4:35 صباحًا الإثنين 20 مايو، 2019

كيفية عمل المكياج السينمائي بالاساس

جبتلكم طريقة عمل مكياج السهرات بالشرح و الصور يارب يعجبكم

اولا نبدا بتنظيف البشره بقطعة قطن و بالمنظف الخاص و المناسب لوجهك

وهو عبارة عن لوشن او تونك يزيل اي اتربه او شوائب من الوجة .

 

صور كيفية عمل المكياج السينمائي بالاساس

(2)
استخدمى ال”Pan stick” بدرجه غامقه شوية, و لتجهيز البشره للمكياج

يوزع الكريم على منابت الشعر و الذقن و الجبهه و يوزع كويس بالاسفنجه الخاصة

بطريقة متساويه تغطى كل البشرة..

وكل ما ننزل لتحت نفتح شويه لون كريم الاساس او ال”Pan stick” المستخدم,

الدرجه الغامقه على اطراف الوجة و تفتيح كريم الاساس يكون حول العين و الشفاه

والتفتيح يكون باضافه درجه افتح او ترطيب اسفنجه .

 

صور كيفية عمل المكياج السينمائي بالاساس

وتوزيع الFoundation على الرقبه مهم جدا و لا نهملها ابدا عند وضع كريم الاساس،
و تكون بنفس درجه اطرف الوجة .

 

(3)
تحت العين بنستعمل لها كريم اساس فاتح جدا عشان تدارى الهالات السوداء
و تدى شكل حلو خاصة بعد ما نحط بودره على ال”Pan stick”..
دى طريقة سهلة،

 

يعني مش محتاجه تكوني خبيره تجميل عشان تحطى المكياج ده..
بالنسبة للبودره لازم نحطها الاول على كف اليد .

 

(4)
تحت العين هي اول منطقة نضع عليها البودره و بعدها باقى الوجه،
و نستخدم فرشاه “الروجاجو” الكبيرة عشان ازاله البودره الزياده من الوجه..

بعد كدة نحط بودره فاتحه جدا و بتلمع تحت العين و دي بتساعد في اظهار ال”eye shadow”
الغامق فوق العين و شكلها حلو جدا.

 

و بعد وضع البودره نسرح الحواجب
بفرشاه مخصوص لازاله اثار البودره من عليها .

 

(5)
نبدا حسب اللبس نختار الالوان،

 

لو الفستان تركواز و البنت عينها فاتحه نستخدم اللون
التركواز جوة العين و باللون الاسود نحدد العين من الخارج
و من منبت الرموش نمشي بالقلم الاسود و نحدد شكلها بحيث ما تكونش
فيه مساحه فاضيه بين الرمش و بين الجفن .

 

(6)

وعشان نعمل ال”smoky eye” نحط بفرشاه صغيرة ال”eye shadow”
الاسود على الخط المعمول بقلم الكحل بعدها نسيح ال”eye shadow”
فوق العين و بنفس الطريقة العين الثانية..

وبنفس لون الفستان نحط eye shadow في كسره العين بطريقة الBanana..
و طبعا استخدمت هنا التركواز عشان الفستان تركواز
و نستخدم في الحركة دى فرشاه مدوره..

 

و بفرشاه اكبر شويه نسيح اللون في منطقة
الجفن من فوق عشان ما يكونش فيه فرق بين اللونين،

 

و يكون كله طبيعي..
و هي دى ال”smoky eye .

 

(7)

وبعد كدة الماسكرا نشد الجفن و نحطها عكس الرموش عشان
الرموش كلها تتغطي بالماسكرا..

 

و لو المناسبه فرح لازم تستخدمي
رموش صناعيه و هي سهلة جدا..

 

بتلزقى الرموش في اول العين و في الطرف..
و بعد كدة نحط ما سكرا،

 

و عشان تكون الرموش شكلها طبيعي تغمضي
عينك لمدة 3 دقائق لتثبيت الرموش .

 

8)

تحت العين نحط “eye shadow” و نغمق اللون من عند الطرف و كل
ما ندخل على جوة نفتح شويه شويه .

 

(9)

دلوقتي دور ال”eye shadow” الفضى تحت العين و من بداية
العين في الركن نبدا نحط الفضي.

(10)

نحدد الحواجب بالقلم البني..

 

حتى لو البنت حواجبها سوداء لازم نستخدم القلم البنى .

 

وبعدين نبدا نفتح تحت الحاجب بال”eye shadow” الابيض الفاتح و يكون بيلمع شوية,
لابراز المنطقة دي،

 

و بتظهر شكل ال”eye shadow”.

(11)

خلصنا العين و دلوقتى دور الروجاجو او “Blusher” و نختارة بدرجه مناسبة
لتدريجات الوان العين… اللون المناسب هنا هو الروز .

 

(12)

نحدد الشفايف باللون الفاتح و عشان العين غامقه فالروج من
الافضل يكون روز و نحطة بالفرشاه الخاصة بالروج.

 

النهاردة الموضه ال”glitters”
على الشفاة السفليه فقط شكلها بيكون حلو في الصور و بيظهر قوي مع مكياج العين .

 

(13)

نحط “glitters” تحت الحواجب كمان…

وبكدة هتكوني احلى بنت في المناسبه سواء كانت فرح
او خطوبة او السهر .

 

* يارب اكون جبتلكم مكياج حلو يكون نال اعجابكم ان شالله يارب *في انتظار رايكم *

  • طريقه عمل مكياج السينمائي
576 views

كيفية عمل المكياج السينمائي بالاساس