10:04 مساءً الخميس 17 يناير، 2019

كيف اضبط حواجبي

 

بالصور كيف اضبط حواجبي 20160907 1657

 

حاسه ان و شك مش متناسق
و انك ممكن تكونى احلي و اجمل من كده
بس مش عارفه ايه السبب؟!
و لا يهمك من اي حاجه خالص

لاننا دلوقتى حالا هنقولك على السبب
شوفى يا قمر السبب في كده هو انك اكيد مش مهتمه بشكل حواجبك و ده لان الحواجب المرتبه المتناسقه مع بعضها بتدى للوجه مظهر انيق على عكس طبعا الحواجب غير المترتبه و غير المتناسقه مع بعضها…..واكيد طبعا انت زى كل البنات بتخافى انك تروحى للكوافير علشان البنت بتعمل لك بسرعه جدا و انت بشرتك مش بتستحمل او لانك مش فاضيه تروحى كل يوم و التانى للكوافير.
طيب ايه رايك لما تبدئى بنفسك تنظفى حواجبك في البيت بنفسك و تشيلى منها الشعيرات الناميه على جنب علشان مظهر حواجبك يكون حلو و بكده تضمنى انك تخلى شكلهم و حجمهم زى ما انت عايزة..
و علشان محدش يفهم كلامنا غلط احنا بناكد اننا عايزينك تنظفيهم من غير ما تغيرى شكلهم يعنى من الاخر كده من غير ما ترفعيهم و لا تعمليهم تمانيات و لا سبعات و لا ترسميهم علشان ما تدخليش في حرمانيه يعنى من الاخر كده العمليه هتقتصر على عمليه تنظيف بسيطه تقومى انت بيها بنفسك.
اكيد مش مصدقه انك ممكن تعملى كده
لا صدقى و دلوقتى هتشوفى ازاي؟!

 

الادوات اللى هتحتاجى لها..

 

 

مراه كبيره او مراه مكبره تحطيها بالقرب من اي مصدر ضوء زى مثلا بجوار شباك او لمبه علشان تعكس الضوء على و جهك و تقدرى تشوفى اي شعر صغير موجود حوالين حواجبك.

 

الملقاط بس خدى بالك انه يكون طرفاه محكمى الاغلاق على بعضهما و مفيش فيهم اي خدش علشان يساعدك تشيلى الشعر من غير ما تحسى باى الم او يسبب لك اي خدوش او جروح على جلدك.

 

مقص حواجب و ده بيكون صغير و رفيع و هتستخدميه في حاله واحده بس و هى انك تقصى شعر الحواجب في حاله لو كان الشعر ده فعلا طويل و محتاج يتقص.

 

فرشاه للحواجب و دى بتكون عباره عن فرشاه صغيره الحجم و لو مش عندك ممكن تجيبى فرشاه اسنان قديمه او فرشاه ما سكرا قديمه و تنظفيها جيدا و تستخدميها في تمشيط شعر حواجبك.

 

“بودره تلك” او “طبق فيه قطع ثلج” او “ميه ساقعة” و دول هتحتاجى لهم بعد ما تخلصى عمليه التنظيف وفايدتهم انهم هيساعدوكى على ترطيب بشرتك بعد ما تخلصى الموضوع ده لان فيه بنات كتير بشرتهم حساسه جدا و ممكن تتعرض للالتهابات علشان كده بننصحهم يحطوا بودره التلك على جلدهم او يمرروا قطعه ثلج على جلدهم او يغسلوا و جههم بالميه الساقعه علشان يتخلصوا من اي التهابات او احمرار ممكن بشرتهم تتعرض له بعد عمليه ازاله الشعر الزائد.

 

اول و اهم حاجه المفروض تعمليها هى انك هتقفى قدام المرايا و تبصى لحواجبك كويس و ده علشان تعملى دراسه لشكل حواجبك و تشوفى انت عايزه تشيلى ايه بالضبط و ممكن ترسمى بالقلم الاسود خط على المكان اللى هتشيلى منه الشعر….بس خدى بالك كويس انك لو حاسه انك مش هتقدرى تظبطى لنفسك الموضوع ده يبقي ممكن تروحى الكوافير و تنظفى حواجبك هناك اول مره و بعد مرور اسبوع تبدئى بنفسك في ازاله الشعر اللى لسه طالع اول باول بنفس الطريقه اللى بنتكلم عليها دي.

 

هتبدى تدهنى حواجبك او المنطقه المجاوره للحواجب باى نوع كريم عندك بس خدى بالك انك تحطى كريم على خفيف و ده فايدته انه بيسهل عمليه ازاله الشعر،

بعد كده هتجيبى فرشاه الحواجب و تبتدى في تمشيط حواجبك الى اعلي و تجيبى الملقاط و تبتدى في ازاله الشعر الموجود اسفل الحواجب بالراحه و باكد كلامى تانى لازم تكونى متاكده ان ده فعلا الشعر الزائد عن الحواجب نفسها اللى انت عايزه تشيليه و ده لانك لو شلتى شعره بالغلط فدى هتغير من شكل حواجبك و هتاخد وقت طويل حوالى اسبوعين على ما تطلع تاني…

ويا ريت تبتدى بالشعر الزائد الموجود اسفل الحاجب و بعد ما تخلصى تبتدى تمشطى حواجبك الى اسفل و تشيلى الشعر الزائد الموجود اعلي الحاجب،

و بعد كده تبتدى في تمشيط حواجبك الى اعلي و تقصى الاطراف بشكل متساوى و بعد كده تمشطيها لاسفل و تقصى الاطراف من اسفل..وبكده تبقى انت خلصتي..

اعتقد انه موضوع سهل و مش هياخد منك غير ربع ساعه و بس.

 

وعلشان اكون عملت كل اللى على في الموضوع ده عايزاك تكونى حاطه في بالك الكام نقطه دول:

1 احلي حاجه في الدينا ان يكون لك شكل خاص بك علشان كده مش عايزاك تقلدى حد و تختارى رسمه حواجب زى حد و ده لان كل بنت لها شكل خاص بها و طبعا شكل الحاجب الاصلى هو المناسب لعينيك و لوجهك.
2 ان موضه الحواجب الرفيعه اللى على شكل 8 و اللى انتشرت منذ فتره اختفت تماما و الحمد لله انها اختفت و ده لانها كانت بتدى للبنت شكل اكبر من سنها علشان كده عايزاك دايما تبقى عارفه ان الحواجب الرفيعه بتخلى الوجه يبان كانه اكبر سنا لكن الحواجب العريضه نوعا ما بتدى الوجه شكل اجمل و احلى.
3 احسن و سيله لتنظيف شعر الحواجب هى الملقاط و الفتله و اوعى تسمعى كلام اي حد يقولك استخدمى “الشمع” او “السويت” و ده لان الاثنين دول بيكونوا السبب في ظهور التجاعيد في سن مبكر في جلد الوجه بالذات.
4 لازم تهتمى دايما بحواجبك و ده عن طريق تسريحهم بفرشاه الحواجب اللى عندك في البيت،كمان ممكن تجيبى قطنه فيها زيت الخروع و تمسحى بيها حواجبك..

كمان لازم تهتمى بتنظيف حواجبك بالمستحضر اللى بتسخدميه في ازاله الماكياج من العينين و ده علشان تتخلصى من اي تراب او غبار ممكن يتراكم في شعر الحواجب.
5 خدى بالك ان افضل وقت تقدرى تشيلى فيه اي شعر زائد هو بعد الاستحمام مباشره و ده لان الجلد في الوقت ده بيكون رطب و هيساعدك تشيلى الشعر من غير ما تحسى باى الم.

  • صور كيف ازبط حواجبي
  • كيف اجعل حواجبي جميلة
  • كيف اجعل حواجبي جميله بدون عمل
485 views

كيف اضبط حواجبي