اشعار وقصيد
الله يالايام تمشي كنها في لحضه تمر

انطفت عشرين شمعه يالله عقبال المزيد
ما اصدق هذا انته طفل بسرعه كبر

……………………………….

الله يخليك لاهلك يا عسى عمرك مديد
وتبقى لي يارب يارب قدوه واعجاب وذخر

واحيا قربك طول عمري وابقى في ظلك سعيد
وتبقى انته في حياتي اجمل ايام العمر

كل سنه وانته بخير وعيد ميلادك سعيد
كل سنه وانته رفيقي وصاحبي واغلى البشر

 

358 views

قصيدة لعيد ميلاد