افضل مواضيع جميلة بالصور

كلمات اغنية الكفن فستان الفرح

 

ايوه انا لبست كفن مش فستان فرح وبقالي شهرين بموت في كل لحظة من الحزن
والتعب ومكنتش موافقة عليه ولا بطيق اشوفه بس حصل وتم الزواج بمباركة الاسرتين لاني باختصار
من صغري موعودة بالزواج منه لان ابويا وابوه اولاد عم وكمان شركاء في الشغل وامي
وامه من طبقة سيدات النوادي اللي بيخرجوا من بيتهم الصبح ميرجعوش غير باليل ويقضوا يومهم
بين الشوبنج والمطاعم والنادي يعني كان جوازي منه كان واقع لازم يتحقق ويوم الفرح كان
تحصيل حاصل مش اكتر
جوزي ده لو اخر مخلوق في الكون عمري ما ححبه ابدا لو اقول انا بكرهه
اد ايه الكره قليل علي اللي جوايا نحيته وببغضه وبقرف منه ومن اسلوبه وطريقة حياته
رغم انه عاش واتولد ميسور الحال الحمد لله لكن طريقة كلامه واسلوبه في التعامل مع
الناس كانه اتربي في حظيرة بهايم مش في بيت انا فاكرة من يوم اما وعيت
علي الحياة وهو كانه الظل اللي ماشي في كل مكان ورايا بس ياريت كان بحب
ولطف ومودة لا ده حتي وهو طفل كان لا يطااااااااااااق كان يضربني ويكسر لعبي وكانت
مامته تقوله عليا دي عروستك يا ****** وده خلاه يتعامل معايا من صغري علي اني
لعبه مش انسانه وهو كان طفل مدلل لدرجة تقرف ومن صغره كل كلامه اوامر انا
فاكرة مرة كان عندي 7 سنين وهو جوزي اساسا اكبر مني بست سنين مسك مقص
وقصلي شعري بوظه واما ماما سالته ليه عمل كده قاله ماهي عروستي اللعبة اعمل فيها
اللي انا عايزة ويومها امي معنفتهوش نهائي بالعكس الحكايه قلبت ضحك وهزار وتريقة عليا وانا
ماسكه شعري وبعيط وهو بيشاور عليا ويضحك ومواقف كتير شبه كده من صغري فكراها واجمل
حاجة بقه سنين المراهقة ياااااااااااااااسلام عليها طبعا الاولاد في السن ده كتير منهم بيتعرض للبنات
بالتحرش عشان يثبت لنفسه انه كبر وبقي راجل وليه الباشا جوزي يروح يتحرش بواحدة غريبة
وعروسته اللعبة اللي بابي ومامي اشتروها ليه موجوده انا كل اما بيلمسني بفتكر ايام زمان
وببقي نفسي امسكه اضربه بالجزمة ازاي انسان فضل سنين يتحرش بيا في الاخر يتجوزني وابقي
زوجة ليه وواجب عليا طاعته وعلي فكرة هو اتاسفلي علي اللي فات بس في ساعات
كلمة اسف او الاعتذار بيبقي مش كفايه بيبقي مينفعش اصلا
وفي ايام الجامعة كان مسود عيشتي ومخليني امشي ابص ورايا من الخوف والقلق لانه كان
كل شويه يجيلي الكليه من غير سابق معاد وطبعا الباشا ظابط يعني محدش كان ممكن
يحاول يقرب مني رغم اني كنت بتمني ايام الكلية اني اقابل انسان احبه زي كل
البنات وكنت بتخيل دايما ان الانسان ده حيبقي اقوي من جوزي وحيضربه وحيتجوزني وحيعوضني الايام
اللي شفتها
يوم الفرح انا مش حنساه ابدا كان اسود يوم في عمري رغم ان فستاني كان
لونه ابيض كنت شيفاه اسود وكنت شايفة وشوش الناس كانهم مجانين بيصوتوا ويهلوسوا وكان جوه
مخي خبط ولغبطه وافكار غريبه وهو كان عمال يصقف ويرقص مع صحابه وانا فضلت عيني
تدمع وماما ولا هي هنا واما شافتني بعيط قالتلي ياحبيتي دي دموع الفرحه ياعمري ههههههههه
ازاي ام متفرقش بين دموع الحزن ودموع الفرحة في وش بنتها
يومها اما دخلنا البيت وطيت علي رجله وبوست جزمته انه يسبني في حالي وميقربش مني
اليوم ده انا بدعي ربنا انساه ومفتكرهوش تاني ابدا بقالي شهرين حاسة اني من كتر
الاحساس بالالم فقدت الاحساس وبقيت زي حته التلج وهو ولا فاااااااااااارق بياكل ويشرب وينام وبيرقص
معايا كمان ههههههههه اه والله العظيم
هو في انسان للدرجة دي مش بيحس وساعات اما اجيي اكلمه مثلا عن الحب عشان
ابقي عايزة احسسه من بعيد لبعيد اني بكرهه لان حكايه اني اتطلق منه دي معدومة
الامل بس انا عايزة اوصله انه لازم يغير معاملته معايا يقولي انتي عروسه بلاستك وهو
البلاستك بيحس انتي طول عمرك بلاستك انا بحس ان الكلمة بتخرج منه نصها هزار ونصها
جد لانه كبر وادرك عن الاول بس لسه رواسب الطفوله في مخه موجودة وانا طبعا
من صغري لعبته اللي كانت بتسليه
الشهادة لله هو اقرب لربنا مني وبقاله سنه متابع مع شيخ بيحفظه قران وبيصلي الفرض
بفرضه وانا كمان الحمد لله بصلي بس انا حاسه ان في قلبي اسي من اللي
مكتوبلي وحاسه اني مكسور بخاطري اوي وعمري ماقررت قرار في حياتي حتي الحجاب هو اللي
غصبني البسه وانا في اولي كليه وانا كان نفسي يبقي ده قراري انا من نفسي
مش هو اللي يقولي حتتحجبي عشان انا عايزك تتحجبي وانا اساسا عمري مشفتلنا خطوبة هو
جواز علطول لاني من وانا عندي 6 سنين ماما تقولي انتم مخطوبين لبعض من يوم
اما اتولدتم وكانت اول كلمة قالهالي اما دخلنا البيت خلاص كده ياعروستي مش حتخرجي بوشك
تاني عشان حلبسك النقاب وقام مطلعلي لسانه ياه دي حركة بتضايقني اوي انه كل اما
يامرني بحاجة يطلعلي لسانه زي العيل الاهبل اللي عنده 7 سنين كانه لسه عايش ايام
الطفوله وهو بحكم شغله مسيطر لابعد الحدود وعنيف جدا مش عايز يسمع في البيت صوت
غير صوته هو وبس وكمان صوته ده عبارة عن زعيق وشخط وانا مقولش غير نعم
وحاضر لو مرة طلب مني حاجة وقولتله ماشي يقولي ايه ماشي دي انتي عامله زي
المجرمين اللي عندي في السجون وطبعا العلاقة بينا اكتر حاجة بكرهها في حياتي كلها بس
ولا فارق معاه كانه فعلا عايش مع عروسه بلاستك كل شويه يجبليي وردة هههههههه تخيلوا
اه والله ويحطها في ايده ويعفصها قدامي ويفضل يضحك ويطلعلي لسانه ويقولي اجدد طريقة لحبيب
بيجيب ورده لحبيبته عشان وردة قليلة الادب مسمعتش الكلام وحعفصك زيها لو مسمعتيش كلامي وكمان
بيضربني من صغري كاني ولد بيلعب مع ولد عشان هو انسان بارد وغبي عقابه ضرب
وهزاره بالضرب يعني مثلا ابقي نايمة يضربي بالقلم او علي قفايا عشان يصحيني من النوم
ولو مسافر مثلا يرجع يضربني علقة ممكن اعيط بسببها يقولي عشان وحشتيني فاانا بعبرلك عن
اشواقي وحبي ومرة والله حطلي ايدي في الكلابشات اربع ساعات لحد اما ايدي اتعورت وبرضك
بيفضل يخضني كتير في البيت لدرجة اني بمشي اتخيله موجود ورا حاجة وحيخضني ومن يوم
الجواز مانعني اخرج بالعربية بتاعتي ومخرجش غير معاه او مع ماما او مامته بس لوحدي
لالالالا انا عارفة ان طلاق يعني مستحيل انا بس عايزة اعرف ازاي اقدر اعيش معاه
وازاي اخليه يبطل يهزر معايا بالضرب ازاي ابقي قوية واقدر اتكلم معاه واما ابقي عايزة
اعمل حاجة ازاي بالكلام اقنعه بيها وبعدين برضك انا بخاف منه اوي لاني قصيرة اوي
عنه وجسمي ضعيف جدا لدرجة انه كل اما يجيي اعلان بتاع ممدوح فرج يفضل يقولي
النهارده مصارعه حره بقه ويفضل يشيل فيا ويهبدني ويقولي ها دافعي عن نفسك ويضحك وانا
طبعا مش بعرف اعمل حاجه بس من ساعة الحمل وهو بطل الحركة دي وبيقولي اما
يجيي النونو حخليه من صغره بطل في الغتاته والمصارعه الحره وانا خايفة اجيب بنت تتعذب
وتتكرر معاها ماساتي لانه مينفعش يكون اب لبنت ابدا وبدعي ربنا اخلف ولاد بس ارجوكم
انا عارفة ان مشكلتي ممكن تكون فيها حاجات مضحكة بس هي بجد مشكله وبتخليني اعيط
وانا في حاجات كتير محكتهاش لانها مضحكة اكتر من كده كمان بس ليا بتبقي عذاب
والله

  • كلمات اغنية الكفن فستان فرح
  • كلمات اغنيه الكفن فستان فرح
  • كلمات الكفن فستان فرح
  • اغنية الكفن فستان فرح مكتوبة
  • كلمات اغنية فستان فرح
  • كلما اغنيه اهي ماتت
  • كلمات اغنيه الكفن فستان الفرح
  • اغنيه كفن فستان فرح مكتوبه
  • الكفن فستان فرح كلمات
  • اغنيه كل الحكاية اني الحياة أسود
السابق
العقول الراقية
التالي
اجمل بوسترات للامتحانات