11:41 مساءً الثلاثاء 11 ديسمبر، 2018

كنت احسب اني نسيتك


كنت احسب اني نسيتك
من بعد ما كنت احسب اني نسيتك ،

،
مدري شجابك على البال و ذكرتك ~
و لا وعيت الا و انا قدام بيتك ،

،
ما تقول اني قبل مدة هجرتك ~
ذا مكاني لا غفا الليل و سريتك ،

،
شف كم لي ما سريت و لا سهرتك ~
و ذا مكانك لا تضايقت و جفيتك ،

،
و شف كم لك ما ترجيت و عذرتك ~
و ذا مكان قلوبنا لحظه هويتك ،

،
فيه عمري اختصرته و اختصرتك ~
واقف و كني من احزاني بنيتك ،

،
جسر ما بين الزمانين و عبرتك ~
اتذكر وش خذيت و وش عطيتك ،

،
يوم كنت انقاض و بحبي عمرتك ~
و اتذكر ساعة انهوك و بديتك ،

،
كيف بجروحي عن جروحي سترتك ~
و كيف بعت احلام عمري و اشتريتك ،

،
و كيف كنت اشنع هزيمه و انتصرتك ~
و كيف كنت الملح و لكني رويتك ،

،
و كيف كنت الزيف و لكني ذخرتك ~
ادري اني جد من قلبي بغيتك ،

،
و ادري اني رغم كل هذا خسرتك ~
انتظرتك عمر حتى اني لقيتك ،

،
و القهر مدري على ويش انتظرتك ~
كنت احبك .

.

كنت .

.

لكني سليتك ،

،
و ما بقى سلمته الريح و نثرتك ~
و انت لا تزعل اليا مني رثيتك ،

،
بعد ما خنت و توفيت و قبرتك ~
و الله اني لا حزنت و لا بكيتك ،

،
مثل ما عمرتك بقلبي دمرتك ~
بس تدري ليش عقب غيابك جيتك ،

،
و اهتدت رجلي على بيتك و زرتك ~
بشكرك على اخر طعونك فديتك ،

،
ليلة فراقك نسيت و ما شكرتك ~

160 views

كنت احسب اني نسيتك